هعترفلكم بحاجة بس محدش يتريق عليه

[aif]

انا بردة بقرف كدة بس بنسب متفاوته وليا واحد جارى كان عايز يجيب جهاز تعقيم الايدين بتاع الدكاتره علشان يعقم ايدة قبل الاكل

يعقم ايديه بس ؟؟؟؟؟؟
طيب والهوا اللي مليان ميكروبات وبكتريا وتراب وفيروسات وحشرات دقيقة وكائنات مجهولة الهوية ؟؟؟؟
والمياة اللي مهما عملت مليانة مجتمعات وامم ون الكائنات الغير مرئية ؟؟؟؟
والجسم البشري نفسه ... فيه مليارات الكائنات اللي اكتشفها العلم واللي لم يكتشفها حتى الآن
قول يا باسط .... وقول الصبح بسم الله الذي لا يضر مع اسمه شيء في الارض ولا في السماء وهو السميع العليم ... وباقي الاذكار ..... وخذ بالاسباب بالشكل الطبيعي بدون مبالغة وبدون اهمال .......... وبعد كده .......... توكل على الله
آل تعقيم آل ..... ده حتى الحاجة المعقمة بيبقى مالهاش طعم ...... كل يا راجل واتغذى .... وبلاش وسوسة

[KHALED AYMAN]

على فكرة الناس اللي موسوسة نظافة زي اللي يغسل المعلقة لمدة نص ساعة واللي ماشي بالديتول
وناس كثير اشتركوا في صفات الدكتورة ضياء في الموضوع ده
غالبا بيكونوا مناعتهم ضعيفة واي شوية برد تكلبش فيهم بالاسبوع ده غير احتقان الزور واللوز والسخونية وتلاقى جسمهم ضعيف
ليه مناعتهم ضعيفة؟
لانها غير مدربة على محاربة البكتيريا والفيروسات في الطبيعية حيث انها لم تواجهها من قبل
والدكاترة غالبا مناعتهم قوية لانهم يتعرضوا لجرعات قليلة من البكتيريا عند تعرضهم للمرضى فيما يعرف ب subclinical doses
زي التطعيم كده

مين حاسس ان مناعته ضعيفة من الناس اللي بتقرف واللي موسوسة نظافة ؟

انا مناعتى مش ضعيفه و محدش يتريق
بس الفكره فى حاجه ..
انا ممكن اكل من اقذر مطعم فى مصر مفيش مشاكل
بس مكلش مكان حد ..
طبعا الطبق الى هاكل فيه و المعلقه الى هاكل بيها ناس كتير كلت بيها قبل كده بس عادى انا مشفتهمش بقى
انما ان واحد صحبى ياكل بمعلقتى ..او يشرب فى كوبايتى ..او كده لا بقرف
يعنى من الاخر نصى قرفان و نصى لا

[Car's Sniper]

على فكرة الناس اللي موسوسة نظافة زي اللي يغسل المعلقة لمدة نص ساعة واللي ماشي بالديتول
وناس كثير اشتركوا في صفات الدكتورة ضياء في الموضوع ده
غالبا بيكونوا مناعتهم ضعيفة واي شوية برد تكلبش فيهم بالاسبوع ده غير احتقان الزور واللوز والسخونية وتلاقى جسمهم ضعيف
ليه مناعتهم ضعيفة؟
لانها غير مدربة على محاربة البكتيريا والفيروسات في الطبيعية حيث انها لم تواجهها من قبل
والدكاترة غالبا مناعتهم قوية لانهم يتعرضوا لجرعات قليلة من البكتيريا عند تعرضهم للمرضى فيما يعرف ب subclinical doses
زي التطعيم كده

