تحذير من احدى الشخصيات فى المنتدى

[ابوهاشم]

اولا ربنا يعوض عليك بالخير ان شاء الله
..
البورصة دي مغامرة معرضة للخسارة والمكسب وزي ما احنا متوقعين المكسب يجب ان لا نستبعد الخسارة
اللي عاوز اعرفه
هل الشخصية دي كانت عارفه ان الاسهم دي ح تخسر كدة وتعمدت انها تخسرك فيها ؟؟
هل هيا استفادت من خسارتك اي نوع من الاستفادة ؟؟
اعتقد انك لو كنت كسبت كان ح يكون افيد ليها علشان تحصل على حصتها في الربح كالاتفاق
انا شايف ان اللي حصل ممكن يكون غير اللي حضرتك متصوره
البورصة حصل فيها انهيارات رهيبة الفترة اللي فاتت وناس كتير خسرت مبالغ رهيبة
مش ممكن يكون اللي حصلك ده بناء على ترشيحها كان بسبب انهيارات بورصات اوروبا بعد احداث اليونان ....
انا ما اعرفش الزميله اللي انت بتتكلم عنها تماما ويمكن اول مرة الاحظ اسمها
لكن هل هيا تعمدت تضليلك ..... ولا اللي حصل كان سوء اختيار منها ؟؟؟؟

انا متابع الموضوع من الاول للاخر
ومش لاقى تحليل منطقى غير ده
ربنا يعوض عليك

[mada121977]

اولا ربنا يعوض عليك بالخير ان شاء الله
..
البورصة دي مغامرة معرضة للخسارة والمكسب وزي ما احنا متوقعين المكسب يجب ان لا نستبعد الخسارة
اللي عاوز اعرفه
هل الشخصية دي كانت عارفه ان الاسهم دي ح تخسر كدة وتعمدت انها تخسرك فيها ؟؟
هل هيا استفادت من خسارتك اي نوع من الاستفادة ؟؟
اعتقد انك لو كنت كسبت كان ح يكون افيد ليها علشان تحصل على حصتها في الربح كالاتفاق
انا شايف ان اللي حصل ممكن يكون غير اللي حضرتك متصوره
البورصة حصل فيها انهيارات رهيبة الفترة اللي فاتت وناس كتير خسرت مبالغ رهيبة
مش ممكن يكون اللي حصلك ده بناء على ترشيحها كان بسبب انهيارات بورصات اوروبا بعد احداث اليونان ....
انا ما اعرفش الزميله اللي انت بتتكلم عنها تماما ويمكن اول مرة الاحظ اسمها
لكن هل هيا تعمدت تضليلك ..... ولا اللي حصل كان سوء اختيار منها ؟؟؟؟

والله اللى انا استشفيته بعد الخساره دى وبعد مراجعه ماحدث من احداث انها قد يكون فى نيتها تحقيق الخساره حتى تدفعنى الى قبول الحل الاخر الا وهو الفوركس ..
بالنسبه لحصولها على المكسب فطبعا مكسب الفوركس هيتعدى بمراحل مكسب البورصه ده اذا كان فيه فعلا عندها خبره ودرايه بها .. بمعنى انك تأخد نسبه من عمليه واحده فى البورصه ولا تتصرف فى حساب بأكمله وصاحبه لايعلم عنه شيء ؟
بالنسبه لموضوع بورصات اوروبا وماترتب عليه من هبوط فى مصر فمن الطبيعى جدا ان الميكر اللى اشارت ليه هذه الشخصيه سيكون عنده معلومات عن هذا الهبوط

الاخوه الكرام ابلغنى احد الساده الافاضل وهو طبيب بشرى مصرى يعمل بالمملكه العربيه السعوديه (وهو ليس من اعضاء المنتدى ) والذى تعامل مع الشخصيه المذكوره ان نفس السيناريو الذى حدث معى حدث معه بالنص وانها تسببت فى خسارته مبلغ كبير من المال !!

[dr-mohamed]

اولا : فين اسم الشخصيه طيب
ثانيا : انا شايف ان حضرتك غلطان لأنك بتقول انك خسرت فيها قبل كده مبلغ كبير
وباردو دخلت بمبلغ كبير وخسرت بسبب واحد متعرفوش فا كان المفروض حضرتك تسأل مره واتنين وعشره وتعرف كل سهم خباياه كويس
البورصه مش سهله ولا مجرد ورقه يا نصيب
البورصه تجاره مش شطاره
وكل اللي اقدر اقوله ربنا يعوض عليك ويرزقك باللي أحسن من كده وتعوض خسارتك بأذن الله

يا هيما يا حبيبي احنا بنفترض في اللى داخل المنتدي هنا انه عايز يفيد الناس ويستفيد منهم مش يضرهم
يعني مثلا انا لما مشت وراك في موضوع تغيير حاجة في عربيتي كنت اعرفك قبل كدة ؟؟؟؟؟؟؟؟؟؟؟
لا طبعا بس افترضت انك انسان صادق وعايز تخدم لوجه الله والحمد لله فعلا طلع ظني في محله واصبحت صديق عزيز بعتز بصداقته وبعتبره من مكاسبي من الموقع
ثانيا صعب يقول اسم لاشخصية على العلن والا ممكن يتحاسب ويبقي بيهاجم الشخصية دي وبيشخصن لاحوار الخ الخ ويطلع هو اللى غلطان في الاخر كمان

