قرار بالانفصال

[icehearted girl]

ايه بس هو مش موضوع الرسالة اللى جت بالايميل خلاص اتحل
والا حد مزعلك نلم العصابه "حق" الاسكندرانية بقيادة شنورى والعصابة "حق" وسط الدلتا و شرقها بقيادة د. أحمد فارما و مركز القيادة فى القاهرة بقيادة أ/ كريم
ونشوف مين له شوق فى حاجة وندحرجله السلام بتاعنا

عيب عليك..مين داللي يستجريدنا عصابتي لوحدها ممتدة بطول الجمهورية كلها..من اول الهرم لآخره

الله ينور عليك هوه ده الكلام المظبوط

طب منا في حد مأيد كلامي اهو استاذ احمد كمال

ولونه خيب ظنني كنت متخيلاه ان مشاركاته لوحدها فلموضوع دا هتعدي ال 300

مهو اي موضوع فيه ففشكلة جوازة بيدوس فيه رهواااااااااااااااان

--------------------

معلش مداخلة سريعة استرعي انتباهي رد الاستاذ maybe


1_انا مش قادر ادعيلها


حضرتك اوعي تستلم للموضوع دا

وياريت متكففش عن الدعاء بيها

والله والله عن تجربة..حال ناس كتير منصلحش غير بدعاء الاقربين ليهم

دا الدعاء بيرد القدر... وفالاول وفالاخر سواء زوجتك ام لا فهي أم ابنك ودي حقيقة ممتقدرش تغغيرها او تنكرها وكل الكلام دا هيعود علي ابنك فيوم لانتسابه ليها

ففياريت تستهدي بالله وتستعيذ به من الشيطان اللي بيصرفك عن الدعاء لها

[SeiffoZ]

بعد ما قرأيت الموضوع ده و الردود كلها ...

أعترف إنى أختلف معاكم فى حاجات ....

بس بردوا عندكم حق فى حاجات مكنتش واخد بالى منها ...

الخبرة ليها ناسها

[adel_2346]

في الاخلاق و العادات و الشخصية و التدين ...... الجاهز احسن من التفصيل

السطر ده فيه الخلاصة

[احمد عبدالله]

و الله أنا قولت زيك كد بالظبط

[mahmoudysf]

السلام عليكم
الموضوع ده قريت فيه اراء وحاجات كتير معظمها صح لاكن نسينا اهم حاجة
لما حدثنا الرسول صلى الله عليه وسلم عن الزواج قال
تنكح المرأه لثلاث لدينها ومالها وحسبها ونسبها
فاظفر بذلت الدين تربت يداك صدق رسول الله صلى الله عليه وسلم

[waelfarid]

قريت اول صفحة وتعليقي
مبروك الانفصال
وربنا يوفقك للاحسن
و


استعدل قبل ما تستعجل

measure twice;cut once

[a_tantawy7]

اخواني واخواتي الأعزاء يمكن عشان المنتدى ده بحس اني فيه وسط أهلي هحكي تجربة حصلت لي الفترة اللي فاتت .