مين حاسس ان مناعته ضعيفة من الناس اللي بتقرف واللي موسوسة نظافة ؟

بالعكس تماما ..انا تقريبا مابستعملش ادوية خالص لما باتعب(مناعة طبيعية)...بس بصراحة شايل اللوز...وكل فين وفين لما اعيا
اما اللى عنده مناعة ضعيفة جدا عندى...او ممكن تكون حساسية مش مناعة...جلدى
من اقل حاجة تأثر عليه وده تقريبا لانى مابعرضهوش للشمس خالص حتى فى المصايف ماليش فى نزول البحر...فاكيد ماعنديش فيتامن (د) اساسا
بس على فكرة لمجرد ان الواحد يركب اى مواصلة فى مصر...فيعتبر عنده مناعة قوية جدا من كتر الانفاس....مع انى بردو باكون متلبش وانا لازق فى حد او ماسك فىالحاجة اللى مسكها ملايين قبلى زى الايد اللى بنمسك فيها فى المترو كدة مثلا...وعشان كدة باقول على المرض النفسى ده...مصلحة

[M.Radwan]

هو الصح اننا منستخدمش ادوات بعض..زي الفوط وفرش الأسنان ومكن الحلاقة وخلافة
بس ان الموضوع يتطور ويبقى وسوسة نظافة دي تبقى مشكلة جامدة
والأجمد بقى لما يتطور لوسوسة فى الوضوء والصلاة!

[ACE]

انا كنت كده لحد ما اتجوزت
وحاليا بشرب وباكل مكان المدام واولادى فقط وكل الحجج اللى فى الدنيا اخترعتها زيك بالظبط واكتر
بس الحمد لله كل اصحابى بقو عارفين مشكلتى وبيتعاملو معايا بمنتهى الشياكة
يعنى لو فى مكان ومافيش غير زجاجة مياه واحدة يسيبونى اشرب الاول

ان شاء الله لما تقابلى الشخص المناسب هتتغيرى كتير

[misoalex]

طب انا عندى اقتراح صغير

ممكن لو حد طلب منك كوبايه او زجاجه المياه او معلقه او اى حاجه استخدام شخصى تقوليله اسفه اصل انا عندى انفلوانزا وممكن اعديك
طبعا ساعتها الله اعلم برد فعله فى ظل انواع الانفلوزات الى ماشيه فى السوق :)

بس فعلا ممكن الحجه دى تنفع مع كثير جداااااااااا من الناس وحيبقى اعتزار مناسب
وهى جمله واحده الى حتردى بيها (اسفه عندى انفلوانزا وخايفه اعديك)


لا وحتطلعى كمان انتى الى خايفه على الى بيسألك يعنى قلبك ابــــــــــــــيض زى السفنجه :)

[haythamkmal]

انا اختى كان عندها نفس الموضوع ده لغاية ما اتجوزت وبعديين موضوع القرف ده راح.

بس انا عايز اقولك حاجة انتى لو بتفكرى فى الموضوع ده بالطريقة دى ، يبقى من الاولى انك متتنفسيش ، تخيلى الهواء اللى انتى بتتنفسية ده دخل فى رئة كام حمار قبل كدة

[icehearted girl]

انا كنت كده لحد ما اتجوزت
وحاليا بشرب وباكل مكان المدام واولادى فقط وكل الحجج اللى فى الدنيا اخترعتها زيك بالظبط واكتر
بس الحمد لله كل اصحابى بقو عارفين مشكلتى وبيتعاملو معايا بمنتهى الشياكة
يعنى لو فى مكان ومافيش غير زجاجة مياه واحدة يسيبونى اشرب الاول

ان شاء الله لما تقابلى الشخص المناسب هتتغيرى كتير

ودا هيكون مناسب ازاي بقي؟؟


غير قابل للارف

يعني لو قابلت الشخص المناسب هبطل أقرف؟؟ ولو قابلت شخص مش مناسب مش هبطل اقرف؟؟

طب انا عندى اقتراح صغير

ممكن لو حد طلب منك كوبايه او زجاجه المياه او معلقه او اى حاجه استخدام شخصى تقوليله اسفه اصل انا عندى انفلوانزا وممكن اعديك
طبعا ساعتها الله اعلم برد فعله فى ظل انواع الانفلوزات الى ماشيه فى السوق :)

