مين فاكر إعلانات زمان؟

[Khalid_Mostafa]

وبما اننا في منتدي سيارات انا فاكر الإعلان بتاع الهيونداي الأتوس لما نزلت في سنة 98-99 ...يجيبوا واحد تخين من مصارعوا السوموا وبعدين قال ايه يروح عاطس عطسه جامده ويطلع اسم العربيه اتوس في الخلفيه

وكان فيه اعلان تاني بتاع اتوس برضه يجيبوا منظر العربيه من فوق وناس كتير قعدين يخرجوا منها (قال يعني كناية عن وسع الصالون) و الأعلان بتاع فولكس الجديد سارق نفس الفكره

[TaoTao]

وبما اننا في منتدي سيارات انا فاكر الإعلان بتاع الهيونداي الأتوس لما نزلت في سنة 98-99 ...يجيبوا واحد تخين من مصارعوا السوموا وبعدين قال ايه يروح عاطس عطسه جامده ويطلع اسم العربيه اتوس في الخلفيه

وكان فيه اعلان تاني بتاع اتوس برضه يجيبوا منظر العربيه من فوق وناس كتير قعدين يخرجوا منها (قال يعني كناية عن وسع الصالون) و الأعلان بتاع فولكس الجديد سارق نفس الفكره

أيوة وكمان نفس الفكرة في فيلم "أخطر رجل في العالم" بتاع فؤاد المهندس وشويكار (مش ميرفت أمين)، لما حسن مصطفى لقي فؤاد المهندس وجان (بوليس دولي) خارجين من الدولاب وبعدين فريق كشافة يخرج ورا بعضه من الدولاب ...
مشهد بيضحكني كتير :)

[hh]

حيجوزوني
طب ما تتجوز يا اخي
بقولك حيجوزوني
و فيها ايه دي
ايه ده برضة ......... حتجوز
انا مش شايف "بروبلم"
و اجيب جهازي منين
ما عندك جهاز العروسين
عبد الرحيم عمرو؟
طبعا عبدالرحيم عمرو
..........
........
احتكم الامر.. و حتجوز .. حتجوز

طبعا السطور الفاضية دي اللي انا مش فاكراه

[osamaesm]

اجري بسرعه ياواد ياحسين شوفلنا ريري بيتباع في
هتلنا منه باكوا واتنين

[osamaesm]

بم بم بيقدم جوايز بيقدم جوايز
كل اللي يكمل البومه ممكن يكسبله عربيه عربيه عربيه
وجوايز تانيه كتيره ان ماكسبش العربيه

[TaoTao]

فيه كام إعلان افتكرتهم:
إعلانات كرانشي:
أنا اسمي شرشر
اسمي شرر المضلع
أنا مش مجنون
أنا مخي شوية مخلع
وكله عندي
يا مشرشر يا مضلع
أشوف "كرانشي"
أزقطط واولع

فيه كمان إعلان لكرانشي (كان موسيقى مميزة في أفلام شارلي شابلن والممثل كان لابس زي شابلن):
في كرانشي كذا ميزة
وبطاطسه كمان لذيذة
والطعم اللي باحبه
دلوقتي خلاص بالاقيه

بالكاتشب أو بالجبنة
بال... الطعم عاجبنا
والمشويات ده حبيبنا
والشطة واللمون

من يوم ما كلت كرانشي
وانا ليل ونهار مابانامشي
...........
والدنيا بقت ألوان

وإعلان "جيلي فاين فودز":
عايزين تاني
يا يا يا يا
جيلي فاين فودز
يا يا يا يا

وإعلان كمان كان دمه خفيف مش فاكره قوي بتاع موكيت ماك، كانوا بيقولوا في آخره: "احنا بنجري بنجري بنجري " وراجل كان بيجري مش عارف ليه بس كان دمه خفيف جدا :)

والميلامين بقى أنا سألت ماما وقالتلي جزء منه:
أنا الميلامين
جامد ومتين
أنا بدل الصيني
سادة ومنقوش

[DONYO]

طيب فاكرين الاعلان بتاع ايدية دية دية عزاز عليا والرغووة منه ياما بس اللى هي ياسافو يا سافو بتاع الفتاة اللى جننت الشبان ساعتها نسرينا والزبون حمدي بتشان

