إعـــــــلان

Collapse

.

,
See more
See less

أكبر مرجع لعمليات النصب والأحتيال في مصر - أدخل قولنا حصل أيه معاك وأتصرفت أزاي

Collapse
X
 
  • Filter
  • الوقت
  • Show
Clear All
new posts

  • #91
    المشاركة الأصلية كتبت بواسطة shok مشاهدة المشاركة
    برجاء عدم التطرق لامور من شانها
    تعريضكم لمخالفه قواعد وقوانين المنتدي
    مشرف عام 4
    انا مستغرب
    انتا لية عايز الناس متتكلمش؟
    انا مشرف ولا مخبر يا ريت تعرض مشاركتى على الاعضاء ويقولوا لو كان فيها تجاوز ولا لا؟


    يرجى مراجعة القاعدة رقم "8" من قواعد وقوانين المنتدى

    تم حصولك على إنذار مع الإيقاف لمدة أسبوع

    مشرف القسم

    10ب

    1:02 ص

    24:06:2010

    Comment


    • #92
      المشاركة الأصلية كتبت بواسطة wesam_salom مشاهدة المشاركة
      النصبه دى بتحصل كتير قوى

      ودى بتخلى المناديب دايما تخاف من الشغل

      وممكن تخليهم يتصرفوا تصرفات تودى فى داهيه علشان ياخدوا حقهم
      فعلا انا مخي ساعتها شاط وحسيت اني لازم آخد حقي خصوصا اني كنت لسه متخرج ودة كان اول موقف نصب اتعرض ليه في حياتي ..

      المشاركة الأصلية كتبت بواسطة أحمد كمال مشاهدة المشاركة
      ياللا

      شنوري و ابو مريم و خالد طلعت

      كملوا او احكوا بلاش تعلقونا كده :)
      الجزء التاني

      بعد ما اتلم حواليا أصحاب المحلات المجاورة وبدأوا يهدوني ويقولوا ليا انت مش لوحدك دة فيه مناديب كتير حصل معاهم كدة مندوب فاين ومندوب زيت كريستال ومندوب جهينة ... إلخ إلخ

      وبعدين واحد الله يصلح حاله قالي استنى انا عندي كارت لمحل ملابس بتاع الراجل دة خده وشوف عليه العنوان والتليفون وقالي انه اعطاه لمندوب فاين بس معرفش قدر يوصل للراجل ولا لاء

      فكرت اتصل بالتليفون وأسأل علية وبعدين حسيت انه موقف ساذج مني وقولت هيلحق ياخد حذرة ويختفي وقررت أني اطلع على العنوان مباشرة

      ذهبت الى العنوان وكان في الوايلي وكان معايا واحد صاحبي بدأنا بالبحث عنه بهدوء تام حتى لايهرب وبعد الوصول للمنطقه لم نعثر للمحل على اي اثر

      أحسست بالتعب والأرهاق فأستجمعت قواي وذهبت مره اخرى للعنوان وحددت مكان المحل بالظبط ورقم العمارة فوجدته سوبر ماركت وليس محل ملابس فوقفت امامه دقيقة أنظر بداخله الى ان تفاجأت ببعض بضاعتي داخل المحل

      طبعا اكيد حد هيقولي طب ما البطاريات ماليه المحلات وبنفس الماركه عادي ، لكن هقولك معرفش حسيت ليه انها بضاعتي فدخلت المحل وكانت اللي واقفه بداخله فتاه لا يتعدى عمرها 18 سنة

      اشتريت اي حاجه وقولتلها هو مش المحل دة بتاع فلان الفلاني لقيتها تنظر ليا بحدة وبتقولي لالا

      معرفش حسيت انها بتكدب .. !!!

      خرجت وبدأت اسأل المحلات المجاورة وبعد ساعتين او 3 ساعات من البحث والسؤال عرفت ان المحل دة بتاع النصاب فعلا وانه كان محل ملابس وغير نشاطه من ايام فقط (طبعا بعد ما لم بضائع مختلفة تكفي لتموين سوبر ماركت محترم)

      وعرفت ان اللي واقفه دخل المحل دي بنته وكمان الناس دلوني على عنوان بيته الجديد (لأنه عقبال عندكم كان لسه متجوز جديد غير مراته الأولى)

      ذهبت لعنوان بيته الجديد وكان برضه في الوايلي وكان جنب المحل بكام شارع ، خبطت على الباب فتحت مراته سألت عليه قالتلي والله انا معرفش عنه حاجه وأسلوبها معايا في الكلام حسسني ان فيه ناس كتير بتدور عليه وعمليات النصب اللي عملها كتير

      نزلت وبقيت مش عارف اعمل اية هل استناه على باب البيت واتربص له ولا اعمل اية ؟؟؟؟

      فضلت داخل المنطقة لعدة ساعات اراقب البيت والمحل وبعدين فكرت في فكره ورحت داخل المحل تاني

      كلمت البنت بحدة وقولتلها قولي لأبوكي ان مندوب البطاريات عايز حساب الفاتورة وانه راحلك البيت الجديد ولم يجدك ولو متصلتش بيه ورجعت البضاعة او المبلغ هيروح يعملك محضر في القسم بعنوان بيتك ومعاه الفاتورة وامضاءك عليها

      خرجت من المحل ومش عارف اية اللي هيحصل بعد كدة هل ابلغ فيه واعمل محضر فعلا ولا انتظر كام يوم يمكن يخاف ولا اخش آخد حقي من المحل واعمل جناية

      إلى ان رن الموبيل وكان هو النصاب

      النصاب : ألو يا أستاذ خالد ...أنت فين يا راجل

      أنا :الو أنت اللي فين لميت البضاعة واختفيت من محل الزمالك ؟؟؟

      النصاب : ابدا والله ... دة صاحب المحل اختلفت معاه على الأيجار وطردني وأنا كنت على ميعادنا وكنت ناوي اتصل بيك عشان تيجي تاخد فلوسك .... اتفضل عندي في المحل دلوقتي عشان تاخد حسابك (طبعا قصدة محل الوايلي)


      كفاية لحد كدة ونكمل بعد شوية .... بس قولولي لو الموضوع ممل عشان مكملش
      [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

      Comment


      • #93
        المشاركة الأصلية كتبت بواسطة kh_talaat مشاهدة المشاركة
        كفاية لحد كدة ونكمل بعد شوية .... بس قولولي لو الموضوع ممل عشان مكملش

        هههه انتوا بتفكرونى بالتلفزيون لما يقطع الفيلم فى اهم حتة ويقول انتظرونا

        كملوا ياجماعة ده الواحد سمع حاجات فى الموضوع ده ملهاش حل

        وواضح ان لسه فى كتير حيطلع
        [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
        [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
        [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
        [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

        [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

        Comment


        • #94
          المشاركة الأصلية كتبت بواسطة ahmed4000 مشاهدة المشاركة
          هههه انتوا بتفكرونى بالتلفزيون لما يقطع الفيلم فى اهم حتة ويقول انتظرونا
          + 1

          يا ريت يا جماعة بلاش مسلسل الاثارة والتشويق ده .. إلا لو كان العضو اللي بيكتب التوبيك مشغول ومش قادر يكتبه مرة واحدة .. وفي الحالة دي ليه عذره .

          واستكمالاً لمسلسل التشويق .. وانتظروا مني قصتي مع النصب والنصابين
          [B][FONT=Comic Sans MS][SIZE=5][COLOR=Green]

          [SIGPIC][/SIGPIC]


          Life's too Short for the Wrong Job[/COLOR][/SIZE][/FONT][/B]
          ziabassem سابقا

          Comment


          • #95
            المشاركة الأصلية كتبت بواسطة kh_talaat مشاهدة المشاركة
            كفاية لحد كدة ونكمل بعد شوية .... بس قولولي لو الموضوع ممل عشان مكملش
            لأ الموضوع مش ممل ولا حاجة
            بالعكس احنا كدا بنتعلم من تجارب بعض

            وفعلا غالبا الطمّاع بيشجع النصّاب
            :S_thum1[1]:فتح الشنطة بالريموت بطريقة دراماتيكية!:[COLOR="Blue"]www.nilemotors.net/Nile/392122-a.html[/COLOR]
            موسوعة الشاهين وأخواتها!:[COLOR="blue"]www.nilemotors.net/Nile/399252-a.html[/COLOR]
            دليل المواصفات والصيانة للماروتي عربي:[COLOR="blue"]www.nilemotors.net/Nile/98669-800.html[/COLOR]

