هعترفلكم بحاجة بس محدش يتريق عليه

[medo_2060]

انتى عندك حق فى حاجات وحاجات لأ .... يعنى متاكليش ومتشربيش من ورا حد دا الطبيعى لكن باقى الى ذكرتيه غريب شويه..
لانك النهارده ممكن تتعرضى لموقف محرج بخصوص الموضوع دا مع صحابك او اهلك ودا عادى وفى الغالب الموضوع هيبقلب بهزار وهتعدى...
لكن الفتره الجايه ان شاء الله لما يكون فى خطوبه وبعده جواز الموضوع دا هيعمل مشاكل بمعنى الكلمه.... فحاولى تظبطى الامور
يعنى الى بيخاف من الضلمه طريقه من طرق العلاج يواجه الخوف ويقعد فى اماكن ضلمه
اعملى كدا هاتى سته سبعه من اصحابك وهاتوا صينيه كبيره وحطوا كل الاكل فيها وكلوا مع بعض وياريت لو فى نص الاكل تبدلوا المعالق هههههههههههههههههههههه

[mr_vampire]

ده وسواس قهري
مرض نفسي ومحتاج علاج

اسمع ان الفنان محمد عبد الوهاب كان موسوس نظافة لدرجة انو بيغسل الصابونة لما يشتريها

يغسل الصابونة ازاي يعني. يغسلها بصابونة. والصابونة اللي بيغسل بيها كانت مغسولة بصابونة قبل كدة برده. نفس قصة البيضة والكتكوت مين جه الاول.

[Mohammmed]

عااااااااادى جدا دا مش مرض نفسى ولا حاجة انا كدا برده
وناس كتير كدا وسيبك من اللى يقولك اشربى او كلى و الناس كلها شربت منها ومحصلش حاجة والكلام دا
انتى كدا ماشية فى الطريق الصح

[نور القمر]

اها عشان كدة لما جيتي عندي مكنتيش عايزة تشربي حاجة
بس على فكرة انا بغسل كويس ولازم الكلور مع الصابون حتى اسألي آيه وفايزة
عموما الحالة دي هتروح منك بمجرد ما يبقه عندك اطفال وبامبرز والذي منه
انا اول ما جبت ابني الاولاني كانت بتجيلي حالة قيء من تغيير البامبرز دلوقت اخدت مناعة

[kamalsalem]

الجأي لدكتور نفسي لأن ده مرض وله علاج ولو سمحتيلي اقولك مش هتعرفي تعيشي خالص بعد كده

لما يبقى عندك بيبي هتعملي ايه؟

[aliabutaleb]

والله أنا شايف إن اللي حضرتك بتعمليه ده غلط من الجو المعقم اللي عايشين فيه ده.
يعني كل العادات اللي حكيتيهالنا كلها عادات حميدة ياريت كلنا نلتزم بيها
سواء السند على الدرابزين أو أكر الأبواب أو ما شابه

يعني من الآأخر ياريت ياريت تنقلي لنا جميعاً العدوى دي :)

[pro_samir]

موضوع انك تقرفي من نفسك ده مش طبيعي طبعا ماهو لسانك مليان ميكروبات هتعملي فيه ايه ههههههههه

بس بدل ما بتتحرجي من الناس وييجي علي دماغك اتعاملي عادي والناس هتتعود يمكن يتضايقو مره ولا اتنين وبعد كده خلاص الموضوع هيتعرف ويبقي ده الطبيعي

لسه انهارده كان عندي اتنين اصحابي واحد منهم بيتصرف بتلقائيه تخنق بجد أول ما دخل راح قاعد علي المكتب قلتله علي فكره المفروض متقعدش مكان صاحب البيت الا لما تستأذنه

شاف بلوك نوت راح ماسكها وبيقرا اللي مكتوب قلتله افرض انا كاتب حاجه ومش عايزك تشوفها مثلا ! واتضايقت جدا

