مين فاكر إعلانات زمان؟

[fady]

نوفال

حمري البطاطس اشوي ستيك
اعملي فيها كيك حمري بفتيك
نوفال ما تلزقش ما تتجرحش
نوفال مش غاليه ما تتكلفش
البيض ما يلزقش و الرز ما يلزقش
سهوله في النظافه دي ما بتتعبش
نوفال ما تلزقش ما تتجرحش
نوفال مش غاليه ما تتكلفش
نوفال نوفال مودرن

[velkouf]

الكلام دة جميل فكرنى بايام زمان
كنت اقعد اكل كتير علشان اهرب من المذاكرة واتفرج على التلفزيون

[DODY]

حد فاكر اعلان مبيد الحشرات اللى بيتوغل وينتشر وينتشر وينتشر وينتشششششششششششششششششششششر

[ahmed]

فى الاعلان بتاع راجون
اللى كان الراجل التخين بيقول فيه يا أسى يا راجون

والاعلان بتاع فيلت يتغول ويتسرب ويشرح فى خريطه طويلة وفى الاخر ويستمر ويستمر ويستمر

والاعلان الكارتون بتاع ناموس عمال يقرص يا خويا مش عارف انام منه يا خويا مش عارف انا
كيتو ده اسم القرص كيتو نام

والاعلان بتاع لومبو مصاصه لومبو لذيذه لذاذه لومبو
لومبوووووووووووو اوووووووووووة

والاعلان الشهير بتاع ريرى (اجرى بسرعه يا واد يا حسين شفلنا ريرى بيبتباع فين هاتلينا منه باكو واتنين)

واعلان اللبان السحرى بس مش فاكر كلامه

[ahmed]

والاعلان الشهير عبد الرحيم عمرو الللى احتكم الامر من عبد الرحيم عمرو وهاتجووووووووز
بلا نيلة وكان فرحان اوىىى اياميها

[د.أحمد سمير]

موضوع لطيف جداً جداً على فكرة ..
لكن فيه إعلانات كانت علامات ...
إعلان .. إحنا الإختين الحلوين هناء وشيرين .. وده كان إعلان بيبرونات مشهور .

إعلان كاراتيه الأول : أهلاً أهلاً كاراتيه .. طعمك حلو كدة ليه .. كل الدنيا بتجري عليييييه كاراتييييييه .

إعلان خضر العطار المشهور بتاع عدوية : وكلماته بتقول :
خضر خضر خضر العطاااار
من أسوان لراس التين ... عارفين طبعاً عارفين
والشمر والينسون والفلفل والكمون
وعرفنا
العنوان فين
ده في الصاغة والحسين
خضر خضر خضر العطاااار

إعلان ريري :
لسه هتدوري
وهتشتري وتقشري
وتسلقي وتسخني
وتحضري وتأكلي
وتااااني
هتدوري
وهتشتري وتقشري
وتسلقي وتسخني
وتحضري وتأكلي

وترجعي
تدوري
وتشتري وتقشري
وتسلقي وتسخني
وتحضري وتأكلي .

الحل في ريري

إنجرام :
بيكنباور ... صورة وهو يشوط الكرة
بيليه ... صورة وهو يشوط الكرة
الخطيب ..
حسن شحاته
طاهر الشيخ
فاروق جعفر

مصطفى عبده وإبراهيم يوسف
يستعملون إنجرام

وإعلان أولد سبايس أشهر ديودرونت في هذا الوقت ، وكان لشخص يقوم برياضة ركوب الأمواج مع عزف سيمفوني شهير

تقبلوا خالص مودتي

[د.أحمد سمير]

آه نسيت إعلان مشهور لمكرونة نور
وكان لشخص ذا صوت أوبرالي يقول :

جست ون مكروووووونااااااااا
مكروووونااااا نوووووور

وإعلان أشهر لزيت عباد الشمس سيلا

جبنة بيضا بالفلفل والقوطة
ورشة سيلا تطلع مظبوطة .
الكورال : عباد الشمس ... سيلا
صافي طازة في القزازة

ده غير إعلانات الشركات التي تقدم جوائز فوازير رمضان
وإعلانات شركات توظيف الأموال

وإعلانات شركات البطاطين سانتامورا هيه ديه البطانية

وإعلان بدل وووولمارك صوف جديد خالص

[د.أحمد سمير]

معلش اعذروني نسيت كام إعلان كمان :

إعلان كلورايد .... دششششش ... القوة السلسة

وإعلان ختم الحصانة .... ده إعلان ميتنسيش .