ربنا يخلف عليك بالخير يا اخى ويرزقك خير من ما خسرت ان شاء الغنى المنان رب العالمين ولو حضرتك قلت على الشخصيه دى هتفدنا كثيرآ لان ممكن يخدعنا خدعه جديده فسبحان الله الواحد قابل ناس للاسف لا تتمنى لك الخير بل يتمنى لك الضرر ربنا يحفظنا جميعآ

نفس الرد اللى قلته لهيما
بس سبحان الله
ليه ناس تتمني الشر لناس والضرر
هيستفيدوا ايه
وعلى فكرة الشخصية دي كانت فعلا تقصد تضره لكن مش كشخص وهوضح ده في اخر المشاركة

ا
انا مش فاهم طب هو اية مصلحته انه يخسرك برغم انه هياخد منك ربع المكسب لو السهم طلع يبقى مصلحته انه يكسبك

وبرده حتى لو يعرف ميكر اسهم الميكر مش هيقول لحد امته السهم هيطلع وامته هينزل لانه عايز يكسب

يا باشا الميكرات دول عالم تانى ومش اي حد بيقي ميكر لازم يبقي معاه فلوس كتير عشان يقدر يلعب باسهم شركات معينة هي عادة الشركات ضعيفة راس المال قليلة الاسهم علشان يقدر يتحكم في السهم
اللى عملته النصابة دي هي والميكر اللى بتشتغل لحسابه انها دخلت الموقع هنا واكيد دخلت مواقع تانية كتير وبقت تقنع الناس باسهم معينة هي اسهم الشركات اللى قلت عليها علشان تقنع اكبر عدد من الاشخاص يشتروا منها
وطبعا الميكر هنا بيبيع
والناس تلاقي لاسعر طالع والميكر يشتري هو كمان
لغاية لحظة معينة استوب
الميكر يبيع كل الاسهم اللى معاه ويلبسها اخوانا اللى عاملين طلبات شراء
وباي باي كمبورة
الكل يلاقي السهم بينزل تحصل حالة هلع الكل يبيع ومحدش بيشتري لغاية ما السهم يوصل الحضيض
وهنا ممكن الميكر يكرر اللعبة على نفس السهم او يلعب بسهم تانى

وفيه ناس عملوا ملايين من اللعبة دي
وعلى ما افتكر الدستور او صوت الامة كانت عاملة موضوع من شهور عن اكبر 10 ميكرات في البورصة المصرية

والله يرحمه لكح ويخرب بيته
كان دايما يلعب اللعبة دي بالسهم بتاعه
يفضل يعمل طلبات شراء والناس تبيع والسعر يعلى ويبدا الانتباه لارتفاع السهم فالناس تبدا تشتري وهو يشتري معاهم ويبيع لهم في نفس الوقت علشان يبقي فيه حركة على السهم لغاية ما يوصل لاعلى سعر وهوب يبيع كل الاسهم اللى معاه تلاقي الناس لبست وتانى يوم كله بيبيع ومحدش بيشتري
والله فاكر اللحظة دي كانها بتحصل حالا
السهم بقاله اكتر من 3 اسابيع في ارتفاع يومي 5% والطلب بيزيد بجنون والعرض قليل جدا لغاية ما في يوم قاعد في شركة السمسرة ادام الشاشة والطلبات وصلت اكتر من 20 مليون سهم والعرض صفر وهوب الساعة 3 الا 5 وقبل ما البورصة تقفل ب5 دقايق بس لقيت الشاشة اتغيرت
يا نهار اسود
كل طلبات الشراء اتنفذت وال20 مليون سهم المطلوبين اتنفذوا في فانية الىل هي جزء من الثانية طيب يا جدعان من ثواني مكانش فيه عرض قالك اتنزل عروض مفاجاة بال20 مليون
تانى يوم السهم نزل 5% والناس كلها بتبيع ومحدش بيشتري وهكذا حتي وصل السهم الحضيض وعاد لكح ليلعب نفس اللعبة مرة تانية
بس كنت انا لبست في اول مرة وحلفت عمري ما ادخل لاسهم ده تانى
عرفت بقة يا باشا النصابة نصبت عليه ليه ؟؟؟؟؟؟؟؟
لانها بتشتغل لحساب ميكر وبتخلي لانااس تشريت علشان السهم يرتفع وفي الاخر يلبسوا في الحيط

بس انا مش بغلط العضوة دي قد ما بغلطك انت .
ازاي تدي عقلك و فلوسك لحد ما تعرفوش . طيب هيه هتكسبك ليه يعني ؟ عشان ربع المكسب ؟
طب ما هيه تشتغل بفلوسها و تاخد المكسب كله ليها
تسيبلك 75 في الميه ليه يعني ؟

لو حضرتك مهتم بالبورصة و عايز تشتغل فيها يبقى لازم تذاكر و تتعلم ازاي تحدد نقط البيع و الشراء و اكيد فيه معانا هنا اعضاء فاهمين تحليل فني ممكن يساعدونا في فهم حركة الاسهم و السوق

متزعلش مني بس انا خايف عليك

يا باشا كل السماسرة في شركات السمسرة بيلعبوا اللعبة دي يديك توقعات مقابل نسبة من ارباحك
وهو مش خسران حاجة لانه مش شغال فلوسه والله كسبت اخد منك نسبته خسرت يبقي هو مخسرش حاجة

أنا تقريبا عارف انت بتتكلم على مين ، بس ياريت تقول الاسم للتأكيد.

