تشترىلابتوب (نوتبوك) ايه؟

[OsKaR]

لالالالالالا في اللابتوب بالذات اوعى تفكر تشتري حاجه غير اتش بي او اتش بي كومباك انا زمان من 4 سنين كنت محتار زيك و خلال الاربع سنين اشتريت توشيبا و اتش بي و كومباك و ديل بس الامانه لله اتش بي و الكومباك - تبع اتش بي - مفيش زيهم مبدئيا انا مش بقول ان باقي الاجهزه وحشه بس في حلو فيه احلى و في الاحلى كلهم من ناحيه الاداء زي الفل لأن مفيش شركه من اللي فاتو هضحي باسمها عشان تكسب حفنه جنيهات بس الاتش بي اللي بيقولوا عليه غالي ممكن يكون اغلى ب 500 جنيه من باقي الماركات اللي في نفس المواصفات و ممكن توصل ل 1000 بس ده شيء طبيعي بنلاحظها في حاجات كتير في حياتنا و عندك مثلا السوني اغلى من امثاله في حدود 3 الاف جنيه لكن اهم شيء في الموضوع كله التوكيل و الضمان مش هحكيلك غير على موقفين حصلوا معايا في التوكيل و شوفوا حلاوه التعامل و البساطه
مرة اتحرقت مني الموذربورد و الغلطه كانت مني بسبب اني كنت مشغل الجهاز على كهربه القطار - كنت رايح الصعيد - و مكنتش عارف انها عاليه و حرقت الموذر بورد و طبعا رحت التوكيل و انا مجهز 100 حجه و حجه في دماغي عشان يصلحوه على حسابهم و اول ما رحت هناك كشف على الجهاز و قالي بكل برود "متشغلش بالك يا راجل عادي جدا الموذر اتحرقت هنغيرهالك على حساب الضمان " طبعا سلمت الجهاز و خرجت من عندهم و انا في قمة الذهول
تاني موقف ده الاسبوع اللي فات رايح عندهم عشان يكشفوا عليه -الصيانه الدوريه - و يغيرولي وندوز طلع الهارد في بادات -نتيجه الاستخدام الغير الادمي و الخبطات و الاهتزازات في السيارات - و انا مكنتش اعرف لقيتهم مغيرين الهارد و رجعولي الداتا اللي عليه من الهارد القديم و رجع زي مكان

و في الاول و في الاخر الاختيار ليك

[iunknown]

I have a Dell Insiron with
a 2GHz Core Due
2GB Memory
160 GB HD + I have an external 120 GB
128 NVidia with TV out
WiFi+Bluetooth + Cradreader + 4 USB port + Firewire
DVD R/W
15" wide bright screen
the battery is fine. Im using it for a lot of purposes mainly for simulation. sometimes I encode Video as well

I have not tried the aftersales yet but the machine is behaving very well


The only disadvantage that I see-not important but I'd love if it has been there- is that the ethernet card is 10/100 Mbits/s if it was 10/10/1000 it would have been great.
I think IBM/lenovo are the only laptops with a 1 Gbit/sec ethernet cards

[eng_mkhalaf]

سونى - توشيبا
واللينك فية كل حاجة ومترتبين حسب الجودة - وأدعو لى

http://www.ngc-maarouf.com/notebooks.htm

أنا لسة جايب توشيبا Satellite A200-1N1 وشكلة جامد جدا وخلصتة على 6100 وشنطة هدية

[badr20590]

اجمد نوع بلا منازع الابل انته ازاى ما ذكرتهوش؟؟؟؟؟؟؟

[PRO-DRIVE]

اجمد نوع بلا منازع الابل انته ازاى ما ذكرتهوش؟؟؟؟؟؟؟

داخل اقول كدا

بجد انا صحيح الابل جه معايا بالصدفه البحته

لكن بجد اذا حشتري لابتوب جديد حشتري ابل 100%

الا اذا كنت محتاج ويندوز

عيبه سعره :(

[modux]

dell is best one
as performance and dependency

[emadkamel]

السلام عليكم

بخصوص موضوع النوتبوك،

واللى عايز يستفسر عن أى حاجه انا تحت أمره، وسأجاوب فى حدود علمى ومعلوماتى وخبرتى بالمجال ده.