وعشرة احمر وعشرة الوان وابعت على شمعدان

وبمبم بيقدم جوايز بيقدم جوايز
والجايزة الاولى اية .... ممكن تكسب عربية ... عربية عربية
والجايزة التانية اية عشرتلاف جنية

[TaoTao]

عندي ضيوف مستوردين
نفسي أشوفهم مبسوطين
عاوزين شاطئ أو شطين
أو شاليهات شرحين برحين

عاوز الفايدة
اسأل عن عايدة
في الكيلو سبعة وسبعين


من أوائل القرى السياحية في الساحل الشمالي :)

[OlaOsman]

عندي ضيوف مستوردين
نفسي أشوفهم مبسوطين
عاوزين شاطئ أو شطين
أو شاليهات شرحين برحين

عاوز الفايدة
اسأل عن عايدة
في الكيلو سبعة وسبعين


من أوائل القرى السياحية في الساحل الشمالي :)

و لا ياميش مجاويش.. برنامج دعائي كان بيغني مقدمته مدحت صالح.. رمضان طلبني و قال لي يابني تعالى خد لك من الحب نايب.

[gemtawila]

وكمان إعلان بونبون سيما بتاع مصطفى الكواوى (كوجاك) فى الإعلان- اللى كان فى آخر الإعلان بيقرقش بونبون سيما ويقول (مش غريب عليا) أو حاجة زى كده

[Nile_Storm]

وكمان إعلان بونبون سيما بتاع مصطفى الكواوى (كوجاك) فى الإعلان- اللى كان فى آخر الإعلان بيقرقش بونبون سيما ويقول (مش غريب عليا) أو حاجة زى كده

لا انا فاكر اعلا نسيما بتاع الحمله االفرنسيه اللي كانو دايما يجيبوه قبل المتش

[TaoTao]

يااااااه أخيراً لقيت التوبيك !!
كان فيه في دماغي إعلان Bedford بس بمناسبة الحر الفظيع افتكرت إعلان توشيبا بتاع "أنا عايز مروحة .. أنا عايز مروحة .. أنا عايز مروحة .. أنا عايز مروحة .. أنا عايز مروحة .. كنت عاوز دي .. ولا دي (يبص على مروحة الناس اشترتها وخارجة من المحل) .. مافاضلش غير دي، وهاخدها هاخدها هاخدهاااااااااااااااااااااااااااااااا (وينط على المروحة ولا إكرامي في زمانه) :) )
بطل الإعلان ده هو نفسه بتاع شاي البراد الأزرق "الدنيا تملي حلوة معاه .. مزاجي عال العال"

إعلان Bedford بقى:
كارافان عطلان في طريق طابا .. المسألة محتاجة دبابة
طلع الدبابة يا علي
BEDFORD
نقلة أسمنت للوادي الجديد
مطلوب دبابة تفوت في الحديد
طلع الدبابة يا علي
BEDFORD

بالمناسبة الأسمنت النهاردة بخمسميت جنيه !!

[Abohmaid]

وكمان الاعلان بتاع
سعد .. يا سعد.. عندك جليمو شامبو

[hazem_khidr]

يا اسطي محمد بيب بيب
يا اسطي محمد بيب بيب
ايوه يا عربي نازل حالا
كله السطي
طبعا يا اسطي.
يا صباح الفل يا سيرس
نهارك فل يا سيرس
صباح الفل نهارك الفل الاشيه حتبقي فل الفل
و ان شاء الله مستوره و حنسمع الست
(و يدخل صوت ام كلثوم و بتقول يا سلام يا سلام)
و حصحصح للشبوره
دا دي سيرس و ما فيش غيرها
و اللي راح يجري ورايا
يا يهدي يا يعدي
......
دا اعلان لكيا سيرس و فاكره كويس.

[OlaOsman]

يا اسطي محمد بيب بيب
يا اسطي محمد بيب بيب
ايوه يا عربي نازل حالا
كله السطي
طبعا يا اسطي.
يا صباح الفل يا سيرس
نهارك فل يا سيرس
صباح الفل نهارك الفل الاشيه حتبقي فل الفل
و ان شاء الله مستوره و حنسمع الست
(و يدخل صوت ام كلثوم و بتقول يا سلام يا سلام)
و حصحصح للشبوره
دا دي سيرس و ما فيش غيرها
و اللي راح يجري ورايا
يا يهدي يا يعدي
......
دا اعلان لكيا سيرس و فاكره كويس.

فكرتني يا حازم بإعلان كيا بيستا :D