إعـــــــلان

Collapse

.

,
See more
See less

أكبر مرجع لعمليات النصب والأحتيال في مصر - أدخل قولنا حصل أيه معاك وأتصرفت أزاي

Collapse
X
 
  • Filter
  • الوقت
  • Show
Clear All
new posts

  • طيب وايه المفروض اللى كان يتعمل فى المشكلة دى؟

    اعتقد من الاساس مكنش يبدل الفاتورة بفاتورة للتاجر التانى؟
    [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
    [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
    [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
    [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

    [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

    Comment


    • المشاركة الأصلية كتبت بواسطة kh_talaat مشاهدة المشاركة
      آسف جدا ... بس والله مكنش قصدي احكي القصة على اجزاء بس لقيت انها هتبقى كبيرة قوي والناس هتمل
      يا باشا لا داعي للأسف ومفيش حد يمل من حضرتك ولا حاجة .. ده أنت راجل زي العسل .. بس متسبش الناس على أعصابها كدة .. أنت ممكن تكتبها على أجزاء بس ورا بعضها .. أو الفرق بينهم ساعة والناس تقعد مستنية .. مش كفاية أعلانات التلفزيون .. إلا إذا كنت مشغول أو ما شابه
      [B][FONT=Comic Sans MS][SIZE=5][COLOR=Green]

      [SIGPIC][/SIGPIC]


      Life's too Short for the Wrong Job[/COLOR][/SIZE][/FONT][/B]
      ziabassem سابقا

      Comment


      • المشاركة الأصلية كتبت بواسطة kh_talaat مشاهدة المشاركة
        آسف جدا ... بس والله مكنش قصدي احكي القصة على اجزاء بس لقيت انها هتبقى كبيرة قوي والناس هتمل
        يا باشا لا داعي للأسف ومفيش حد يمل من حضرتك ولا حاجة .. ده أنت راجل زي العسل .. بس متسبش الناس على أعصابها كدة .. أنت ممكن تكتبها على أجزاء بس ورا بعضها .. أو الفرق بينهم ساعة والناس تقعد مستنية .. مش كفاية أعلانات التلفزيون .. إلا إذا كنت مشغول أو ما شابه

        وبالنسبة لموضوعك يا أستاذ خالد .. معلش حضرتك غلطان طبعاً فيه .. بس العذر الوحيد هو قلة الخبرة لأنك كنت زي ما بتقول لسه متخرج ومفيش خبرة في الحياه كفاية .

        أنت كان لازم تعمل بوليكه للراجل النصاب الأول .. وتصعد الموضوع للبوليس .. لسببين أنه ساعتها حيخاف ولو بيشحت كان جابلك الفلوس .. وتاني سبب أنك تبرئ ذمتك المالية أمام الشركة ومتدفعش فلوس من جيبك .

        النوعية دي من النصابين يسموا أنهم بيلبسوا طقية ده لده .. بمعنى أخر أنه ينصب عليك في حاجة ولو معرفتش توصله يبقى خير وبركة .. ولو عرفت توصله يبقى يتصرف معاك زي ما عمل كدة بالظبط .. والنوعية دي دائماً بتاخد بضاعة بتمن غالي قوي ويطمع أي مندوب .. وفي نفس الوقت ممكن ياخدها ويحرقها في السوق (يبعها بتمن أقل) لأي حد علشان يسيل فلوس يسد بيها بق أي حد تاني كان ناصب عليه وقدر يوصله .. وهكذا
        [B][FONT=Comic Sans MS][SIZE=5][COLOR=Green]

        [SIGPIC][/SIGPIC]


        Life's too Short for the Wrong Job[/COLOR][/SIZE][/FONT][/B]
        ziabassem سابقا

        Comment


        • المشاركة الأصلية كتبت بواسطة ahmed4000 مشاهدة المشاركة
          طيب وايه المفروض اللى كان يتعمل فى المشكلة دى؟

          اعتقد من الاساس مكنش يبدل الفاتورة بفاتورة للتاجر التانى؟
          يا ريت حد فعلا يقولنا اية الحل القانوني في الموضوع دة