كتاب احمر محطوط يقولي وريني الكتاب ده كده قلتله لأ (اصله كتاب عن الصحه النفسيه هههههههههه)

جه نازل هو وصاحبي التاني واقفين علي الباب والمفروض اتفقنا ان هنصلي العصر و اوصله في طريقي لاقيته بيقول لصاحبنا التاني خلاص هستني مع محمد وننزل سوا قلتله لا معليش استناني في الجامع لسه هتوضي واغير واجيلك علي الصلاه

طبعا من النادر ما بقفلها كده مع حد بس بجد طالما بيعمل حاجات بتضايقني يبقي لازم يعرف ومش هقعد انا ساكت كده لما يجيبلي الضغط كل ما ييجي عندي حتي لو كان مش واخد باله وبيتصرف بعفويه لازم انبهه حتي لو هيتضايق مره بس بعد كده ياخد باله من تصرفاته

[الغزالى]

طيب اقولك على حاجة والكلام دة برضو قريتة على النت عارفة المخدة الى انتى بتنامى عليهااااااااااااااااااااا ,,,, مليانة ملايين الملايين من الجراسيم والميكروبات ,,, ولو حولو فى بلاد العم سام انهم يعلموااا انضف مخدة فى العالم مفيهاش ميكروبات فشلواا ولكن نجحوا فى انهم خلو المخدة دى اقل المخدات حراسيم فى العالم ومحطوطة فى المتحف ,,,, امال لو عنديك عين زى عين الحصان كنتى عملتى اية انتى مكنتيش عملتى اى حاجة فى دنيتك ,,,

[magyver]

انا بنت خاالتي زيك كدة
وانا من اول النااس اللي بقلها ياامجنوونة
ههههههه
لا هو كل حااجة ليها حدوود
دة لو حد مسك سماعة التليفون بيتكلم منها لازم تغسل التليفون
هههههههه

[devilishtigers]

انا شايف ان الموضوع في حاجات زيادة عن اللزوم
على رأي الاعضاء اللي قالوا عن المعلقة المفروض بعد المعلقة الاولى يبقى تاخد اعدام والله يرحمها.
او موضوع المخدة اللي اول مرة اعرفه بصراحة
بجد الموضوع دا بعد كدا ممكن يعملك مشاكل مع اقرب الناس ليكي (جوزك او اولادك بنت اختك او اخوكي)
تخيلي ابن اخوكي او اختك وهو بيموت فيكي . ووهو بياكل وحب يأكلك بمعلقته الخاصة الي بياكل بيها ومصر على كدا (الاطفال اليومين دول عنيدة هههههههه). هتعملي ايه.؟؟؟؟؟؟؟؟؟؟
انا شايف ان بعد الجواز هيحصل تغيير.

[noctis]

طيب لما حضرتك بتقرفي من اي شيء مستعمل يبقا معنى كدا مش هتمسكي اي فلوس في ايدك لأنها كان في ميكانيكي ماسكها قبلك وسباك وطباخ ونجار وكل الناس
هع
هع


بس بصراحه بجد يادكتور لازم تغيري نفسك شوية لسبب
هو الناس زمان قبل ظهور ادوات التعقيم ودراسه البكتريا والفطريات والكائنات الميكروسكوبيه والكلام ده كانوا بيموتوا من الأمراض بالكمية الي موجوده الوقتي؟

والله لو عملنا احصائيات لعدد الوفيات في مصر وعدد المصابين والمرضى في مستشفيات مصر هنلاقيها العصر ده اكتر من اي عصر
يبقا فين المنظفات والتطهير والكلام ده كله؟

سبب سلامة البشر هو ان ربنا يكون كتب لهم السلامة من كل سوء
الرسول عليه افضل صلاة واتم تسليم كان عرق جبينه مسك ( يعني بارفان بلغتنا) وكان بيمشي بين الأطفال يمسح على شعرهم ويلاعبهم فكانت كل أم تعرف ان ولدها كان مع الرسول من ريحة البارفان في شعره ولا خلاف لدينا كشعب مسلم انه أطهر الخلق هو نبينا صلى الله عليه وسلم وهو الي علمنا ان النظافة من الايمان
هل ده بقا معناه انه كان بيقرف لو سلم على حد تاني؟ او بيقرف لو شرب في كوب؟