ميقدرش لاا لو الادارة قالت له يقول الاسم والا يبقي بيسبها ويشخصن الحوار الخ الخ الخ ومش بعيد يتوقف وقف نهائي

نسيت ان اذكر نقطه هامه جدا فى الموضوع وهى ان هذه الشخصيه وبعد خسارتى الكبيره فى السهم فى المره الاولى كانت تلح على باصرار غريب ان ادخل ماتبقى من مال فى مجال الفوركس على اساس ان سيادتها خبيره الخبراء فى الفوركس وان مكسب عمليه واحده فى الفوركس سيعيد مكسب خساره البورصه كلها فى فتره قصيره وكانت هذه الشخصيه تلح على بان اضع ماتبقى من المال فى حساب خاص بشركه الفوركس التى تتعامل معها فى لندن وان اقوم بعمل تفويض لسيادتها حتى تتحكم هى فى حسابى الخاص بالشركه .. يعنى احط القرشين اللى فاضلين فى لندن وادى لسيادتها تفويض كمان بالحساب بتاعى وانا بقى ابقى اقزقز لب على رصيف مستشفى الامراض العقليه فى العباسيه !! طبعا انا رفضت الفكره تماما ولذلك يبدو ان طلبها منى بشراء اسهم الشركه الخاسره فى المره الثانيه كان محاوله للانتقام منى لرفضى موضوع الفوركس التى كانت تصر عليه

مفيش معاك شوية لب لاخوك
بضحك معاك طبعا
على فكرة هي تانى مرة مكانتش بتنتقم ولا حاجة هي كانت بتكمل شغلها لحساب الميكر اللى بتشتغل عنده
والحمد لله انك مديتهاش الفلوس كان زمانك فعلا بتصوت والثانون لا يحمي المغفلين
احمد ربنا انه وجهك للصواب في المرة دي

طول ما لطماع موجود
النصاب بخير

والله مش عارف ليه اتضايقت من مشاركة حضرتك
وصفك لاخونا احمد بناه طماع لم يكن موفقا بالمرة والا نتهم كل واحد عايز يستثمر فلوسه في حاجة يكسب منها انه طماع
ونوصف الشركات الكبري اللى بتلجأ لشكرات تعملها دراسات جدوي للمشاريع بناها طماعة
راجع نفسك في الكلمة دي تانى
وانا حاسس انك مكنتش تقصد المعني بتاعها

ربنا يعوض على حضرتك. وحضرتك مؤمن فثق إن ماحدث حصل للخير وحضرتك تستفيد منه عشان المستقبل إنشاء الله.
أنا بس كان ليَّ سؤال و خاصة للأعضاء اللي اتعاملوا مع البورصة, أنا أعرف إن البورصة استثمار مش تجارة. وإن نوع التعامل في البورصة بطريقة التجارة بيعرض لمكاسب أو خسائر كبيرة في اوقات قليلة. انما الاستثمار هو دراسة وضع مؤسسة وخططها للسنوات المالية القادمة واستراتيجياتها لتحسين وضعها في السوق ( وديه بتكون مدد زمنية طويلة ) وباستثمر في اللي أنا مقتنع بيه. لو الشركة أو الإدارة بتنفذ بطرقة خطأ ساعتها اروح استثمر في مؤسسة تانية. هل ده صح ولا هي تجارة فعلا ونوع من أنواع اضراب واجري؟

يا جون باشا فيه طريقتين في البورصة
الاولى انك تشتغل على الاسهم السريعة بمعني تشتري وتبيع باسرع وقت وتحقق اكبر قدر ممكن من المكاسب من السهم وتبيعه وعادة دي بتبقي في الاكتتابات كلها بتتم على الطريقة دي
واحد صاحبي محترف بورصة من 1999 متخصص اكتتابات يشتري في الاكتتاب ويبيع اول يوم لطرح السهم للتداول وبسم الله ما شاء الله محقق ارباح حلوة جدا
لكنه حذر جدا واعتبر ان البورصة هي شغلته لغاية دلوقت
وممكن يروح شركة السمسرة اللى بيتعامل فيها يوميا من 10 الصبح لغاية 4 العصر وبالشهور من غير ما يشتري ولا يبيع اي سهم

هو حضرتك معترض إنك خسرت و لا إنك سمعت كلامها و لا إيه يعني ?
بالعضوة دي و من غيرها أنت خسرت و أي حد معرض للخسارة في البورصة

و ده درس لكل واحد إنك تشتغل في حاجة تعرف عنها معلومات و ماينفعش تخلي حد إن شاء الله أخوك يشوفلك شغلك

يا باشا كلامك ده ممكن لكن مش في البورصة المصرية اللى مش بتشتغل على اي اساس علمي
يعني شكرات كسبانة وميزانيتها محققة ارباح زي الفل وتلاقي سهمهما احمر على طول
وشركات تانية راسمالها ضعيف جدا ومحققتش اي ارباح ولا اخدت اي مشاريع وتلاقي سهمها اخضر على طول
ليه ؟.؟؟؟؟؟؟؟
شغل ميكرات وسماسرة والخسران في الاخر العملاء العاديين اللى زيي وزي احمد وزي حضرتك اللى فاكرين انها بالعلم او الدراسة او باستقراء المستقبل والمتغيرات المختلفة المؤثرة على حالة الاسهم