          لأن ايامها كان النظام عندنا في الشركة ان البيع بيبقى يا اما نقدي او بالأجل

          النقدي العميل بيدفع كاش وياخد اصل الفاتورة

          بالأجل وياخد صورة الفاتورة فقط ودة بيبقى لازم ناخد موافقة الشركة والعميل بياخد كود على كمبيوتر الشركة ولو اتأخر في الدفع او حتى مدفعش المندوب مفيش عليه مسئولية

          وكان فيه نظام معمول بيه انه ممكن نسمح للعملاء القدامى او المضمونين انهم يقسطوا الفاتورة لغاية آخر الشهر قبل يوم 25 ودة طبعا بيبقى على مسئولية المندوب .... ودي كانت غلطتي
          [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

          Comment


          • المشاركة الأصلية كتبت بواسطة ziabassem مشاهدة المشاركة
            يا باشا لا داعي للأسف ومفيش حد يمل من حضرتك ولا حاجة :n_no[1]:.. ده أنت راجل زي العسل .. بس متسبش الناس على أعصابها كدة .. أنت ممكن تكتبها على أجزاء بس ورا بعضها .. أو الفرق بينهم ساعة والناس تقعد مستنية .. مش كفاية أعلانات التلفزيون .. إلا إذا كنت مشغول أو ما شابه

            وبالنسبة لموضوعك يا أستاذ خالد .. معلش حضرتك غلطان طبعاً فيه .. بس العذر الوحيد هو قلة الخبرة لأنك كنت زي ما بتقول لسه متخرج ومفيش خبرة في الحياه كفاية .
            شكرا لذوقك وفعلا محدش بيتعلم ببلاش
            [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

