هعترفلكم بحاجة بس محدش يتريق عليه

[Angel_wolf]

مبدئيا احنا فى مصر يعنى القرف ملوش حصر
1- كل كام يوم فى الجرايد نقراء عن مصنع مياه معدنية بيعبى ميه حنفية والبتالى البلاستك زبالة طبعا مغير معقم
2- كل المطاعم الحلوة بتاعة برة الى يلاقوا عندوا نص حمار ولا يكون اكلة اصلا بايظ من اصلة وحمضان وحالتة نكد ومن شهرين حادثة ترى شفس الى اصلا كل حاجة مؤمن من عندة والاطنان الفاسدة من اللحوم والاسماك وغيرة
3- من غير اى حاجة فى البلد دى مفيش اى حاجة مضمونة

طيب الحل ايه
الى يرزل علىكى ويقلك هاتى بوء قوليلة هشرب واديلك بوء والى تقرفة منه فى الاخر تديهولة انا بعمل كدا مع صحابى حتى لانى بردوا بقرف
الى يعزمك على حاجة برة قوليلة بقرف او عاملة رجيم
بس مش هنموت نفسنا خلاص يعنى فى حاجات عادى وحاجات لا

[dr-mohamed]

عندك حق في حاجات وفي حاجات تانية لا يا ايس
حاولى تهدي الامور شوية
وزي ما خالد بيه قالك اول ما تبقي ام هتتكسر مناخيرك ويضيع قرفك وكل الحاجة اللى في الدنيا ويا سلام وانتى بتغيري لهم الحفاضات هههههههههههههههههههههههه
شمتان فيكي وفيكم كلكم

[icehearted girl]

عندك حق في حاجات وفي حاجات تانية لا يا ايس
حاولى تهدي الامور شوية
وزي ما خالد بيه قالك اول ما تبقي ام هتتكسر مناخيرك ويضيع قرفك وكل الحاجة اللى في الدنيا ويا سلام وانتى بتغيري لهم الحفاضات هههههههههههههههههههههههه
شمتان فيكي وفيكم كلكم

حتي انت يا دكتور محمد


اللهم لا شماتة

[mahmoudysf]

علاجك في حاجة واحدة واسالي مجرب
بس للاسف ملكوش فيه الجيش

[mmffor]

عاوزة أسألكو في أمر كبير

بس يا ناس الأمر خطير

قولي يا آيس السر وماله

بس بشرط السر فبيــــــــــر

انا مش عارفة ابدأ منين ولا أقول ايه بس اصلها بصراحة كدا حاجة تكسف

عارفين بعض الناس اللي ربنا بيرزقهم بشوية ابتلاءات وأمراض نفسية وعقد مزوبعة

اهو انا واحدة منهم بقي والحمدلله ربنا ابتلاني بحاجة كدا وهي موضوع (القرف)

مش اني مقرفة لالالالا انتو فهمتوا غلطاني بقرف بطريقة موسوسة فوق ماتتصوروا

يمكن بوصل لدرجة اني لما بشرب من كباية مثلا مبشربش منها تاني الا لما اغسلها بالرغم

من انها مكاني مش مكان حد تاني

وطبعا من رابع المستحيلات اني استخدم كباية حد استخدمها حتي لو اتغسلت..

ومن خامس المستحيلات اني استخدم اي حاجة مكان حد... مش عشان العدوي وكدا لا هو في

الاول وف الاخر موضوع نفس... لدرجة مرة حد غصب عليه اشرب عصير من بتاع عصير القصب فلكباية
ونا رافضة تماما لحد مغلش عليه جدا.. وخلاص كنت هشرب لقيت فلاش باك شغال لكل الناس

اللي ممكن يكونوا شربوا فلكباية دي فجأة لقتني بتخنق وبكح جامد جدا وروحي بتطلع بدون مبالغة

فصدوقني ومخلونيش اشرب

المشكلة بقي انا مش مضايقة من نفسي بكن بقيت اضايق من اللي حواليا انهم شايفنني مجنونة

ومش طبيعية وعادي جدا ان ازازة مية يشرب منها كذا شخص او كباية حد يستعملها

كنت ببقي لسه فاتحة الازازة الاقي حد بيستأذني يشرب اسبهاله واتلكك باي حجة عشان امشي