            Comment


            • #96
              على فكرة اى ايصالات مخالفات عندنا فى اسكندرية بتبقى كده وفعلا ايصالات مدرسة تعليم القيادة دى تبع المرور .....
              ليا صديق ضابط فى المرور وبرضه بشوف معاه الأيصالات دية وبياخد عليها المخالفات

              على فكرة انا حصل معايا نفس الموقف على كوبري ستانلي بس الونش كان موجود وانا مش فاكر بصراحة كان ايه المكتوب على الوصل
              [CENTER][B][FONT=Verdana][SIZE=3]الحمد لله رب العالمين[/SIZE][/FONT]
              [/B][/CENTER]
              [CENTER][CENTER][B][SIZE=3][FONT=Tahoma][FONT=Verdana][SIZE=3] لا اله الا انت سبحانك اني كنت من الظالمين[/SIZE][/FONT][/FONT][/SIZE][/B]
              [/CENTER]
              [/CENTER]

              Comment


              • #97
                المشاركة الأصلية كتبت بواسطة أبو صلاح مشاهدة المشاركة
                ياباشا القصة ببساطة حصلت في منطقة عين شمس (يقال انها حقيقية وجاءت على برامج التوك شو)
                الراجل لما قاله انا ملك الموت السواق مصدقش راح واحد تاني في الشارع شاوله وركب قدام جنبه
                ولما لقى السواق بيتكلم مع ملك الموت قاله انت بتتكلم مع مين قاله مع الراجل اللي ورا ده قاله ياعم مفيش حد قاعد معانا راح رادد عليه ملك الموت قاله محدش يقدر يسمعني او يشوفني غيرك انت
                الراجل طبعا ذهل من اللي حصل ودخل يصلي قبل ما يموت هههههههههههه خصوصا ان الراكب الاول قاله مثلا رايح رمسيس وهو في طريقه بعدها بشوية لقى واحد بيوقفه قاله رمسيس (هم مظبطين مع بعض)

                طيب على سبيل المثال لو واحد مسيحي هو الل اتعمل فيه المقلب ده ايه اللي هيتم وياترى النصابين هيتصدموا لما يعرفوا ان هو مسيحي ؟ وهل هيكونوا مخططين ان يطلع الضحية مسيحي ؟ طيب هيقولو خش صلي ازاي ؟ ده ممكن سواق التاكسي يشتغلهم هم الاتنين
                هههههههههههههههههههه
                يا جماعة انتو بتحكو من فيلم على جنب يااسطة لاشرف عبدالباقي!!!!
                [CENTER][B][FONT=Verdana][SIZE=3]الحمد لله رب العالمين[/SIZE][/FONT]
                [/B][/CENTER]
                [CENTER][CENTER][B][SIZE=3][FONT=Tahoma][FONT=Verdana][SIZE=3] لا اله الا انت سبحانك اني كنت من الظالمين[/SIZE][/FONT][/FONT][/SIZE][/B]
                [/CENTER]
                [/CENTER]

                Comment


                • #98
                  المشاركة الأصلية كتبت بواسطة medociv مشاهدة المشاركة
                  يا جماعة انتو بتحكو من فيلم على جنب يااسطة لاشرف عبدالباقي!!!!
                  المواقف التي حدثت في فيلم اشرف عبد الباقي هي مأخوذه عن كتاب بعنوان (تاكسي حواديت المشاوير) للكاتب خالد الخميسي

                  وهي حكايات حقيقيه حكاها له سائقو تاكسي حقيقيين ومنها قصة ملك الموت

                  والكتاب نزلت منه اكثر من طبعه وترجم للغات عديدة وأنصح الجميع بقراءته



                  Khaled El khamissi Egyptian writer
                  [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                  Comment


                  • #99
                    موضوع النصباية اللي كان حيحصل معايا في الرابط التالي :

                    [B][FONT=Comic Sans MS][SIZE=5][COLOR=Green]

                    [SIGPIC][/SIGPIC]