الحاج والحاجة انتوا عارفينهم كويس اول ما الواحد بيستقر في حياتو العملية وبياخود مركزو يبدأ موضوع الزن في الارتباط والجواز المهم طبعا شفت كتير نظام صالونات , لغاية ما لقاء من اللقاءات الصالونية اتعرفت على بنت من خلالو واعجبت بيها على الرغم اني في فرق سن ما بينا حوالي 7 سنين بس حسيت انها انسانة كويسة وباباها راجل محترم وهادي واخواتها البنات على الرغم انهم اكبر منها ومش متزوجات بس حسيت من تعاملي معاهم انهم بجد اخواتي ( مامتها متوفية) .
المشكلة اللي كنت شايفها في الاول على الرغم انهم متربيين كويس نقطة الحجاب وانا اعرف ان في بنات كتير مش محجبات واكثر تدين من بنات محجبة ومش محجبة في طريقة اللبس والتعامل وكل حاجة وربنا يهدينا جميعا .
المهم عملنا قراءة فاتحة وقلنا نخلي الخطوبة بعد شهرين لأن ماما كانت تعبانة شوية وكان صعب انها تتحرك وتنزل من البيت .
وبدأت اتعرف على البنت وبدأت اثير نقطة الحجاب ليها ان باباها بياخود ذنبها ولازم تتحجب عشان ده فريضة شرعية , في الاول كانت بترفض رفض تام وبتقولي مش هتحجب خالص وبعد كده تقولي سيبني مع نفسي وانا هاجي اتحجب في وقت ما .. وعلى الرغم من كده كنا بنتخانق كتير بسبب الموضوع ده ,
الأيام مرت ونزلنا نجيب الشبكة مع بعض وكانت اختي معايا واختها الكبيرة كمان معانا , كانت يومها لابسة جيبة عند الركبة ونص كم طبعا انا اتخانقت معاها وقلتلها ازاي تنزلي كده من البيت كده مينفعش وقلت اعدي الموضوع لغاية ما اليوم يعدي وجيت بعد كده راجعتها في المنظر ده وقلتلها انا مش من الرجالة اللي تكون مبسوطة ان خطيبتو او مراتو في المستقبل تمشي كده في الشارع ، ردت وقالتلي انا بلبسلك كده عشان تكون مبسوط قلتلها العكس هو الصحيح عمري ما اسمح انك تنزلي كده عشان انتي هتكوني حته مني وانا مينفعش ولا اقبل ان الناس تبص عليكي .. المهم الموضوع قفل بخناقة بس قالتلي خلاص انا بعد كده هلبس طويل ومش هلبس اللبس ده بعد كده ( السؤال اللي بسألو كان فين باباها في الوقت ده وهي بتنزل كده , مامتها اكيد لو كانت عايشة ربنا يرحمها اكيد كانت رفضت الشكل ده في نزولها ) .
شوية بشوية وانا بتعرف عليها قالتلي انا ليا اصحاب جروب بنات واولاد وبنزل مع بعض بس في مشكلة صغنونة ان الولاد والبنات دوول بيشربوا سجاير وبيشيشوا بس انا ولا بشرب معاهم سجاير ولا بشيش انا مجرد باجي اقعد معاهم ........... طبعا اول ما سمعت كده تنحت وكنت مذهوول وفضلت واقف شوية كده مش مستوعب الكلام وبعد كده بدأت الرد وقلتلها طبعا اكيد سيادتك بتقعدي معاهم في غرزة مش مكان محترم قالتلي لأ ده مكان واماكن محترمة جدا قلتلها واضح وطبعا كالعادة الموضوع قلب خناقة وفضلت فترة متكلمش معاها لغاية ما وعدتني انها خلاص هتقطع علاقتها بالعيال ده خالص .
وربنا وحدو اعلم اني كنت كل شوية بقولها وبسألها صليتي فروضك قرأتي قران لأننا لازم نشجع بعض على التقرب من الله .
هي مش بتاعت شغل اشتغلت حوالي شهرين ومستحملتش وكل شوية تيجي متنرفزة ومتعصبة فا قلتلها طالما مبسوطة من قعدت البيت خلاص اقعدي وانا فعلا كنت ناوي اقعدها بعد الجواز وكنت بشجعها على الشغل في الفترة ده عشان تسلي نفسها بدل من قعدت البيت وهي فاضية كده .
المهم فعلا سابت الشغل وقعدت في البيت واكتشفت انها مدمنة على الــ (facebook)وده بردو كان احد الخناقات لأن كان ليها اصدقاء علييه كتير بنات واولاد وكانوا عايشين فضى فظيع بردو عليه وكل اسرارهم على الفيس بوك
جيت واتكلمت معاها وقلتلها مينفعش كده ولازم تخفي منو شوية انا مش بقول تسيبيه بس بلاش كده لأنك مدمناه زائد الاولاد اللي عليه وطريقة كلامهم قلتلها مينفعش حد يتكلم معاكي بالمنظر ولا بالشكل ده خالص لازم يبقى في احترام في التعامل
لغاية الجمعة اللي فاتت كان عيد ميلادها وبدأت بردو العيال ده يبعتولها تهنئة بمناسبة عيد ميلادها وكنت بشوف التعليقات (كل سنة وانتي طيبة يا جميل ، يا حلوة ، يا أمورة ، واحشاني اوي ) وده كانت تعليقات اولاد للاسف – كرامتي ساعتها ورجولتي نقحت عليا واتخانقت معاها خناقة كبيرة وقررت اني اروح لباباها اتكلم معاه واقولو على كل الكلام ده طبعا كلامو كان مسكن بس ومش كلام حاسم اللبس وقولها لازم يكون محتشم (طيب انت فين ) انت ولي أمرها ؟؟؟ , الفيس بوك قلتلوا لازم تمسح العيال الفاضية ده وتقلل من استخدامو شوية .. طبعا مردش , الحجاب وقلتلو لازم تتحجب قالى قولها عليه وشوية شوية هتعمل كده بس متفرضش عليها ومينفعش انك تشرط عليها انها تلبس الحجاب قبل كتب الكتاب . المهم اديتها هديتها وخلصت الزيارة ورجعت البيت وقررت اقفل الموبايل بتاعي .
وفضلت يومين مش بكلمها خالص وحتى لما كنت بفتحو عشان اعمل تليفون بيجيلي منها ميسد بس مكنتش برد عليها .
لغاية ما اخدت قراري يوم السبت اني انفصل عنها بعد فترة اختبار شهرين
قبل فترة الخطوبة وكان فاضل على الخطوبة اسبوع واحد .
طبعا هي جالها الخبر زي الصاعقة عليها وحاولت تكلمني ومش برد لدرجة انها جابت تليفون شغلي على الرغم انا مش مديهولها وكلمتني في المكتب رديت وقلتلها مينفعش نتكلم الكلام ده هنا قالتلي طيب كلمني على الموبايل . المهم كلمتها وقلتلها انا قررت القرار ده لمصلحتي ولمصلحتك انا مش هخنقك بكل اللي بطلبو منك وانتي كمان طريقتك مش هتتناسب معايا انا انسان متربي تربية محافظة وحاجات كتير اعترضت عليها من البداية وانتي مش مستوعبة ده بردو عشان كده انا اخدت القرار بالابتعاد وربنا يوفقك يارب , ردت وقالتلي انا هعملك كل اللي انت عايزو وهتحجب وهقطع علاقتي بأي صداقات فيها اولاد وهقفل الفيس بوك , رديت وقلتلها كنتي لو فعلا بتحبيني كنتي عملتي كده الحب مش كلمة بتتقال وبس ده احساس وشعور وتفاني واخلاص لكل طرف عشان يسعد الطرف التاني وانتي كنتي عارفة كويس اوي اني راجل شرقي ومش بقبل بكل الحاجات اللي كنتي بتعمليها وبردو اصريتي عليها . وقفلت معاها وطبعا حاولت تكلمني كتير ومسجات بس كنت أخدت القرار خلاص .

