موضوع مخصص عن المدن والتجمعات السكنية الجديدة من تجارب الأعضاء.

[محمد محمد]

السلام عليكم ورحمة الله وبركاته
الموضوع ده ان شاء الله هيكون مرجع كبير لكل واحد بيدور علي شقة او عقار في المدن والتجمعات السكنية الجديدة
زي العبور الشروق 6اكتوبر والتجمعات السكنية زي دجلة جاردنز دجلة بالمز...الخ.
الموضوع هنعتمد عليه من تجارب الأعضاء اللى عايشين في هذه المدن والتجمعات او اللى كانوا بيدوروا فيها وهنذكر فيه الأسعار والأماكن المميزة والغير مميزة والشركات والمكاتب العقارية اللى اتعاملنا معاها وافضل الشركات اللى بتقدم انظمة تقسيط كويسة وكل التفاصيل دي.
اللى موافق علي الفكرة دي يرفع ايده.

[The_Last_Rebel]

بارك الله فيك أخي الأستاذ محمد على هذه الفكرة الطيبة وأرجو إن شاء الله إن وجد هذا الموضوع تفاعلا من الإخوة الكرام أن يتم تثبيته من قبل الإدارة عسى أن يكون مرجعا للإخوة المقبلين على الزواج أو المقيمين خارج مصر منذ سنين طويلة أو من بلغ ذروة السعادة من الحياة داخل القاهرة.

تقبل تحياتي أخي الكريم.

[nomercy22]

ياؤيت واللي يعرف اي حاجه عن حي المنتزه ياريت يقول

[ابوهاشم]

مواااااااااااااااااااااااافق

[M.Mosaad]

موضوع جميل جدا و ياريت يتثبت في الاجتماعي و ياريت كمان لو يبقي فيه بيع و شراء

[محمد محمد]

جميل اوي هبتدي انا الأول.
طبعا هتكلم عن مدينة العبور بصفتي احد سكانها.
[frame="1 80"]مدينة العبور تلقب بعروس المدن الجديدة وتعتبر مدينه العبور من مدن الجيل الثانى وتم إنشائها بقرار رئيس مجلس الوزراء رقم (1290) لعام 1982
تقع مدينة العبور من الكيلو 9 حتى الكيلو 15 و بعمق 7 كم يمين طريق القاهرة بلبيس الصحراوى ويحدها غربا طريق القاهرة بلبيس من الكيلو متر 4 جنوبا حتى الكيلو متر 16 شمالاً ويحدها من الجنوب طريق القاهرة – الإسماعيلية عند الكيلو متر 26 .
مواصلات المدينة :: ترتبط المدينة بالمدن و المناطق الأخرى عن طريق :
خطوط اتوبيس هيئه النقل العام لربط المدينه بكل من العباسية – المرج الجديدة – مدينة السلام – ميدان التحرير – امبابة – البساتين - العباسية – شبرا الخيمة - شبرا - عبود - المسله - المطار - مدينة نصر - الألف مسكن .
وترتبط المدينة داخليا عن طريق :
سيارات ميكروباص تابعة لربط احياء المدينه ببعضها
تبلغ مساحة الكتلة العمرانية للمدينة 12.5 ألف وتبلغ المساحة الإجمالية 16 ألف فدان بخلاف التوسعات الجديدة التي تمتد حتي جهاز مدينة العاشر من رمضان والمساحة المنضمة حديثا الى المدينة تماثل تقريبا مساحة المدينة الحالية مما يجعل لها فرص في ان تصيح محافظة مستقلة كشقيقتها مدينة 6 اكتوبر. من المنتظر أن يصل عدد السكان بالمدينة إلى 500 ألف نسمة عند اكتمال نموها .
تتميز المدينة بأنها مدينة متكاملة الخدمات فعلي مستوي التعليم نجد ان هناك اكثر من 11مدرسة خاصة تقع داخل المدينة هي(الأنتركونتيننتال الدولية للغات وفرع مدارس النيل المصرية بالحي السابع-الفرسان الخاصة بالحي السادس-نور البيان ومنارة البيان الخاصة والرسالة للغات والصفوة للغات ومعهد الكريم الأزهري النموذجي وستانفورد الأمريكية ومدرسة القديس يوسف بالحي الثاني وجرين فالى والجولف بالحي الأول هذا بالأضافة الى منطقة الجامعات تحت الأنشاء بالحي التاسع والمتطقة التعليمية امام الحي الثاني بجوار منطقة المستثمر الصغير كل هذا بخلاف المدارس العامة التي تتراوح بين تعليم ازهري نموذجي وعام وثاتوي عام و صناعي مبارك كول) ويوجد ايضا بعض المدارس التابعة لمدينة العبور علي طريق القاهرة الأسماعيلية مثل نفرتاري وطيبة وتوجد ايضا معاهد العبور للتكنولوجيا الواقعة علي طريق بلبيس واكاديمية المستقبل الواقعة علي طريق مصر الأسماعيلية الصحراوي.
اما علي المستوي الرياضي فيوجد في كل حي ناد او مركز شباب خاص به وهم نادي الجولف بمدينة الجولف سيتي ويبدأ اشتراكه من 60000ج ويوجد نادي العبور الرياضي والأجتماعي تحت الأنشاء امام الحي الأول ويبدأ اشتراكه من 8000ج ومركز شباب مدينة العبور بالحي الثاني واشتراكه ب550ج ويوجد ايضا نادي الأطباء بالحي الثالث.
علي مستوي التسوق فحدث ولا حرج في بداية المدينة يطل علينا مركز مدينة الجولف التجاري(جولف سيتي مول) ويوجد به جميع المطاعم المشهورة(استوديو مصر-ماكدونالدز-الشبراوي ارابياتا-لابوار-تشيلز-كنتاكي وبعض المحلات الأخري تحت الأنشاء) اما محلات الملابس والأكسسوارات والأجهزة فلدينا جميع الماركات العالمية(اديداس-ريبوك-تمبر لاند-لابيدوس-كونكريت-راديو شاك-بغداد-سامسونج-فرع شركة اتصالات-فرع شركة لينك دوت نت-مزايا-داماس-مغربي) ولاننسي الصرح التجاري الكبير كارفور.
هذا بالأضافة الى العديد من المراكز التجارية المنتشرة في ارجاء المدينة و مراكز الخدمة المعتمدة وجميع توكيلات السيارات تقريبا بالمنطقة الصناعية .