            Comment


            • أنا عايز أقول حاجة مهمة مش دايماً النصاب بينصب على الطماع
              هتلاحظو إن النصاب وهو داخل عليك بيتكلم كتير جداً
              وبيبص في ملامح وشك أوي
              و أول مانتا تبصله يبص في الأرض أو لأي حد تاني
              عشان كل هدفه إنه مايخلكش تركز في أي حاجة " يتوهك "
              عشان هو بيفهمك وبيعرف شخصيتك بعد كده
              ساعة لما بيعرف شخصيتك كل سنة و إنت طيب
              وممكن بعد كده لما يمشي وتفكر في اللي هو قاله تعرف وتتأكد إنه نصاب وعوضك على الله
              يعني مش دايماً هو بيستغل الطمع
              ممكن يستغل " الطيبة" لو لاقاك طيب يخشلك من ناحية الطيبة لما يشوف تعبيرات وشك
              ممكن يستغل " الجهل " وهو بيكلمك تلاقية بيقول حاجات كتير فيلاحظ عليك الجهل بهذا الشيء بواسطة تعبيرات وشك أيضا
              ممكن يستغل " هبلك " ممكن يستغل " استعجالك " ممكن يستغل " توهانك " بواسطة تعبيرات وشك أيضاً
              خلي بالك ممكن يستغل " نصاحتك " و إن إنت واد إور مايتخافش عليك هيخشلك برده من تعبيرات وشك
              يعني من الآخر
              ماتحطش نفسك في الموقف ده إلا للضرورة مع فرض سوء النية دائماً
              حد وقفك ==== ماتأفلوش يعني ماتعملش ناصح و تقول ماحدش هياخد مني حاجه غصبن عني
              حد كلمك ==== ماتسمعلوش
              باصلك ==== ماتبينش تعبيرات وشك
              حد قالك إزيك يافلان الفلاني و إنتا نسيه ==== تبقى ماتعرفوش حتى لوكنت بتنسى كلت إيه الصبح
              ملحوظة:
              أي حد في الدنيا معرض إنو يتنصب عليه و إسأل أي حد إتنصب عليه هيقولك زي ماكون كنت تايه ساعتها وهو جالي ماعرفش منين
              - و اللي يقولك أنا إتنصب عليا بس روحت وجبته وعملت فيه و أنا لو ليا جنيه بره أصرف عليه ألف جنيه ماتصدقوش - اللي اتنصب عليه اتنصب عليه وخلاص ولو شفت اللي نصب عليك بعد كده مش هاتعرف تاخد منه حاجة حتى لو موته من الضرب وممكن هو اللي يموتك من الضرب ويطلعك حرامي
              مثلاً
              أنا اتنصب عليا بسبب طيبتي
              واحد محترم واقف أما مستشفى قالي لو سمحت أنا و أنا و أنا وشغال في شركة كذا و إنتا منين قلتلو أنا سكن هنا قالي عند فلان الفلاني وأنا أعرف فلان و فلان وخالي فلان عنده صيدلية كذا في الحته الفلانية معلومات رهيبة
              أنا محرج أنا مزنوق أنا في موقف لا أحسد عليه """" أمي أمي أمي يا ناس أعمل إيه أمي لازم أعمل كده أنا أمي فوق في المستشفى مع دكتور فلان عايزة حقنه ضروري للقلب قبل العملية أنا لوحدي مش عارف أعمل إيه والدموع بتنزل من عينه أنا هجنن أعمل إيه قلتلو أأمرني حقنه عند صيدلية فلان بـ 214 جنيه لازم تتصرف أبوس إيدك أنا لوحدي أنا في ضيقه لو مش معاك أروح معاك البيت أعمل اللي إنته عايزه ده رقم موبايلي رن عليا عشان تعرفني""" الأيام دي كان والدي لسه متوفي وكنت معاه في المستشفى وطلبوا مني حقن وحاجات وربنا ستر وكان معايا فلوس وكنت لسه قابض و أنا فلبي طيب طلعتله 220 جنيه وقلتله سلامو عليكو وربنا معاك راح ماسكني وقاللي إزاي أنا لازم أردلك الفلوس دي قلتله أنا مش عاوزها لا لا لا لا و الله إحنا ناس محترمين بس أنا اللي مزنوق دلوقتي وراح مديني الفلوس تاني و قال والله العظيم وحياة أمي اللي راقده فوق بين الحيا والموت منا واخد حاجة إلا إذا قلت إنهم سلف وبكرة الساعة 11 هيكونوا عندك يا إما تاخد الموبايل قلتله خلاص خلاص قاللي إنتا ماشي منين قلتله طوالي قال أنا جاي معاك عشان الصيدلية وراح موقف تاكسي وقالة صيدلية فلان وقالي إركب قلتلو لأ روح إنتا قاللي طيب و هاتصل بكره الكلام ده سنة 2008
              ساعتها بقيت ماشي مبسوط و بقول الحمد لله فرجت كربة مؤمن ومش مشكلة نص مرتبي ربنا هيعوض عليا ولو كان طلب أكتر كنت إديته
              جيت تاني يوم قلت أرجع الشريط و أشوفة من الأول وكانت هذه هي الملاحظات اللي أنا ماخدتش بالي منها
              1- الراجل المحترم المهذب ده كان واقف في حته ضالمة ونادالي و أنا رحتلو ××××
              2- الراجل المحترم المهذب ده كان واقف جنب عربية وفي في الأرض جركن كبير " طريقة تانية للنصب "
              3- الراجل المحترم المهذب ده كان بيتكلم بسرعة جداً وبيقول أسماء كتير عشان أفقد تركيزي ويطمن إنو تخش عليا النصباية وياخد اللي هو ه عاوزه بدون نقاش " وفي وسط الكلام أنا ساكن هنا أخويا العقيد فلان جاي من الاسكندرية عمي ساكن في شارع كذا " و أنا بهبلي كنت المفرض أقوله روح هات من عمك أو روح بيتكو
              4-الراجل المحترم المهذب ده كان كل مابصله في وشه يبص في الارض
              5- الراجل الأهبل اللي هو أنا ماخدش باله من حاجه خالص وكان قلبة طيب " مابتهونش إلا على الغلبان "
              لما رجعت الشريط قلت لأ أتصل بيه إلى الآن غير متاح أنا كان ممكن أسامح وكنت ماشي وخلاص بس اللي عمله في الآخر خلاني ماسمحش أبداً .
              قلت أوصافه لواحد أعرفه إنه لابس نضارة مليان شوية كان بيعرج برجله الشمال بسيط طويل قمحي قاللي ده واد نصاب ...... بيظهر كل كام شهر في حته شكل وبيعد سنين مايظهرش خالص
              ماشي مرة في الشارع 2010 وبعدي لقيته راكب عربية دايو نوبيرا فضي ومعاه واحدة ....... وشايلة عيل وفي عيل راكب وره طبعاً ماتحركتش من مكاني بسبب الزهول وماشفتوش بعد كده
              معلش آسف للإطالة
              من الآخر ماتقفش لحد ولا تثق في أحد و إفترض دائماً سوء النية