قبل ميرجعهالي تاني

او بشرب بيبسي ولسه هفتحها الاقي واحدة بتقولي ممكن اخد بق ولا بتقرفي؟؟

سيادتك يعني اقلك ايه منتي بتحرجيني بالذوق.. مش عارفة ليه كل الناس متخيلين نفسهم معقمين

انا والله مش فدماغي الحاجات اللي بسبها دي اد مفدماغي انهم شيفينني غلط ومريضة

ويقولولي المفروض انتي مسلمة يعني نفسك تكون حلوة

ايه علاقة الارف دا بالنفس الحلوة

لا وفرمضان الامر زاد لأني تقريبا كل يوم بفطر برا البيت

ابقي هموت ومستنية المغرب تأذن علشان اشربلي اربع خمس ازايز مية ولسه بقول بسم الله

الاقي واحدة تقولي ممكن اشرب؟؟.. مع ان قدامها ميت مصدر للمية اشمعنه اللي هشربها دي يعني

وبسبها برده وافضل هموت ملعطش لحد مقدر اخرج واجيب مية تاني
ولا من كام يوم لسه هفطر انا وزمايلي لقيت واحد زميلي بيقولي بتاكلي اي فنا حلفت عليه يقعد ياكل معانا عادي يعني راح شادد مني المعلقة.. وراح ضايق حاجة كدا وقالي لا دا وحش اوي

وراح مرجعلي المعلقة.. ونا المفروض بقي اني استخدمها... بغض النظر اني ولعت فيها بجاز بعد كدا

الا انه احرجني جامد جدا لاني يادوب كنت لسه هاكل.. طب اتحجج بإيه؟؟؟ عملت نفسي بطني وجعتني فجأة ..و آآآآآآآآآآآآآآآه آآآآآآآآآآآآآآآآآآآآآآآآآآه مش قادرة وقعدت اولول علشان ابرر اني مش هاكل من الالم...

زمان مكنش بيهمني واللي ييجي يشرب مكاني اقوله بقرف..بس دلوقتي ميصحش احنا ناس كبار وزمايلي وصحابي وكدا مقدرش احرجهم ومبعرفش احرج حد للأسف

انا رغيت كتير معلش بس فعلا الموضوع دا تاعبني ومش عارفه اتصرف ازاي

هوا انت هتتجوزي ازاي؟

[Eng.Geo]

عكسك تماما
ممكن أكل مكان حد
أشرب مكان حد
أخمس مع 9 10 في كان بيبسي
كنت وانا صغير أوي زيك
ولكن تحولت لواحد تاني
ولكن باخد بالي جدا ان خليش حد ياكل مكاني ....
ماروحش أخد من حد معلقته وأكل
ماخدش من حد كوبايته أو الكان بتاعته
انا بعزم أو يتعزم عليا ( شرط حد من صحابي أو عارفه كويس جدا )
حاولي تعالجي الجزء ده لأقرب حاجة
مش شرط حد تاكلي مكان حد
كلي مكانك حتي !!

[darklight]

و الله أنا كنت محتار أكتب تعليق و لا لأ عشان متحرقيش جهاز الكومبيوتر من الوسوسه و لكن و الله العظيم و أؤكد لك أنا لسه غاسل إيدى قبل ما تتمد على الكي بورد

[Donzi]

حقك طبعا انك ماتشربيش و ماتكليش مكان حد و دي حاجة مافيهاش احراج سواء ازازتك او طبقك و شوكتك و معلقتك كلو من حقك و ممكن تقولي لاصحابك عادي معلش يا جماعة مش بحب اكل او اشرب مكان حد و مرة في مرة هايعرفو و هايتعودو و هايحترمو رغبتك و ايا كان اللي هايتريق او هيعلق تعليق مايعجبكيش فا الرد بسيط جدا دي حرية شخصية

انما تيجي على نفسك و ماتكليش وما تشربيش طبعا لا

اما بقى موضوع انك بتقرفي حتى من انك تشربي من مكانك انتي فا دي زيادة شويتين و مش طبيعية فاحاولي تخفي شوية و تقنعي نفسك ان الموضوع طبيعي عشان مايزيدش معاكي اكتر من كدة

.

