تشترىلابتوب (نوتبوك) ايه؟

[OsKaR]

عموما اخر كلمه احب اقولها لحضرتك ان لو حضرتك نويت تجيب اتش بي و انت بتشتري خلي بالك من حاجتين دايما بينزل عرضين مع الجهاز وهما كالاتي
1- اول عرض انك بتاخد مع الجهاز الشنطه الاوريجينال بتاعته او يعلي الرام الضعف و طبعا تعلي الرام احسن لأن انت ممكن تجيب شنطه من نوع اسمه ستار بعد كده ب 60 جنيه متفرقش حاجه عن الاصليه ام 300 جنيه
2- العرض التاني ان الجهاز ممكن عليه تدفع 500 جنيه زياده و تاخد حاجه اسمها
care-back و ده يخلي ضمان الجهاز 3 سنين مش سنه واحد انت ممكن تعملها بعد كده عند التوكيل
بس بتدفع 1250 جنيه فادفعهم من الاول احسن و اوفر و انا أويد بشده العرض ده لأنه مفيد جدااااااااااااااااااااااااااااااااااااااااا

**العرض الاول مش موجود دايما اما التاني تلاقيه في الاماكن الكبيره زي هايبر وان او كارفور لأن بيكون هناك مندوبين من الضمان

[د.اسماعيل النجار]

الف شكر على التوضيح يا كريم

انا بردو نسيت اقول لحضرتك حاجة يا دكتور :
وحضرتك بتشتري حاول تتأكد من وجود تعريفات (Drivers) مخصصة لنظام النوافذ (XP) وليس فيستا فقط لأن احياناً لما تشتري اللابتوب يديلك اسطوانة عليها نسخة فيستا شاملة التعريفات وتكون مجبر على استخدامها وبعد كدة تحب تحمل اكس بي تدوخ على التعريفات.

انا لا احبز ان حضرتك تستخدم فيستا دلوقتي لغاية ما تنزل اول مجموعة خدمة له (Service Package) لأن في بعض البرامج لسة مش متوافقة مع الفيستا او البرامج القديمة بمعنى اصح والمفروض مجموعة الخدمة ديه كانت تنزل في اول 2008 ولكن لسة مانزلتش بس اتطمن طالما استاذ كريم هايكون معاك ان شاء الله اكيد مفيش مشكلة

----------------------------
اخى الحبيب الاستاذ /عبد العزيز مرة ثانية امام اخلاصك البالغ فى اسداء النصح واهتمامك الشديد بادق التفاصيل التى ستفيدنى بالتاكيد ---------بقول مشلاقى كلام اشكرك بية غير ات انا ادعو الله لك بخير الجزاء وان يبارك يمينك ويمين كل من سطر كلمة تفيدنى وتفيد باقى الاعضاء ربنا يبارك فيكم

[د.اسماعيل النجار]

----------------------------
اخى الحبيب الاستاذ /عبد العزيز مرة ثانية امام اخلاصك البالغ فى اسداء النصح واهتمامك الشديد بادق التفاصيل التى ستفيدنى بالتاكيد ---------بقول مشلاقى كلام اشكرك بية غير ات انا ادعو الله لك بخير الجزاء وان يبارك يمينك ويمين كل من سطر كلمة تفيدنى وتفيد باقى الاعضاء ربنا يبارك فيكم

وليد----انا قلت عبد العزيز من غير وليد زى مابيقولو عبد الناصر من غير جمال هههههه ودة بيسموه فى علم البديع والبيان (للتفخيم والتوقير ) معلش بقة القافية بتحكم لانى بحب اللغة العربية بشكل لايصدق تحياتى

[د.اسماعيل النجار]

الاستاذ كريم والاستاذ اوسكار
اتا كنت متخيل ان انا بشوية المعلومات النظية اللى حافظهم عن الحواسيب المحمولة ان انا خبير جهبذ فى هذا المجال لكن قدام معلوماتكم الغزيرة حاسس ان حضرتنا تلميذ امام اساتذة فى مدرسة اللابتوب ورحم الله امرءا عرف قدر نفسه

[abdelaziz-waleed]

باشا شكرا على التاكيد والتوضيح
وليد احب اوضحلك حاجة
مابقاش فيه نوتبوك بينزل معاه الدرايفر نهائي
كله بيتباع من غير درايفرز وانت تدخل تنزلها من على النت
او البياع يعمل معاك واجب ويدهملك منسوخين على اسطوانة
ده النظام دلوقتي في معظم الماركات اللي بتنزل من غير ليسنز

فعلاً يا كريم ده اللي بيحصل دلوقتي واللي يغيظ بقى انه يديلك اسطوانة ويندوز فيستا مثلا وعليها التعريفات وممكن تدخل على النت على موقع (HP) ماتلاقيش تعريفات لويندوز اكس بي تتجنن بقى مشعارف الواحد بيحس انهم احياناً بيجبروا الناس انها تستخدم الحاجة اللي هما عاوزينهم يستخدموها مش اللي الناس عايزة تستخدمها

انا لما اشتريت الاسوس بصراحة ماكانش معاه اسطوانة (Recovery) بس كان معاه 3 اسطوانات شاملين تعريفات اكس بي وفيستا وبرنامج نيرو بتاع نسخ الاسطوانات. كانت حاجة جميلة بصراحة واخدت من البياع كمان نسخة ويندوز اكس بي اصلية وكمان نسخة فيستا (Ultimate) اصلية بتاعت ديل وديه اكيد هاجبها لدكتور اسماعيل اول ما اقابله لأنها بصراحة تحفة
فممكن قبل ما د/ اسماعيل يشتري اللابتوب يدخل على النت ويتأكد ان كله تمام والتعريفات كلها موجودة وبعدين ينزل يشتريه وهو مطمئن
اسف على الاطالة واني وجعتلك دماغك يا كريم بس بصراحة استفدنا منك جداً وياريت الادارة تثبت الموضوع ده علشان يكون مرجع لأي واحد يستجري ويجيب لابتوب