              برجاء مراعاة انتقاء الألفاظ

              مشرف 5 ب

              10 مساءا

              24 يونيو 2010
              ahbl5555 سابقاً

              Comment


              • كنت عاوز اضيف حاجة
                ان فى مهنة مندوب المبيعات محاولات النصب والسرقة اللى بنتعرضلهاااا بتبقى محاولات يومية ومهما كنت ناصح وذكى وواد قور
                اعرف ان فى واااحد قاعد مفرغ نفسة تماما للنصب عليك او سرقتك بينمااا انتا مشغول فى الجرى ورا لقمة العيش
                وطبعاااا الشكل واللبس هما اول مظاهر الخداااع
                وشكرااااااااااااا
                [I]قد تعلمت الصمت من الثرثار .والتساهل من المتعصب .واللطف من الغليظ...
                والاغرب انني لا اعترف بجميل هؤلاء المعلمين !![/I]

                Comment


                • موضوع جميع جدا ياريت يتثبت علشان ميتهش في وسط المنتدي وعلشان الكل يستفيد
                  سبحان الله وبحمده سبحان الله العظيم

                  Comment


                  • جميل والله جميل
                    [FONT=Tahoma][SIZE=3]رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا [/SIZE][/FONT]

                    Comment


                    • من فتره 4 سنين كان معايا عربيه لانسر 98 عن طريق واحد صاحبى جابلى زبون مرس فى مدرسه صنايع هو يعرفه وكان الاتفاق على 52000 المهم الراجل جابلى الفلوس ناقصه 8000 وعلى اساس المعرفه القديمه الباقى خلال شهر او اقل لحد ما يبيع العربيه اللى معاه وصاحبى طمنى انه محترم وعارف بيته وسمعته كويسه .......وهكذا خلصت التوكيل وسبته الفتره دى لغايه شهر بسال على الفلوس الباقيه لقيت البيه ادانى 4000 وعلى اساس انه سال على العربيه ما تساويش غير 48000...طب نرجع العربيه لقيته خبطها عند الباب وكام حكه شكله لسه غشيم فى السواقه( انا نفسى وقفت منها) المهم مسكت فى صاحبى يجيبلى باقى الفلوس قعد يشتم انه واطى و ندل وووووووو.
                      المهم مرضيتش انه اعمل مشكله معاه على اساس انى واثق فيه انه كان عايز يخدمنى .

                      المفاجاه.. العربيه كان فيها رخصه 8 شهور الاقى صاحبى بيتصل يقوللى ان التوكيل فى غلط فى الاسم التالت فى حرف واحد والمعلم حاول يعالجها معرفش وجه تانى اخدت منه 3500 و صلحت التوكبل بعد ما جاب معارف كتير عشان نلم الموضوع وبعد معرفت ان العربيه اتفصلت معاه بعد الفتره دى ب 41000 .
                      والحمد لله من ساعتها مفيش اى ورق غير لما اخد باقى فلوسى
                      [COLOR=black]oosa سابقا[/COLOR]

                      Comment


                      • موضوع جميل جدا ياريت يتثبت وينظم
                        { اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}
                        [url]http://www.soft4islam.com/22/bag_download.htm[/url] حقيبة المسلم
                        بكتب با [url]www.yamli.com[/url] فأسف على بعض الأخطاء الاملائية

                        Comment


                        • ماشاء الله أفكار ولا فى الأحلام

                          فى نصبايه تانيه بتتعمل
                          تلاقى إثنين راكبين عربيه نص نقل وتحس انهم شغالين فى المبيعات وماسك رزمه فلوس كبيره فى ايده ويسألك وهو راكن فى جنب الطريق ويقولك عاوز تفك فلوس يا كابتن تقوم انت بسلامه نيه مديله ورقه 100 او 200
                          عشان يفكهالك تلاقى العربيه طلعت امريكانى وانت لوحدك ...
                          العربيه بتكون منزوعه اللوحات او مدارى اللوحه.
                          حصلت مع صديق لى


                          موضوع بتوع وزاره الصحه والرش حصل معايا مره واحده وخدوا 5 جنيه منى بالعافيه .

