بعض الملاحظات بخصوص مصيف فى الاسكندريه.....

[ahmed-moga]

ربنا يخليك يا احمد باشا ان شاء الله علي الفجر يا استاذ احمد انا رايح العجمي هانوفيل

مصيف سعيد ان شاء الله ياحميدو باشا وربنا يحلي اوقاتك كلها ويجعلها كلها سعاده وفرح وترجع بالسلامه متنساش دعاء الركوب

الله اكبر الله اكبر الله اكبر سبحان الذي سخر لنا هذا وما كنا له مقرنيين وانا الي ربنا لمنقلبون

[hamedo0]

مصيف سعيد ان شاء الله ياحميدو باشا وربنا يحلي اوقاتك كلها ويجعلها كلها سعاده وفرح وترجع بالسلامه متنساش دعاء الركوب

الله اكبر الله اكبر الله اكبر سبحان الذي سخر لنا هذا وما كنا له مقرنيين وانا الي ربنا لمنقلبون

ربنا يخليك يا استاذ احمد وترجع بسلامه ان شاء الله

[dramir1]

ترجع بالف سلامه وماتنساناش في شوية جمبري معاك بس يكون دواخل الفابريكه

[Mody_Benz]

يعينى يا استاذ احمد معلش

المهم انك تنبسط وتستريح شوية من جو القاهرة والشغل والقرف والزحمة اللى فيها

واهو منك غيرت جو وشميت ريحة البحر وجو اسكندرية وجمالها

وانا كنت فعلا عايز اطلع اروح اسكندرية قبل رمضان كدة 5 ايام

بس بعد كلامكوا غيرت رايى وهروح مطروح احلى مع انى مرحتهاش قبل كدة بس من كلام ناس عليها

انها كويسة وحلوة وجميلة

بس ياريت لو حد يقدر يفيدنى اسعار الشقق والشاليهات فى مرسى مطروح فى حدود كام عشان اعمل حسابى

ياريت بعد اذنكوا وشاكر ليكم جميعا يا منتدى يا لذيذ يا جامد

[AshTurbo]

اللي عاوز يصيف دلوقتي في أسكندرية ملهاش الا حلين يا أما ينزل في المعمورة يا في المنتزة غير كدة مفيش لأن سبب زحمة أسكندرية أنها مصيف رخيص تتوفر فيه كل مميزات المصيف الناجح سكن أكل شرب فسح بأسعار رخيصة فا اللي عاوز يشتري دماغوا ينزل في حتت مايكونش فيها كثافة جامدة انا كنت يومين في المعمورة هادية ورايقة ومفيش زحمة والبحر نظيف وكله عال العال .

وأسكندرية في رمضان هتبقى حلوة وأهدى بكتير اللي عاوز يتمتع بالبحر ييجي آخر 4 أيام قبل رمضان ويقعد كمان 4 في رمضان ويقضيها خيم رمضانية وخروجات عالبحر بالليل ويروح بحري والقلعة والمنتزة الجو هناك رائع في رمضان لحد الفجر والحال هيبقى أهدى شوية ونورتوا أسكندرية عاصمة السياحة المصرية والعربية والأجنبية وربنا يتولانا برحمته قادر يا كريم .

[mexmarine]

تعالى اسكندريه فى الشتاء و انت تعرف ايه هى اسكندريه !!!

زحام الصيف خلانا نحن الاسكندرانيه مصيفنا مطروح او الساحل مع انى لو نزلت بالشورت و روحت البحر اسهل لى و اوفر لى لكن لو حطيت شمسيه و نزلت الميه و رجعت لها هتلاقى 15 او 20 واحد وواحده قاعدين تحتها و بيبتسموا لك و مش هيقوموا

و خلانا نمشى من الدولى الساحلى و ننسى الكورنيش
و خلانا ننسى محطة الرمل و الانفوشى و المنشيه .و طبعا فى الشتا هتروح تعمل ايه فيهم !!

يعنى اللى بيعملوا مشاريع فى القاهره مش عارفين يعملوا شاطئ صناعى ياخد له 15 او 20 الف او حمام سباحه عملاق اد ستاد القاهره و الناس تنزل من المدرجات على الحمام :))

و أحلى حاجه ان الوضع دائما مش عاجبكم ههههههههههههه

[M.Alaa92]

احنا عشان اسكندرانية لما بنحب نصيف بنصيف فى شهر 9 و 10 بيبقى الجو رايق وحلو و مفيش زحمة ده انا حتى مبحبش اخرج من البيت فى الصيف

[Super_Star_h]

والله ما عارف اخرج ولا عارف اشتغل بسبب الاحتلال اللى دخل علينا ده
وقاعد فى البيت مش بخرج ده انا بطلع بعد الفجر ساعتين اتمشى وارجع تانى الكهف بتاعى
بجد يعنى الصيف ده مش طبيعى !!!
انا عن نفسى مسافر كمان 3 ايام على مطروح وامرى لله
ممكن اللى يجي يضحى ويدخل شاطئ المعموره والمنتزه فقط لا غيرررررررر

[Mostafa.Mahran]

خلاص يا جماعة احنا نقوم بعمليات تفجيرية ضد المصطافين

واول هدف انا نفسى الغيه من الوجود هو شارع خالد بن الوليد

[abou_ruqi]

خلاص يا جماعة احنا نقوم بعمليات تفجيرية ضد المصطافين:c_laugh[1]:

واول هدف انا نفسى الغيه من الوجود هو شارع خالد بن الوليد

على فاكرة هما تقريبا عددهم أكتر من عددنا , أنا مبقيتش بشوف عربيات "ملاكي اسكندرية" في اسكندرية خالص ولا أي عربية " س x x # # # # "

[نور القمر]

اديكم بتسترزقوا مننا بدأ من الكارتة واللجان اللي بتلكك لنا وتاخد مخالفات مرورا بتأجير الشقق والشاليهات واجرة التاكسي المبالغ فيها والمطاعم وتذاكر الشواطيء
يلا ادينا بنعمل الخير ونرميه البحر وياريته عاجب

[misoalex]

بسم الله الرحمن الرحيم
.
.
.
.
جاتلى فرصه انى اطلع اسكندريه 5 ايام ودة لانى بحب اسكندريه جدا عن اى بلد تانيه وهى المصيف رقم واحد بالنسبه ليا....المهم اللى لاحظته فى الرحله من اول ما طلعت...

1-الطريق ممتاز جدا ودة طبعا بعد الكارته ومفيش تحويلات اطلاقا والعمليه فى السريع (انا ختها فى ساعه و ربع للكارته التانيه بالاضافه ان العربيه خدت 25 لتر بنزين..دة ازا مكنش اكتر ) ...لكن قبل الكارته عذاب شديد من زحمه القاهره....

2-لما وصلت اسكندريه وعديت الكارته....الجو جميل جدا والصراحه افضل من القاهره بمراحل....

3-الكورنيييييييش...وما ادراك ما الكورنيش...زحمه فظيعه والناس فوق بعضها والهوا واقف متفهمش ازاى....وفى رطوبه غير طبيعيه وابتديت احس بالحر فعلا والكتمه

4-الناس مش بتنام...ادان الفجر بيأذن والاغانى شغاله وولا فى اى احترام لاى حاجه.......متعرفش تخرج وتستمتع خالص...لانك لو خرجت هتتقرف من الزحمه...دة غير انك مينفعش تركن فى اى مكان لانك مش هتلاقى.....

5-المرور هناك شادد حيله اوى على بتوع القاهره ما شاء الله...زى ميكون رزق وجايلهم

6-احسن اماكن هناك يتخرج فيها....سان ستيفنو وجرين بلازا....اما بالنسبه للقلعه والكورنيش والمنشيه والمناطق دى صعب جدا الخروج او التمشيه فيها....وبالنسبه للمعموره او المنتزه للاسف مدخلتهاش لانى معيش باسات (مش قصدى عربيه طبعا ).....بس اعتقد هيبقوا افضل قليلا

7-حاجه لاحظتها غريبه جدا مش عارف انا صح فيها ولا لا.....الصراحه اناكنت قاعد جنب جامع سيدى بشر....المهم...المساجد هناك مفيش اهتمام بيها خااالص....يعنى مسجد كبير زى سيدى بشر للاسف يفتقد حجات كتير زى نضافه الحمامات والمداخل والمخارج وما شابه ذلك...وكمان مش عارف ليه المساجد قليله على الكورنيش....يعنى انا صليت الجمعه فى زاويه تقريبا فى الشوارع الداخليه

8-نصيحه لكل اللى عايز يطلع اسكندريه......بقوله بلاش احسن......لو عايز تستمتع روح اى حته تانيه..انا كرهت اسكندريه وكرهت نفسى ههههه ...اسكندريه حاليا بقت عذاب ومفيش اى نوع من انواع الانبساط هناك...معلش اسف للطاله بس حبيت اوضح الحجات دى

