الريان هل هو اسطورة اقتصاديه .. ام نصاب محترف ....!!؟

[hesham_tawfiq]

ولو هو اسطوره ليه مقدرش يسدد الفوايد للناس بالاضافه طبعا لاصل مبلغ الاستثمار ؟
مجرد سؤال بريئ

[حماده عزو]

الريان ده كان مملكه أقتصاديه ولكن ضد توجهات الحكومه
وطبعا حكومتنا الرشيده تعمل بمبدا الى مش معانا يكون علينا ودى كانت النهايه
يعنى لو تخيلنا أن الحكومه مكانتش بهدلت الريان البهدله دى وكان أستمر كان زمان حال الحكومه أيه
بالظبط كده زى متكون مش عارف تصرف على ولادك وجبت حد منهم يشتغل ويشغلهم فأكيد طبعا بعد فتره هيكون الأخ ده هوا صاحب التأثير الأكبر عليهم خصوصا لو كان معيشهم فى رخاء أقتصادى وكل ده تحت غطاء الدين
يعنى من الأخر ولادك فى لحظه ممكن يبيعوك ويشترو أخوهم
على رأى خالد صالح فى فيلم عماره يعقوبيان
(الشعب ماسك فى ديل جلبيه الحكومه يعنى لو سابو لايعرف يعيش ولا ياكل)

[hh]

ولو هو اسطوره ليه مقدرش يسدد الفوايد للناس بالاضافه طبعا لاصل مبلغ الاستثمار ؟
مجرد سؤال بريئ

لأن الحكومة قبضت عليه و حطت كل ممتلكاته تحت الحراسة. أيامها كان بيصرخ انه عنده أصول تغطي فلوس الناس دي لو سمحولوا يتصرف في ممتلكاته, بس طبعا لا حياة لمن تنادي.

و بعدين زي ما الأخوة قالوا لو أي بنك مثلا جيت فجأة قلت له رجع كل الفلوس بتاعت المودعين مش حيقدر و حيقع. لأن الفلوس دي الجزء الأكبر منها بيخرج من البنك في هيئة قروض و تسهيلات ائتمانية, قروض شخصية, كروت فيزا, قروض سيارة........الخ. فمستحيل ان الكاش المتوفر عنده يغطي كل الفلوس المودعة.

الفرق بقى ان الراجل ده مكانش بيعتمد على الربا زي البنوك عشان يجيب أرباح, لأ كان بيعمل مشاريع حقيقية زي ما الناس وضحت فوق و يدي الناس ارباح من ربح المشاريع دي. يعني تجارة حلال 100% و كمان بتاخد ارباح أعلى بكتير من البنوك. عشان كدة الناس كلها كانت بتحط فلوسها عنده.

[nabaster]

كان اسطورة والتفاصيل مساء
لكنه وصل لمرحلة انه اصبح مرعب للدولة لدرجة ان وقتها كان بيقال ان الريان لو عايز يغير الوزارة يقدر يغيرها

مستنيك علي احر من الجمر يا رايس

ابويا وامي بيحكولي درر ومستني اكمل منك

A.Yakout

[viper911s]

مستنيك علي احر من الجمر يا رايس

ابويا وامي بيحكولي درر ومستني اكمل منك

a.yakout

وانا بردو مستنى بقية التفاصيل

[mostafashokry]

السلام عليكم !!!!!!

الريان كان فى السجن مش هربان بره مصر
و اكيد الحكومة الغير نزيهة نجسة اليد هى اللى عملت فيه كده لان الناس كلها سحبت فلوسها من بنوك الحكومة و البنك المركزى كان موقفه سيئ ...ده لدرجة ان كل المصريين اللى فى الخارج حطوا فلوسهم فى السعد او الريان

و طبعا اى حاجة جد و بتخدم الناس لازم تتخرب و تبوظ علشان الفساد و الفقر يستمر و يكبر

حضرتك انا كنت بقارن بينه وبين ناس تانيه اخذوا قروض و هربه على الخارج و رجعت الدولة تتحايل عليهم عشان يرجعوا !!!!!!!!!!!!!!!!!!!!!!!!!!!!! واظن الناس كلها عرفاه و رجع بكل بجاحة يرشح نفسة فى انتخابات مجلس الشعب !!!!!!!!!!!!!!!!!!!!
تنافض شديد بين معالجة الموقف مع الريان و هذاالشخص !!!!!!!!!!!!!!!!!!!!!!!!!!!!!!!!!!!!!!!!

[age]

هو فعلا اسطورة خمسة مليار والكم الهائل من الاستثمارات دة ودخل السجن وعندة 33 سنة يبقى بدا وعندو كام سنة

انا سمعت انه وهو في الكليه كان بيتاجر ب 25 مليون في البورصات

[hesham_tawfiq]

لأن الحكومة قبضت عليه و حطت كل ممتلكاته تحت الحراسة. أيامها كان بيصرخ انه عنده أصول تغطي فلوس الناس دي لو سمحولوا يتصرف في ممتلكاته, بس طبعا لا حياة لمن تنادي.

