الريان هل هو اسطورة اقتصاديه .. ام نصاب محترف ....!!؟

[hazoom2006]

تم الافراج عن احمد الريان بعد فتره عقوبة 15 سنة سجن قضاها فى 23 سنة سجن

احمد الريان صاحب شركة الريان لتوظيف الاموال فى الثمانينات من القرن الماضى استطاع ان يستثمر ملايين الجنيهات حيث بلغت استثماراته اكثر من خمسة مليار جنيه
يعتبره البعض اسطوره اقتصادية ويعتبره البعض الاخر انه نصاب ويتاجر بالدين من اجل المال

هل فعلا الريان نصاب ؟؟ام انه رجل اقتصادى محنك ؟؟

انا كنت بسمع من ناس كتير ان 1988 كان كل حاجة ريان كراسات كشاكيل وكانت ارخص اسعار واعلى جودة والاسكان واللحوم والسيارات والموبيليا والحديد ؟؟ هل ده حقيقى ؟؟هل دخول ريان السجن بسبب زياده قوته الاقتصاديه وخوف البنك من الخسائر؟؟فائده الريان 22% فائدة البنوك 9% ؟؟

هل الريان اسطورة اقتصادية ام نصاب محترف ....!!؟؟

[nouranwar]

الموضوع ده شاغلني جدا و بفكر فيه كتير و مش قادر اوصل لأجابة
و هل كانت فائدة البنوك وقتها 9% علي ما اعتقد اعلي من كده

[dr-mohamed]

كان اسطورة والتفاصيل مساء
لكنه وصل لمرحلة انه اصبح مرعب للدولة لدرجة ان وقتها كان بيقال ان الريان لو عايز يغير الوزارة يقدر يغيرها

[hazoom2006]

الموضوع ده شاغلني جدا و بفكر فيه كتير و مش قادر اوصل لأجابة
و هل كانت فائدة البنوك وقتها 9% علي ما اعتقد اعلي من كده

حسب كلام الريان انها كانت 9% ووصلت ل18% سنة 1994 بعد دخوله السجن بخمس سنوات تقريبا

كان اسطورة والتفاصيل مساء
لكنه وصل لمرحلة انه اصبح مرعب للدولة لدرجة ان وقتها كان بيقال ان الريان لو عايز يغير الوزارة يقدر يغيرها

منتظرين التفاصيل

ولو كان فعلا اسطورة فمصر محتاجة ريان اقتصادى تانى

[MaZaGAngeE]

الريان كان أسطوره اقتصادية
و الضربة الأمنية اللي حصلت ليه هوه و السعد لما كانوا هيندمجوا كان الهدف منها حماية النظام
دور في اليوتيوب على الريان و السعد و انت هتلاقي افلام تسجيلية كتيره جدا همه اللي بيتكلموا فيها ..

[ahmed2y]

هو فعلا اسطورة خمسة مليار والكم الهائل من الاستثمارات دة ودخل السجن وعندة 33 سنة يبقى بدا وعندو كام سنة

[zkralla]

انا اعتقد أنه كان راجل كويس بس كبر بزياده
اى بنك فى الدنيا لو اطلبت منه كل الودائع مره واحده هيقع وده الى حصل معاه
كل الى حاطين فلوس جم يسحبوها مره واحده
طيب ماانا عندى مشاريع وفلوس مجمده يبقى هرجع 100% من قيمه الودائع ازاى

[ainshouka]

انا كنت بسمع من ناس كتير ان 1988 كان كل حاجة ريان كراسات كشاكيل وكانت ارخص اسعار واعلى جودة والاسكان واللحوم والسيارات والموبيليا والحديد ؟؟ هل ده حقيقى ؟؟هل دخول ريان السجن بسبب زياده قوته الاقتصاديه وخوف البنك من الخسائر؟؟فائده الريان 22% فائدة البنوك 9% ؟؟

هل الريان اسطورة اقتصادية ام نصاب محترف ....!!؟؟

باين جدا إن اللي عمله دا مش شغل نصابين خالص لإن أحنا شايفين شغل النصابين بيبقي عامل ازاي وازاي انه يجيب القرش بأسرع مايمكن لكن مفيش نصاب حيعمل كشاكيل عشان يسرق منها

الريان مش أول واحد وكان فيه قبله الشريف برضه قبليه وكان بيدي ارباح بتوصل ل 24%
في الوقت اللي البنوك آخرها فيه 9% والحكومة برضه صفته عشان بقي خطر وطلعت نفس الكلام الأهبل انه حرامي ونصاب برضه

