إعـــــــلان

Collapse

.

,
See more
See less

أكبر مرجع لعمليات النصب والأحتيال في مصر - أدخل قولنا حصل أيه معاك وأتصرفت أزاي

Collapse
X
 
  • Filter
  • الوقت
  • Show
Clear All
new posts

  • #46
    بعد مالنصاب قام بتحديد هدفة التالي بدأ في التلفت حوله وكأن لدعته عقربة بينما نحن نشاهد أنا ووالدتي دار بيننا الحديث التالي ...

    أنا : ماله دة شكل تعبان أو حاجة .
    والدتي : مش عارفة .
    أنا : شكله فعلاً فيه حاجة هل أسألة مالك للتأكد أنه بخير ؟
    والدتي : أسألة يا أبني شوف ماله .
    أنا : يا أستاذ في حاجة محتاج حاجة أو بتدور على حاجة ؟
    النصاب : لا مفيش متشكر جداً شكراً على ذوقكم .
    أنا : العفو ولا يهمك .


    تمر دقيقة صمت . . . . . . . . ثم

    النصاب : بس أسكندرية جميلة في الصيف .
    أنا : آه طبعاً .
    النصاب : بس أهلها مش كويسين على فكرة .
    أنا مستغرباً : حضرتك بتقول كدة ليه ؟ أي حتة فيها الكويس والوحش .
    النصاب : أبداً بس حصل معايا موقف هنا مش كويس .
    أنا : خير .
    النصاب : كنت جاي من السويس من الشركة اللي شغال فيها ورايح أسوان ونازل أسكندرية ترانزيت والطيارة الهليكوبتر بتاعة الشركة نزلتنا هنا نركب القطر لأسوان .
    أنا مفكراً في الطيارة الهليكوبتر بأستغراب : طيب يعني أيه اللي حصل ؟
    النصاب : أبدا دخلت مسجد أصلي وكان معايا شنطة العمل وفيها باسبور ومسدس و300 دولار وساعة ذهب وأوراق الشغل وحطيتها جنبي وأتوضيت وأنا بصلي وبقوم من السجود ملقيتش الشنطة جنبي .
    أنا مذهولاً : ياساتر يارب في الجامع أخص .
    النصاب : أنا مش مهم عندي الفلوس ولا الساعة انا أهم حاجة عندي السلاح والأوراق .

    وقام مطلع محفظتة وطلع منها كارنية عليه صورته ومكتوب عليه ظابط حراسة فلان الفلاني شركة بترول بلاعيم السويس ووراني الكارنية وقال أنه عمل محضر ووراني وصل في رقم المحضر والقسم وأسم القضية سرقة ووراني كام فيزا كارت .

    العبد لله: ربنا يعوض على حضرتك ومتزعلش أنشاء الله هيلاقوا الحرامي وحاجتك ترجعلك وأهل أسكندرية جدعان ولكن لكل قاعدة شواذ وبتحصل في أحسن الأماكن .

    النصاب : شكراً ربنا يخليك انت أنسان محترم .

    العبد لله : ربنا يخليك ونورت أسكندرية وأي حاجة تحتاجها قول يعني أحنا في الخدمة .

    النصاب شكرا شكرا .

    تمر 5 دقائق صمت يتخللها تحركات غريبة من النصاب في مكانة وكأن نفس العقربة قرصته ثم يتصبب عرقاً غزيراً مع وجود المكيف القوي وهو شيء أستغربته ....

    أنا : في حاجة تاني أنت كويس .

    النصاب أنا محرج جداً من حضرتك .. مع أستمرار العرق الغزير .

    أنا : ليه بس محرج .

    أصل انا ممعيش فلوس أروح ومحتاج فلوس لأن الشركة لسة على ما تبعتلي هتاخد وقت وأنا ممكن أديلك موبايل تخليه معاك وهجيبلك الفلوس بكرة بالكتير .