و بعدين زي ما الأخوة قالوا لو أي بنك مثلا جيت فجأة قلت له رجع كل الفلوس بتاعت المودعين مش حيقدر و حيقع. لأن الفلوس دي الجزء الأكبر منها بيخرج من البنك في هيئة قروض و تسهيلات ائتمانية, قروض شخصية, كروت فيزا, قروض سيارة........الخ. فمستحيل ان الكاش المتوفر عنده يغطي كل الفلوس المودعة.

الفرق بقى ان الراجل ده مكانش بيعتمد على الربا زي البنوك عشان يجيب أرباح, لأ كان بيعمل مشاريع حقيقية زي ما الناس وضحت فوق و يدي الناس ارباح من ربح المشاريع دي. يعني تجارة حلال 100% و كمان بتاخد ارباح أعلى بكتير من البنوك. عشان كدة الناس كلها كانت بتحط فلوسها عنده.

ومين قال ان وظيفته يللم مدخرات الناس ويشغلها ويديهم ارباح اصلا ؟
اللى انا اعرفه وموجود فى الكتب وبيتدرس فى كل حته ان دى يا أما مسؤولية الحكومه لو الحكومه بتتبنى اقتصاد موجه يا أما مسؤولية القطاع الخاص سواء شركات مساهمه او شركات اشخاص والارباح بتاعة النشاط تتوزع على الشركاء
انما اعمل شركه الم بيها فلوس الناس بدون اى صفه واديهم ارباح محدش عارف اتحسبت على اى اساس وهل دا فعلا مبلغ الربح ولا لا وبدون اى رقابه من اى جهه فدا مسموش اقتصاد
وبعدين اى تجاره او صناعه دى اللى تكون بالحجم دا وتدى ربح 25% على راس المال وكمان بدون اى مخاطره على المستثمر بيتهيئلى مكنش حد غلب وكمانبيتهيئلى يعنى السرعه اللى كبرت بيها مجموعة الريان والسعد والشريف والذى منه مفيش شركه او مجموعه بتكبر بالسرعه الرهيبه والوقت القصير دا مش غريبه شويه دى ؟
احلى حاجه بئى فى شعبنا الذكى اللى كانت صوره ماليه الجرايد اياميها وهو بيلطم على الخدود على ضياع تحويشة العمر هو نفسه الشعب اللى اتضحك عليه اكتر من مره وبنفس الطريقه

[Dr Ahmed]

أنا يكفينى إنه اتحبس علشان أعرف إنه مش حرامى ولا نصاب

الحرامية والنصابين مش بيتحبسوا فى بلدنا بالعكس ممكن يبقوا .........

[hesham_tawfiq]

أنا يكفينى إنه اتحبس علشان أعرف إنه مش حرامى ولا نصاب

الحرامية والنصابين مش بيتحبسوا فى بلدنا بالعكس ممكن يبقوا .........

منطق غريب شويه
دامعناه ان كل اللى فالسجون شرفاء واللى بره هما اللى نصابين :-)

[AmAhmed]

ومين قال ان وظيفته يللم مدخرات الناس ويشغلها ويديهم ارباح اصلا ؟
اللى انا اعرفه وموجود فى الكتب وبيتدرس فى كل حته ان دى يا أما مسؤولية الحكومه لو الحكومه بتتبنى اقتصاد موجه يا أما مسؤولية القطاع الخاص سواء شركات مساهمه او شركات اشخاص والارباح بتاعة النشاط تتوزع على الشركاء
انما اعمل شركه الم بيها فلوس الناس بدون اى صفه واديهم ارباح محدش عارف اتحسبت على اى اساس وهل دا فعلا مبلغ الربح ولا لا وبدون اى رقابه من اى جهه فدا مسموش اقتصاد
وبعدين اى تجاره او صناعه دى اللى تكون بالحجم دا وتدى ربح 25% على راس المال وكمان بدون اى مخاطره على المستثمر بيتهيئلى مكنش حد غلب وكمانبيتهيئلى يعنى السرعه اللى كبرت بيها مجموعة الريان والسعد والشريف والذى منه مفيش شركه او مجموعه بتكبر بالسرعه الرهيبه والوقت القصير دا مش غريبه شويه دى ؟
احلى حاجه بئى فى شعبنا الذكى اللى كانت صوره ماليه الجرايد اياميها وهو بيلطم على الخدود على ضياع تحويشة العمر هو نفسه الشعب اللى اتضحك عليه اكتر من مره وبنفس الطريقه

دي كانت شركة قانونية و ورقها سليم و كل مودع كان شريك في الشركة بقدر مساهمته
و لاتنسي ان ماليزيا و تركيا تحولوا تماما و كليا خلال عدة سنوات قليلة
لا تصدق كلام الحكومة الفارغ ان التغير يحتاج عقود و قرون
عجلة الخير سريعة لو سابوها تمشي
و شوف اي ميزانية لاي شركة في البورصة شوف المصروف كام و شوف المكسب كام و انت تعرف ان 25% في بعض القطاعات شئ سهل جدا خصوصا لما تكون رائد مش بس في البلد لكن في الشرق الاوسط كله و افريقيا

