ذكريات تهم مواليد السبعينات

[hanyfarrag]

موضوع جميل جدا يا علا

ده ترام الرمل فى إسكندرية زمان
وهو دلوقتى موجود فى مطعم سى جل كأثر

[aif]

بجد موضوع جميل جدا يااااااااااااا ايام انا من مواليد 83 و فاكر ان زجاجة الحاجة الساقعة بيبسي او كوكا بــ 15 قرش الصغيرة و اول ما الكبيرة بدات تنزل كانت بــ ريال 20 قرش انا علي اد ما افتكر و بعد كده بدات في الغو 20 و 25 ... 25 و 30 .... 30 و 35 .... 40 و 50 الخ الخ و مش عارف الخ دي لغاية امتي اكيد في غيري يفتكرها ارخص من كده

ياااااااااااااااه ده انا طلعت عجوز اوي
انا اول حاجة ساقعة فاكرها كانت ب 1.5 قرش يعني ثلاثة تعريفة ده كان سنة 1969 وكنت في اولي ابتدائي كنت باشتريها من كانتين المدرسة وأخلي عم مهنى يخرم الغطاء عشان اشرب منه بمزاج
مش معقول الذكريات الجميلة دي
ربنا يكرمك يا علا

[OlaOsman]

فعلا ذكريات حلوة جدا
افتكر وقت حادث المنصة كان عندي رشاش صغير من بتاع زمان اللي بيطلع شرار ده
وقفت في البلكونة وقعدت اقول
انا اللي قتلت الساداااااااات
انا اللي قتلت السادااااااااااات
طخخخخخخ
بوووووووووووم
الطخ بوم دي بقي كانت على دماغي من والدي وقاللي ادخل جوة الله يخرب بيتك هاتودينا في داهية
لان البلد كانت في حالية غليان وانفجار وانا هايص في الهيصة

__________________

طيب كويس يا كريم ان باباك اتصرفي في الوقت المناسب :D
انا مش عارفة ليه مش فاكرة حادثة المنصة اوي كده، رغم اني كنت حيلوة كده 6 سنين يعني :p

ايوه بس انا فاكر انها كانت مش محجبه وكان اغلب لبسها اخضر بس كانت طيبة وحنينه جداً وفين ماما ساميه وماما نجوي و بقلظ

و بابا ماجد يا خالد :)
اما رجل المستحيل ده فأنا لية معاه صولات و جولات.. كنت اشتري اللغز من دول و أكله أكل في أقل من ساعة.. و بعدين آخد فلوس تاني من ماما و اروح اجيب واحد و هكذا.. المكتبة اللي كنت باجيب منها كانت فاتحة على قفايا.. أصلي كنت دودة قراية

انا سعادتى بمشاهدة ما سبق لا توصف ، بمجرد رؤية هذه الصور تذكرت ايام الماضى و ما صاحبها من راحة نفسية لم اجد له مثيل اطلاقا فى ايام الحاضر

الحمد لله ان ربنا جعلني سبب في سعادة حد :o

الأوتوبيس ده إسمه بيجاسو وكان صناعة اسبانية، فى فترة السبعينات كان هو والأتوبيس النصر فقط هم اللى بيشتغلوا فى هيئة النقل العام، والأتوبيس البيجاسو ده كان احد معالم مصر فى السبعينات وياما طلع فى افلام ومسلسلات، اذكر منها فيلم الحفيد ومسلسل دموع فى عيون وقحة

بالمناسبة انا من مواليد اوائل السبعينات

و انا مواليد آخر أسبوع في آخر شهر في سنة 74 :)

شكراً يا علا على الموضوع الجامد ده ,
بصراحة انا حسيت براحة لما شفت الصور دي ,
يمكن من الضغوط اللي الواحد بيعاني منها و نستها شوية لما شفت الصور و التعليقات ,
على فكرة انا عرفت الصورة بتاعت ماما عفاف أول ما شفتها و البرنامج بتاعها كان مقدس عندي , و كمان برنامج اخترنا لك و عالم الحيوان ,
يا تري اول مصروف في سنة اولى ابتدائي كان كام و كان بتعمل بيه ايه ,
انا كنت باخد قرش أو قرشين تقريباً مش فاكر أوي و كنت طبعاً بشتري بيه الحلويات

لا انا ما أظنش اني لحقت الفكة اوي دي.. متهيألي وقتها كنا بنتعامل اكتر من اول الشلن (الخمس قروش) و البريزة و الربع جنيه و كده.

الله ينور يا علا علي الموضوع الشديد قوي ده و علي فكرة ده اول موضوع اقراهولك لاني كنت متغيب فترة عن المنتدي لكن واضح من نوعية مواضيعك انك صاحبة فكر راقي
و لو انها جاية متأخرة قوي المنتدي منور بيكي و بكل الاخوة المستجدين

بالنسبة لموضوعك الشيق فيه برضه شيكولاته كورونا و لعبة بنك الحظ و كريم حلاقة انجرام اللي كانت اعلاناته مالية الدنيا
اخوكي محمد فهمي من الرعيل الاول لنايل موتورز و من قبله كونتكت كارز

على فكرة فيه هنا صور لشيكولاتة كورونا و بنك الحظ :)
شكرا على إطرائك و عود حميد بإذن الله :)

موضوع تحفة .. هو أنا كل مافكر في موضوع تحرقيه؟؟ :)
ربنا يجازيكي كل خير، سؤال بسيط، بتجيبي الصور منين؟

يعني هايكون منين؟ هو في غيييييييييييره؟ ;)

