مين فاكر إعلانات زمان؟

[TaoTao]

بما إننا في موسم البرد والزكام افتكرت الإعلان ده:

هاتسي هاهاهاها هاتسي هاهاهاها هاتسي
لو بردان؟ آسبو آسبو نصر
لو مزكوم؟ آسبو آسبو نصر
لو حران؟ آسبو آسبو نصر
هاتسي هاهاهاها هاتسي هاهاهاها هاتسي

تقريباً "أسبو نصر" ده كان بيعمل كل حاجة :)

[A.Saad]

سلام علشانه
سافو
حافظ كيانه
سافو

[aliabutaleb]

فاكرين إعلان قصر الإليزيه
لما كانوا بيغنوا يقولوا قصر الإيليزيييييييييه .... قصر الإيليزيييييييييه

[itsonlyme]

حبايبي أنتم يالي غالين عليا
مسحوق غسلنا والله ده ميّه ميّه

الغسله منه منه بس اللي هيّه

ده جرانا والله والله بيسألونا
تعالى ... يا سافو ... وَرِّلهم غسيلنا

دي ادايا ادايا عزاز عليه
والرغوه منه كتيره ... والبقع راحت

على غسلنا والله بيحسدونا
يا مِزهزه ... غسيلنا ... يا سافو ... يا سافو

http://www.youtube.com/watch?v=59vV63pD2OM

[A.Saad]

فى كرانشى كذا ميزة
وبطاطسه كمان لذيذة
من وقت ماجبنا كرانشى والدنيا بقت الوان
بالكاتشاب او بالجبنة
بالشطة الطعم عاجبنا

اللى كان فيه واحد بيقلد شارلى شابلن ومعاه واحدة

[A.Saad]

فليت
يتوغل وينتشر ويستمر ويستمر ويتوغل وينتشر ويستمر ويستمر
كان واحد لابس بدلة شبه الالمان

وبرده اعلان لفليت
اسمه فليت العسكرى
وانا وانا جبت العسكرى العسكرى

[Terrible_DaRsH]

مش عارف اول ما شفت الموضوع حاسس انى فتحت القناة الاولى والسابعة :D ..
مع انى مش صغير اوى بس فاكر كل الاعلانات دى وزيادة كمان ...
بس تطور الاعلانات دلوقتى بقى شيء فظيع محدش كان متخيله اطلاقا ..
شوفوا اعلانات كوكاكولا زمان ..

http://www.youtube.com/watch?v=j79Zc2_01P8&feature=related

ودلوقتى ..

http://www.youtube.com/watch?v=0y8A0ZUuwEo&feature=related

انا فاكر ياسمين عبد العزيز وهى صغيرة كانت واكلة جو الاعلانات وكان لازم تطلع هبلة كده فى كل اعلان وده اللى شهرها من البداية
..
واكتر اعلان فاكره وكان بيستفزنى جداااااااا
اعلان سمارة .. ( لبان ملوش طعم ) ..

http://www.youtube.com/watch?v=yOfYPsl6VoI&feature=related

واخيرا اشرب بيريل واسترجل :( ...

[ehabbasha30]

انسف حمامك القديم
جرافينا

:k48:

[OlaOsman]

عايز تتهوى؟

أتهوى؟

تتهوى و معاك ضمان

أتهوى و معايا ضمان

[أبو إياد]

سمنك فى الاكل كتير ؟
لا
ولا قليل ؟
لا
قومى استعملى النخلتين >>>>>>>>> النخلتين جوزك يرجعلك فى اكلتين

[TaoTao]

بمناسبة موسم الناموس افتكرت شوية إعلانات:
إيزالو جالوو .. ريحلوا بالوو
رجع لعيلته كل النوم بتاع زمان
عشان إيزالو .. زي ماقالوا
خليه معاك وإفتح الشباك ونام

إعلان كيتو كان عبارة عن كارتون لواحد ملظلظ كدة ومتضايق من نفسه ع الآخ ويقول:
ناموس عمال يقرصني ياخويا
مش عارف انام منو ياخويا
مش عارف انام
كيتو ده اسم القرص .. كيتو نام
من وقت ماحطيت كيتو ياخويا
مش لاقي ولا ناموسة ياخويا
وعارف أنام !!
كيتو ده اسم القرص .. كيتو نام
باناااااااااااااااام

وكان فيه كمان كارتون لطيف لمنتج اسمه "كيلنج" Killing
ده ناموس غلوس ... بسنان وضروس
إمشي يا ناموسة يامفعوصة ماتقرصينيش
كيلينج أهو جالك هايفشفشك فاشافيش
قرص واحد مني والناموص يروح مايجيش
"عندنا كيليج حطينا القُرْص، عندنا كيلينج ماعندناش قَرْص"

وإعلان عن سخان "ماتوكس" (المستخدم لتسخين أقراص طرد الناموس) كانت بتقوله بنوته عسولة في أسلوب سردي محبب:
"مامي يا مامي حوشي الناموس بيقرصني مش مخليني قاعدة على بعضي .. بااااااااااااااااس وبعدين مامي جابت سخان ماتوكس ومن ساعتها لا ناموسة ولا هاموشة دخلت بيتنا .. وارتحنا كووووووووووووووولنا .. وجدو راح في سااااااابع نومة .. تصبحوا على خييييييييير"

[نور العمر]

نسيت ... كان فيه .. حاجة البنت بتقولها بعد تصبحو على خير
واللا إيه

[نور العمر]

أنا أم الزهايمر
بس فكرتوني طبعا بكل الاعلانات دي
موضوع تحفة

كنت بحب إعلانات ومسابقات ( بم بم )

وإعلان

ماكسي بالكراميل ... ألذ شوكولا
شوكولا ماكسي بالكاراااميييل

[TaoTao]

نسيت ... كان فيه .. حاجة البنت بتقولها بعد تصبحو على خير
واللا إيه

أظن كان فيه بوسة .. بس مش متأكد فكرينا انت :)

[TaoTao]

لقيت الإعلان ده أكيد ماحدش مننا شافه لأنه ببساطة من قبل اختراع التليفزيون .. إعلان سينمائي !!
أسيبكم مع الإعلان الجميل:
[youtube]http://www.youtube.com/watch?v=IVv-nH3FzYI[/youtube]

شفتو الروقان والجمال؟
عجبتني حكاية "شراباً نقياً طاهراً" دي :)