بس فعلا ممكن الحجه دى تنفع مع كثير جداااااااااا من الناس وحيبقى اعتزار مناسب
وهى جمله واحده الى حتردى بيها (اسفه عندى انفلوانزا وخايفه اعديك)


لا وحتطلعى كمان انتى الى خايفه على الى بيسألك يعنى قلبك ابــــــــــــــيض زى السفنجه :)

حجة قديمة وبطلت

طب والله واحدة كانت جيالي النهاردة بتقولي ممكن تقيسيلي الضغط؟؟؟ فلاحظت لما شمرت كمها

انها لسه واخدة حقنة او سحبة عينه ومكان دراعها دم


قلتلها ممكن تشمريلي الايد التانية علشان دي فيها دم ومنلوثش الجهاز علشان اللي هيستعملوه بعدك؟؟


تقولي اي يادكتورة ونتي شايفة دمي زفر ولا ملوث؟؟ ولا شايفاني بهرش ونا بكلمك انا الحمدلله نضيفة وبستحمي كل يوم


شايفين ال.. اقول ايه بس ..جهل ..تخلف.. يعني هي بتستحمي كل يوم يبقي دمها دا طاهر ومعقم


حاجة تفرررررررررسسسسسسس

انا اختى كان عندها نفس الموضوع ده لغاية ما اتجوزت وبعديين موضوع القرف ده راح.

بس انا عايز اقولك حاجة انتى لو بتفكرى فى الموضوع ده بالطريقة دى ، يبقى من الاولى انك متتنفسيش ، تخيلى الهواء اللى انتى بتتنفسية ده دخل فى رئة كام حمار قبل كدة

جواز جواز جواز... تصدقوا بالله كرهتوني فلجواز.. هو لازم اللي يتجوز يتعود ياكل مكان حد

دا شئ مقرف جدا

يلا بناقص بلاها جواز

[ahmed_mido1889]

تعالي لابن عمتي هيشيل من عندك القرف ده
هياكلك كشري وكبده وسجق وفول من عالعربيه هتشوقي منظر الناس هتبطلي تقرفي

[misoalex]

حجة قديمة وبطلت

طب والله واحدة كانت جيالي النهاردة بتقولي ممكن تقيسيلي الضغط؟؟؟ فلاحظت لما شمرت كمها

انها لسه واخدة حقنة او سحبة عينه ومكان دراعها دم


قلتلها ممكن تشمريلي الايد التانية علشان دي فيها دم ومنلوثش الجهاز علشان اللي هيستعملوه بعدك؟؟


تقولي اي يادكتورة ونتي شايفة دمي زفر ولا ملوث؟؟ ولا شايفاني بهرش ونا بكلمك انا الحمدلله نضيفة وبستحمي كل يوم


شايفين ال.. اقول ايه بس ..جهل ..تخلف.. يعني هي بتستحمي كل يوم يبقي دمها دا طاهر ومعقم


حاجة تفرررررررررسسسسسسس

هههههههههههههه اكيد بتفتح بقها وهى بتستحمى وكده يبقى ضمنت النضافه جوه وبره هههههههههه

ربنا يصبرك

بس هى ممكن الحجه قديمه لكن كلمه انفلوانزا دى تعمل رعب لاى حد وحيخاف على نفسه مهى كلمه انفلوانزا دلوقتى بقت مرعبه
جربى مش حتخسرى حاجه وقوللنا على النتيجه هنا فى الموضوع ولو منفعتش ندور على حل تانى

وعلى فكره حالتك ملهاش علاج :)
بس بصراحه بصراحه انتى صح وصح جدا كمان

[azmeralda]

صور ميكروسكوبية لمياه الشرب فى نيويورك

[mado83]