وبعدين حضرتك في كليه طب مش المفروض برده ان عندكوا سكاشن تشريح وبتتفرجوا على عينات من أعضاء الجسم وحاجات كدا انا لما بشوفها عند اخويا الصغير بقوله الحمدلله اني في هندسه وبتعامل مع الالكترونيات بلا قرررررررررررف ,,, يبقا انتي لما يدخلك الناس التعبانين المرضى الي محتاجين مساعده هتسيبي الوظيفه ولا تتعامي مع الموقف وتحاولي تضغطي على نفسك شويه في موضوع القرف ده


كمان لاحظي ان 90% من البشر بيعتبروا ان لو حد قرفان من حاجه قدامهم دي تبقا إهانه ليهم ويفهم انه انسان مش نظيف وكله قذاره وطبعًا ده شيء مش كويس أبدًا


انا مره كنت راكب مواصلات زمان فالسواق جاب حاجات من سوبر ماركت كدا بسكوت وشيكولا وكدا
فقالي اتفضل قلت لا لا شكرا علشان انا كنت تعبان ومش عايز اي شيكولاه نهائي
قالي ياعم احنا ناس نظيفه برده متخافش يعني !!
فانا في وقتها على طول اخدتها منه وقلت له عيب الي بتقوله ده انا مش اقصد اقول انك مش نظيف والكلام ده احنا كلنا ولاد ام واحده واب واحد بس انا الي تعبان وعموما هاخدها اديها لحد من اخواتي الصغيرين

أتمنى حضرتك تقدري تتغلبي على المشكله دي لأنك هتفضلي دايما حاسه ان كل حاجه حواليكي مش نظيفه وهتتعبي جامد في مواقف كتير وانا مقدر انه موضوع صعب ,,, وربنا يساعدك يارب وتبقي دكتورة بتساعدي كل الناس

[bakkarahmed]

علي فكره انا برده قريب منك في بعض الحاجات بس بصراحه مش لدرجه اني اغسل الكبايه مكاني ...
الصح في اي مكان محترم بره ان الاكل والشرب يكونوا بادوات شخصيه يعني مش كله ياكل ويشرب سلطبيسه مع بعض ولما يلاقي جمود في رد فعل اللي قدامه يقوله (انت بتتقرف ولا ايه)
وكمان انا مابحبش اللي بيتعمل في العزايم يعني تلاقي الواحد راح مشمر كمامه ومسك بطايه وجابها اربع حتت وبعدين ادالك جزء ( حكايه صعبه اوي) بس هانعمل ايه
انصحك انك تحاولي ما تحطيش نفسك علي قد ماتقدري في المواقف اللي زي دي بس هاتتعبي شويه ..يعني مثلا لو مش معاكي الا زجاجه مياه واحده وحد طلب منك شويه يشرب وانت بتشربي كملي شرب وبعدين سيبيله الازازه او اعملي انك بتشربي شويه وبعدين اعزمي عليه بالباقي..
بس موقف زي بتاع صباع المحشي ده صعب اوي ( بصراحه ضحكني جدا انك قعدتي تتابع الصباع علشان ما يتلخبطش مع الباقي بس احب اقولك ان اللي ادالك الصباع ده هو هو الل عامل كل الحله.
معلش انا طولت في الرد بس بحب اقول ان الحكايه مش مجرد خوف او وسوسه من infection
الوضع هايختلف معاكي شويه بع الجواز لانك مع البيت والاولاد هاتلاقي الحكايه سلطه ومش هاتقدري تمشي الدنيا زي ما انت عايزه والحكايه هاتبقي out of cntrol
so i choose to be a radiologist rather than to be a surgeon>>good luck

[noctis]