انا حذرت من الموضوع ده اول متفتح وقدمت عليه مشاركة سيئة والحمد لله الادارة قفلته قبل ميبقى فى ضحايا اكتر
وبرده لقيت العضوة باعتلى انها ممكن تفتحلى حساب فوركس..على فكرة اسمها مش حيفرق لان مش المشكلة مين العضو المشكلة فى العرض نفسه اللى ممكن يجلك باى اسم "تعال وشارك معانا وحتكسب دهب من غير مجهود"


انا ممكن اقول ان العضوة مش لازم تبقى نصابة ولا فى انتقام ولا حاجة (حتتنقم ليه منك هى اكيد عايزة تكسب) لكنها واحد زى الوف فى البورصة فاكرة ان الموضوع سهل وان فلان ده عنده كل المعلومات وحيقولهالى ونكسب

وده ميمنعش غلط حضرتك وده نفس اللى بيحصل فى اى توظيف اموال...واحد يجى يقولك هات فلوس وانا حكسبك وانا اسمع كلامه بدون فهم وعايز اكسب

طيب ازاى اكسب من غير مجهود؟

هو فى فلوس بتيجى من الهوا؟؟؟؟

ولو جت من الهوا صدقنى حتطير فى الهوا ولا حتستفيد بيها حاجة

(على فكرة نفس الموضوع بيتم بصورة حسنة النية هنا على المنتدى..ناس بتحلل اسهم وناس تانى ماشية وراهم...ومع احترامى للطرفين...بس ازاى واحد يمشى ورا كلام واحد تانى حتى لو كان خبير الخبرا (ده مش مقصود بيه حد هنا علشان محدش يزعل) لان دى أفة البورصة المصرية كلها نسمع اى كلمة نجرى وراها وادخل على كل منتديات البورصة حتلاقى واحد عمال يحلل ويدى توصيات والناس وراه وهى مغمضة

وبعدين الناس تيجى تقولك البورصة وحشة وخسرتنا...طيب مانت لازم تخسر طبعا مدام ماشة بالطريقة دى


وبرده عايز ارد على الناس اللى عمالين يعلنوا فى البورصة

البورصة حلال مدام مبتشتريش فى شركة انتاجها حرام ومدام مبترميش فلوسك وخلاص

والبورصة لا هى فهلوة ولا سهلة ومحتاجة مجهود ودراسة وعلم والا مش حتكسب

الحمد لله انك موقعتش فيها
ثانيا الموضوع اللى حضرتك بتقول عليه مجرد ان احد الاخوة هنا طرح الموضوع للنقاش واتطور وبدا يعمل تحليل مالي وهو نفسه كرر اكتر من مرة انه مش خبير ولا قال للناس روحوا اشتري ولا قال لحد هاخد منك اي حاجة يعني بيقدم معلومة وخدمة مجانية انت عايز تتبعها اتبعها مش عايز براحتك زي ما هو قال لما احد الاعضاء قاله هشتري على ضمانتك قاله لا بس لو كسبت ابقي ادعي لي ولو خسرت انا ماليش دعوة
انما العضوة دي كانت عايزة تاخد مكسب الربع
فرق كبير ججدا بين الحالتين

اخي احمد
عوضك الله خيرا ان شاء الله عن ما فقدته ولا تحزن فامر المؤمن كله خير
بصفتي لا بشخصي اطالبك بكشف اسم الشخصية فورا لاني لا اقبل ذلك في منتداي مطلقا
اعتقد والله اعلم اول حرف منها d
صح ولا انا غلطان

والله العظيم وحياة اولادي احترامي ليك بيزيد يوم بعد يوم يا كريم يا منير
ووالله العظيم وبدون تلقيح على حد انت بتثبت انك صاحب الموقع رقم 1 في مصر في كل حاجة مش في السيارات بس زي ما ناس بتوهم نفسها

انا عمري ما سمعت عن واحد كسب من البورصه .. كل الناس خسرانه .. كلهم بمعني الكلمه ... وأتحدي أي واحد يقولي انه عمل من البورصة دي فلوس . للأسف الطمع هو اللي بيدفع الناس للانقياد وراء الخرافات والأحلام .. يعني همه اللي بيجيبوه لنفسهم بمزاجهم .. يبقي الواحد ميرجعش يعيط بعد كده .... أنا برده من ضمن الناس الخسرانه دي لحسن حد يفتكر اني شمتان ! .. لله الأمر من قبل ومن بعد

لا انا اعرف
الاول انا معاك زي حالاتك وزي احمد خسران بس انا خسارتى قليلة والحمد لله
بس واحد صاحبي في البورصة من 1999 وربنا كارمه ربنا يكرمه اكتر يا رب
بس هو متفرغ لها بمعني الكلمة
يعني يوميا من 10 الى 4 عصرا في البورصة وممكن يفضل بالشهور بدون بيع او شراء ومتخصص اكتتابات وبيدرس ويحلل الاسهم كويس جدا وكمان بيتابع الاقتصاد والسياسة والحروب والكورة وكل حاجة وبيقولي ان كل ده ليه تاثير على البورصة حتي رمضان والثانوية العامة ليهم تاثير على البورصة وهو كان سبب ان خسارتي قليلة لانه نصحني ابعد في الوقت المناسب لكن بصراحة في شراء او بيع الاسهم هو مش بيرضي يقول تشتري ايه وتبيع ايه بيقول كل واحد متعلق من عرقوبه علشان نفضل اصحاب ومزعلش منه في يوم من الايام وانا احترمت رايه لكن لما قالي اخرج من البورصة واصر بدون ابداء الاسباب اخدت برايه والحمد لله رايه كان صواب