يا باشمهندس بعد اذنك، معايا اتش بى كومباك nc8230 كان شغال كويس وابن حلال ... فجأه قطع كهرباء ومش راضى يشتغل ... كل شويه يشتغل من دقيقتين لبالكتير خالص 20 ويفصل بس لما يفصل ما يقومش تانى ابداً ...يعنى اول ما يفصل اشغله يشتغل ثانيتين ويفصل كهربا ويفضل كده لغايه ما اسيبه يوم ولا حاجه يشتغل تانى بالكتير خالص 20 دقيقه ويفصل

انا جربت بالبطاريه بس، وجربت بالكهربا بس، دخلته ويندوز، ودخلته سيف مود، ودخلته على شاشة السيتاب ... ولعبته كل الالعاب ... كله نفس النتيجه

انا طبعاً بره مصر ومافيش هنا توكيل لاتش بى واساساً مافيش حد شوفته بيفهم فى صيانة النوتبوك ... اعمل ايه؟

[Powert]

ابعت ميل لشركة اتش بي وهما هيقولك تروح عند مين لو انت بره مصر قولهم كده

ولو في الضمان قولهم انك في الضمان وهما هيبعده ميل لمركز الصيانة

وهيبعدولك ميل للعنوان المركز ....

[tutankhamoun]

يا باشمهندس بعد اذنك، معايا اتش بى كومباك nc8230 كان شغال كويس وابن حلال ... فجأه قطع كهرباء ومش راضى يشتغل ... كل شويه يشتغل من دقيقتين لبالكتير خالص 20 ويفصل بس لما يفصل ما يقومش تانى ابداً ...يعنى اول ما يفصل اشغله يشتغل ثانيتين ويفصل كهربا ويفضل كده لغايه ما اسيبه يوم ولا حاجه يشتغل تانى بالكتير خالص 20 دقيقه ويفصل

انا جربت بالبطاريه بس، وجربت بالكهربا بس، دخلته ويندوز، ودخلته سيف مود، ودخلته على شاشة السيتاب ... ولعبته كل الالعاب ... كله نفس النتيجه

انا طبعاً بره مصر ومافيش هنا توكيل لاتش بى واساساً مافيش حد شوفته بيفهم فى صيانة النوتبوك ... اعمل ايه؟

نفس المشكلة حصلت معايا مع جهاز كومباك
و طلعت إن البوردة عايزة تتغير
و طبعا تم تغييرها على حساب الشركة لأنه كان مازال في الضمان

[Karim_Monir]

معلش انا دخلتمتاخر شوية
بس استمتعت باراء الناس جدا لانها بتعكس وجهة نظر المستهلك وخاصة المستهلك اللي بيدفع
اولاد انا مش هاتكلم عن ابل لانه ماقدرش ادخلة المقارنة
ثانيا برضه احسن كلمة اتقالت انه عطاء الاب توب بينخفض عن ال بي سي العادي كفاية بس تشوف نظام التبريد هنا وهنا وانت تعرف مش هاتكلم عن بقيت الكمبونت
واحب اصنف الاب توب لثلاث فئات
فئة العمالقة ويتربع عليهم IBM وجيت واي وديل
جيل الوسط وفيهم كومباك واتش بي وتوشيبا
جيل الكوري صيني زي ايسر واسوس وبن كيو
جيل الصيني صيني زي الكايرا
الاي بي ام جهاز زيه زي العربية المرسيدس بالظبط الناس دي مش بتهزر ولما بتديلك نفس المواصفات بضعفي التمن اكيد عارفة هيا بتعمل ايه (ويكفي ان شركتي بعد التعاقد مع اكتر من سبلاير واحنا بنمشي على رولز من سويسرا بتتطبق على كل الشركات في كل انحاء العالم اعتمدت اي بي ام فقط ولا بديل عنة الا لينوفو اللي هو خليفتة ونفس اي بي ام تماما بس اشترتة شركة صينية)
جيل الوسط ده امكانيات معقولة وساعات بيقدم امكانيات سوبر قوي بس كله بتمنه بس قدروا انهم يقدموا اجهزة رخيصة عشان يقدروا ينافسوا
جيل الكوري صيني ده بقي ادالك امكانيات جبارة بسعر في المتناول جدا واهتموا بالكماليات قوي وبيفكروني بالعربيات الكوري وبرضه بتنافس بشدة والمجموعة دي احسن ما فيهم اسوس حتى تلاقي اجهزتها اغلى شوية من الباقي