كل واحد اتشل او اتنقط او مات قهرا علي فلوسه اللي ضاعت ذنبه مش في رقبة الشريف او السعد او الريان انما في رقبة الحكومة الله ينتقم منهم

و اللي كبير شوية في السن يفتكر اسواق الريان و اسواق الشريف و المنتجات اللي كانت فيهم الصناعة الوطنية لحاجات كتير مكنتش مصر بتصنعها زي الصابون و اللمبات

لكن برضوا لا يمكن انكار وجود نصابين صغيرين حاولوا التقليد و سرقوا الناس انما ده مش مبرر للخراب اللي عملته الحكومة

الشعار هو الدولة قايمة علي القهر ياتموت بحسرتك يا تهاجر و ادي العالم كله بينهار يعني الهجرة بح خلاص

[Dr Ahmed]

منطق غريب شويه
دامعناه ان كل اللى فالسجون شرفاء واللى بره هما اللى نصابين :-)

الحرامية الكبار بتوع المليارات كلهم فى مناصب مش فى السجون

واحد فى وزن الريان لو كان حرامى عمره ما كان دخل السجن

[hussein]

عجلة الخير سريعة لو سابوها تمشي

الله ينور عليك
جمله ياريت كلنانؤمن بيها

[hh]

ومين قال ان وظيفته يللم مدخرات الناس ويشغلها ويديهم ارباح اصلا ؟
اللى انا اعرفه وموجود فى الكتب وبيتدرس فى كل حته ان دى يا أما مسؤولية الحكومه لو الحكومه بتتبنى اقتصاد موجه يا أما مسؤولية القطاع الخاص سواء شركات مساهمه او شركات اشخاص والارباح بتاعة النشاط تتوزع على الشركاء
انما اعمل شركه الم بيها فلوس الناس بدون اى صفه واديهم ارباح محدش عارف اتحسبت على اى اساس وهل دا فعلا مبلغ الربح ولا لا وبدون اى رقابه من اى جهه فدا مسموش اقتصاد
وبعدين اى تجاره او صناعه دى اللى تكون بالحجم دا وتدى ربح 25% على راس المال وكمان بدون اى مخاطره على المستثمر بيتهيئلى مكنش حد غلب وكمانبيتهيئلى يعنى السرعه اللى كبرت بيها مجموعة الريان والسعد والشريف والذى منه مفيش شركه او مجموعه بتكبر بالسرعه الرهيبه والوقت القصير دا مش غريبه شويه دى ؟
احلى حاجه بئى فى شعبنا الذكى اللى كانت صوره ماليه الجرايد اياميها وهو بيلطم على الخدود على ضياع تحويشة العمر هو نفسه الشعب اللى اتضحك عليه اكتر من مره وبنفس الطريقه

و ايه الغلط انه يعمل كدة؟؟

أولا هو كان عامل شركة توظيف أموال بشكل رسمي و قانوني و كان الناس اللي بتودع عنده تعتبر مساهمين في الشركة دي. يعني أي واحد يطرح أسهم شركته في البورصة عشان يزود راس المال يبقى نصاب؟؟ ثانيا الراجل كان عامل مشاريع زراعة و صناعة حقيقية و الناس كانت بتشتري منها يعني مش وهم و لا حاجة.

ثانيا: مين قال لحضرتك ان ربح 25% لأي تجارة ده ربح خرافي؟؟ معظم الشركات بتكسب أكتر من كدة بكتير و ده مكانش بيبيع و يشتري لأ ده كان بيزرع و يصنع بنفسه يعني مكسبه أكبر من أي شركة بتتاجر بس.

ثالثا: مفيش حاجة أسمها هل الفائدة اللي بيديها دي هي مبلغ الربح الفعلي و لا لأ. هو أصلا مش مفترض انه حيدي الناس المكسب كله, لأ طبعا ده عقد بين طرفين واحد بيشغل فلوس واحد مقابل انه بياخد جزء من الربح لنفسه. عقد مرابحة أسلامي 100%. و حتى النظم الربوية برضوا بتعمل كدة, يعني أي بنك مثلا المفروض انه بيدي المودعين فايدة على فلوسهم اللي هي رأس المال اللي بيشتغل بيه, هل الفايدة دي هي كل الأرباح اللي بتدخل للبنك؟؟ لأ طبعا, هو بيدي المودعين جزء و البنك بيحتفظ بجزء اللي هو بيعتبر الأرباح السنوية اللي البنك بيحققها.

[mostafashokry]

الله ينور عليك
جمله ياريت كلنانؤمن بيها

مافيا !!!!! لكل تخصص يعنى جرب كدة تستورد شاى و لا حديد ولا بن ولا ,,,,,,,,,,ولا ولا