قولولي رأيكم انا حابب اسمعو خصوصا انا كنت عامل زي القطة المغمضة واكتشفت منها حاجات كتير وسلوكيات غريبة في المجتمع المصرى وانا معرفش عنها حاجة بحجة انها انفتاح وتطور .

الحاجة التانية الجواز مش لعب ولازم كل طرف يدرس الطرف التاني كويس اوي لغاية ما يحس انو فعلا شريك حياتو وهو الانسان اللي هيعيش معاه بقيت عمرو اللي ربنا سبحانه وتعالى كاتبو ليه وخصوصا الزوجة لأنها هتكون ام اولادي وهي اللي هتربيهم وهي اللي هتحفظني في عدم وجودي

والله مش عارف أقولك ايه,
أنا مريت بموقف زي ده بالظبط, وكا ماتكلم يقولولي أنتا رجعي و بعدين هي مش بتعمل حاجة غلط, لحد مسيبتها في الاخر بعد الكثير من الخسائر النفسية.

[AhmedGen2]

امتى نبطل نحكم على الناس؟ من أعطى لنا الحق نصدر أحكام على غيرنا؟ ، اختلاف ثقافات أدى لإنفصال ، موضوع وانتهى بنحكى فيه ليه؟. ليه التحيز لطرف و التنقيص من الطرف الآخر؟ لمجرد ان سلوكياته لا تتوافق معنا؟.

تعرف ايه انت عن اللى بتلبس جيب ولا بتشرب شيشة ولا عندها ولاد عالفيسبوك؟ تحكم ازاى عليها و على أهلها كدة؟ خلاص كل واحدة تلبس جيب أصبحت عاهرة؟ من أعطاك الحق أن تنقص منها أو من غيرها؟

من حقك تستنكر شرب الشيشة!
لكن مش من حقك أبداً تشوف واحدة بتشرب شيشة تسب وتلعن فيها وفى أهلها أو حتى تذكرها بسوء! "شوف دى بتشرب شيشة!! دى أكيد وأكيد وأكييد ..!!"

اظفر بذات الدين تربت يداك؟!! هو المفروض ان اللى بيحصل دة اسمه دين؟ ... لما كان الرسول يأتيه واحد يشرب الخمر وكان يعزر يعنى يضرب وكل أسبوع يرجع للخمر تانى ويضرب فالصحابى جنب الرسول قال اللهم ألعنه! ما أكثر ما يؤتى به ، كل شوية جاى يشرب خمر ، فالرسول (ص) قال لا تلعنه انه رجل يحب الله ورسوله رغم انه يشرب خمر! وكان بعد ما يعزر يأتي إلى الرسول يسمر معه.

القصة دى معناها ايه؟ معناها انك انت يا متدين لما تخرج وتشوف واحدة بتشرب شيشة ولا واحد خارج من ديسكو سكران ، لا تحكم عليه ، تعرف ايه عنه وعن حاله؟. سيب الناس فى حالها وخليك فى حالك!

للأسف الموضوع أكثر منه عادات وتقاليد عن أن يكون تدين.

[أحمد كمال]

يعني حضرتك شايف ان الاختلاط عادات و تقاليد مش دين .... و قعدة البنات عالقهاوي او سكر الرجالة في الديسكو عادات و تقاليد مش دين ..... و لبس الميني جوب عادات و تقاليد مش دين .....؟

[Terrible_DaRsH]

امتى نبطل نحكم على الناس؟ من أعطى لنا الحق نصدر أحكام على غيرنا؟ ، اختلاف ثقافات أدى لإنفصال ، موضوع وانتهى بنحكى فيه ليه؟. ليه التحيز لطرف و التنقيص من الطرف الآخر؟ لمجرد ان سلوكياته لا تتوافق معنا؟.

تعرف ايه انت عن اللى بتلبس جيب ولا بتشرب شيشة ولا عندها ولاد عالفيسبوك؟ تحكم ازاى عليها و على أهلها كدة؟ خلاص كل واحدة تلبس جيب أصبحت عاهرة؟ من أعطاك الحق أن تنقص منها أو من غيرها؟

من حقك تستنكر شرب الشيشة!
لكن مش من حقك أبداً تشوف واحدة بتشرب شيشة تسب وتلعن فيها وفى أهلها أو حتى تذكرها بسوء! "شوف دى بتشرب شيشة!! دى أكيد وأكيد وأكييد ..!!"

اظفر بذات الدين تربت يداك؟!! هو المفروض ان اللى بيحصل دة اسمه دين؟ ... لما كان الرسول يأتيه واحد يشرب الخمر وكان يعزر يعنى يضرب وكل أسبوع يرجع للخمر تانى ويضرب فالصحابى جنب الرسول قال اللهم ألعنه! ما أكثر ما يؤتى به ، كل شوية جاى يشرب خمر ، فالرسول (ص) قال لا تلعنه انه رجل يحب الله ورسوله رغم انه يشرب خمر! وكان بعد ما يعزر يأتي إلى الرسول يسمر معه.

القصة دى معناها ايه؟ معناها انك انت يا متدين لما تخرج وتشوف واحدة بتشرب شيشة ولا واحد خارج من ديسكو سكران ، لا تحكم عليه ، تعرف ايه عنه وعن حاله؟. سيب الناس فى حالها وخليك فى حالك!

للأسف الموضوع أكثر منه عادات وتقاليد عن أن يكون تدين.

انت فاهم الموضوع غلط اصلا .

الرجل بياخد راى الناس فى الجوازة دى و الناس نصحته انه يبعد عن التربية دى و السلوك دا و ياخد المتدينة و المتربية ورافضين شرب الشيشة و الفيس بوك و الكلام ده كله ؟؟!

لان اللى تربيتها كده لا تصلح انها تكون قدوة حسنة لاولادها فقط لا غير , يعنى مش الرجل عامل موضوع ايه رايكم فى صاحبتى لا ده عايز يتزوج من واحدة احنا حتى منعرش اسمها , ارجوك راجع قرائة الموضوع تانى .

و لو اتقدم لبنتك عريس بيشرب خمر و انت سالت عنه يبقي انت كده بتحكم عليه بدون وجه حق ؟؟؟

و لو ابنك عايز يتزوج واحدة بالمواصفات دى و انت برده سالت عنها و عن تربيتها يبقي انت كده بتحكم على الناس و خلاص ؟

ده موضوع زواااج مش رمى الناس بالباطل .

[AhmedGen2]

يعني حضرتك شايف ان الاختلاط عادات و تقاليد مش دين .... و قعدة البنات عالقهاوي او سكر الرجالة في الديسكو عادات و تقاليد مش دين ..... و لبس الميني جوب عادات و تقاليد مش دين .....؟

انا لم اختلف على رأى الدين فى المخالفات ، اختلافى فى إصدار الأحكام على مرتكبها.

انت فاهم الموضوع غلط اصلا.

حضرتك شايف إن مفيش أحكام صدرت على الأخت الغائبة وانتقاص فى حقها و كل من يماثل سلوكياتها؟. لا ممكن تراجع الموضوع من الأول.

الرجل بياخد راى الناس فى الجوازة دى و الناس نصحته انه يبعد عن التربية دى و السلوك دا و ياخد المتدينة و المتربية ورافضين شرب الشيشة و الفيس بوك و الكلام ده كله ؟؟!

حضرتك اذا كان هو بشخصه رافض السلوكيات دى ، ياخد رأى مين فيها؟.

ثم إن الموضوع لم يقتصر على استنكار سلوكيات وإلا مكنتش هكتب تعليق ، الموضوع كله يغلب فيه الأحكام والإنتقاص من أصحابها وكأننا نصبنا انفسنا حكام على الغير.

أنا عادة لا أحب الجدال ولا أحب توجيه الكلام لشخص بعينه ، لأن لا فائدة من هذا وسينتهى الأمر بمناظرة وساحة قتال تفقد الحوار قيمته.

الهدف من كلامى أن إصدار الأحكام شىء يخالف الدين زى الإثم بالظبط ، لا هو أخلاق ولا دين ، اذا حضرتك شايف غير كدة فدى وجهة نظرك تحترم.