والله اللى انا استشفيته بعد الخساره دى وبعد مراجعه ماحدث من احداث انها قد يكون فى نيتها تحقيق الخساره حتى تدفعنى الى قبول الحل الاخر الا وهو الفوركس ..
بالنسبه لحصولها على المكسب فطبعا مكسب الفوركس هيتعدى بمراحل مكسب البورصه ده اذا كان فيه فعلا عندها خبره ودرايه بها .. بمعنى انك تأخد نسبه من عمليه واحده فى البورصه ولا تتصرف فى حساب بأكمله وصاحبه لايعلم عنه شيء ؟
بالنسبه لموضوع بورصات اوروبا وماترتب عليه من هبوط فى مصر فمن الطبيعى جدا ان الميكر اللى اشارت ليه هذه الشخصيه سيكون عنده معلومات عن هذا الهبوط

الاخوه الكرام ابلغنى احد الساده الافاضل وهو طبيب بشرى مصرى يعمل بالمملكه العربيه السعوديه (وهو ليس من اعضاء المنتدى ) والذى تعامل مع الشخصيه المذكوره ان نفس السيناريو الذى حدث معى حدث معه بالنص وانها تسببت فى خسارته مبلغ كبير من المال !!

يا باشا كلامك بياكد كلامي ان دي بتشتغل عند ميكر كبير مشغلها هي وناس غيرها علشان يتلاعب بالسوقق باسهمه وباسهمهم وطبعا الشركات اللى حضرتك اشتريت منها كانت زي ما قلت من الشركات اللى راسمالها قليل وبالتالي عدد اسمهمها من السهل التلاعب بيه

[ahmed4000]

ثانيا الموضوع اللى حضرتك بتقول عليه مجرد ان احد الاخوة هنا طرح الموضوع للنقاش واتطور وبدا يعمل تحليل مالي وهو نفسه كرر اكتر من مرة انه مش خبير ولا قال للناس روحوا اشتري ولا قال لحد هاخد منك اي حاجة يعني بيقدم معلومة وخدمة مجانية انت عايز تتبعها اتبعها مش عايز براحتك زي ما هو قال لما احد الاعضاء قاله هشتري على ضمانتك قاله لا بس لو كسبت ابقي ادعي لي ولو خسرت انا ماليش دعوة
انما العضوة دي كانت عايزة تاخد مكسب الربع
فرق كبير ججدا بين الحالتين

انا مشبهتش الحالتين ببعض بالعكس انا اكدت اكتر من مرة ان الموضوع ده بيتم بحسن نية وبدون اى عمولات بالعكس دى مجرد مساعدة
بس العامل المشترك فيهم ان مستثمر يسمع كلام مستثمر اخر ويعمل زيه بدون هو ميكون فاهم هو بيشترى ليه او بيبيع ليه

وطبعا المستثمر اللى بيحلل ممكن يكون كويس وممكن يكون فاهم نص نص او ربع ربع او مش فاهم خالص..طيب ازاى بتمشى وراه.اذا كان محللين كبار شغلتهم الاساسية فى شركة سمسرة وممكن يكونوا بيعكوا عك فظيع


الخلاصة من كلامى: لو مش ناوى تبذل مجهود فى انك تتعلم البورصة اوعى تقربلها..لانك حتخسر وحترجع تدور على حجة (الميكرز- شهادات الايداع- المؤشر- ماجد شوقى....الخ) مع ان اكبر مشكلة حتكون فيك شخصيا




بالنسبة للاخ صاحب الموضوع فهو مصمم ان الموضوع مؤامرة وانتقام مع ان الرأى المنطقى انها عايزك تكسب علشان تكسب هى كمان وخاصة ان الميكر مش حيستنى 3 او 4 مستثمرين من نايل موتورز يدخلوا يبقوا ضحية المخطط بتاعه

ولو كانت مؤامرة علشان تدخلك الفوركس مكانت دخلتك من الاول

وعلى فكرة النظام اللى قالت عليه فى الفوركس منتشر انك تفتح الحساب وشخص تانى يببقى ليه حق الادارة بس ميقدرش يسحب الفلوس وده لانها كانت حتدير المحفظة والفوركس مش زى البورصة ده فى ثانية ارباح خيالية او خسارة خيالية


انا اكتر حاجة مضيقانى فى الموضوع انه عمال ياكد الفكرة الخاطئة عن البورصة والفوركس ..ان كلها نصب وفهلوة وقمار وعمر محد بيكسب .......وللاسف الصورة مختلفة تماما بس محدش عايز يتعب نفسه ويتعلم

[Karim_Monir]

اخى العزيز كريم منير الحمدلله على كل حال وجزاك الله كل خير....
انا كنت منتظر موافقه الاداره بل الاعلان عن اسم الشخصيه حتى لا يتم الرجوع على شخصى باى تنبيه او تحذير من قبل الاداره .. العضوه تدعى meramor81

في انتظار رد العضوة بعد ارسال رسالة طلب ايضاح منها لانها لم تقم بقرائة الموضوع

والله العظيم وحياة اولادي احترامي ليك بيزيد يوم بعد يوم يا كريم يا منير
ووالله العظيم وبدون تلقيح على حد انت بتثبت انك صاحب الموقع رقم 1 في مصر في كل حاجة مش في السيارات بس زي ما ناس بتوهم نفسها

يا اخي الله يكرمك ولا نزكي على الله احد وانا مابعملش غير واجبي ناحيتكم

[Hossam_Hassan]