وإعلان شهادات استثمار البنك الأهلي :
تعظيم سلام تعظيم سلام للمجموعة ب
خد الشهادة الاربعة بجنيه تكسب خمسين ألف جنيه .. عائدها السنوي في إيديه .. 13 وربع في المية تصرفها كل ست شهور .. تحل مشاكلك تعيش في سرور

تعظيم سلام تعظيم سلام للمجموعة ج
ذات الجوايز
لكل فايز
اشتري زي مانت عايز

كفاية بقى

[OlaOsman]

هي مش هيافة ولا حاجة دي ذكريات جميلة وتراث أنا رأيي إننا نوثقه (مش الإعلانات بس، الأغاني الشعبية والأمثال والحكايات والحواديت)

لأ انا مش قصدي بالهايفة الموضوع نفسه.. و إلا ما كنتش عملته لو هايف :o

انا أقصد حتة انهم غيروا كلام الإعلان عشان يتناسب مع حملة تحديد النسل اللي كانوا مزهقينا بيها أيامها.

[emadkamel]

فسبا تشاسكوووووو تشاسكووووووو

الاعلان ده كان عامل قلبان .........ز وطبعا اعلان الكينج محمود الخطيب
العب يا لورد ........ قسم يا لورد

[mido777]

مونى.. مونى .. مونى - لا كده تظلمونى
اناناس ولمون وفراولة .... ونوجا ويالاالهولا

الشيكولااته مدوخانى فين هيه مونى - - - مونى بطعم الفواكه طبيعيه مونى



حد فاكر الأعلان ده

[aif]

احنا الاختين الحلوين
من شركة فارما جايين
انا اسمي البزازة هناء
وانا اسمي البدرونه شيرين
وسع وسع للاختين

انا هناء بزازة جديدة كبايتي تمنع المكروبات
وانا شيرين بدرونه جميلة ومعايا التالت حلمات
اطلبني من بابا
اطلبني من ماما
تلاقيهم في الاجزاخنات الاختين الحلوين هناء وشيرين هناء وشرييييين

تن تن

اخراج رحمي

[TaoTao]

مونى.. مونى .. مونى - لا كده تظلمونى
اناناس ولمون وفراولة .... ونوجا ويالاالهولا

الشيكولااته مدوخانى فين هيه مونى - - - مونى بطعم الفواكه طبيعيه مونى



حد فاكر الأعلان ده

طبعاً دي البنت اللي كانت فيه زي العسل (الواحد الظاهر نمس من يومه :)) كانت على رأي الشوام "كتير مهضومة" :)

[TaoTao]

فى الاعلان بتاع راجون
اللى كان الراجل التخين بيقول فيه يا أسى يا راجون

والاعلان بتاع فيلت يتغول ويتسرب ويشرح فى خريطه طويلة وفى الاخر ويستمر ويستمر ويستمر

والاعلان الكارتون بتاع ناموس عمال يقرص يا خويا مش عارف انام منه يا خويا مش عارف انا
كيتو ده اسم القرص كيتو نام

والاعلان بتاع لومبو مصاصه لومبو لذيذه لذاذه لومبو
لومبوووووووووووو اوووووووووووة

والاعلان الشهير بتاع ريرى (اجرى بسرعه يا واد يا حسين شفلنا ريرى بيبتباع فين هاتلينا منه باكو واتنين)

واعلان اللبان السحرى بس مش فاكر كلامه

إعلان اللبان السحري كان على لحن الصورة الغنائية الشهييييييييييييييييييرة جداً "الدندورمة" وكلماته هي:
دوق دوق .. دوق أحلى هدية
السحري لبان يديك ألوان مية المية
دوق دوق
(ينتهي استخدام لحن الندورمة هنا)
ابن لأبه: إديني لبانة من السحري
الأب: واشمعنى السحري مُصر عليه؟
الأم: جرب وهاتعرف وحدك ليه
الابن: السحري لبان تندغه بعدين ألوانه تبان
الأب: أندغه ألقاه ألوان ألوان يا نهار أخضر
الابن: السحري البني والأصفر تندغ يديلك لون أخضر (مش فاكر الألوان بالظبط)
الأب: لو عاوز أزرق أعمل ايه؟
الابن: اندغ في الأول لون أخضر
(عودة للحن الدندورمة)
دوق دوق .. دوق أحلى هدية
السحري لبان يديك ألوان مية المية
دوق دوق


أي خدمة :)

[Meedo]

خضر خضر خضر العطار خضر العطااااااااااااااار مع ذلك الرجل ذو الكرش الديناصورى
جبت الملبس من كوفرتينا اممممممممممممممممممممممممممه