                    Life's too Short for the Wrong Job[/COLOR][/SIZE][/FONT][/B]
                    ziabassem سابقا

                    Comment


                    • من حوالى اربع سنوات فى الفتره دى كان عندى مكتب لايجار السيارات
                      اتصل بيا مكتب باتعامل معاه وطلب منى عربيه لفتره شهر وكانت لانوس
                      المفترض انه بيستلم منى العربيه وهو اللى بيدير التشغيل وبيكون مسئول من الالف للياء
                      انما هو قالى انا هابعتلك العميل للمكتب لانه مش فاضى وطبعا انا باتعامل معاه على اساس انه عميل دائم عنده
                      لكن للاسف كان اول تعامل معاه هما كانوا من نيجيريا طبعا احتفظت بالجوازات واخذت ضماناتى وسلمتهم العربيه
                      وبالنسبه للمكتب اخذ العموله والموضوع كان منتهى

                      بعد حوالى اسبوع بالظبط
                      لقيت صاحب الكتب جالى ومعاه جرنال وفيه قصه عن القبض عن اجانب وفى حوزتهم بعض الاثار والزيبئق الاحمر وهو جالى لانه كان بيشبه على صوره واحد فيهم وللاسف كان واحد من اللى اخذوا العربيه

                      لكن مكتوب فى الجرنال انهم كانوا راكبين عربيه مرسيدس

                      الطبيعى طبعا ان العربيه الى بتكون فى اى قضيه بيتم التحفظ عليها ولازم يتم اخلاء سبيلها من النيابه

                      طبعا كانت مصيبه

                      المهم اتجهنا على العنوان اللى هما موجودين فيه وكان اول شارع عباس العقاد

                      وبئوار البنزينه لقينا العربيه مركونه وشكلها بقالها فتره واقفه وصلنا للبواب وطبعا كان رافض انه يسلمنا العربيه لكن فهمناه الموضوع طبعا وحصوصا ان احنا معانا المفتاح الاسبير والجوازات بتاعتهم والحمد لله ان الرخصه وصور العقود كانت فى التابلوه

                      Comment


                      • المغامره التانيه

                        ده بقا كان مصرى وكان عميل فى المكتب المهم اتعسر فى فلوس ووصل المبلغ المتبقى عليه حوالى 11000ج
                        المشكله انه اتهرب منى ومش عارف اوصله
                        طبعا اترفع عليه وصل الامانه وبعد فتره اخذت حكم عليه وكان فاضل القبض عليه

                        وفى اول 2006 كنت ماشى على كورنيش المعادى وراكب عربيه لانسر رياضيه 2005 ولفت نظرى عربيه تويوتا سماوى شكلها لسه زيرو وطبعا كانت الشكل الجديد والشبكه والفوانيس فكنت بتغرج عليها

                        وسبحان الله افوجىء بالسايق كان الزبون اللى انا واخد عليه حكم

                        وانا فى العربيه قولتله يا احمد
                        اول لما بص قولتله اقف يا احمد بزعيق طبعا

                        قالى مش واقف وطار بالعربيه

                        ودى بقا كانت مطارده ومطارده بغل لدرجه ان العربيتين كانوا هايتقلبوا اكتر من مره لكن قدرت اوقفه فى وسط الطريق ونزل صاحبى من جانبى وضربه والتانى راكب فى العربيه بيصد الضرب اللى نازل عليه
                        والعربيات واقفه بتتفرج ولا اى حد حتى ضرب كلاكس المهم صاحبى ساق التويوتا والزبون جانبه
                        وانا ماشى وراهم وقولنا هانروح على المكتب ونشوف ايه اللى هايتم

                        لسؤ حظه لقينا كمين شرطه على الكورنيش

                        صاحبى راح واقف فى الكمين وفتح الباب ونزل جرى على الظابط وقاله
                        اللى معايا ده انا واخد عليه حكم
                        طبعا امناء الشرطه نزلوه من غير اى كلام وركبوه على البوكس

                        وطلعنا وراه على القسم وهناك كانت المفاجئه

                        11 قضيه على الباشا الشيك ابن الناس ومنهم القضيه بتاعتنا

                        اول حاجه عملناها بصراحه دورت فى التويوتا لقيت عقد الايجار اللى ماجر بيه العربيه
                        اتصلت بصاحب المكتب وسالته عن العربيه

                        قالى ده واخدها واحد بقاله شهر ومش قادر اوصله
                        قولتله عربيتك معايا تعالى بسرعه استلم عربيتك قبل ما تتثبت فى المحضر واستعوض ربنا فى الفلوس

                        ربع ساعه جالى الراجل وكان هاين عليه يشيلنى من على الارض

                        Comment


                        • المشاركة الأصلية كتبت بواسطة ziabassem مشاهدة المشاركة
                          يا ريت يا جماعة بلاش مسلسل الاثارة والتشويق ده .. إلا لو كان العضو اللي بيكتب التوبيك مشغول ومش قادر يكتبه مرة واحدة .. وفي الحالة دي ليه عذره .
                          آسف جدا ... بس والله مكنش قصدي احكي القصة على اجزاء بس لقيت انها هتبقى كبيرة قوي والناس هتمل


                          الجزء الثالث والأخير

                          ذهبت للنصاب في محل الوايلي ووجدت عنده راجل طويل وعريض سنة يتراوح مابين ال50 وال55 جاحظ العينين

                          وكان الأستقبال بحفاوة

                          النصاب : اهلا اهلا استاذ خالد

                          انا: اهلا

                          النصاب : تشرب اية

                          أنا : ولا حاجه ... نخلص الفاتورة وبعدين نقعد نشرب براحتنا

                          النصاب : اعرفك بالأستاذ فلان (وهو يشير ناحيه الرجل جاحظ العينين ) تاجر جملة من اسكندرية وعايز بضاعه كبيرة وهيعمل معاك شغل كبير

                          أنا : وماله بس نخلص الفاتورة السابقة ونخش على الشغل الجديد

                          النصاب رقم 2 (جاحظ العينين) : هي الفاتورة بكام يا استاذ خالد

                          أنا : 1000 جنية

                          النصاب رقم 2 (جاحظ العينين) : مبتسما يخرج من جيبه علبة سجائر فاخرة ويعزم عليا وهو يقول خلاص الفاتورة دي حسابها عندي

                          أنا : وماله ادفع

                          النصاب رقم 2 : هات الفاتورة القديمة بقى ونعمل فاتورة جديدة بأسمي

                          أنا (متعجبا) : ليه هو انت مش هتخلص دلوقتي

                          النصاب رقم 2 : لا انا الحقيقة مش معايا سيوله دلوقتي وانا كلمتي عقد وأسأل عليا في اسكندرية

                          النصاب : يا استاذ خالد الحاج تاجر كبير في اسكندرية وتعاملاته كلها كبيرة أنت قلقان من ايه


                          * ( أتناقش مع نفسي شاردا ) نصاب وبيسلمني لنصاب اكبر منه والشركة ملهاش دعوة هتقولي ادفع من جيبك مفيش حل غير اني اتماشي معاهم واستعمل نفس اسلوب النصاب

                          آلا وهو الطمع ... لازم اطمعه بالبضاعه الجديدة لحد ما اقدر آخد فلوسي

                          أنا : طيب ادفع جزء من المبلغ ونعمل فاتورة بالباقي

                          النصاب رقم 2 : عيب يا استاذ خالد قولتلك 3 ايام بالظبط وهتاخد فلوسك هو صحيح انتو عندكم لو اخدت بضاعه ب10 ألاف جنية نسبة الخصم هتبقى كام ؟؟؟

                          انا : لازم ارجع لمدير المبيعات وهو اللي يحدد الخصم

                          النصاب رقم 2 : طيب نغير الفاتورة زي ما اتفقنا بقى عشان نفضى للشغل الجديد


                          * اضطررت رغما عني لتغير الفاتورة بأسم النصاب الجديد وبدأت الأحداث مع النصاب الجديد جاحظ العينين


                          بعد 3 ايام اتصل بي النصاب رقم 2 (جاحظ العينين)

                          النصاب رقم 2 : الو ازيك يا استاذ خالد

                          أنا : ايوة مين

                          النصاب رقم 2 : انا الحاج فلان .. انا قاعد دلوقتي في كافيه في المهندسين تقدر تيجي تقابلني دلوقتي