    أنا : مش حكاية بكرة والله ومش حكاية موبايل أنت بتقول أيه ( طبعاً بحاول أحسن صورة أهل أسكندرية الكرام في نظر النصاب اللعين بعد ما قاموا بسرقته )

    النصاب متعرقاً بغزارة : أنا آسف جداً ومش عارف أقول أية بصراحة .

    العبد لله : طيب ثانية واحدة .

    متحدثاُ لوالدتي أيه رأيك ؟

    والدتي : شكله فعلاً في موقف صعب ومحتاج مساعدة .

    العبد لله : طيب أنا معايا عشرين هاتي من معاكي ثلاثين ونديهم للراجل المسكين دة .

    والدتي : وأفرض طلع نصاب .

    العبد لله : أحنا هنديهاله بنيه المساعدة وأحنا مش عاوزينها بعد كدة وعابر السبيل تجوز له الصدقة .

    والدتي : عندك حق خد يابني .

    العبد لله : أستاذ محمد أنا ممكن أساعدك بالمبلغ البسيط دة تتصرف بيه على ما تجيلك فلوس أو تتصل بحد من قرايبك .

    النصاب أبن النصاب : أخد الفلوس في أيده وبصلهم بصه كأنهم مش عاجبينة وبيبصلي وبراءة الأطفال في عينين أهلة بصة أستعطاف .

    العبد لله مستغرباً : في أية مش كفاية ولا أية ؟

    النصاب : كفاية وانت مشكور بس دول مش هيكفوا تذكرة أسوان .

    العبد لله : كام تذكرة أسوان .

    النصاب : 200 جنيه .

    العبد لله : انا لو كان معايا أكتر كنت أديتك ولكن أنا هفضل معاك لحد ما يجيلك حد من أهلك أو تتصرف في فلوس .

    النصاب : أنا معايا كريديت كارد ولكن لسة ما بعتوش المرتب عليه للأسف وعموماً أنا متشكر ولازم آخد نمرة موبايلك بعد ما أخدها أتصل بواحد من أهله على حد قوله وقالي خد كلم وكلمني راجل محترم مفروض أنه ظابط زيه وقالي خد بالك من محمد وأنا عنيا ليك وبكرة فلوسك هتكون عندك وفوقيها بوسه وشكراً على زوقك وحورات .

    كل دة أنا حاطط نسبة 80 % أنه نصاب ولكن كان في عوامل تعمل ضدي في قوة منها :

    الكارنيه - وصل ورقم المحضر - المنظر الشيك للراجل - العرق الغزير كدليل على الأحراج برغم أن الأوتوبيس مكيف - بروش شيك لعلم مصر على البدلة .

    العبد لله : تشرفنا يا محمد بيه وأن شاء الله تطمنا عليك لما توصل .

    النصاب : ضروري وأنا كدة بقالي أهل وأخوة في أسكندرية وسعيد بمعرفتك وأنت خريج كلية أيه ؟

    العبد لله : كلية الآداب بتسأل ليه ؟

    النصاب : أصل انا ليا معارف جوة الشركة وممكن بسهولة أجيبلك عقد بس انا خايف عليك من مشقة السفر للسويس ولكن المرتبات ممتازة .

    العبد لله غير مصدقاً : ياباشا أحنا نسافروا لو موزمبيق .

    النصاب طيي جهزلي 6 صور وورق وصورة بطاقة وشهادة ميلاد وشهادة التجنيد وسيب الموضوع عليا .

    العبد لله يكاد يبكي من فرط الفرحة : انا مش عارف أقولك ايه وأن شاء الله تبقى صدفة ومعرفة خير .

    جاءت محططتنا وسملنا عليه ونزلنا وأنا اكاد أطير فعلياً من الفرحة وكأن الزمن أبتسم لي من جديد وفتحت لي الدنيا أوسع أبوابها ومرت عليا الساعات القليلة التالية كالدهر في أنتظار وظيفة الأحلام المنتظرة وخلاص هتجوز البت اللي بحبها ومستنياني بقالها 3 سنين وهنخلف والبلية هتلعب معانا المهم وصلت في أحلامي لحد الشقة ال 300 متر والعربية البي أم عشان مش بحب المرسيدس وظليت على هذا الحال خليط غريب من الذهول والفرحة والخوف والشك في نفس الوقت ولكن هنخسر أيه خلينا ورا أستاذ محمد لباب الدار في أنتظار مكالمته غداً بأذن الله .