بس على فكرة علشان ابقا قلت الحق
في مواقف من الي انتي بتقوليها اصلا الناس الي غيرك هما الي سخيفين اوي فيها
زي الي بتقولك هاتي بوق
ماهو ده مش حاجه حلوه يعني ايه هات بوق دي؟
ويعني ايه واحد صاحب ياكل بمعلقتي ماهو دي حاجات برده فيها غلاسه من بعض الناس :D
ده كلام مخالف لابسط قواعد النظافه

فحضرتك مش مطالبه تلغي كل قواعد النظافه انتي بس تكوني معقوله يعني ميكونش في وسواس النظافه القهري المتعب ده

لأن مفيش اي حاجه في العالم 100% Perfect

[حاتم فوزى]

صباح الفل يادوك

ان حد يناولنى صباع محشى بايده استحالة اكله......رايى اصلا انه فيه معلقة او شوكة للاكل عموما ...وده طبيعى.....بس وصف هايل انا كنت مركز اوى وحسيت انى باكل صباع المحشى ده مع انى صايم. الله يسامحك....هههههههههههه

جوعتينى بالمحشى بتاعك ده

كمان ان زميل ياخد المعلقة ياكل بيها برضه اقوم اغسلها عادى....ولو بلاستيك اغيرها فى اللذيذ من غير تعقيدات ومن غير ماحد يحس....وياريت بلاش منظرة على الفاضى لما مفيش معلقة زيادة متعزميش اووووووى

اما بقا اللى غايظنى انك بتغسلى مكان ماشربتى ده ليه احتمالين 1-يااما انك قرفانة من نفسك؟؟؟؟؟؟؟ ودى مصيبة
2- اما انك بتاخدى بالاحتياط ليكون حد شرب منها وانتى مش واخدة بالك او نسيتى مثلا فده غير الاولانية خالص لان دى مصيبة اكبر بتقرفى وفاقدة الذاكرة....هههههههههه


خدى احتياطاتك عادى واستعينى بالله بس موضوع نفسك ده بلاش منه وحاولى تحليه بالتناسى يعنى من الاخر اعملى عبيطة
امسكى كوباية فى ايدك ع الفطار متسبيهاش من ايدك وكل دقيقة خدى بوء ...عشان تشيلى من دماغك فكرة انها صالحة للاستخدام مرة واحدة بس او لازم تتغسل بعد اول هجمة قصدى مرة يعنى......على كده انتى الكانز بتغسليها بعد اول بوء؟....ده غير قبل الفتح ده اساسى طبعا وكمان بعد ماتخلصى....ههههههههه

انا شايف ان الموضوع فكرة فى دماغك عشان تلغيها لازم تشتغلى على الفكرة فى دماغك وبرضه بكرر انتى صح فى كله ماعدا موضوع نفسك ده....اووووووووفر والله يكون فى عونه بقا هقول ايه مامامته دعت عليه....هههههههههههههه

حل لاخونا بقا (ينوبنا ثواب برضه مش هنبقا احنا ومامته عليه ) يبقوا هاتوا تلات معالق واحدة ليكى وواحدة ليه وواحدة لو عاوز يأكلك........ههههههههههههههههههههههههه

اسف طولت عليكم

[noctis]

حل لاخونا بقا (ينوبنا ثواب برضه مش هنبقا احنا ومامته عليه ) يبقوا هاتوا تلات معالق واحدة ليكى وواحدة ليه وواحدة لو عاوز يأكلك........ههههههههههههههههههههههههه

اسف طولت عليكم

ياعم تلات معالق ليه بلاش بعزقه على الفاضي

هو لما يحب يأكلها يقولها هاتي معلقتك كدا ثواني اما أكلك بيها

وهي برده تقول هات معلقتك أكلك بيها
بس الي ياخد المعلقه يرجعها تاني مش ياكل بالاتنين احسن انا عارف بعد اول كم شهر جواز بيحصل حركات نص كم كدا من الطرفين