                          أنا : اديني اسم وعنوان الكافيه


                          ذهبت لمقابلة النصاب رقم 2 في الكافيه ووجدت معه رجل آخر شاب بتاع 25 سنة متقمص دور الصبي بتاعه اللي بيبعته يخلص شغله مع التجار


                          النصاب رقم 2 : اهلا اهلا يا استاذ خالد اتفضل اتفضل

                          أنا : اهلا بيك

                          النصاب رقم 2 : تشرب اية .... مترررررررررر

                          أنا : اي حاجه ساقعه


                          النصاب رقم 2 : دلوقتي عايزين نخلص البضاعه بتاعتنا وبصراحه انا بشتغل في الأمن الغذائي ومشتغلتش قبل كدة في البطاريات الجافه فعايزك تعملي تشكيله حلوة من البطاريات القلم والطورش وشوية كشافات حسبه 10 ألاف جنية

                          أنا : نخلص الفاتورة الأول وانا عنيا ليك


                          النصاب رقم 2 : ضاحكا ... هنخلصها طبعا بس انا اصلي بنزل شغل لكام محل في اسكندرية وعايز انزلهم كمان شوية بطاريات مع البضاعه

                          أنا : الحقيقة مقدرش اعملك فاتورة جديدة الا لما تخلص الفاتورة القديمة خلصها بس عشان حتى اعرف اجيبلك خصم كبير للبضاعه الجديدة


                          طبعا حاول النصاب رقم 2 أني اديله بضاعه بشتى الطرق وقعد يحكي لي قصص كفاحه في التجارة لحد ما وصل انه بقى من اكبر تجار الجمله في اسكندرية بالأضافة للأخ اللي عامل نفسه صبي التاجر الكبير قعد يقولي الحاج شغله متعب وبيتعامل مع تجار كتير

                          المهم طبعا مدتلوش عقاد نافع وحاولت اطمعه على قد ما اقدر في البضاعة الجديدة ام 10 آلاف جنية انها مش هتم الا لما يخلص ال1000 جنية قيمة الفاتورة السابقة وانتهت المقابلة على كدة


                          اللقاء الأخير

                          بعد يومين

                          النصاب رقم 2 : ألو ازيك يا استاذ خالد

                          أنا : أهلا

                          النصاب رقم 2 : أنا حضرتلك الحساب بتاعنا تعالى في نفس الكافيه عشان نخلص

                          أنا : جايلك حالا

                          وصلت المكان لقيته قاعد منتظرني وجنبة كرتونه كبيرة

                          أنا : سلامو عليكم

                          النصاب رقم 2 : وعليكم السلام أهلا أهلا ... اتفضل ... انا عشان مزعلكش مني اتصرفتلك في الطابعه دي والله واقفه عليا بأكتر من الف ، خدها وبيعها وسدد المبلغ للشركة واعتبر الباقي هديه مني ليك

                          * طبعا انا زهقت وبقيت عايز آخد اي حاجه واخلص

                          أنا : الحقيقة الفاتورة مش معايا حاليا هبقى اجيبهالك المره الجايه لما نخلص البضاعه بتاعتنا سلام بقى عشان ورايا طلبيه مهمه في مدينة السلام

                          مشيت وقررت ان الموضوع انتهى على كدة وكفايا عليا الطابعه ابيعها ... لكن كانت المفاجئة ان الطابعه لقيتها بعد كدة متساويش اكتر من 500 جنية

                          حاول يتصل بيا بعد كدة وانا مردتش وبعدين رديت عليه وقولتله انت نصاب وابن تيييييييت وانا فاهم من الأول انك عايز تنصب لكنك نصاب عبيط معتقد اني هديك بضاعة بـ 10 ألف جنية وانت مش قادر تدفع 1000 جنية .... وحسبي الله ونعم الوكيل في باقي فلوسي

                          طبعا دفعت المبلغ للشركة واستعوضت ربنا في الباقي ... وقولت محدش بيتعلم ببلاش والحمد لله على كدة
                          [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                          Comment


                          • موضوع جميل متابع مع حضراتكم
                            [CENTER][URL="http://www.pylon-group.com/e-seb7a/"][B]أذكار وتسابيح للمسلم [/B][/URL][/CENTER]

                            Comment


                            • المشاركة الأصلية كتبت بواسطة kh_talaat مشاهدة المشاركة
                              آسف جدا ... بس والله مكنش قصدي احكي القصة على اجزاء بس لقيت انها هتبقى كبيرة قوي والناس هتمل


                              الجزء الثالث والأخير

                              ذهبت للنصاب في محل الوايلي ووجدت عنده راجل طويل وعريض سنة يتراوح مابين ال50 وال55 جاحظ العينين

                              وكان الأستقبال بحفاوة

                              النصاب : اهلا اهلا استاذ خالد

                              انا: اهلا

                              النصاب : تشرب اية

                              أنا : ولا حاجه ... نخلص الفاتورة وبعدين نقعد نشرب براحتنا

                              النصاب : اعرفك بالأستاذ فلان (وهو يشير ناحيه الرجل جاحظ العينين ) تاجر جملة من اسكندرية وعايز بضاعه كبيرة وهيعمل معاك شغل كبير

                              أنا : وماله بس نخلص الفاتورة السابقة ونخش على الشغل الجديد

                              النصاب رقم 2 (جاحظ العينين) : هي الفاتورة بكام يا استاذ خالد

                              أنا : 1000 جنية

                              النصاب رقم 2 (جاحظ العينين) : مبتسما يخرج من جيبه علبة سجائر فاخرة ويعزم عليا وهو يقول خلاص الفاتورة دي حسابها عندي

                              أنا : وماله ادفع

                              النصاب رقم 2 : هات الفاتورة القديمة بقى ونعمل فاتورة جديدة بأسمي

                              أنا (متعجبا) : ليه هو انت مش هتخلص دلوقتي

                              النصاب رقم 2 : لا انا الحقيقة مش معايا سيوله دلوقتي وانا كلمتي عقد وأسأل عليا في اسكندرية

                              النصاب : يا استاذ خالد الحاج تاجر كبير في اسكندرية وتعاملاته كلها كبيرة أنت قلقان من ايه


                              * ( أتناقش مع نفسي شاردا ) نصاب وبيسلمني لنصاب اكبر منه والشركة ملهاش دعوة هتقولي ادفع من جيبك مفيش حل غير اني اتماشي معاهم واستعمل نفس اسلوب النصاب

                              آلا وهو الطمع ... لازم اطمعه بالبضاعه الجديدة لحد ما اقدر آخد فلوسي

                              أنا : طيب ادفع جزء من المبلغ ونعمل فاتورة بالباقي

                              النصاب رقم 2 : عيب يا استاذ خالد قولتلك 3 ايام بالظبط وهتاخد فلوسك هو صحيح انتو عندكم لو اخدت بضاعه ب10 ألاف جنية نسبة الخصم هتبقى كام ؟؟؟

                              انا : لازم ارجع لمدير المبيعات وهو اللي يحدد الخصم

                              النصاب رقم 2 : طيب نغير الفاتورة زي ما اتفقنا بقى عشان نفضى للشغل الجديد


                              * اضطررت رغما عني لتغير الفاتورة بأسم النصاب الجديد وبدأت الأحداث مع النصاب الجديد جاحظ العينين


                              بعد 3 ايام اتصل بي النصاب رقم 2 (جاحظ العينين)

                              النصاب رقم 2 : الو ازيك يا استاذ خالد

                              أنا : ايوة مين

                              النصاب رقم 2 : انا الحاج فلان .. انا قاعد دلوقتي في كافيه في المهندسين تقدر تيجي تقابلني دلوقتي

                              أنا : اديني اسم وعنوان الكافيه


                              ذهبت لمقابلة النصاب رقم 2 في الكافيه ووجدت معه رجل آخر شاب بتاع 25 سنة متقمص دور الصبي بتاعه اللي بيبعته يخلص شغله مع التجار


                              النصاب رقم 2 : اهلا اهلا يا استاذ خالد اتفضل اتفضل

                              أنا : اهلا بيك

                              النصاب رقم 2 : تشرب اية .... مترررررررررر

                              أنا : اي حاجه ساقعه


                              النصاب رقم 2 : دلوقتي عايزين نخلص البضاعه بتاعتنا وبصراحه انا بشتغل في الأمن الغذائي ومشتغلتش قبل كدة في البطاريات الجافه فعايزك تعملي تشكيله حلوة من البطاريات القلم والطورش وشوية كشافات حسبه 10 ألاف جنية

                              أنا : نخلص الفاتورة الأول وانا عنيا ليك


                              النصاب رقم 2 : ضاحكا ... هنخلصها طبعا بس انا اصلي بنزل شغل لكام محل في اسكندرية وعايز انزلهم كمان شوية بطاريات مع البضاعه

                              أنا : الحقيقة مقدرش اعملك فاتورة جديدة الا لما تخلص الفاتورة القديمة خلصها بس عشان حتى اعرف اجيبلك خصم كبير للبضاعه الجديدة


                              طبعا حاول النصاب رقم 2 أني اديله بضاعه بشتى الطرق وقعد يحكي لي قصص كفاحه في التجارة لحد ما وصل انه بقى من اكبر تجار الجمله في اسكندرية بالأضافة للأخ اللي عامل نفسه صبي التاجر الكبير قعد يقولي الحاج شغله متعب وبيتعامل مع تجار كتير

                              المهم طبعا مدتلوش عقاد نافع وحاولت اطمعه على قد ما اقدر في البضاعة الجديدة ام 10 آلاف جنية انها مش هتم الا لما يخلص ال1000 جنية قيمة الفاتورة السابقة وانتهت المقابلة على كدة


                              اللقاء الأخير

                              بعد يومين

                              النصاب رقم 2 : ألو ازيك يا استاذ خالد

                              أنا : أهلا

                              النصاب رقم 2 : أنا حضرتلك الحساب بتاعنا تعالى في نفس الكافيه عشان نخلص

                              أنا : جايلك حالا

                              وصلت المكان لقيته قاعد منتظرني وجنبة كرتونه كبيرة

                              أنا : سلامو عليكم

                              النصاب رقم 2 : وعليكم السلام أهلا أهلا ... اتفضل ... انا عشان مزعلكش مني اتصرفتلك في الطابعه دي والله واقفه عليا بأكتر من الف ، خدها وبيعها وسدد المبلغ للشركة واعتبر الباقي هديه مني ليك

                              * طبعا انا زهقت وبقيت عايز آخد اي حاجه واخلص

                              أنا : الحقيقة الفاتورة مش معايا حاليا هبقى اجيبهالك المره الجايه لما نخلص البضاعه بتاعتنا سلام بقى عشان ورايا طلبيه مهمه في مدينة السلام

                              مشيت وقررت ان الموضوع انتهى على كدة وكفايا عليا الطابعه ابيعها ... لكن كانت المفاجئة ان الطابعه لقيتها بعد كدة متساويش اكتر من 500 جنية

                              حاول يتصل بيا بعد كدة وانا مردتش وبعدين رديت عليه وقولتله انت نصاب وابن تيييييييت وانا فاهم من الأول انك عايز تنصب لكنك نصاب عبيط معتقد اني هديك بضاعة بـ 10 ألف جنية وانت مش قادر تدفع 1000 جنية .... وحسبي الله ونعم الوكيل في باقي فلوسي

                              طبعا دفعت المبلغ للشركة واستعوضت ربنا في الباقي ... وقولت محدش بيتعلم ببلاش والحمد لله على كدة
                              مبلغتش عنه بالفاتوره اللى معاك ليه ؟؟؟
                              كان زمانو اتروق بالخمسمية (500) اللى باقيه

                              Comment


                              • المشاركة الأصلية كتبت بواسطة hesham_7amza مشاهدة المشاركة
                                مبلغتش عنه بالفاتوره اللى معاك ليه ؟؟؟
                                كان زمانو اتروق بالخمسمية (500) اللى باقيه
                                زمايل كتير في الشركة قالت لي مش هتعرف تاخد معاه حق ولا باطل وبدام هو ناوي على النصب يبقى اكيد مضى امضى مختلفة يقدر يطعن فيها بسهوله
                                [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                                Comment

                                Working...
                                X