    To Be Continued


    تتابعون في الجزء الأخير :

    - لقائي مع النصاب في فندق المحروسة بالأسكندرية .
    - المحاولة الثانية من النصاب لتنفيذ العملية .
    - هل نجح النصاب في الهرب ولا تمكنت من الأمساك به ؟
    [CENTER][SIZE=3][/SIZE] [/CENTER]

    Comment


    • #47
      المشاركة الأصلية كتبت بواسطة بحري مشاهدة المشاركة
      الشقة كانت في العصافرة بالقرب من أسواق الشريف..في الشارع خلف بنك عوده بالضبط
      والأمن والبواب كانوا بيتصرفوا بحميمية مع النصاب كأنهم عارفينه من سنين..واضح إنه هو اللي كسر الحاجز معاهم أولا وطبعا هما مبسوطين إن الباشا اللي ساكن جديد بيهزر معاهم ومش متكبر.....

      مكنتش عاوز أطول في القصة لكن هي لها ملحق

      بعد الحادثة بأسبوع جاتلي مكالمة من قسم العامرية واللي كلمني الأمين (فلان) إنهم عثروا على المسروقات المبلغ عنها وكان عاوز يعرف رقم المحضر ويتأكد من شخصيتي وطلب مني الحضور لقسم العامرية وفي أثناء المكالمة يقطعها بالزعيق لحد جنب منه بلهجة حاسمة (كلبش الواد ابن كذا ده...إنت يا كذا...كلبشلي الواد ده خلفي...أهلا يا باشا...الباشا ضابط المباحث عند البيه المأمور)...وهكذا
      ضربت مشوار من أبوقير للعامرية وطلع الموضوع الحلقة التانية من النصباية وإنه كان عاوز يتأكد من إني عملت محضر وللا لأ وتفاصيل المحضر

      اللذيذ لما رحت قسم العامرية لقيت واحد بيبلغ عن سرقة لابتوب ديل من شقته
      واضحة زى الشمس الامن والبواب مشتركين معاة فى النصباية بدليل تصرفهم معاة رغم تكرار حوادث النصب
      [SIGPIC][/SIGPIC][FONT=Arial Black][SIZE=4][B]
      وطنى لو شغلت بالخلد عنة
      نازعتنى الية فى الخلد نفسى[/B][/SIZE][/FONT]
      الأربعاء 27 جمادى الثانية 1431

      Comment


      • #48
        الاحتمال ده طبعا كان أساسي لكن أنا تأكدت إنهم فعلا مش مشتركين معاه
        [B][CENTER][SIZE="4"][COLOR="Navy"][CENTER]قال الله عزوجل في محكم آياته
        [/CENTER][/COLOR][/SIZE][/CENTER][/B]
        [CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

        (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]

        Comment


        • #49
          يا استاذ AshTurbo
          هو الموضوع ده حصل انهارده ولا ايه ؟
          ولا انت بتعمل فلاش باك بالذاكرة

          Comment


          • #50
            المشاركة الأصلية كتبت بواسطة أبو صلاح مشاهدة المشاركة
            يا استاذ ashturbo
            هو الموضوع ده حصل انهارده ولا ايه ؟
            ولا انت بتعمل فلاش باك بالذاكرة

            الموضوع دة حصل الصيف اللي فات تقريباً بيبقى دة الموسم بتاعهم .
            [CENTER][SIZE=3][/SIZE] [/CENTER]

            Comment


            • #51
              المشاركة الأصلية كتبت بواسطة mohfud مشاهدة المشاركة
              واضحة زى الشمس الامن والبواب مشتركين معاة فى النصباية بدليل تصرفهم معاة رغم تكرار حوادث النصب