يعنى حضرتك جيت اسكندريه ومدخلتش المعموره ولا المنتزه مع انها بتزاكر عادى جدا واسعار معقوله من غير اى باصات
ومروحتش العجمى ولا اكتوبر ولا الساحل
ولا حتى القلعه وبحرى
وقعدت فى سيدى بشر وتقول ده مصيف وتنصح التاس متجيش اسكندريه
حضرتك للاسف الى اخترت غلط او كان فى سوء تنظيم للرحله انت رحت اماكن الاسكندرانيه اصلا مش بيروحوها

والمرور عندنا معروف انه ارزل مرور فى الجمهوريه حتى علينا انا لسه رخصتى مسحوبه الاسبوع الى فات عند القلعه

واسكندريه الصيف ده حاجه غير عاديه زحمه رهيبه غير عاديه

اسكندريه حتفضل اسكندريه واكتر كل سنه كمان

منوره بأهلها طبعا ياباشا وعمري مازعل منكم طبعا علي فكره انا في اسكندريه من 5 ايام وماشي بكره الفجر وانا عارف

ان الأسكندرنيه اهل الجدعنه كلها واللي في قلبهم علي لسانهم بس كان نفسي اشوف شنوري ودكتور بحري وابو

رقيه وميزو وكل اسكندرنية المنتدي اشوفكم علي خير ان شاء الله وسلامي للجميع واوعي حضرتك تزعل مني وخصوصا

اني نويت اخد الجنسيه الأسكندرانيه واستقر في الأسكندريه بقيه حياتي تقبلوا خالص شكري وتحياتي

احمد باشا انا لسه شايف كلامك دلوقتى وانا لو اعرف ان انت فى اسكندريه كنت نصحتك تطلع العجمى شهر العسل جميييييييييله جدا وفاضيه شويه عن وسط البلد والشاطىء جميل جدا جدا
وممكن تدخل بيانكى وتتفرج براحتك ههههههههههه

اما اسكندريه من اول ابو قير لحد بحرى منصحش اى حد يغامر ويروح فيها لانها تحولت لجزء من القاهره وميدان رمسيس


على فكره 50 % من سكان اسكندريه هاجرو الى مطروح

لدرجه السنه الى فاتت شفت ناس كتير اعرفهم هناك ههههههههه

السنه دى بقا الاسكندرانيه كلهم فى مطروح

[aliabutaleb]

8-نصيحه لكل اللى عايز يطلع اسكندريه......بقوله بلاش احسن......لو عايز تستمتع روح اى حته تانيه..انا كرهت اسكندريه وكرهت نفسى ههههه ...اسكندريه حاليا بقت عذاب ومفيش اى نوع من انواع الانبساط هناك...معلش اسف للطاله بس حبيت اوضح الحجات دى

شخصياً باتفق معاك في الجزء المقتبس
ولكن لا ننكر إن إسكندرية لا تزال المصيف الأول والمفضل لكثير من الناس اللي ظروفهم الاقتصادية لا تتحمل مصيف الساحل أو أي مكان آخر

[Samah AbdAllah]

اديكم بتسترزقوا مننا بدأ من الكارتة واللجان اللي بتلكك لنا وتاخد مخالفات مرورا بتأجير الشقق والشاليهات واجرة التاكسي المبالغ فيها والمطاعم وتذاكر الشواطيء
يلا ادينا بنعمل الخير ونرميه البحر وياريته عاجب :h_angry[1]:

ده على اساس ان السكندريين هم اللى بياخدوا الفلوس فى جيبهم مثلا !!!!!!!!!
المستفيد من الموضوع ده واحد ايا كان المصيف اليكس ولا راس البر حتى

[mahmoudysf]

ده على اساس ان السكندريين هم اللى بياخدوا الفلوس فى جيبهم مثلا !!!!!!!!!
المستفيد من الموضوع ده واحد ايا كان المصيف اليكس ولا راس البر حتى

هو فعلا لو الموضوع ده ما بيفدش بعض الناس
لاكن برضو فية ناس كتير بتعبر المصيف مصدر رزق كبير واساسي ليها
شوفي المطاعم والقهاوي واصحاب الشقق والتاكسيات
اذا كان المصطافين ضرر لبعض الناس فهما بيفيدو ناس تانية