حاضر ... فيه سهم اسمه الاسكندريه لتداول الاوراق الماليه اكيد حضرتك عارفه الخبيره القديره طلبت منى شراء السهم ب 40 جنيه على اساس صعوده السريع خلال اسبوعين الى60 جنيه ولكن ماحدث هو هبوط سريع الى ال 20 جنيه .. يعنى كده نصف رأس المال طار فى لحظه ... ثم طلبت منى شراء لكح والمشروعات الصناعيه (خارج المقصوره ) وكما حدث فى البدايه حدث فى النهايه وانهار السهمان بسبب خبر قصر فتره تداول سوق خارج المقصوره على يومين فقط فى اول يوليو ... فهل اذا كانت هذه الشخصيه كما تدعى انها على صله باحد الميكرات لم تكن تعرف هذا الخبر الهام فى سوق خارج المقصوره الذى جعل كل اسهم خارج المقصوره تتهاوى سريعا ؟؟؟

معلش انا عاوز بس افهم

هو المفروض ان التجارة تكسب 50% فى اسبوعين؟

البورصة سوق مش مكان للمضاربة، لكن للأسف المضاربة هى اللى حولتها لمصيدة لناس كتير.

متزعلش منى بس انت طمعت فى الحاجة الغلط، و ارجوا انك ما تزعلش من كلمتى دى، علشان كلنا طماعين، بس ممكن الواحد يطمع فى يوم اجازة زيادة من الشغل و يعمل نفسه عيان او واحد يطمع فى اكلة تقيلة عليه، لكن الطمع فى مكسب 50% فى أسبوعين يعتبر تغييب للمنطق و لو فى ناس بتكسب بالمعدلات دى نتيجة للمضاربة، فعن نفسى مش هقدر اعتبرهم تجار ابدا.

[SHNORY]

سؤال علي السريع كده
هي العضوه محل الموضوع اخدت فلوس من حد في ايدها؟؟؟؟؟؟؟

اصل انا شايف ان الموضوع قله خبره مش نصب
بس في الاول والاخر كله غلطان

[venomixus]

الثقة

صعب جداً أن تثق بشخص ماتعرفوش ولا تعرف حاجه عنها مهما كان الكلام مقنع..لازم الواحد يكون حذر في التعامل مع الآخرين وعدم الثقة بسهولةفي أي حد في الزمن ده. ربنا يعوض عليك ويرزقك...الفلوس بتروح وتيجي المهم الصحة.

[ahmed4000]

ومعلش ليا تعليق تانى ميخصش صاحب الموضوع فعلا لانه فى الاغلب مخدش باله منها لكن علينا ككل

هل حلال انى اكسب من معرفتى لمعلومات من ميكر بيتلاعب بالسوق وعنده معلومات مش عند بقية الناس بطرق غير شرعية؟

لاننا طول الوقت الناس بتشتم فى الفساد لكن هل لو جتلنا فرصة نستفيد بيها حنعمل ايه؟

طول الوقت بنلعن فى المحسوبية والواسطة واستغلال النفوذ واحنا اول ميبقى عندنا واسطة بنستخدمها

[solycar]

معلش انا عاوز بس افهم

هو المفروض ان التجارة تكسب 50% فى اسبوعين؟

البورصة سوق مش مكان للمضاربة، لكن للأسف المضاربة هى اللى حولتها لمصيدة لناس كتير.

متزعلش منى بس انت طمعت فى الحاجة الغلط، و ارجوا انك ما تزعلش من كلمتى دى، علشان كلنا طماعين، بس ممكن الواحد يطمع فى يوم اجازة زيادة من الشغل و يعمل نفسه عيان او واحد يطمع فى اكلة تقيلة عليه، لكن الطمع فى مكسب 50% فى أسبوعين يعتبر تغييب للمنطق و لو فى ناس بتكسب بالمعدلات دى نتيجة للمضاربة، فعن نفسى مش هقدر اعتبرهم تجار ابدا.

يا جماعة بالراحة على الراجل شوية و بلاش كلمة طمع دى


اصل طمع دى معناه انو كان بيحلم ب حاجة مش من حقه


ممكن نقول طموح بلا خبرة او دراسة


و ياريت ندعيلوا بفك الكرب احسن

[meramor81]

السلام عليكم اخواتى الكرام
بجد مش عارفه ابدء بايه او ااقول ايه ؟؟؟ اخر شىء كنت اتخيله ان حد يطلعنى نصابه على اخر الزمن ولكن لاااقول سوى حسبى الله ونعم الوكيل وخصوصاا فى منتدى محترم اعتبره بيتى الثانى .
احب ان اوضح الشخصيه التى يتحدث عنهااا الاستاذ المحترم احمد العديد من اعضاء نايل موتورز وخصوصاا قسم الجين تو
من هى ؟؟؟؟ والعديد قابلنى شخصياا انا واسرتى ويعلم اننى والحمدلله لن اقبل اى حرام او نصب على احد

ولكنى مثل اى شخص طموح وبحب العمل وطموحى ليس له حدود كاى شخص
عملت لفتره فى خدمه العملاء لشركه محترمه ولهاا اسمهاا المرموق وكنت احلم بالعمل مثل اصدقائى بأداره المحافظ
ولكنى تزوجت ولم اكمل مسيرتى
بس طبعاا كنت بشتغل مثتثمره فى البورصه بمبلغ كبير وبخبرتى ومعارفى انا وزوجى تعرفناا على شخصيه تعمل بهيئه سوق المال بالاسم الدارج يعتبر ميكر ومحرك لبعض الاسهم طبعاا كان هو المحرك الاساسى لمحفظتى ومش هقول انى ماخسرتش بس السبب الاساسى فى الخساره الجميع يعلمهاااا وهى الازمه العالميه الجميع خسر فيهاا محللين وميكرززز