              مش شرط نفس الموقف اللي حصل مع البواب ولأمن حصل معايا مع أمن الفندق اللي أتقابلت فيه مع النصاب سلموا عليه سلام حار وأتفضل يا باشا ومكانك محجوز يعني تقريباً النصاب بيبقى ليه طريقة في أقناع الناس دول بطريقة معين بحيث يبانوا أصدقاء وتدخل النصباية على الضحية بسهولة .
              [CENTER][SIZE=3][/SIZE] [/CENTER]

              Comment


              • #52
                المشاركة الأصلية كتبت بواسطة w-m-a مشاهدة المشاركة
                مرة من عشرين سنه قابلنا انا وواحد صديقى راجل محترم جدا جدا وقف معانا وعرفنا بنفسه بمصافحه فى منتهى الحميميه
                انه الاستاذ محمد عبد الحميد مدير ادارة فى المنصورة طبعا كنا شباب وهو راجل محترم بدله وكرافته وشعر ملزق وانه اتنصب عليه وممعهوش تمن التذاكر فطبعا فى منتهى الجدعنه اعطيناه 5 جنيه (5جنيه من عشرين سنه كانت حاجه جامده قوى) والراجل اصر ياخد عنوانا علشان يبعت حواله بالمبلغ واحنا رفضنا تماما راح مطلع بطاقه عائليه من بتاعه زمان طب خذوا بياناتى وتعالوا انتو ابدا بالسلامه وسلمنا عليه ومشينا ونحن نظن انا قمنا بالواجب مع غريب
                المهم بعد كام شهر انا وصديقى ده ماشين باليل عند قصر المنيل ونلاقى واحد داخل علينا وبيسلم بمنتهى الحميميه وانا اخوكم الكبير استا...... وانا وصديقى فى نفس واحد محمد بيه عبد الحميد مدير الادارة وفين يوجعك شويناه وقلبناه ملاقيناش معاه غير البطاقه المضروبه وخمسه ... سته جنيه فكه وعلبه سجاير طبعا اتصادروا والشعب المصرى المتواجد بالمنطقه كل واحد افتكر موقف حصله وأكل علقه بالهنا والشفاوقلع هدومه وجزمته وقال يا فكيك واحنا متنا من الضحك.....
                كمل يا شنورى
                نفس الموقف حصلي بس كان شاب لابس بدله و بيقول ان فلوسه ضاعت و عايز 5 جنيه علشان يروح و الح عليا انه يديلي بطاقته وانا رفضت ... بس ما شفتوش بعد كده و كفايه انه اكل في بطنه حرام .. ربنا يهديهم
                [CENTER][shr71=http://dostor.org/sites/default/files/10/Feb/05/gallery/ent.jpg]مـــــــصـــــــــر[/shr71]
                :majd(4):
                [/CENTER]

                Comment


                • #53
                  المشاركة الأصلية كتبت بواسطة w-m-a مشاهدة المشاركة
                  واحد صاحبى وخاله كانوا مسافرين بالعربيه على الصحراوى من كام سنه وهما ماشين بعد الرمايه بشويه لاقوا واحدة واقفه جنب عربيتها عطلانه والعربيه مدخنه والدنيا ضلمه قاموا وقفوا
                  اى خدمه
                  اه العربيه ولعت
                  طب ننزل نشوفها
                  لا شكرا خلاص انا بعت اجيب حد من الفيلا بس اتأخر ممكن توصلونى
                  اتفضلى
                  ركبت ورا
                  الدنيا برد قوى وانا مخضوضه ممكن البس الجاكت بتاع حضرتك
                  اتفضلى
                  بعد كام كيلو
                  هنا من فضلك الفيلا هنا
                  اتفضلى يا افندم
                  اتفضلوا قابلوا بابا
                  شكرا
                  طيب الجاكيت هبعتوا مع عبده السفرجى
                  عدى عشر دقائق ربع ساعه نص
                  دخلوا الجنينه ضربوا الجرس
                  فنح السفرجى
                  فين الهانم
                  هانم مين
                  جاء البيه على صوت الدوشه زى فبلم غزل البنات خير يا عبده
                  البهوات مجانين بيسئالوا على الهانم
                  الرجل بمنتهى الحزن اى هانم
                  طبعا صورتها كبيره جدا على الحائط
                  دى الى فى الصورة
                  دى بنتى ابتسام ماتت من عشر سنين زى النهارده العربيه ولعت بيها بعد الرمايه بشويه وماتت محروقه
                  يا نهار اسود عفاريت طبعا طاروا
                  المهم بعد يومين وحكاوى لموا بعض العمال والصعايده الى عند خاله فى الشركه (شركه مقاولات)وراحوا الفيلا لاقوا الهانم والبيه والسفرجى وطلعوا عصابه وكلوا علقه موت واتسلموا وطلع عليهم حوالى
                  100سنه احكام نصب
                  ............والله تنفع فيلم
                  كل ده علشان جاكيت؟
                  قصه لا تصدق طبعا
                  [CENTER][shr71=http://dostor.org/sites/default/files/10/Feb/05/gallery/ent.jpg]مـــــــصـــــــــر[/shr71]
                  :majd(4):
                  [/CENTER]

