ليه الشيش اتلغت من اسكندرية ؟؟؟؟!!!! منك لله يا عادل

[moody1]

انهاردة نزلت اعد مع واحد صاحبى على احدى الكافيتريات فالمندرة عالبحر

فبقول للمتر هاتلى شيشة جوافة

قالى مافيش

قلتله مفيش جوافة

قالى لا يا باشا مفيش شيش اساسا المحافظة منعتها


طبعا روحت قايم و عديت على كذا كافيتيريا برده مفيهمش

روحت شيراتون المنتزة هناك الشيش موجودة عادى شيراتون بقى


طبعا محافظ اسكندرية بيخاف على صحتنا و طبق القرار علينا دونا عن باقى المحافظات



المهم لفت انتباهى فالموضوع ده كذا حاجة

اولا لماذا طبق القرار على اسكندرية فقط اليست القاهرة اكثر تلوثا من اسكندرية

ثانيا فى كل كافيتيريا بيبقى فيه 3 شغالين عالشيش طبعا دول مصيرهم التشريد

يعنى لو 3 *100000 كافيتريا يبقى على الاقل تلت مليون واحد اترفضو من عملهم

ثالثا هو ليه عادل لبيب بيطلع بقرارات من دماغه زى الحضانة للعربيات و منع الشيش ووقف البنا

و كل ده مش مطبق فاى محافظة الا اسكندرية

سبحان الله كل قرار ليه فيه خراب بيوت لناس كتير



رابعا حسبى الله و نعم الوكيل

خامسا منك لله يا عادل









يا مروان

[أحمد كمال]

100 الف كافيتيريا ؟؟؟؟ باعتبار ان في اسكندرية فيه كافيتيريا لكل 30 مواطن ؟؟؟؟

واسعة شويتين

أحييك على مزاجك العالي (الجوافة) .... انا برضه كييف جوافة .... :)

[احمد المصرى]

منه لله انه منع الشيش ؟؟؟؟؟؟؟؟؟


منه لله علشان عمل الصح !!!!!!!!!!!!!!!!!!!!!!!!!!11


انا نفسى الراجل دا يجى يمسك القاهره شويه وخد الراجل بتاع القاهره عندك هتلاقى الشيش على الرصيف والزباله قدام البيت وكحل حاجه مباحه


انا شخصيا بحسدك على الراجل دا


وانا بقرا العنوان بتاع الموضوع كنت فاكرك مبسوط مش زعلان للدرجه دى

[crazylambada]

بصراحه من غير زعل انا مع قرار منع الشيش خصوصا لو فيه ناس ساكنه فوق الكافيتريات
بس ايه موضوع حظر البنا و حضانه العربيات مش فاهم

[makka]

والله الراجل دا شغال كويس بس الحلو مبيكملش كل ما بتطلع فى دماغه فكره عايز ينفذها
القرارات اللى بيطبقها دى كلها محامى صغير يلغيها
اولا التدخين بغض النظر انه حرام الحكومه ممنعتوش فيمنعه على اى اساس مفيش قانون
ثانيا انا بيتى قديم وهيقع على دماغى انا وولادى من حقى انى اعيد بناءه
ثالثا انا بشتغل بناء ولا نقاش ولا كهربائى هو يقف بينى وبين رزقى ليه

[moody1]

100 الف كافيتيريا ؟؟؟؟ باعتبار ان في اسكندرية فيه كافيتيريا لكل 30 مواطن ؟؟؟؟

واسعة شويتين

أحييك على مزاجك العالي (الجوافة) .... انا برضه كييف جوافة .... :)

اه سورى يا باشا انا لما جيت احسب كرقم تقريبى لكافيتريات البلد

و نسيت ان القرار مطبق عندنا بس

على فكرة الاسكندرانية 14 مليون و شوية ده اخر رقم قريته

ربنا يخليك يا باشا

مش بزمتك احلى طعم هيا و النعناع

[factorialx]

و الله أحسن كفاية الأمراض اللي بتنقلها و تسببها

الحضانة للعربيات دي اللي مش داخلها دماغي خالص ( رغم صدور حكم قضائي بعدم شرعيتها )
بس يبقى إنت أكييد اكييد في مصر

[aliabutaleb]