[icehearted girl]

نو واي..بعد مشاب ودوه الكي جي؟؟؟

و الله أنا كنت محتار أكتب تعليق و لا لأ عشان متحرقيش جهاز الكومبيوتر من الوسوسه و لكن و الله العظيم و أؤكد لك أنا لسه غاسل إيدى قبل ما تتمد على الكي بورد

بجد انا هفطس ملضحك

ربنا يكرمك ضحكتني بجد


بس مقولتليش غسلتها بالصابون ولا بمية بس؟؟

عيزة اقلكم انا من قريب حضرتك كورس infection control

طلعت منه مش بوسواس واحد..لا بمليون وسواس

بقيت ونا طالعة اي سلم عمري ممسك فلترابزين علشان اكيد فيه ميت حد مسكه

ونا بفتح الحنفية افتحها بكوعي مش بايدي ابدا

ونا بفتح اي باب افتح الاكرة بتاعته بعد مغطي ايدي بكم البلوزة

يعني فعلا اللي ميعرفش يقول عدس
انما لو كل واحد ادرك كمية الحرب الميكروبية المعششة حواليه هيمشي بميكروسكون وازازة ديتول

[darklight]

و الله أنا كنت محتار أكتب تعليق و لا لأ عشان متحرقيش جهاز الكومبيوتر من الوسوسه و لكن و الله العظيم و أؤكد لك أنا لسه غاسل إيدى قبل ما تتمد على الكي بورد

[azmeralda]

بصى يا ستى انا شايفة ان كل اللى قلتيه ممكن يعدى ماعدا موضوع الكوباية اللى انتى شربتى فيها دى طب ما الأولى بقى معلقة الأرز احنا بنحطها فى بقنا تختلط باللعاب والذى منه وننزلها فى الطبق تانى ونرجعها فى بقنا تانى كده بقى هنغسلها بين كل مرة ومرة ؟

انا عند بتاع القصب لا يمكن اشرب مطرح حد وده شىء طبيعى جدا اطلب كوب بلاستيك انا اعرف الناس دى عندها امراض ايه !لكن لو انتى بتقرفى بجد يبقى مفروض تقرفى من الزعازيع نفسها مش مغسولة كويس والمكنة نفسها الله اعلم جواها ايه مش جايز فى صرصار عدى جوه واتفرم مع القصب؟

طب ومبتكليش فى مطاعم بقى على كده؟ انا عرفة اللى بيحصل فى المطاعم بس بطنش بمزاجى عيزة اتفسح اعمل ايه؟ بستنضف مكان بس برضه بسمع بلاوى عندنا مكان على المشاية مفروض انه محترم واحدة قالت لى ان صاحبتها كانت بتاكل هناك لقت صرصار ماشى على الترابيزة ندهت الجرسون مسك الشوكة وغرسها فيه وقالها وآدى الصرصار!عقدتك اكتر؟؟؟؟

انا بس بعرفك طبيعة البلد اللى احنا بنحاول نقرف فيها

معتقدش ينفع الا لحد معين

انا كان فيا كتير منك بس لما ركزت لقيت انى مفروض اقرف اكتر من كده وانى لو قرفت اكتر من كده مش هخلص ولما ركزت اكتر ورجعت لجذور المشكلة افتكرت ان ماما وانا طفلة كنت دايما اقولها اشربى من قزازة السفن مثلا الأول وبعدين انا اشرب هتلاقى اطفال كتير بيعملوا كده بدأت هى بقى تقولى اوعى تشربى مكان حد اوعى اقولها ولا انت تقولى ايوه وبدأ الموضوع فعلا يتضخم وكل واحد له كوبايته وبقيت اقرف اشرب او آكل مكان حد واستمر وكل اصحابى عرفوا وتقبلوا بس الموضوع بدأ يقل وبقيت الاحظ انى لما احب حد بقدر اشرب فى كوبايته عادى وهكذا
هو مش هيخف بالساهل على فكرة
و كل الأطفال فى الأول لا بيخافوا ولا بيقرفوا الطفل ممكن يمسك الصرصار ويحطه فى بقه كمان هو بقى لما يلاقى مامته صرخت يعرف ان ده بيخوف ويبتدى يعرف ان فى حاجة اسمها قرف