                  Comment


                  • #54
                    عايزين تشوفوا نصبايه على النت

                    الواد بتاع المشروع العربي سرق 250 مليون جنيه من الناس في الفوركس و الفلوس على النت
                    أنا مش عارف الناس بتفكر إزاي يقعد على نت بكام كليك ماوس و يكسب فلوس !!!!!!!

                    الموضوع من شهر 12 اللي فات
                    يبدو ان هناك شىء محزن يحدث لمشروع الجيل العربى ....ربنا يسترها (موضوع للمناقشه) - برامج نت

                    و هنا الحكم عليه غيابيا ب 5 سنين
                    اليوم السابع | السجن 5 سنوات لهيثم عدنان نصاب الإنترنت
                    [CENTER]أول رئيس مدني لجمهورية مصر العربية
                    [sor2]http://img03.arabsh.com/uploads/image/2012/06/20/0e32444861f306.jpg[/sor2] [/CENTER]

                    Comment


                    • #55
                      المشاركة الأصلية كتبت بواسطة newuser2009 مشاهدة المشاركة
                      كل ده علشان جاكيت؟
                      قصه لا تصدق طبعا
                      لا طبعا مش علشان الجاكيت
                      ولكن الى جوه الجاكيت
                      لأنه كان فى مبلغ محترم
                      لان الاخت النصابه بتنشن كويس على العربيه
                      وبعدين انا ماقولتيش انها حصلت لى انا
                      انا بحكى عن لسان شخص اخر

                      ومفيش داعى اننى اكذب او اختلق قصه
                      انا مش مؤلف ولاكاتب سيناريو

                      انا حكيت موقف اتحكى لى وده الى انا موضحه
                      وشكرا
                      [CENTER][SIGPIC][/SIGPIC][gdwl][gdwl][SIZE=4][COLOR=RoyalBlue][B][FONT=Arabic Transparent]( ربنا [FONT=Arabic Transparent]افتح بيننا[/FONT] وبين قومنا بالحق وانت خير الفاتحين )[/FONT][/B][/COLOR][/SIZE][/gdwl][/gdwl][/CENTER]

                      Comment


                      • #56
                        والله يا جماعه فيه مواقف مقدرتش امسك نفسي من الضحك فيها وبالذات بتاعت المعيز

                        ياريت تكمل ياشنوووري
                        [CENTER] [img3]http://www.wathakker.net/designs/images/7amla14.gif[/img3]
                        [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
                        [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
                        [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
                        [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
                        [/CENTER]

                        Comment


                        • #57
                          ايه رأيك يا باشا, أحنا بتوع المعيزززززززز

                          Comment


                          • #58
                            هو انتوا ناويين تنزلوها حلقات ولا ايه
                            عاوزيين القصة على بعضها يا ا. AshTurbo
                            فينك يا ا . شنوري مكملتش ليه؟
                            [COLOR="RoyalBlue"][SIZE="5"][CENTER]خير الناس أنفعهم للناس
                            [CENTER][SIGPIC][/SIGPIC][/CENTER]إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[/CENTER][/SIZE][/COLOR]

