If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
يااااااه أخيراً لقيت التوبيك !!
كان فيه في دماغي إعلان Bedford بس بمناسبة الحر الفظيع افتكرت إعلان توشيبا بتاع "أنا عايز مروحة .. أنا عايز مروحة .. أنا عايز مروحة .. أنا عايز مروحة .. أنا عايز مروحة .. كنت عاوز دي .. ولا دي (يبص على مروحة الناس اشترتها وخارجة من المحل) .. مافاضلش غير دي، وهاخدها هاخدها هاخدهاااااااااااااااااااااااااااااااا (وينط على المروحة ولا إكرامي في زمانه) :) )
بطل الإعلان ده هو نفسه بتاع شاي البراد الأزرق "الدنيا تملي حلوة معاه .. مزاجي عال العال"
إعلان Bedford بقى:
كارافان عطلان في طريق طابا .. المسألة محتاجة دبابة
طلع الدبابة يا علي
BEDFORD
نقلة أسمنت للوادي الجديد
مطلوب دبابة تفوت في الحديد
طلع الدبابة يا علي
BEDFORD
بالمناسبة الأسمنت النهاردة بخمسميت جنيه !!
نسيت اقول إن إعلان المروحة كان بتاع مراوح توشيبا "توشيبا العربي .. دي أجمل مروحة"
معلش أنا كل مافتكر إعلان أرجع للتوبيك ده، بس أنا شايف إنه مهم للأغراض التوثيقية
افتكرت من كام يوم الإعلان بتاع شاي بروك بوندز:
رأفت فهيم: أهم حاجة الكواليتي
صوت نسائي: طب وشاي بروك بوندز؟
رأفت فهيم: ما هو ده الكواليتي .. حاجة أصلي وبقالها سنين وسنين
شاي بروك بوندز "كواليتي يافندم .. كواليتي" :)
بصوت الأستاذ رأفت فهيم والراجل ده أحب اسمعله الصبح قبل مانزل الشغل برنامج "همسة عتاب" جداً وتعليقاته اللطيفة.
وإعلان حديث لشعبولا عن منتج لماكدونالدز يسمى "ماك فلافل" أو "ساندويتش المعلم" مش فاكر
لو شفت الماكدونالز (بدون حرف "د")
عمرك ماتنسى شكله
عامل إنتاج جديد
هاتحبه لما تاكله
"ماك فلافل" مصرية
بالعربي كدة طعمية
شندوتش المعلم
لذيذ و 100 100
هيييييييييييييييييييييييييييييييييه
معلش أنا كل مافتكر إعلان أرجع للتوبيك ده، بس أنا شايف إنه مهم للأغراض التوثيقية
افتكرت من كام يوم الإعلان بتاع شاي بروك بوندز:
رأفت فهيم: أهم حاجة الكواليتي
صوت نسائي: طب وشاي بروك بوندز؟
رأفت فهيم: ما هو ده الكواليتي .. حاجة أصلي وبقالها سنين وسنين
شاي بروك بوندز "كواليتي يافندم .. كواليتي" :)
بصوت الأستاذ رأفت فهيم والراجل ده أحب اسمعله الصبح قبل مانزل الشغل برنامج "همسة عتاب" جداً وتعليقاته اللطيفة.
انا كمان ساعات بافتكر اعلانات جامدة.. بس في أغلب الأحيان باكون في مكان مافيهوش نت :o
الإعلان ده انا فاكراه كويس.. حتى كمان كان بيقول كيواليتي كده، صح؟ :D
احمد عمره 7 سنوات دايما يصحى ف عز النوم يقوم يدور على رشا رشا الاحمر كل يوم ينزل جري ع السلالم يعقد يقرمش و كله نايم اه منك يا بسكوت رشا يامصحي احمد من عز النوم (و في الخلفية واحد بيقول بسكوت رشا الاحمر)
هقول من تاني ف شوية ثواني تركيب مجاني صيانة و ضمان دفاية الزيت حبيبة البيت اونو سخان و سشوار كمان و الزمزمية تسقع المية ترمس اونو ليكي و للنونو عصارة اونو تعصر لامونو تلاجة اونو للاكل تصونو هقول على اونو ربنا يصونو
Comment