[ainshouka]

تكرار خاطئ

[ahmed76]

كان اسطورة والتفاصيل مساء
لكنه وصل لمرحلة انه اصبح مرعب للدولة لدرجة ان وقتها كان بيقال ان الريان لو عايز يغير الوزارة يقدر يغيرها

+111111111111111

[بحري]

لكن مفيش نصاب حيعمل كشاكيل عشان يسرق منها

كلامك جميل..فعلا مفيش حد يبقى عاوز يسرق يشتغل في الحاجات دي..أرز..سكر..قمح ذرة..لحوم..كشاكيل وأدوات مدرسية
الحاجات دي كانت عاملة إشباع للناس..وكانت نموذج لقيام القطاع الخاص بدوره الاجتماعي الحقيقي ومساعدة الحكومة في توفير احتياجات الناس الأساسية....لكن ده لما تبقى الحكومة عاوزة تحقق احتياجات الناس الأساسية فعلا..لكن لما يبقى لها هدف تاني..لازم يطلع الريان وأشباهه حرامية

حاجة مهمة بس عاوز أقولها..وهي حول فكرة (إنه بيستغل الدين لتحقيق أغراضه)..الكلام ده خطير جدا وفيه محاولة متعمدة للتشويه...أليس من حق المتدينين أن يتجاروا ويكسبوا من عرق جبينهم ومن الحلال حتى لو كسبوا المليارات...وهل حتى يستطيع الإنسان أن يعمل في البيزنس عليه أن يسمي نفسه ساويرس مثلا حتى تفتح له جميع الأبواب...المتاجرة بالدين معناها أن الإنسان يعطيك صك غفران مقابل المال..أو يتاجر بالحرام ويوهم الناس أنه يتاجر بالحلال لتدينه..أما أن يكون متدينا ومجتهدا في التجارة الحلال فهذا حق من حقوقه...
وبالمصطلحات المعاصرة كان عثمان بن عفان وعبد الرحمن بن عوف من المليونيرات وهما من المبشرين بالجنة

[mostafashokry]

سبحا ن الله أقول لصاحب الموضوع أنت بتقرأ أفكارى,,,, الريان مش نصاب لانه ما أخذش فلوس الناس و هرب على الخارج و لا خد قروض و هرب و الدلولة قعدت تسترضية و تجدولة ديونه عشان يرجع و لكن أظن الريان راجع فى التوقيت ده بالأخص لأن لازم واحد زى ده يرجع فى الظروف الأقتصادية الصعبة ألى أحنا بنعاصرها دلوقتى ,,, و أظن كمان عشان يكافىء قوى أقتصادية أخرى أستفحلت .

[بحري]

لا..الريان خلاص..صعب يسيبوه يعمل حاجة..آخره هيشتغل حاجة تسد احتياجاته واحتياجات أسرته وتعمل له قدر من التعويض النفسي..لكن غير كده صعب..في خصومات تاريخية صعب يتم تجاوزها لأى سبب..ومش هيسمحوا له إنه يعيد التأكيد مرة أخرى على صلاحية الاقتصاد الإسلامي البعيد عن المراباة وبيع الهواء للناس

[Ghamrawy]

سبحا ن الله أقول لصاحب الموضوع أنت بتقرأ أفكارى,,,, الريان مش نصاب لانه ما أخذش فلوس الناس و هرب على الخارج و لا خد قروض و هرب و الدلولة قعدت تسترضية و تجدولة ديونه عشان يرجع و لكن أظن الريان راجع فى التوقيت ده بالأخص لأن لازم واحد زى ده يرجع فى الظروف الأقتصادية الصعبة ألى أحنا بنعاصرها دلوقتى ,,, و أظن كمان عشان يكافىء قوى أقتصادية أخرى أستفحلت .

الريان كان فى السجن مش هربان بره مصر
و اكيد الحكومة الغير نزيهة نجسة اليد هى اللى عملت فيه كده لان الناس كلها سحبت فلوسها من بنوك الحكومة و البنك المركزى كان موقفه سيئ ...ده لدرجة ان كل المصريين اللى فى الخارج حطوا فلوسهم فى السعد او الريان

و طبعا اى حاجة جد و بتخدم الناس لازم تتخرب و تبوظ علشان الفساد و الفقر يستمر و يكبر

[تامر.محمد]

سبحان الله
يا ريت الكلام ده كان انتشر و اتعرف بالصورة دي أيامها
:s