المهممم بدء بعدهاا الوضع يتحسن وعوضت بفضل الله سبحانه وتعالى ثم الميكر الخسائر التى لحقت بى
وبدئت اشاهد الناس لاتعرف ماذا تشترى واين تبيع ولا يستطيعون تعويض ولو جزء من الخسائر وبرغم تحسن السوق الخسائر كانت تزداد كنت اساعدهم بدون اى مقابل والحمد لله العديد منهم تحسن وضعه كثيرااا ومن ثم فكرت ان اعمل كمساعده فى ادراه المحافظ واكسب جزء بسييييييييط وااؤكد على بسيط لانى لست بطماعه او نصابه كما يدعى استاذ احمد
والمكسب كنت احصل عليه بعد انتهاء العمليه والحصول على ارباح وليس قبل العمليه
يعنى مصلحتى ان اكسب العميل اولااا ثم من بعد ااخد عمولتى المعتتاده وهى الربع

طبعااا فكرت انى اعلن عن نفسى وبدئت بمنتدى نايل موتورز وتعرفت على استاذ احمد الاول اسمحولى اسئل استاذ احمد بعض الاسئله اعزرنى استاذ كريم منير انا احترمك كثيراا ولكن اريد ان ارد على الاتهامات الموجه لى والتى جائت بنايه عن جهل بما هى البورصه وعملهاا وطريقه الاستثمار فيهااا استاذ ى المحترم احمد

1- انا نصبت عليك فى ايه هل اخدت منك فلوس وهربت بيهااا مقابل الاسهم اللى خسرت فيهااا
2_ هل الاسهم اللى انت خسرت فيهاا اشترتهاا منى شخصيااا علشان الناس ماتفهمش انى كنت مزنوقه فيهاا وبعتهالك انت تحديداا علشان اخلص منهااا
3- تعالى نتكلم عملى وكلام ناس فاهمه بورصه نسبه نزول الاسهم كااام ونسبه نزول السوق عمومااا كام وقدام الجميع
هاعمل فايل فيه كل الاسهم من ذ تارخ شرائك انت للاسهم حتى الان بحيث اوضح فيه نسبه نزول اسهم البورصه كلهااا
واعلى الاسهم هبوطاا علشان المنتدى كله يفهم ان الهبوط العنيف ىف السوق كان حاله عامه وليس على اسهمك انت فقط
4- ماشاء الله على حضرتتك لم اتذكر ابداا اى محاسن لى والتى جعلتك تنشد بى وتوصل سيطى الى السعوديه
الم اقل لك اسهم استطعت ان تكسب منهااا وتعوض جزء من خاسيرك
الم اكن السبب فى خروجك من السوق قبل هبوطه 2000 نقطه
الم اقل لك قبل شراء هذه الاسهم تحديداا بحوالى شهر ان السوق سيهبط بعنف ولكن لم اكن اعلم ان الهبوط سياتى فجاءه
بسبب القررات العنتريه لرئيس البورصه ماجد شوقى ياريت الناس تتدخل منتديات البورصه وتتاكد من كلامى ده وهتلاقى مواضيع مستعده بعد اذن الادراه اضع لينكاتها حالا تتحدث عن ذلك والمظاهرات التى اقامهاا الكثيراا احتجاجاا عما يفعله ماجد شوقى

نيجى لصديقك فى السعوديه هل اخدت منه مليم واحد ولا فقط وجهته وفعلا فى الاول كسب بس ملحقناش نسحب لان السوق تحول الى هبوط وانا اصريت اننا نطلع بره السوق للمره التالته لفتره وندخل تانى ودخلناا بناء على التحليلات ولكن بسبب نفس القرارات السوق اصبح ضعيفااا واخذ اتجاه هبوطى قوى
استاذ احمد انت ذكرت ال 3 اسهم اللى خسرتك فيهاا ولم تذكر الاسهم اللى كسبناا منهاا ولم تذكر حال السوق عموماا

انا مصلحتى ان اكسبك مش اوجع قلبى بدون اى مقابل وفى الاخر اطلع نصابه حسبى الله ونعم الوكيل فيك وفى كل حد قال كلمه بدون اى تاكد منى شخصياا وبدون وعى

اقسم بالله تعالى وانا مش مجبره انى احلف انى مانصبتش على حد طول حياتى
انا مستعده لاثبات كلامى كما قلت عملياااااا