جيل الصيني صيني وده بقي الكايرا جهاز رائع وفيها امكانيات جبارة وتلاقيه مديهالك اقل الف جنية على الاقل من بقيت الاجهزة الاعلى منه

واحلى حاجة قالها مستر توت انك يا ريت تحدد احتيجاتك عشان ما تدفعش كتير وما تستعملش وده اسمه سفة
زي اللي بيروحو يشتروا N95 وهما ما يعرفوش يعني ايه 5 ميجا بيكسل ولا واي فاي ولا جي بي اس بس بيشتروه لمجرد المنظرة
يا رب اكون فيدتك وحدد احتياجاتك والبدجت بتاعتك وانا اظبطك في اللي يناسبك
والله الموفق

[Karim_Monir]

ابعت ميل لشركة اتش بي وهما هيقولك تروح عند مين لو انت بره مصر قولهم كده

ولو في الضمان قولهم انك في الضمان وهما هيبعده ميل لمركز الصيانة

وهيبعدولك ميل للعنوان المركز ....

اتش بي ضمانها جلوبال في شارع مصدق في الدقي
وكلم الدليل قولهم عايز نمرة تليفون جلوبال بتاعت كومباك

[OsKaR]

كلام جميع الاخوة الاعضاء صح زي منا قولت ان الاتش بي احسن حاجه في المتوسط من نلحيه ال سعر يعني احسن استثمار للفلوس ما هو في الابل و السوني و الاي بي ام لينوفو كل ده احسن من الاتش بي كاداء لكن سعرهم خرافه و توكيلات تعبانه زي السوبارو في العربيات اقرب مثال ان الجهاز اللي بسته الاف جنيه اتش بي اللي زي في الواصفات توشيبا ب 5000 ولو اسر 4500 ولو اسوس 4500 اما لو لينوفو هتلاقيه ب 8000 ولو سوني ب 9000 و الابل +10000 بس فالمتوسط الاحسن هو اتش بي
* معلش اصل انا لي صولات وجولات مع اللابات ده غير اني في علوم حاسب الجامعه البريطانيه دفعتنا 100 طالب كلنا معانا لابات فبالتالي اشتغلت على كل الانواع سالفه الذكر لو عايز احسن جوده مقابل سعر مناسب و التوكيل الافضل في جميع الانواع خليك في التش بي لو عايز توفر ايسر لو عايز نزاهه وشياكه و ماركه عالميه و اداء افضل سنه من الاتش بي خليك في سوني و الابل بس هتدوخ مع التوكيل و قطع الغيار و الجهاز لو خرج بره الضمان بتصلحه على حسابك و اسعار قطع غيار اكثر من خرافيه
*** ملحوظه بسيطه :- الجهاز الافضل في التقييمات العالميه على مواقع النت عام2007 هو HP Pavilion

[Karim_Monir]

كلام جميع الاخوة الاعضاء صح زي منا قولت ان الاتش بي احسن حاجه في المتوسط من نلحيه ال سعر يعني احسن استثمار للفلوس ما هو في الابل و السوني و الاي بي ام لينوفو كل ده احسن من الاتش بي كاداء لكن سعرهم خرافه و توكيلات تعبانه زي السوبارو في العربيات Pavilion

انت اتعاملت مع (قللي)قبل كدة عشان تقول عليهم توكيل تعبان
اشك بصراحة لانك كدة ماتعرفهومش خالص

[Dr Ahmed]

" احكم غضبك فعندما تبداء بفقدان غضبك ......تبداء بفقدان الاخرين "
"Powert"

أنا مش موافق على المقولة دى
تقصد "عندما تبدأ بفقدان أعصابك؟"

[Powert]

كده احسن لانها برضه ماكنتش عجباني