مداخل المدينة

يوجد مدخل من طريق القاهرة الأسماعيلية عن طريق نفق العبور ويوجد اكثر من مدخل علي طريق بلبيس وهناك طرق مختصرة للدخول الى المدينة لا يعرفها الا من يسكن بها.
المستوي الأجتماعي بالمدينة
تتميز مدينة العبور بأنها تجمع بين طبقات عدة واكثرها من الطبقة العليا والمتوسطة.


علي المستوي السكني.
تلبي مدينة العبور احتياجات جميع الأشخاص من السكن حيث يوجد جميع الأسعار والمساحات والمناطق المناسبة ويتراوح سعر الشقة في مدينة العبور بين 1000:5000ج للمتر اما سعر الأراضي فيبدأ من 1000ج\متر.

تقسيمات الأحياء
الحي الأول:عمارات صغيرة اقل من 220م ومساكن متوسطة ومنخفضة التكلفة.
الحي الثاني :عمارات تتراوح بين 350 حتي 550م ومساكن متوسطة التكلفة.
الحي الثالث: اسكان عائلي عمارات اقل من 400م.
الحي الرابع فيلات:500:750م.
الحي الخامس:فيلات 500:750م.
الحي السادس :فيلات 600:750م.
الحي السابع:600:750م.
الحي الثامن:عائلي اقل من 400م.
الحي التاسع:عمارات 800:1300م.
مدينة الجولف:كومباوند متكامل.
الحي الترفيهي:فيلات 2000م.
اسكان الشباب:63:135م.
نزهة العبور:70:180م.
المستثمر الصغير:85م:150م.
جمعية عرابي:فيلات بمزارع.
[/frame]




[info]الكلام من جمعي وترتيبي وتأليفي
اي حد عنده اسنفسار فليتفضل.
[/info]

[محمد محمد]

بعض صور المدينة
[IMG]file:///C:/DOCUME%7E1/ALMASR%7E1/LOCALS%7E1/Temp/moz-screenshot-1.png[/IMG]

[eng_elnaggar]

موضوع جميل

[ecybrarian]

هو سعر الأرض كام في العبور او التجمع الخامس؟ ويا ترى مساحات قطع الأراضي قد ايه؟

[mazagngi2010]

اللى شاددنى فى حدائق اكتوبر هو شروع بيت المصريه الوحيد اللى 3 اوض وحمامين و80 متر تقريبا مش 63 زى الباقى بس خايف من النصب وفيه العبير جاردنز ارخص من الباقى

[محمد محمد]

هو سعر الأرض كام في العبور او التجمع الخامس؟ ويا ترى مساحات قطع الأراضي قد ايه؟

سعر متر الأرض في العبور يبدأ من 1200ج.

اللى شاددنى فى حدائق اكتوبر هو شروع بيت المصريه الوحيد اللى 3 اوض وحمامين و80 متر تقريبا مش 63 زى الباقى بس خايف من النصب وفيه العبير جاردنز ارخص من الباقى

طب 3غرف ماشي.....بس ازاي حمامين؟؟!!

[أبو_يوسف]

اللى شاددنى فى حدائق اكتوبر هو شروع بيت المصريه الوحيد اللى 3 اوض وحمامين و80 متر تقريبا مش 63 زى الباقى بس خايف من النصب وفيه العبير جاردنز ارخص من الباقى

موقعه فين بالظبط وجنب ايه؟

[ahmed76]

موضوع رائع
متابع

[أبو_يوسف]

ياؤيت واللي يعرف اي حاجه عن حي المنتزه ياريت يقول

حي المنتزه أمام دجلة جاردنز ..
وسعر الشقة 146 ألف بالتقسيط على 4 سنوات
في عمارة بمصعد وموقع كويس.. ودور وسط..
وسعر التاون هاوس 215 ألف على 4 سنوات
غير وديعة صيانة 10% بيدفع نصفها اقساط على 5 اقساط ربع سنوية والنصف الباقي عند الاستلام..
والتسليم تشطيب سوبر لوكس
ممكن ابقى اكتب لك تفاصيل الاقساط لانها مش معايا دلوقتي..

[mazagngi2010]

بخصوص بيت المصريه
YouTube - ‫ط¨ظٹطھ ط§ظ„ظ…طµط±ظٹظ‡ -طط¯ط§ط¦ظ‚ ط§ظƒطھظˆط¨ط±.wmv‬‎