ليه الشيش اتلغت من اسكندرية ؟؟؟؟!!!! منك لله يا عادل

[Ghamrawy]

مصلحة
علشان الراجل ابن ستين ............ اللى فاتح قهوة تحت البيت و حاطط كراسى مكان العربيات

لو شفت عنده شيشة حاطلع على القسم اعمله محضر و اخلص من اللى جابوه

[semsem_uno]

احييه علي هذ القرار و يا رب البلد كلها تمنع السجاير و الشيشة
و سبحان الله!! منه لله علشان منعها ؟؟!! و مين دول اللي يترفدوا ؟؟؟ القهوجي هو اللي بيجيبلك الشيشة بردو
و ياريت بلاش مبالغة في قرار يستحق التحية من الذمّ!!

[viper911s]

كلكم فرحانين بية بقرار واحد صح وبقية قراراتة بتضيعنا يوم عن يوم
يا جماعة الى مش عايش فى الاسكندرية مش هيعرف هو عمل فينا اية بأختصار

[RUN]

انا مختلف معاك

بصراحة الراجل دا مفروض تفرحوا بية دا خلى مدينة قنا جميلة جدااا

وبصراحة قرار الشيشة دا قرار سليم

[viper911s]

انا مختلف معاك

بصراحة الراجل دا مفروض تفرحوا بية دا خلى مدينة قنا جميلة جدااا

وبصراحة قرار الشيشة دا قرار سليم

ممكن يكون عمل فى قنا لكن اسكندرية واسعة علية اوى لو بدأ فى حاجى بعد سنة ونص سنتين اغلب الشغل اى عمة باظ للعلم يعنى
بخلاف قرار مأثر عليا بشكل كبيييييييييييييييييييييييييير اوى موضوع منع البناء دة بقا قرار مش من حقة انو يأخدا ولو شفت ردى الى فات فى الصفحة رقم ثلاثة هتعرف انا بتكلم عن اية

[solyahmed]

في رائي قرار غريب ويوصف بالعشوائي او بهدف تلميع اعلامي واكتساب مزيد من سخط اهالي الاسكندريه على المحافظ عادل لبيب .فبعد ان فرغ من استعداء المسنين من الرجال والنساء والمرضي وهم يحاولون الصعود على الارصفه وكم سمعت سيدات مسنه بتدعي عليه وهم يحاولون الصعود علي الرصيف اما ممسكين بعامود نور او مستندين علي سياره متوقفه . ويتسائل هؤلاء الناس ومعهم اهل الاسكندريه جميعا من حكمه هدم ارصفه جيده وبناء اخرى اكثر ارتفاع فلا يجدوا اجابه .
وتوجه المحافظ بعد ذلك الي اصحاب السيارات ليصنع لهم جبايه تفرد بها مما عرفه اهل الاسكندريه بالحضانه ويجب عليك لاخراج سيارتك منها ان تدفع تبرع للمحافظه ممكن الف الفين تلاته حسب السياره اتحجزت كام يوم .مما زاد اهل الاسكندريه سخطا على سخط .
ولم يشاء المحافظ ان يترك الشباب في همومه او من اعتاد الجلوس على القهوه علشان يشرب حجرين علشيشه فستصدر قرار بمنع الشيشه ليزداد الساخطين عليه ليتفرد بملكه( ازاي يكره الناس فيه )

طيب النهارده انا عاديت علي قهوه بقعد عليها علي البحر تقريبا ربع العدد الي كان موجود عليها
في 2 شباب الي ماسكين الشيشه عطوهم اجازه اجباريه يومين لغايه لما يشوفوا القرار ده حيستمر ولا ايه ؟ ولو استمر حيمشوهم خالص وللاسف الشباب ده خرجين جامعه وعلشان هما مش قرايب ناس مهمين فلم يجدوا وظائف تحقق لهم دخل معقول فشتغلوا في قهوه في الشيشه وحتي دي حيطردوا منها .
من حوالي 6 شهور المحافظ الزم اصحاب القهاوي انهم يركبوا ستاير هواء علشان بيقى في جزء للشيشه وجزء من غير . في قهاوي ركبت 5 و 6 اجهزه ستاير هواء بتكلفه 10 و 12 الف جنيه
النهارده بيمنع الشيشه خالص طيب كان ايه لازمه انك تدفع اصحاب القهاوي المبلغ ده ؟؟؟؟

الناس الي شايفه المحافظ عادل لبيب جميل ومفيش منه 2 فاكيد مش عايشين في اسكندريه ومش عارفين شعور اهل اسكندريه تجاه ايه ويكفي ان من كام سنه في حركه المجافظين طلعت اشاعه ان ساب اسكندريه تهللت وهللت جماهير الاسكندريه جميعا وكانت السيارات بتزمر بيب بيب ملاكى وتاكسي وميكروباص فرحا بالخبر الذي لم يلبث ان اتضح انه اشاعه واكتشفوا بقاء عادل لبيب في منصبه .
في النهايه لو حنتكلم علي الراجل الي بجد الي عمل بجد وغير وجه الاسكندريه ليزداد جمالا وتكتسي عروس البحر الابيض وتتزين فيجب ان نتكلم ونتوجه با لشكر الي السيد اللواء عبد السلام محجوب
حبيب الاسكندرنيه الي كان فاتح باب مكتبه للناس الي عايز يقابله يتفضل الرجل الذي لن تنساه الاسكندريه ولا الاسكندرانيه