                            Comment


                            • #59
                              اما انا فكنت في تركيا عام 2008 وامام الجامع الازرق ولد بيبيع ايس كريم وكان الجو حر فقولت اشتري منه

                              واديته 50 ليره تركي فراح يجيبلي الباقي عشان مكانش معاه فكه

                              ولما رجع اداني بقية الفلوس وكان فيها 40ليره مزوره (ورقتين بعشرين) والباقي سليم

                              وطبعا الواد قعد يتوهني بانه قاللي انه بيحب مصر جدا ونفسه ييجي يزور مصر

                              وماعرفتش انهم مزورين الا في محل ملابس باليل وقالولي لازم تقطعهم عشان ماتروحش في داهيه ....... (حوالي 180جنيه مصري ) قلت حسبي الله ونعم الوكيل في اغلي كوب ايس كريم في تركيا ......وطبعا ماعرفتش ارجعله لان طيارتي كانت تاني يوم صباحا
                              ......

                              خدو بالكو يا جماعه في 20 جنيه مزورة اليومين دول ناس كتير لبست فيها
                              *اللهم اصلح احوال مصر واصرف عنها الفتن*

                              Comment


                              • #60
                                المشاركة الأصلية كتبت بواسطة shnory مشاهدة المشاركة
                                انا حعترفلكم بعمليه نصب كنت طرف فيها
                                منصوب وناصب
                                هههههههههههههههههههههههههههه
                                بس ركزوا معايا ومتزهقوش ومتتشتتوش
                                -------------------------------------------
                                اتصل بيا صديق رجل اعمال من سنين
                                وقالي ان فيه جماعه معرفه جايين من الصعيد وعاوزين يشتروا ماكينه طباعه علي التيشيرتات
                                وانهم راحو لواحد فهمهم انه عامل البرنامج علي ايده اللي بيعمل بيه الصور وبيطبعها علي ورق والورقه ده ليه ماكينه بتطبعه علي التيشيرت

                                وقالي ان الناس مقتنعين بيه جداااااااااااااااا وناويين يدفعوا اي مبلغ علشان ياخدو منه الماكينه + البرنامج +كمبيوتر +الورق بتاع الطباعه
                                اللي هو مفهمهم ان المستورد بتاعه محلفه ميقولش لحد هو مين
                                وبيبيع عن طريقه هو بس
                                فكان المطلوب
                                1- معرفه البرنامج
                                2- مصدر الورق
                                3-اقناع الناس باني عبقري الكمبيوتر
                                4- اقناع النصاب اني عبيط واخليه يكشف اسراره كلها قدامي
                                ----------------------------------------------------------------
                                طبعا انا اول ما سمعت الموضوع قولت دا برنامج فوتو اكسبريس
                                هو الوحيد المجاني وفيه الامكانيات دي
                                بس قولت نجرب ونشوف الدنيا ماشيه ازاي
                                --------------------------
                                فكان المطلوب اننا نتقمص شخصيات قرايبهم ونتقابل مع الراجل ده
                                ويقتنع اننا مش فاهمين حاجه ونشوف كل حاجه
                                وفعلا
                                اتحول كل واحد فينا لاسم وهمي
                                وبدانا نتعامل
                                قابلناه علي القهوه وسمعنا منه كل الكلام
                                وطبعا انا عامل فيها جاهل لدرجه انه بيقولنا لما الكمبيوتر بتاعكم يبوظ انا اصلحهولكم من مكاني من غير ما اجيلكم اسيوط
                                فرديت عليه وقولتله هو احنا مش حناخد السوفت وير معانا يبقي انت حتصلحه ازاي
                                وطبعا قعد يشتم فيا وفي الجهل بتاعي
                                ------------------------------------------
                                المهم وصلنا لاننا عرفنا مكان ماكينات الطباعه
                                ووصلنا لاننا دخلنا عنده البيت وشوفت البرنامج الي هو عمله علي ايده
                                وسماه فوتو اكسبريس علشان الفكره جاتله في القطر وهو مسافر فسماه علي اسمه
                                ههههههههههههههههههه
                                ------------------------------------------------------------
                                وتم الجزء الاول من العمليه
                                لو حابين تعرفوا الجزء التاني ابقي احكيهولكم
                                علي فكره العمليه دي اخدت اسبوعين وكانت من 7 سنين
                                الجزء التاني
                                لفينا المنشيه وضواحيها لحد ما عرفنا الورق بتاع الطباعه ده مين اللي بيبيعه واشترينا منه كميه
                                حوالي 50 ورقه ب250 جنيه
                                ولفينا علشان نشتري ماكينه الطباعه علي التيشيرتات وهي عباره عن مكواه كبيره بيتحط جواها التيشيرت بمعاونه رجل الاعمال صديقي وصديق تاني ليا كان بيشتغل في مجال التيشيرتات
                                وفعلا كان النصاب جايبلنا احسن سعر للماكينه المستعمله واخدناها منه ب6500 جنيه تقريبا
                                واشترينا كمبيوتر للناس وخليناه يجمعه قدام عنينا في محل واحد صاحبنا واحنا مستعملين اسمائنا المستعاره
                                وانا عمال اعدل عليه في تجميع الجهاز وهو قرفان من الجاهل اللي عمال يتكلم ده واخد اللي فيه القسمه وراح لحاله
                                وانتهي الجزء الاول بنجاح