حلك الوحيد انك تقعدى وتتعايشى كتير مع ناس بسطاء وتتجاوبى معاهم فى تصرفاتهم يعنى مثلا سافرى الريف
او حاولى تعيشه حياه كحط شويه او حياه متقشفه
وانشالله هتعرفى تتغلبى على الموضوع ده وحاولى الاحتكاك ببنات اصدقاءك يكونو ولاد بلد وهيعرفو يغلبوكى على كده

[mesaharaty]

فى الآونة الأخيرة بدات أحس بموضوع القرف ده شوية يعنى مثلا بطلت أشرب من حنفيات الثلاجات اللى بتبقى فى الشارع أو المساجد لكن ممكن أدخل مطعم كشرى مثلا وآكل من طبق ومعلقة بتوع المحل بدون قرف .
زمان أيام المدرسة كنت عامل لنفسى اشتراك فى عربية الفول . وعلى مدار المراحل الدراسية حتى الجامعة كان دايما تلاقى عربية فول جنب المدرسة ونعمل صحوبية جامدة جدا مع بتاع الفول لدرجة إنى لسه فاكر أساميهم لغاية دلوقتى (جروح لم تندمل فى حياتى) .
وطبعا مش محتاجين وصف بقى لعربيات الفول المصرية وغسيل الأطباق العشوائى فى جردل كده ولا الميه اللى المفروض تكون للشرب بعد الأكل ولا السلطة ولا المخلل .إييييييييييييييييييييييييه أيام .
كنا بناكل ومافيش أى قرف لأننا ماكناش حاطين فى بالنا أى شىء .
لما كبرنا شوية واترفهنا أكثر اتقلب علينا الموضوع بقينا ندور على أى حاجة تقرفنا علشان نقرف منها . فبقينا نقرف من بتاع العصير والدرابزينات والكراسى والقبلات عند السلام حتى مجرد السلام باليد .

[KarimAbulEla]

انا كمان بحس بقرف لما استعمل اشياء غيرى استخدمها قبل كدة و خصوصا طبعا الاكواب و خلافه
بس احيانا باتغلب عن هذا الشعور و باعمل عبيط زى عند بتاع عصير القصب مثلا

و احيان اخرى بامتنع عن استخدام الشىء نفسه المستخدم قبل كدة

و احيان لو فيه فرصة بقوم بعمل غسيل للشىء نفسه بشكل مغالى فيه


و فى النهاية انا اعتبر ان هذه المسألة ليست مشكلة ، فهى لا تتعدى كون الواحد بيحب الاحتياط و الحرص لاقصى درجة بجانبة ان مش المفروض ان الواحد يشم نفس ال 80 مليون واحد اللى هم مواطنين جمهورية مصر العربية و ممكن كمان الدول المجاورة فى كل حاجة بيستخدمها علشان يبقى انسان طبيعى

تحياتى

[شريف]

عاوزة أسألكو في أمر كبير

بس يا ناس الأمر خطير

قولي يا آيس السر وماله:ka_che1[1]:

بس بشرط السر فبيــــــــــر:b4_611:

انا مش عارفة ابدأ منين ولا أقول ايه بس اصلها بصراحة كدا حاجة تكسف


عارفين بعض الناس اللي ربنا بيرزقهم بشوية ابتلاءات وأمراض نفسية وعقد مزوبعة

اهو انا واحدة منهم بقي والحمدلله ربنا ابتلاني بحاجة كدا وهي موضوع (القرف)

مش اني مقرفة لالالالا انتو فهمتوا غلط:ansmile23:اني بقرف بطريقة موسوسة فوق ماتتصوروا

يمكن بوصل لدرجة اني لما بشرب من كباية مثلا مبشربش منها تاني الا لما اغسلها بالرغم

من انها مكاني مش مكان حد تاني

وطبعا من رابع المستحيلات اني استخدم كباية حد استخدمها حتي لو اتغسلت..