[Hondawy_2008]

يعني حضرتك شايف ان الاختلاط عادات و تقاليد مش دين .... و قعدة البنات عالقهاوي او سكر الرجالة في الديسكو عادات و تقاليد مش دين ..... و لبس الميني جوب عادات و تقاليد مش دين .....؟

والله حضرتك ردودك كلها في الجوووووون و دمها خفيف كمان

وعلى فكرة أنا كمان مخنوووووووووق مفيش حل للخنقة دي

[gazzar91]

بص يا باشا... أنا مقرتش كتير في الردود.. بس أنا عندي حاجة واحدة عاوز أضيفها
هي عملت حاجة عن إقتناع و بطلتها بدون إقتناع ،بل علشان خاطرك هاتيجي من وراك تعملها و ده بدون أدنى شك!!!
أنا آسف يمكن كلامي ملوش لازمه بس أنا إتضايقتلك علشان المواقف دي بتبقى سخيفة و كنت عاوز أعرف إن قرارك بالإنفصال كان صح مش غلط. و بدون أي تجريح للآنسة ... كل واحد ليه أسلوب في حياته وأسلوبكم مش واحد فكانت الحياه هتبقى صعبة...
أعذروني إن لم يكن رأيي بالسديد لحداثة سني.. و اللي عنده أي تعقيب على كلامي.. أنا برحب بيه...
في رعاية الله...

[blazer]

تعرف ايه انت عن اللى بتلبس جيب ولا بتشرب شيشة ولا عندها ولاد عالفيسبوك؟ تحكم ازاى عليها و على أهلها كدة؟ خلاص كل واحدة تلبس جيب أصبحت عاهرة؟ من أعطاك الحق أن تنقص منها أو من غيرها؟
فعلا انا عن نفسى اقدر احكم واقدر احكم كويس قوى كمان
لان اى حد فطرته سليمه و عنده عقل ودين هيحكم على التصرات دى الحكم الصحيح !
والناس دى انتقصت من نفسها قبل اما اى حد ينتقص منها

القصة دى معناها ايه؟ معناها انك انت يا متدين لما تخرج وتشوف واحدة بتشرب شيشة ولا واحد خارج من ديسكو سكران ، لا تحكم عليه ، تعرف ايه عنه وعن حاله؟. سيب الناس فى حالها وخليك فى حالك!

مينفعش الكلام دا !
يعنى ايه اللى يخلى واحد يخرج من ديسكو سكران الهم والقرف والبلاوى اللى بنشوفها
مفيش اى مبرر فى الدنيا لهذه الفعال
والا كنت هتلاقى المصريين كلهم سكرانين


للأسف الموضوع أكثر منه عادات وتقاليد عن أن يكون تدين.

وارجع واقوللك احنا مكناش بنحكم عليها انما بنتكلم على الموقف اللى صاحب الموضوع عاوز يتكلم فيه

[AmatoALLAH]

والله عين العقل إلي إنت عملته
يعني بإختصار(ومن غير زعل)
بنت مش محجبة
بنت بتقعد مع ولاد وبنات بيشربوا شيشة(أكيد بتشرب معاهم حتى لو أنكرت)
لبسها مش محتشم
ليها صداقات مع أولاد...وبتسمح بيهم يخاطبوها بكلام غير مقبول ليك كراجل شرقي
والدها ملوش كلمة ولا أي سيطرة ..ولا أي دور إيجابي في تربية بناته
...........

عاوز إيه تاني؟؟؟

دكتور احمد ليه بتجزم ان البنت بتشرب هي كمان شيشه

بدون زعل انا شايفه مشاركتك فيها ظلم للبنت

صحيح هي لها عادات و تقاليد مختلفه شويه علي اي عائله محافظه بس دا ما يدينا الحق نتكلم عليها كده

و اكيد كلنا لنا اخطاء و ان كنا ما بنعلن عنها

كل بني ادم خطاء يعني ما في حد معصوم الا الرسل

هو الاخ صاحب الموضوع عرض مشكلته و احنا ردينا عليه بان شخصيته مختلفه عن شخصيتها تماما و هو دا اللي مسموح نقوله و خلاص لكن هنتكلم بئي انها اكيد بتشرب شيشه و الكلام دا اعتقد انه غلط

و ارجوا انك تتقبل انتقادي لمشاركتك بصدر رحب