                                -----------------------------------------
                                الجزء التاني

                                حطينا الحاجات اللي جيبناها في شقه واحد قريب صاحبي
                                ونصبنا الكمبيوتر والماكينه وشويه تيششيرتات لزوم الطباعه
                                وجم الناس من الصعيد يشوفوا حاجتهم
                                واتحولت بقدره قادر من محمد الشاب الصعيدي الجاهل
                                لخالد (اسم مستعارعن الحقيقي) عبقري الكمبيوتر صاحب البرنامج الرائع الفوتو اكسبريس
                                وعملنالهم التجارب وعلمناهم ازاي يستعملوا الماكينه
                                والناس كانت مزقططه بينا
                                (لسه التيشيرتات عندي)
                                وفرحانين بالباشمهندس اللي عمل البرنامج وحلف ما يبيعه لحد وانهم قدروا ياخدوه منه ب500 جنيه بس
                                ويا سلام لما طبعت للراجل صوره بنته علي التيشيرت
                                كان فرحان فرحه الدنيا والاخره
                                ودفعوا فلوس الحاجه
                                ووصلناهم لحد القطر وهما مغرقينا بوس واحضان من فرحتهم واخدوا حاجاتهم
                                ودموع الفرحه مغطيه عنيهم
                                وذهب كل لحاله وكل واحد روح بيته وهو مبسوط ومعاه فلوس
                                دا مختصر الموضوع ببساطه شديده
                                لانه كان معقد جدا
                                ------------------------------------------------------
                                بعدها بكام سنه
                                روحت مع واحد صاحبي مركز الكمبيوتر بتاع النصاب
                                فقالي انا بشبه عليك انت منين ؟؟
                                قولتله انا ساكن جنبك هنا ممكن نكون اتقابلنا
                                قالي يعني انا معرفكش قبل كده قولتله لا
                                قالي ولا قعددنا مع بعض
                                قولتله هات من الاخر
                                قالي انا اعرف واحد صعيدي شبهك
                                فقولتله وانا اعرف نصاب عبيط شبهك
                                هههههههههههههههههههههههههههههههههههه
                                فقالي والله انا لقيت نفسي حطلع من المولد بلا حمص فقولت اكل عيش علي الناس
                                بس واتعاملنا مع بعض بعد كده في شغل كمبيوتر
                                وكان في منتهي الرجوله والجدعنه اللي في الدنيا
                                [CENTER]

                                [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                                [/CENTER]

                                [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                                ---------------------------------
                                [/SIZE][/B][CENTER]
                                [/CENTER]

                                Comment

                                Working...
                                X