فى التراويح بآخد مع الزجاجة كوب بلاستيك انا بقى بشرب من بوء القزازة وطالما هم مش ممانعين يشربوا مكانى ومش قرفانين هم حرين اعملهم ايه حتى سقيا الماء بثواب بصب لهم فى الكوب البلاستيك لكن لما بتحط فى موقف حد يشرب من بق القزازة دى كده بقت بتاعته خلاص
مشكلتك انتى اللى هتقدرى تحليها بنفسك وحكاية الأطفال دى فعلا 99و9% من الناس مبتقرفش من ولادها لكن واحدة صاحبتى بتقرف من ولادها ولا يمكن تاكل حاجة مكانهم برضه دى نفس

وخللى اى اب كده يجى يغير لولاده البامبرز كذا مرة فى اليوم لمدة سنة ويورينا هو مش هيقرف ازاى بلا جيش بلا بتاع

[mahmoudysf]

على فكرة زي ما فيه ميكروبات
ربنا خالق الجسم وفيه الاجسام المناعية
والا بعد اللي قولتية ده كان زمان الله يرحمنا كلنا
وبعدين هتتعاملي مع المرضى ازاي
فكرتينى بعبد السلام النابلسي
ابقى خلى معاكى ازازة كولونيا وكل ما تتعملي مع مريض عقمية الاول

[mohamed_mohsen]

ممكن تضغطى على نفسك ...

او تستشيرى دكتور نفسى

+1111111111111111111

[FunnyMickey]

هوا فعلا سؤال يطرح نفسه
ربنا لو رزقك بزوج من النوع اللي مش بيقرف
او شخص عادي

وجه مثلا عازمك بره وبياكل
وقفشت في نافوخه يقولك

خدي ياحبيبتي الحته دي من ايد جوزك حبيبك

هههههههههههههههههههههههه

الراجل طلبت معاه حنيه في هذا التوقيت
ماذا ستفعلين يا ايس؟؟؟؟

ربنا معاكي والله انا مش عارف انصحك لاني بتضايق اما حد يقولي بقرف
ببقي عاوز اقوله يعني هوا انا معفن مثلا عشان تقرف
ولا شايف مثلا الصراصير حاططها في جيوبي

بس انتي عندك حق في موضوع الاكل والشرب طبعا لان ده غلط صحيا ومش حاجه تزعل حتي انا مش بزعل اصلا في اكل وشرب
لان انا مش ضامن اللي قدامي ده في في بقه ايه
مرض معدي بيشرب سجاير

انما الاوفر بتخنق منه
وممكن فعلا معرفوش تاني

[azmeralda]

نو واي..بعد مشاب ودوه الكي جي؟؟؟




بجد انا هفطس ملضحك

ربنا يكرمك ضحكتني بجد


بس مقولتليش غسلتها بالصابون ولا بمية بس؟؟

عيزة اقلكم انا من قريب حضرتك كورس infection control

طلعت منه مش بوسواس واحد..لا بمليون وسواس

بقيت ونا طالعة اي سلم عمري ممسك فلترابزين علشان اكيد فيه ميت حد مسكه

ونا بفتح الحنفية افتحها بكوعي مش بايدي ابدا

ونا بفتح اي باب افتح الاكرة بتاعته بعد مغطي ايدي بكم البلوزة

يعني فعلا اللي ميعرفش يقول عدس
انما لو كل واحد ادرك كمية الحرب الميكروبية المعششة حواليه هيمشي بميكروسكون وازازة ديتول

infection control ايه بس وانتى قبل متعرفى الكلام ده وتتبعى الأحتياطات دى كان حصل لك حاجة؟
ومتعرفيش ان البكتريا والفيروسات المسببة لجميع الأمراض القاتلة والخطيرة طايرة حواليك دلوقتى فى الهوا و المعقبات اللى من بين ايديك ومن خلفك هم اللى بيحفظوك متدخلناش فى سكة تانية الحذر لا يمنع قدر انتى تحتاطى ماشى بس بالمعقول والا فعلا ممكن تخشى كده فى وسواس قهرى