[OlaOsman]

موضوع رائعجزاك الله خيرا ، رجعتينا لذكريات جميلة حقيقي حسيت احساس جميل و انا باسترجع طفولتي

كويس ان الواحد كل فترة يقف شوية و يرجع لورا.. احنا طبعا هانرجع تاني لواقعنا مافيش اختيار.. انما يبقى اسمنا أخدنا نفسنا شوية من السباق اليومي اللي احنا فيه :(

سبعاوي.. اهو انا بأه كنت كل ما أشوف جيمي كارتر في الأخبار اقول ايه ده؟ فيه راجل اسمه جيمي؟؟
أصلي كنت مركزة مع بايونيك وومان و كان اسمها في المسلسل جيمي :D

علي فكرة يا اخت علا
زوجتي شافت الصور اللي انت باعتاها وعجبتها جدا وهي مصممه انك من عمرها لأن كل الذكرايات دي نفس ذكراياتها
بس بصراحة انتي موضيعك جامدة اوي وبتخرجنا من الجو الخانق اللي بنعيش فيه الي الماضي الجميل

جزاك الله خيرا :)
على فكرة ممكن فعلا تكون زوجتك من نفسي سني. سلم لي عليها اوي :)

انا من اواخر السبعينات بس الصور دى رجعتنى لزكريات فى منتهى الجمال بس هوا انت بتجيبى الصور دى منين يا علا ؟ ولا انتى معاكى فريق اعداد يعنى زى اللى فى العاشرة مساءا والبيت بتك ؟

:D لا هو في الحقيقة فريق الإعداد اللي معايا انا سارقاه من 90 دقيقة :D
بصراحة كده المصدر هو الفيس بوك

موضوع جميل جداااااااااااااااااااااااا

متشكرة جداااااااااااااااا يا ايمن :)

[OlaOsman]

فتك أفندي ما كجيفر :p




و ده كمان باين عليه فعلا الفتاكة :D




روبي.. كانت صفاء قطب تعليقها على الكارتون ده يشششششششششششششل :p




حتى ده دلوقتي بأه حفريات :o

[OlaOsman]

فاكرين الربسوس ده؟




بقلظ.. بس طبعا شكله متقلد.. مش بقلظ الأصلي يعني








الصندل ده كان صيفي.. بس المشي فيه في الشمس كان صعب اوييييييييييي :D




انا رابسو :D

[OlaOsman]

جون ترافولتا أيام عزه














فريق السلة ايام مجده.. مش فاكرة منهم غير مدحت وردة

[Khalid_Mostafa]

طيب مين يا شباب يفتكر فرقة "الجيتس" ...انا ذاكرتي ضعيفة جداً بس فاكر شوية اغني زي :
يا خوجه البنات علمهم.......ضرب الألات ونغمهم
يا خوجه يا خوجه علمهم

وكان فيه اغنيه لذيذه تانيه كانت بتقول :
الميه مقطوعه يا افندي
يبقي الأحسن ييجي السقه ...وهو شغال ومفيش خطرات

[OlaOsman]

الفور إم

[OlaOsman]

الله يرحمه.. الناس دي اللي بيروح منهم مش بيتعوض :(

[OlaOsman]

ايفر ريدي.. القط الاسود




ساندرا




بيقولوا لسه بيتصنع سبيرو سباتس ده




مارادونااااااااااااا




الزفاف الأسطوري

[sab3aawy]

دى فيديوهات شهيرة جدا من فترة السبعينات

ده فيديو اغنية قارئة الفنجان لعبد الحليم حافظ لما الناس صفرت عليه واتعصب عليهم، كانت بداية النهاية

http://youtube.com/watch?v=TGwNOQvS63k

جنازة ام كلثوم

http://youtube.com/watch?v=seIFfhUwN9Q

نهائى كاس مصر 1978 بين الأهلى والزمالك ، مصطفى عبده، الخطيب، شطة، جمال عبد الحميد وتعليق شيخ المعلقين المصريين المرحوم الكابتن محمد لطيف

http://youtube.com/watch?v=s1z_KesixoM&feature=related

زيارة السادات الى القدس عام 1977

http://youtube.com/watch?v=81GdgmDA_L0

حادث المنصة، النهاية الحزينة لحلم السبعينات الوردى

http://youtube.com/watch?v=nwQL3N57TQE

[sab3aawy]

طيب مين يا شباب يفتكر فرقة "الجيتس" ...انا ذاكرتي ضعيفة جداً بس فاكر شوية اغني زي :
يا خوجه البنات علمهم.......ضرب الألات ونغمهم
يا خوجه يا خوجه علمهم

وكان فيه اغنيه لذيذه تانيه كانت بتقول :
الميه مقطوعه يا افندي
يبقي الأحسن ييجي السقه ...وهو شغال ومفيش خطرات

انا فاكر لهم اغنية ليندا ليندا

ليندا ليندا يا حبى ...ليندا ليندا يا حياتى

انا بحبك ..واسألى قلبى هوا يقوللك يا ليندا

اسمعى منى ...قولى لابوكى

وان مسمعش.. قولى لاخوكى

انا بحبك ..واسألى قلبى هوا يقوللك يا ليندا

[douha_wise]

أولا أشكرك على الموضوع الراااااائع يا علا
ثانيا انا كل ما افتكر حاجة و اجى اكتبها الاقى حد كتب عنها

[DONYO]

ياااااااااااااه ولا زمان دي حاجات جميلة جداااااا مشكور حبيبي