كمان هاوضح نقطه للنسبه للفوركس
انت بتقول انى عملت الخطه الدنيئه دى كلهااا علشان ادخلك فوركس علشان مكسبى من الفوركس هيكون اعلى بس ماذكرتش نقطه مهمه انى قولتلك اننا هاندخل فوركس ومش هاخد منك اى مكسب الا بعد ماتعوض خسرتك وترجع تةانى 30 الف جنيه لو انا نيتى انى اعمل الخطه الجهنميه دى عليك ايه اللى يخلينى ااقولك كده
ماكان من الاول قولتلك ندخل فوركس انا اصلا مش محتاجه مكسب ال 30 الف جنيه بتوعك ابداااا علشان اتعب نفسى والف اللفه دى كلهاا
انا اصرارى معاك اقسم بالله العظيم انى اعوضلك خسارتك بدون اى مقابل بالرغم انك من غيرى اصلا كنت خسران اكتر
استاذ احمد ياجماعه كان داخل السوق على حسب كلامه ب 100 الف جنيه ووصلهم بعد الخساير ل 30 الف جنيه
لوما جالى وعوضت له 20 % من اول عمليه وهى العمليه الوحيده اللى بعتلى مكسبى منهاااا
العمليه اللى بعدهاا كان المكسب ضعيف ولكن انا ليه فلوس فى زمته واقسم بالله ماطلبته بيهم لو انا طماعه زى ما هو بيقول ماكنتش سبت مليم لكنى دماغى اكبر من انى افكر اققوله على مبلغ بسيط زى ده

اسفه انى طولت بس بجد استاذ احمد ده شخصيه كنت بحترمهاا جدااا ولم اكن اتخيل ابدااااااااا انه يعمل كده
بس الواحد مش بيتعلم ببلاش
وعاوزة اوضح حاجه اخيره
ان البورصه سوق زى اى سوق فيه مكسب وفى خساره وان السوق المصرى بتاعناا الفتره الاخيره للاسف الشديد
لايحكمه قوانين الطلب والعرض المعتاده

[ahmed4000]

وبخبرتى ومعارفى انا وزوجى تعرفناا على شخصيه تعمل بهيئه سوق المال بالاسم الدارج يعتبر ميكر ومحرك لبعض الاسهم طبعاا كان هو المحرك الاساسى لمحفظتى

الموضوع كله عك فى عك

والكلمة دى لوحدها جريمة يعاقب عليها القانون لو كانت صح اعذرينى - او متعذرنيش- ده اسمه فساد رسمى لما تستغلوا علاقتكم بموظف فى جهة حكومية علشان تحققوا مكسب ..

[meramor81]

الموضوع كله عك فى عك

والكلمة دى لوحدها جريمة يعاقب عليها القانون لو كانت صح اعذرينى - او متعذرنيش- ده اسمه فساد رسمى لما تستغلوا علاقتكم بموظف فى جهة حكومية علشان تحققوا مكسب ..:i_angr1[1]:

اخى احمد
علشان ماننطرقش فى مواضيع خارج الموضوع الاساسى اللى متهمه بيه

لو انت غارق فى السوق ووجدت من يساعدك بمعلومات وله نظره اكبر منك بغض النظر عن كونه ميكر او غيره
هو فقط يساعدك بمعلومات مثل الدخول فى سهم معين والخروج عند الرقم كذااا
او الخروج النهائى من السوق ماذاا ستفعل ؟؟؟؟
اخى انا الحمدلله على درايه كامله بالتحليل الفنى للسوق ومؤخراا لا احتاج للمساعده برىء لان للاسف الشديد السوق المصرى ليس له قوانين تمشى عليهاااا بس خلاصه الموضوع
انى عندماا اقترحت ان اساعد البعض فى اداره المحافظ انا فقط مجرد رىء ومش بجبرك او باخد عموله قبل الدخول فى العمليه انا لم ااخذ الا وجع القلب والتحليل طول الليل وفى الاخر بحلل ليك وليه
ولو جالى خبر كنت بتصل بالجميع واقولهم انا جالى الخبر الفلانى
واظن استاذ احمد عارف انه من اول الناس اللى كنت بتصل وبخرجه على طول من السوق قبل الانهيار اللى هايحدث
ولكنه لم يذكر الا خسارته وكانى اخترت الاسهم اللى تخسره

ارجو الكف عن الاتهامات بجد انا لاحتمل كل هذاا

[meramor81]

رجاء الى الاستاذ كريم منير
انا اتهنت اهانه كبيره جدااا والله اعلى واعلم بحالتى الان
انا لم انصب على احد ارجو التحقق من السوق عمومااا واحواله ومن ثم النظر فى اسهم استاذ احمد ولنرى فرق الخساره اد ايه ؟؟؟
العديد من الناس فى كل المنتديات بتتدى توصيات والبعض بيمشى وراهااا وفى اللى بيكسب وفى اللى بيخسر
انا لم يمكننى التنبىء بالاهيار اللى بيحصل بالدول الاوروبيه او قررارات ماجد شوقى لكى اكون على درايه بكل شىء
والا كان كل الناس كسبت . السوق مكسب وخساره

ارجوك انظر فى الموضوع فانا لم اجد من يعطينى حقى والتهامات الموجهه لى
كل اللى بطلبه من حضرتتك انه لاداعى لاهانات من الاعضاء لانهم لايفهمون السوق والكل يتحدث عن جهل ااسف لهذا اللفظ بس هى دى الحقيقه .

[samirayad]

والكل يتحدث عن جهل ااسف لهذا اللفظ بس هى دى الحقيقه .

بسم الله الرحمن الرحيم

قال الله تعالى

كل نفس بماكسبت رهينه

وقال أيضا

أنه يعلم الجهر ومايخفى

صدق الله العظيم

فربنا اللى عارف بالسرائر ....مش أحنا

وهو اللى حيحاسب كل أنسان على قدر ضميره


وعندنا مثل بلدى بيقول

بيت النتاش ..........عمره مايعلاش

ومش مقصود سعادتك طبعا

ولكن ده مثل لكل نتاش

لا يخشى الله


___________________

أظن ده مش جهل

ده قمة الأيمان