[moody1]

كلكم فرحانين بية بقرار واحد صح وبقية قراراتة بتضيعنا يوم عن يوم
يا جماعة الى مش عايش فى الاسكندرية مش هيعرف هو عمل فينا اية بأختصار

والله يا باشا كل واحد يخش يشكر فالمحافظ ده ببيقى عارف انه فمحافظة تانية ههههه

من قبل مابص على بياناته

[moody1]

اولا بشكر جميع الاخوة اللى شاركو فالموضوع

بالنسبة للاخوة اللى طالبوه ان عادل لبيب يمسك محافظتهم

باقولهم و الله لانتو واخدينو مايغلاش عليكم احنا اساسا فاسكندرية مش عايزينه فاى حد عايز ياخده ياخده

بالنسبة الاخوة اللى بيقولو الشيشة مضرة و وحشة و انهم مع قرار المنع و الله على قراراتك يا عادل

طيب مش كان الاولى ان المحافظ يقفل محلات الخمور المنتشرة الاول و لا يقبض على مروجى الحشيش

بس لا ميثدرش يقفل drinkies ابدا

بالنسبة للاخوة اعداء الشيشة و السجاير و محبى عادل

يركنو على جنب

و غرامة الف جنيه و سحب رخص و عربياتهم تتسحب عالحضانة

ههههههههههه


ياجماعة برده بعيدا عن التدخين و اضراره و الكلام ده

لازم نعرف ان القرار ده هيخرب بيوت ناس ياما

شوف كام واحد شغال بتاع شيش فقهاوى هيطرد من شغله

تخيل لو انك صاحب كافيتريا متواضعة بدل ما كنت بتكسب 6 او 7 تلاف جنيه مثلا و مسستم حياتك على كده

مكسبك يقل النص

هيبقى شعورك ازاى

[ashouhdy]

ع الرغم ان القرار صح ..... بس بردة نفسيتى التعبانة اللى بتحن لحجر التفاحة دلوقتى بتقول مالها الشيشة لا هى موجودة ف اوتوبيس ولا مصلحة عامة ولا عمرك حتلاقى واحد ماشى بشيشة و بيشيش وسط المكاتب ولا فى اى مكان مغلق .. زبون الشيشة بيروحلها لحد عندها فى بيتها يقعد معاها شوية ويمشى لابيزعل حد ولا بيقرف حد

المشكلة فى السجاير اللى فى كل حتة حتى جوة الاسانسير

كان الاولى انة يمنع وضع كراسى خارج القهوة ... يعنى القهوة تنتهى عند بابها ومحدش يفرش برة

[moody1]

لو القهوة مفيهاش شيشة تبقى مالهاش لازمة
هيه القهوة قهوة غير بالشيشة

و الله عندك حق

انا اول ما المتر قالى مفيش شيش

اتفجات

بعدين قالى تشرب ايه قلتله مش دلوقتى

و بعد دقيقتين قمنا قعدنا فكافيه تانى فيه شيش

يعنى هاروح اقعد على كافيتريا عشان اشربلى عصير مانجة هههه

و على فكرة مش انا بس رغم ان الكافيتريا اللى بعد عليها ديه بتبقىدايما مليانة ناس رما روحت لقيت 3 او 4 ترابيزات بس اللى فيهم ناس

[ashouhdy]

النهاردة فى قهاوى كتير مكنش فيها غير 3 او 4 زباين بس

[moody1]

في رائي قرار غريب ويوصف بالعشوائي او بهدف تلميع اعلامي واكتساب مزيد من سخط اهالي الاسكندريه على المحافظ عادل لبيب .فبعد ان فرغ من استعداء المسنين من الرجال والنساء والمرضي وهم يحاولون الصعود على الارصفه وكم سمعت سيدات مسنه بتدعي عليه وهم يحاولون الصعود علي الرصيف اما ممسكين بعامود نور او مستندين علي سياره متوقفه . ويتسائل هؤلاء الناس ومعهم اهل الاسكندريه جميعا من حكمه هدم ارصفه جيده وبناء اخرى اكثر ارتفاع فلا يجدوا اجابه .
وتوجه المحافظ بعد ذلك الي اصحاب السيارات ليصنع لهم جبايه تفرد بها مما عرفه اهل الاسكندريه بالحضانه ويجب عليك لاخراج سيارتك منها ان تدفع تبرع للمحافظه ممكن الف الفين تلاته حسب السياره اتحجزت كام يوم .مما زاد اهل الاسكندريه سخطا على سخط .
ولم يشاء المحافظ ان يترك الشباب في همومه او من اعتاد الجلوس على القهوه علشان يشرب حجرين علشيشه فستصدر قرار بمنع الشيشه ليزداد الساخطين عليه ليتفرد بملكه( ازاي يكره الناس فيه )

