ذكريات تهم مواليد السبعينات

[Adham_Sabry]

يا جماعه المسلسل ده جامد جدا انا عندي حوالي 7 حلقات
(كان نزل علي يوتيوب وبعد كده اتحذف ..ممكن تكون CIA هي اللي عملت كده :D:D)
وده لينك بيتكلم عنه
Fact or Fiction - True Stories of CIA Mind Control

http://video.google.com/videoplay?docid=2928903664190719452&q=cia

"The date is August 28, 1995. Thomas Veil, a photojournalist, has his identity erased by a mysterious conspiracy. His wife doesn’t recognize him, the key to his house doesn’t work, and his ATM cards are useless. People are chasing him, but he doesn’t know why, except that it has something to do with "Hidden Agenda", a picture of an execution he took a year earlier that’s missing from his studio. He has the negative, "they" want it, and the hunt is on. Tom veil is hunting for the truth, while "they" are hunting him for the negative.
.

,وكان في ناس بتقول ان معظم احداث المسلسل حقيقيه ..

[TaoTao]

مسلسل غوايش بتاع فاروق الفيشاوي و صفاء ابو لسعود.
لما كان ابو فاروق الفيشاوي بيقوله
كلام اخوك الكبير يصير يا حسانين
يقوم فاروق قايل
ليه يا بوي
يقو ابوه يرد
علشان هو الكبير يا ولدي
دي الجمله الوحيده اللي فاكرها من المسلسل دا :)

آه كان أبو حسنين الأستاذ "عبد البديع العربي" والد محمد ووجدي وكاميليا العربي (كلهم اعتزلوا تقريبا :))

وكان نبيل الحلفاوي -أخو حسنين الكبير- اسمه "معلى قانون" معلى ألف لينة يعني تنطق "معلا جانون" أنا بقى كنت اموت واعرف هو اسمه كدة ليه؟!!:D
ده اسم ده؟ ولا صفة؟ ولا ايه؟ :D
أساساً أنا ماعرفتش افسر اسمه غير بعد عرض المسلسل ب 15 سنة :D

[TaoTao]

زمان الأفلام الهندى دى كان ليها شنة و رنه و اميتاب بتشاب كان عامل عمايل هندى .
و مسلسل غاويش بتاع كلام اخوك الكبير يصير يا ولدى كان فيه شوية موسيقى لعمر خيرت عجب .
و فكرتونى بكتاب ابتدائى امل و عمر و ساعى البريد عم سعيد

أنا فاكر طشاش ساعي البريد، واظن كان اسمه فريد، الولد هو اللي كان "سعيد"
سعاد: افتح الباب "سعيد" ... إنه عمي "فريد"
إنه ساعي البريد

مش فاكر غير كدة، بس هو كان ديالوج بين "سعاد" و "سعيد"، وسايبين عم "فريد" ملطوع ع الباب، ولما فتحوله الباب الراجل كان مبسوط ع الآخر وقالهم:
مرحباً ابني وبنتي .. مرحباً من كل قلبي

وكام بيت تاني كدة مش فاكر منهم أي حاجة، والنشيد ده كان في كتاب سنة تالتة أو تانية ابتدائي.
بجد والله برافو عليك فكرتنا بحاجات ظريفة جداً :)

[ows212]

كتاب اولى ابتدائى ...
بم بم بسبس خافت بسبس جرت الى امل
مسلسل غوايش فاكرين اجمد بدير لما كان بيقول لأمه قوطع الزميير واللى شار بيه
وكان بيحب فى المسلسل انعام سالوسة اخت المعلى وحسانين

[abou_ruqi]

موضوع تحفة تحفة تحفة
أنا بأقراه وأنا بعيط

وحشارك معاكم إن شاء الله جامد

أولا

سؤال لللعيبة مواليد السبعينات وبخاصة أوائل السبعينات

فاكرين الراجل ده

مين أول واحد حيقول اسمه ؟؟؟




الراجل ده بيمثل طفولتي بحق ربنا

[OlaOsman]

موضوع تحفة تحفة تحفة
أنا بأقراه وأنا بعيط

وحشارك معاكم إن شاء الله جامد

أولا

سؤال لللعيبة مواليد السبعينات وبخاصة أوائل السبعينات

فاكرين الراجل ده

مين أول واحد حيقول اسمه ؟؟؟




الراجل ده بيمثل طفولتي بحق ربنا

هو فين ده طيب؟

[abou_ruqi]

أنت مش شايف الصورة فعلا وألا مش عارفه ؟؟؟

طيب مين فاكر السيفونات لما كانت كده



بس يا خسارة مش لاقي صورة لماركة الطوفان

[TaoTao]

ممكن يكون الرجل الخفي
أو ممكن يكون مستر X أخطر رجل في العالم :)

[TaoTao]

يا سلام يا سلام :)
"الطوفان 2 جالون"

مين ينسى؟! :)

[abou_ruqi]

يا جماعة انتوا شايفين الصور وألا لا ؟؟؟

المهم فاكرين سبيروسباتس ؟؟؟

[abou_ruqi]

على العموم الراجل الي في الصورة ده مغني وجيتاريست ليبي اسمه ناصر المزداوي كان مكسر الدنيا في أواخر السبعينات وأوائل الثمانينات وحميد الشاعري طلع على كتفه وكان حميد في أول شرايط له بيكتب حميد الشاعري والمزداوية
علشان حميد كان مجهول والمزداوي هو اللي كان مشهور

خد عندك

[abou_ruqi]

نسيت أقولكم إن ناصر المزداوي أشهر أغنية
1- شنطة سفر
2- عيونها
3- عني ولا عن حالي

سا سلام على دي أيام
وأخر حاجة عملها إنه لحن أغنية حبيبي يا نور العين لعمرو دياب


بصوا في الصورة تلاقوه واقف ورا عمرو في تصوير الكليب

[OlaOsman]

على العموم الراجل الي في الصورة ده معني وجيتاريس ليبي اسمه ناصر المزداوي كان مكسر الدنيا في أواخر السبعينات وأوائل الثمانينات وحميد الشاعري طلع على كتفه وكان حميد في أول شرايط له بيكت حميد الشاعري والمزداوية
علشان حميد كان مجهول و المزداوي هو اللي كان مشهور

حد عندك

الصور ظاهرة يا ruqi

متهيألي الألبوم ده اللي كان فيه أغنية بتقول وين أيامك وين يا غايب ع العين.. جلبي عاش حزين و الله عشان حزين في بعادك يا زين.. و ين.. وين.. وين ايامك وين يا غايب ع العين؟

[abou_ruqi]

الصور ظاهرة يا ruqi

متهيألي الألبوم ده اللي كان فيه أغنية بتقول وين أيامك وين يا غايب ع العين.. جلبي عاش حزين و الله عشان حزين في بعادك يا زين.. و ين.. وين.. وين ايامك وين يا غايب ع العين؟

مش فاكر بقه إذا كانت في ده أو في غيره بس أنا فاكر الأغنية طبعا , بص في الألبوم الأصفر على جنب بالطول مكتوب

(في أغاني ناصر المزداوي)

[OlaOsman]

على فكرة أول صفحتين في الموضوع ده انتشرت على النت بتعليقاتهم كالنار في الهشيم.. ده انا حتى لقيتهم في ذات نفس الجروب اللي ع الفيس بوك اللي انا واخدة منه الصور.. بس الفرق ان التعليقات بتاعتي على الصور هي اللي على كل صورة.. يعني اقتباس :)