ومن خامس المستحيلات اني استخدم اي حاجة مكان حد... مش عشان العدوي وكدا لا هو في

الاول وف الاخر موضوع نفس... لدرجة مرة حد غصب عليه اشرب عصير من بتاع عصير القصب فلكباية
ونا رافضة تماما لحد مغلش عليه جدا.. وخلاص كنت هشرب لقيت فلاش باك شغال لكل الناس

اللي ممكن يكونوا شربوا فلكباية دي فجأة لقتني بتخنق وبكح جامد جدا وروحي بتطلع بدون مبالغة

فصدوقني ومخلونيش اشرب

المشكلة بقي انا مش مضايقة من نفسي بكن بقيت اضايق من اللي حواليا انهم شايفنني مجنونة

ومش طبيعية وعادي جدا ان ازازة مية يشرب منها كذا شخص او كباية حد يستعملها

كنت ببقي لسه فاتحة الازازة الاقي حد بيستأذني يشرب اسبهاله واتلكك باي حجة عشان امشي

قبل ميرجعهالي تاني

او بشرب بيبسي ولسه هفتحها الاقي واحدة بتقولي ممكن اخد بق ولا بتقرفي؟؟

سيادتك يعني اقلك ايه منتي بتحرجيني بالذوق.. مش عارفة ليه كل الناس متخيلين نفسهم معقمين

انا والله مش فدماغي الحاجات اللي بسبها دي اد مفدماغي انهم شيفينني غلط ومريضة

ويقولولي المفروض انتي مسلمة يعني نفسك تكون حلوة

ايه علاقة الارف دا بالنفس الحلوة

لا وفرمضان الامر زاد لأني تقريبا كل يوم بفطر برا البيت

ابقي هموت ومستنية المغرب تأذن علشان اشربلي اربع خمس ازايز مية ولسه بقول بسم الله

الاقي واحدة تقولي ممكن اشرب؟؟.. مع ان قدامها ميت مصدر للمية اشمعنه اللي هشربها دي يعني

وبسبها برده وافضل هموت ملعطش لحد مقدر اخرج واجيب مية تاني
ولا من كام يوم لسه هفطر انا وزمايلي لقيت واحد زميلي بيقولي بتاكلي اي فنا حلفت عليه يقعد ياكل معانا عادي يعني راح شادد مني المعلقة.. وراح ضايق حاجة كدا وقالي لا دا وحش اوي

وراح مرجعلي المعلقة.. ونا المفروض بقي اني استخدمها... بغض النظر اني ولعت فيها بجاز بعد كدا

الا انه احرجني جامد جدا لاني يادوب كنت لسه هاكل.. طب اتحجج بإيه؟؟؟ عملت نفسي بطني وجعتني فجأة ..و آآآآآآآآآآآآآآآه آآآآآآآآآآآآآآآآآآآآآآآآآآه مش قادرة وقعدت اولول علشان ابرر اني مش هاكل من الالم...

زمان مكنش بيهمني واللي ييجي يشرب مكاني اقوله بقرف..بس دلوقتي ميصحش احنا ناس كبار وزمايلي وصحابي وكدا مقدرش احرجهم ومبعرفش احرج حد للأسف

انا رغيت كتير معلش بس فعلا الموضوع دا تاعبني ومش عارفه اتصرف ازاي

انا شفتك فين قبل كده .. فين فين
ايوه منك - monk

الجد بقي
عايزك تبصي في عينين غرينديزر و ترجعي بذاكرتك للخلف زمان و انتي صغيره
فاكره كوبايه اللموناضه بتاعه اخوكي اللي شربتيها و هو عيان و عييتي انتي كمان لما شربتي من مكانه
اخوكي خف خلاص و مبقاش عيان و انتي خفيتي زيه كمان
خلاص متخافيش من المرض تاني ... خلاص
اتاريكي علشان كده دخلتي طب
الجلسه .... يووه الكلام خلص