طيب النهارده انا عاديت علي قهوه بقعد عليها علي البحر تقريبا ربع العدد الي كان موجود عليها
في 2 شباب الي ماسكين الشيشه عطوهم اجازه اجباريه يومين لغايه لما يشوفوا القرار ده حيستمر ولا ايه ؟ ولو استمر حيمشوهم خالص وللاسف الشباب ده خرجين جامعه وعلشان هما مش قرايب ناس مهمين فلم يجدوا وظائف تحقق لهم دخل معقول فشتغلوا في قهوه في الشيشه وحتي دي حيطردوا منها .
من حوالي 6 شهور المحافظ الزم اصحاب القهاوي انهم يركبوا ستاير هواء علشان بيقى في جزء للشيشه وجزء من غير . في قهاوي ركبت 5 و 6 اجهزه ستاير هواء بتكلفه 10 و 12 الف جنيه
النهارده بيمنع الشيشه خالص طيب كان ايه لازمه انك تدفع اصحاب القهاوي المبلغ ده ؟؟؟؟

الناس الي شايفه المحافظ عادل لبيب جميل ومفيش منه 2 فاكيد مش عايشين في اسكندريه ومش عارفين شعور اهل اسكندريه تجاه ايه ويكفي ان من كام سنه في حركه المجافظين طلعت اشاعه ان ساب اسكندريه تهللت وهللت جماهير الاسكندريه جميعا وكانت السيارات بتزمر بيب بيب ملاكى وتاكسي وميكروباص فرحا بالخبر الذي لم يلبث ان اتضح انه اشاعه واكتشفوا بقاء عادل لبيب في منصبه .
في النهايه لو حنتكلم علي الراجل الي بجد الي عمل بجد وغير وجه الاسكندريه ليزداد جمالا وتكتسي عروس البحر الابيض وتتزين فيجب ان نتكلم ونتوجه با لشكر الي السيد اللواء عبد السلام محجوب
حبيب الاسكندرنيه الي كان فاتح باب مكتبه للناس الي عايز يقابله يتفضل الرجل الذي لن تنساه الاسكندريه ولا الاسكندرانيه

الله ينور عليك ياباش

هو ده الكلام اللى كنت عايز اقوله ان مش بس الشيشة كل قرار بيطلعه بيبقى ليه متضررين كتير

و انا بقرا كلام حضرتك عرفت انك بلدياتى

يعنى من عزبة عادل او الاسكندرية سابقا

هههههههه

تحياتى لحضرتك

ع الرغم ان القرار صح ..... بس بردة نفسيتى التعبانة اللى بتحن لحجر التفاحة دلوقتى بتقول مالها الشيشة لا هى موجودة ف اوتوبيس ولا مصلحة عامة ولا عمرك حتلاقى واحد ماشى بشيشة و بيشيش وسط المكاتب ولا فى اى مكان مغلق .. زبون الشيشة بيروحلها لحد عندها فى بيتها يقعد معاها شوية ويمشى لابيزعل حد ولا بيقرف حد

ههههههه

المشكلة فى السجاير اللى فى كل حتة حتى جوة الاسانسير

كان الاولى انة يمنع وضع كراسى خارج القهوة ... يعنى القهوة تنتهى عند بابها ومحدش يفرش برة

انا سمعت ان كمان غرامة التدخين فمكان عام مقصود بيها السجاير

غرامة 100 جنيه

طب لو واحد معهوش فلوس و جايب سجايره فرط هيعملو ايه معاه

هيسحبو منه البنطلون

هههههههههه

النهاردة فى قهاوى كتير مكنش فيها غير 3 او 4 زباين بس

علشان هو ا محافظ فنان فكيفية خراب بيوت الناس و العكننة عالشعب

[رزق]

بغض النظر عن قراراته التانية
فـأنا بحيه على القرار ده.
وانا شخصيا نفسي يمنعوا الشيشة والسجاير ويقفلوا الشرقية للدخان وامثالها.
وأكيد ربنا حيرزق الناس دي بشغلانا أحسن لو دوروا عمر مكان الرزق مربوط بنتا شغال فين.

بعد ماكتبت لقيت إن ممكن ناس تتضايق فأنا باعتزرلهم بس ده رأيي الشخصي
واخوكم مدخن شره برده و باكتب الرأي ده وانا في ايدي السيجارة واللهِ

[MaDaaa]

وبيسالوا لية الشباب بيطفش من البلد دى لية .........انا نفسى اعرف هما عايزين مننا اية بالظبط؟؟؟؟

[Khalid_Mostafa]

وبيسالوا لية الشباب بيطفش من البلد دى لية .........انا نفسى اعرف هما عايزين مننا اية بالظبط؟؟؟؟

اييه ...بيطفشو عشان منعو الشيشة ؟؟؟!!!