                          ورفى حاجات تانيه هبقى احكى عاليها بعدين
                          وربنا يسترها عالينا من النصابين ... ويسترها ان الموضوع ده مايكونش مرجع ليهم فى تعلم افكار جديده.
                          [img3]http://img72.imageshack.us/img72/4968/logo2g.png[/img3]

                          Comment


                          • موضوع جميل وشيق قوى

                            Comment


                            • انا بقي اعرف واااحد نصااب مالوش زي
                              ومحدش عاارف يمسكة
                              [CENTER][media]http://www6.0zz0.com/thumbs/2011/09/14/04/347541799.jpg[/media]
                              MY BMW 2500CC
                              :tumb:
                              [/CENTER]

                              Comment


                              • انا لسه من ساعتين متعرض لموقف حرق دمي جدااااااااااااااااا

                                في مكان كده فوق في المقطم كنت رحته زمان مكان هادي وحلو قوي وتحس انك في صحراء بس على جبل عالي والقاهرة كلها تحتيك

                                المهم رحت المكان ده وكان معايا 2 صحابي (رجالة علشان محدش يفهم غلط) المهم لقينا المكان ده قلب كافتريات بشكل غبي ولقيت ناس بترمي نفسها قدام العربية علشان اقف المهم ركنا العربية في شارع جانبي ونزلت ولقتش مفر غير اني اقعد على كافتريا منهم
                                وقعدت وطلبنا 3 شاي لقيتهم جايبين الشاي ومغطييته بسلوفانة قلت حلو النصب اشتغل
                                بسال الواد اللي بينزلنا الطلبات بقوله الشاي بكام قالي ب 10 ج (ده على اساس اني هاخد فارغ الكباية معايا وآخد الكرسي اللي انا قاعد عليه)

                                قلتله اندهلي اللي معاه الحساب
                                جيه بقوله الشاي بكام قالي 10ج +10% ضريبة مبيعات+12% خدمة
                                طبعا احنا تنحنا قلتله اديني فاتورة ضريبية حالا ودخلت فيه شمال
                                قالي خلاص اشرب وخلي وبتاع وعمل نفسه زوق وحترم قوي

                                شوية ولاقينا خناقة في كافتريا جنبنا كانت كبيرة جدااااااا بسبب الحساب قلت بس كده طلبت حوار

                                الجميل بقى احنا قعدنا بتاع نص ساعة بالظبط والله عدى علي عيال اللي بيبيع لب وذرة وفل وزفت بتاع 10 مرات ويرجعوا ويلفوا تاني

                                المهم شربنا وخلصنا الحساب كام يا عمنا قالنا 30 ج قلتله مش دافعين وانا راجل مأمور ضرائب وصاحبي التاني محامي

                                هم اتهزو شوية وبتاع راح منادي صاحب الفرش قالنا خلاص وخليها علينا وبتاع ومش مهم اي حساب والمهم تيجوا تاني (بياكلنا بالكلام) والحساب هيبقى 30 ج بصراحة انا كنت مستعد لاي حوار وكاتب رقم 122 على الموبايل وقلت هتخرب النهاردة
                                لقيت واحد من صحابي راح مطلع 20ج ونهينا الحوار على كده

                                والله لحد دلوقتي دمي محروووووووق وطق حاسس اني اتنصب علي بالزوق

                                قبلها قلت نروح نتغدا ورحنا كويك اللي في شارع الميرغني وانا طلبت سندرتش ماشروم كده في عيش محمص بالجبنة الموزيريلا كان طعمها وحش جداااااااا بس ده بس قلت اجرب وجت على دماغي

                                بجد انا اتعكننت انهاردة جدااااااا يعني بعد يوم قرف في الشغل وقرف بعد الشغل

                                خلاص بقى انا داخل انام مش قاااااااااااادر

                                Comment

                                Working...
                                X