[abdelaziz-waleed]

----------------------------
اخى الحبيب الاستاذ /عبد العزيز مرة ثانية امام اخلاصك البالغ فى اسداء النصح واهتمامك الشديد بادق التفاصيل التى ستفيدنى بالتاكيد ---------بقول مشلاقى كلام اشكرك بية غير ات انا ادعو الله لك بخير الجزاء وان يبارك يمينك ويمين كل من سطر كلمة تفيدنى وتفيد باقى الاعضاء ربنا يبارك فيكم

الشكر لله يا دكتور اسماعيل ربنا يوفقك لما هو خير. وانا لا شئ جنب الخبراء الفطاحلة اعضاء الجسم قصدي المنتدى

ودعاءك ده والله اغلي حاجة لينا

[Karim_Monir]

ايه يا جماعة الاحراج ده بس سبحان الله وما اوتيت من العلم الا قليلا
انا كل فترة لازم اخد بعضي وانزل اشوف الجديد في مولات الكمبيوتر عشان اقارن دايا بين اللي بينزل مصر واللي بشوفه جديد على النت
وعن التثبيت هاشوف مع المشرفين امكانية تثبيته ان شاء الرحمن

[OsKaR]

لا يا سيدي متقولش كده هي كل الفكرة زي ما قال الاستاذ كريم هوايه ثانيا عشان انا في حاسبات و معلومات و كل طالب معاه لاب اجباري فالواحد بيشوف كل الانواع الكويس و الوحش و انا تحت امرك

[Karim_Monir]

مبروك يا جماعه
الموضوع اتثبت في التعليمي
بفضل الله ثم غزارة معلوماتكم وحبكم افادة بعض لوجه الله

[emadno1]

بالنسبة للتجارب العملية لشخصي الفقير إلى الله
أنا جربت أنواع كثيرة
منها توشيبا ...... جهاز ممتاز و قليل الأعطال بدرجة كبيرة جدا
اتش بي ..... أجهزتهم ممتازة
كومباك .......رائع ( أصبح الآن تابع ل اتش بي )
نوع تاني كان تايواني ..... بس مش فاكر أسمه ....... و كان أكثر من رائع و ممتاز و لم تظهر به أي عيوب أو مشكلات نهائيا و كان أرخصهم سعرا
ديل .... جهاز كويس جدا

اعتقد انك تقصد Asus هوا فعلا ممتاز و بيمتاز بخفه وزنه و جمال التصميم و عن تجربه فهو ممتاز

[abdelaziz-waleed]

مبروك يا جماعه
الموضوع اتثبت في التعليمي
بفضل الله ثم غزارة معلوماتكم وحبكم افادة بعض لوجه الله

الله يبارك فيك يا كريم الفضل لله ثم ليك وللمحبة وروح التعاون بين الاخوة. والله الواحد عمره ما شاف منتدي بالجمال والاحترام والحب دا كله ربنا يديم المعروف. والف شكر على مجهودك يا كريم في تثبيت الموضوع.

يا ريت بمناسبة تثبيتالموضوع نكمله بإن كل واحد من الاعضاء يعرف عناوين وارقام تليفونات لتوكيلات او مراكز صيانة معتمدة او اماكن بيع قطع غيار او اماكن بيع باسعار جيدة يتفضل مشكوراً بإضافتها على ان يتم حصرها في الاخر وترتيبها وتنسيقها مع بعض.

[emadno1]

ازيكم يا شباب و ازيك يا استاذ كريم

انا انبسطت كتير من الحوار جدا و فعلا الكلام اللى كلكم قولتوه مظبوطط و انا كان نفسى اساعد فى حاجة بخصوص اللاب توب دة لكن انا للاسف مقيم فى الغردقة و مش عارف حانزل اجازه امتى لكن لو انتى محتاج اى مساعدة انا فى موردين كتير بيوردولى اجهزه فممكن اجيبلك سعر كويس بس للاسف مش حاقدر انزل معاك عموما انا بكره حاسئلك على الاسعار و الموديلات و اقولك و لو حاجه عجبتك حاجه حابعتلك رقم تليفون الشركه و عنوانها و تروح لمين هناك

و اتمنى ان ربنا يوفقك فى جهاز كويس

و الاستاذ كريم اتمنى اتعرف عليك و على كل اللى بيشتغلوا او بيدرسو كمبيوتر و يبقى بينا اكتر من هوايات مشتركه مش عربيات و بس
انا اسمى عماد و باشتغل IT manager فى الغردقة

[Karim_Monir]

فكرة كويسة يا وليد
وتكون نواة داتا بيز

اهلا وسهلا بييك يا عماد اخ وصديق
المنتدي فعلا مليان بفطاحل زي الفل في الكمبيوتر
ربنا يزيد ويبارك

[Andalus]

موضوع جميل جدا و الردود كلها رائعة و مفيدة

كنت عايزة أستشير حضراتكم...عندي فرصة حد يجيبلي اللابتوب من أمريكا

فهل أشتريه من هنا أحسن و للا أجيبه من برة؟

و إيه الأفضل لو جبته من برة...الhp و للا التوشيبا؟

[OsKaR]

رقم توكيل اتش بي 33381250 و هي شركه M.A.S Egypt في شارع المروة المتفرع من شارع محيي الدين ابو العز
و المبيعات في شارع جده الشارع اللي جنبه على طول رقم 26