قرار كويس طبعاً مفيش شك
بس الناس مستنية منه قرارات أهم من كدة بكتير
واضح إن دي تعليمات جاية من جهة ما بإعلان إسكندرية خالية من التدخين حتى في الأماكن العامة

[أحمد كمال]

اه سورى يا باشا انا لما جيت احسب كرقم تقريبى لكافيتريات البلد

و نسيت ان القرار مطبق عندنا بس

على فكرة الاسكندرانية 14 مليون و شوية ده اخر رقم قريته

ربنا يخليك يا باشا

مش بزمتك احلى طعم هيا و النعناع

يااااااااااااااااه

حرام عليك .... و الله انت دماغ عالية :)

انا برضه باحط نعناع عالجوافة :)

انا لازم اقابلك لما انزل اسكندرية :)

انت برنس و الله :)

[amrnagy]

يا جدعان ازاي زعلانين انه لغي الشيشة عقبال القاهرة يارب وعقبال لما يلغوا السجاير كمان

[mesaharaty]

ياريتها تتمنع من كل الدنيا
منها لله الشيشة بوظت الدنيا عندى
القلب والأعصاب والضغط
الحمد لله بطلتها بس بعد ما عملت سلبيات كتير وبعد ما الصحة تأثرت

نصيحتى لكل واحد بيشرب شيشة :
الإمتناع عن الشيشة ليس مستحيلا فقط إشغل نفسك بأى نشاط ولو لمدة شهر حتلاقى نفسك بعدت عنها لأنها صعبة التواجد فى كل وقت (مش زى السجاير مثلا)
وطول ما فيه حاجة تشغلك عمرك ما حتلاقى وقت تدخنها
والله أنا باتكلم دلوقتى ودقات قلبى بتدق بصورة عنيفة ومش عارف لها ريتم وتعبان جدا
بعد الله عنكم الشر

[ghazy12]

يااااااااااااااااه

حرام عليك .... و الله انت دماغ عالية :)

انا برضه باحط نعناع عالجوافة :)

انا لازم اقابلك لما انزل اسكندرية :)

انت برنس و الله :)

ملك الاحجار الكريمه في مصر و الوطن العربي ابوكمال... ازيك يا باشا..؟؟ واحشني والله

ما شاء الله... ده صاحب الموضوع كييف جوافه بردو زيك يا ابوكمال... شكلها حوار كبير

تصدق عمري ما جربت الجوافه يا هندسه...!!! بس مسيري اجربها, و يبقى على ايدك بقى

بس دماغ النعناع دي حااااااجه تاااااانيه خاااااااالص... سكتها سالكه على طوووووول

اتمنى اشوفك قريب يا باشا ان شاء الله... بس مش عشان الجوافه اكيييد

[moody1]

يااااااااااااااااه

حرام عليك .... و الله انت دماغ عالية :)

انا برضه باحط نعناع عالجوافة :)

انا لازم اقابلك لما انزل اسكندرية :)

انت برنس و الله :)

ربنا يخليك يا باشا فعلا بيبقى كوكتيل جامد اخر حاجتين تلاتة

و جرب حضرتك حجر النعناع مع البرتقان هتدعيلى وش من اول نفس

تنورن اسكندرية ياباشا واتشرف طبعا بلقاء حضرتك

و الحمد لله عملت كام تليفون و عرفت الكافيهات اللى ميطبقش عليها القانون الزفت ده


و هاشرب الحجر الكوكتيل بتاعى رغما عن انف عادل مروان

[bmya]

بصراحه انا مستغرب اوي
يعني الراجل عايز ينضف البلد على قد ما يقدر وانتم زعلانين
وبعدين اللي نفسوا اوي في الشيشه يشربها في البيت عنده ايه المشكله يعني
انا كنت بشربها برده والحمد لله بطلتها وفعلا حاجه ملهاش اي 30 لازمه والسجاير نفس الكلام

[Soma_Sooma]

انا مع القرار دة جدااااااااااااااااااا

وياريت يتطبق فى القاهرة ومصر كلها

بصراحة انا مبطقش منظر الناس وهى بتشرب الشيشة دة و خصوصا الستااااااااات شكلهم بجد بيقرف

والناس مش بتراعى ان فى ناس بتنظر من الدخان دة

وانا واحدة منهم

عمتا متزعلش نفسك قدر الله ما شاء فعل

شوية كدة وهتتعود ان شاء الله نك تبطلها

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ"