ليه الشيش اتلغت من اسكندرية ؟؟؟؟!!!! منك لله يا عادل

[moody1]

بصراحه انا مستغرب اوي
يعني الراجل عايز ينضف البلد على قد ما يقدر وانتم زعلانين
وبعدين اللي نفسوا اوي في الشيشه يشربها في البيت عنده ايه المشكله يعني
انا كنت بشربها برده والحمد لله بطلتها وفعلا حاجه ملهاش اي 30 لازمه والسجاير نفس الكلام

حضرتك موضوع فالبيت ده مستحيل لان كلنا شباب و عايشين مع اهالينا

و نفترض انى اتجوزت بقا عندى شقة مستقلة

هاروح اسخنلى شوية فحم كل ربع ساعة

ازاى

متجيش ابدا

على فكرة انا برده الى مضايقنى فالموضوع انهم لغو الشيشة رغم ان محلات الخمرة موجودة فى العصافرة و سموحة و خالد بن الوليد

اللى هوا drinkies ده ساعات بلاقى قدامه صفين عربيات

عليه اقبال جامد من الشباب الضايعة


يقدر بقا المحافظ يقفله ولا يجيب عليه غرامة

ميقدررررش

انا مع القرار دة جدااااااااااااااااااا

ليه كده بس
وياريت يتطبق فى القاهرة ومصر كلها

لو فالقاهرة ماشى انما بلاش اسكندرية ههههه

بصراحة انا مبطقش منظر الناس وهى بتشرب الشيشة دة و خصوصا الستااااااااات شكلهم بجد بيقرف

هما لو بنات single بيبقى المنظر مش حلو بس ماشى نقول حرية شخصية

انما لما تكون ست مع جوزها بيبقى المنظر غريب ببقا عايز اشتم اللطخ اللى سامح بكده

والناس مش بتراعى ان فى ناس بتنظر من الدخان دة

وانا واحدة منهم

بس برده نوادى كاملة و مولات و كافيتريات مفيهاش شيش فده حل من الحلول

عمتا متزعلش نفسك قدر الله ما شاء فعل

شوية كدة وهتتعود ان شاء الله نك تبطلها

(وعسى ان تكرهو شيئا وهو خير لكم )

ميرسى يا سومة على مشاركتك

و نورتى الموضوع

[m_car]

يااااااااااااااااه

حرام عليك .... و الله انت دماغ عالية :)

انا برضه باحط نعناع عالجوافة :)

انا لازم اقابلك لما انزل اسكندرية :)

انت برنس و الله :)

انا عاوز اقعد معاك ياباشا انت دماغك عالية زى بالظبط بس انا كيييييييف تفاحة وبرتقال وخوخ وسبنى اعيش بقا

هو قرار حلو بصراحة بس انا كده كده مريح دماغى وعندى بتاعتى فى البيت شيشة صغنونة كده

(( عارف هيجى واحد من الناس اللى انا بحبه والله ويقول حرام عليك صحتك انت بتدمرها هقوله عارف والله بس انا مش كل يوم بشيش انما السجاير طول الوقت معاك هيقولى انت بتبرر الغلط بغلط هقوله لا والله مش ببرر بس كله واحد فى النهاية وربنا يسترها علينا ))

[zakiali]

كده احسن الصراحة بلا شيشه بلا قرف .. اللي اعوز يشيش يجيب شيشة في بيتهم ويفضل يحرق بيها نفسه

[a_samy]

ربنا يكتر من أمثاله
أحسن حاجه عملها محافظ فى مصر

[MaZaGAngeE]

لو القهوة مفيهاش شيشة تبقى مالهاش لازمة
هيه القهوة قهوة غير بالشيشة

[M.Radwan]

عقبال السجاير وكل حاجة بتضر بالصحة،

[human]

اسكندريه 14 مليون ازاى؟!!

هو الحجر متأكد انه جوافه؟

[ahmed4000]

سبوه وابعتهولنا يوقف الشيشة والسجاير فى الاماكن العامة

انا قلت قبل كده البلد دى مش حينفع معاها حاجة

لو جبت كل مواطن فى مصر وعملتله اللى هو عايزه بالظبط برده الناس حتشتم فى كل المسئولين

[mostafabakry]

عادل لبيب عمل نفس الموضوع لما كان عندنا محافظ قنا

علي فكرة الراجل دا ملوش حل
انا بحترمه جدا و طبعا مع وجود بعض التحفظات علي بعض قراراته القاسية احيانا علي بعض الناس
هو دكتاتور شوية بس بصراحة في حاجات ماينفعش فيها غير كدا و خصوصا مع الشعب المصري

من ضمن المواقف اللي سمعتها عنه انه في مره كان بيتفقد شوراع المدينة و هو كان فظيع ما بينمش طول النهار و الليل بيلف بعربيته في الشارع لدرجة انه كان بيتابع الأشجار و بيشوف ان كان العمال بيسقوها ميه و لا لأ و كان بيتابع عمال النظافة لدرجة انه خلي عمال النظافة 24 ساعة في تلشارع كل 8 ساعات وردية و بمرتبات 450 جنيه لدرجة انك تعدي الساعة 3 الفجر تلاقي عامل النظافة واقف تحت الشجرة بيبص لفوق و مستني لما تسأل هو عامل كدا ليه يقولك مستني ورقة تقع من الشجرة عشان يلمها في صندوق الزيالة ههههههههه أه و الله زي ما بكلمكوا كدا

المهم في مره الراجل دا كان بيتابع حركة الشوارع و هو عند الكورنيش كان فيه زفة عريس و عروسة و كانوا في نفس المكان اللي هو بيزوره منطقة جنب الكرنيش اسمها البانوراما عاملها هو و لازم اي زفة تروح تتصور عندها من جمالها
المهم هو الراجل راح ناحية الزفة دي و راح مطلع فلوس بينفط العروسة و طبعا الناس شكرته فراح العريس عاوز يقوم بواجب فراح قاطع وردة من الورود اللي لسه مزروعه عشان يهديها لعادل لبيب فراح عادل مدفعة غرامة عشان قطع الوردة دي
و الناس ما زعلتش بالعكس تقبلوا الموضوع و من ساعتها قنا من انضف مدن مصر

كمان موقف تاني كان ماشي بالعربية بالليل زي عادته في شوراع قنا و الكلام دا بعد الساعة واحدة بالليل و لمح عربية ملاكي ماشية عكسي و بطريقة مستفزة راح طلب من الموتيسل بتاع الحراسة اللي ماعه انه يروج يجيب العربية دي و ما يسيبهاش فرام الموتسيكل فعلا راح جاب العربية و تقريبا اخد رخصتة و رخصة العربية و قالوا تيجي بكره عشان هتدفع مخالفة في مكتبي المهم صاحب العربية طلع ابن واحد جاد في البلد من قبيلة كبيرة و ابوه عضو مجلس شعب سابق و له شنة و رنة

طبعا راح تاني يوم و معاه ابوه و لما عادل لبيب عرف انه ابن فلان دا راح مضاعف الغرامة و يقال انه دفعة 5000 جنيه تبرع للمحافظة عشان هو شخص مش عادي و كل برغوت علي اد دمه ههههههههههههههههه
بس للأسف من ساعة ما الراجل دا مشي و البلد مش زي الأول و الإهمال بدأ يظهر

عموما انا واحد من الناس اتمني ان يكون كل مسؤولينا زي عادل لبيب يا ريت عندنا كام وزير زيه يمكن حال البلد ينصلح

راجل نشيط و بيسيب بصمة في مكانه

[mobitic]

عادل لبيب عمل نفس الموضوع لما كان عندنا محافظ قنا

علي فكرة الراجل دا ملوش حل
انا بحترمه جدا و طبعا مع وجود بعض التحفظات علي بعض قراراته القاسية احيانا علي بعض الناس
هو دكتاتور شوية بس بصراحة في حاجات ماينفعش فيها غير كدا و خصوصا مع الشعب المصري

من ضمن المواقف اللي سمعتها عنه انه في مره كان بيتفقد شوراع المدينة و هو كان فظيع ما بينمش طول النهار و الليل بيلف بعربيته في الشارع لدرجة انه كان بيتابع الأشجار و بيشوف ان كان العمال بيسقوها ميه و لا لأ و كان بيتابع عمال النظافة لدرجة انه خلي عمال النظافة 24 ساعة في تلشارع كل 8 ساعات وردية و بمرتبات 450 جنيه لدرجة انك تعدي الساعة 3 الفجر تلاقي عامل النظافة واقف تحت الشجرة بيبص لفوق و مستني لما تسأل هو عامل كدا ليه يقولك مستني ورقة تقع من الشجرة عشان يلمها في صندوق الزيالة ههههههههه أه و الله زي ما بكلمكوا كدا

المهم في مره الراجل دا كان بيتابع حركة الشوارع و هو عند الكورنيش كان فيه زفة عريس و عروسة و كانوا في نفس المكان اللي هو بيزوره منطقة جنب الكرنيش اسمها البانوراما عاملها هو و لازم اي زفة تروح تتصور عندها من جمالها
المهم هو الراجل راح ناحية الزفة دي و راح مطلع فلوس بينفط العروسة و طبعا الناس شكرته فراح العريس عاوز يقوم بواجب فراح قاطع وردة من الورود اللي لسه مزروعه عشان يهديها لعادل لبيب فراح عادل مدفعة غرامة عشان قطع الوردة دي
و الناس ما زعلتش بالعكس تقبلوا الموضوع و من ساعتها قنا من انضف مدن مصر

كمان موقف تاني كان ماشي بالعربية بالليل زي عادته في شوراع قنا و الكلام دا بعد الساعة واحدة بالليل و لمح عربية ملاكي ماشية عكسي و بطريقة مستفزة راح طلب من الموتيسل بتاع الحراسة اللي ماعه انه يروج يجيب العربية دي و ما يسيبهاش فرام الموتسيكل فعلا راح جاب العربية و تقريبا اخد رخصتة و رخصة العربية و قالوا تيجي بكره عشان هتدفع مخالفة في مكتبي المهم صاحب العربية طلع ابن واحد جاد في البلد من قبيلة كبيرة و ابوه عضو مجلس شعب سابق و له شنة و رنة

طبعا راح تاني يوم و معاه ابوه و لما عادل لبيب عرف انه ابن فلان دا راح مضاعف الغرامة و يقال انه دفعة 5000 جنيه تبرع للمحافظة عشان هو شخص مش عادي و كل برغوت علي اد دمه ههههههههههههههههه
بس للأسف من ساعة ما الراجل دا مشي و البلد مش زي الأول و الإهمال بدأ يظهر

عموما انا واحد من الناس اتمني ان يكون كل مسؤولينا زي عادل لبيب يا ريت عندنا كام وزير زيه يمكن حال البلد ينصلح

راجل نشيط و بيسيب بصمة في مكانه

يااااااااااه
الراجل ده ميتعوضش فعلا وله مواقف جميلة وطريفة عملها ف البلد
مش زى صاحبنا الجديد مش فالح غير فى الــ ... ولا بلاش اكيد انت عارف

[viper911s]

احب اوك انو وف حال ناس كتير مش قرار منع اليشة دة اى حلوة اوى اوك تمام حاجة غاية فى الجمال
بس انو يلغى البنا دة مينفعش انو بالقرار دة يوصل ثمن الشقة 70 متر الى 180الف فى مكان شعبى بعد ماكانت 40 قبلة او 50 الف
انو يقطع عيش الناس بالحضانات القرار العجيب
انا واحد من الناس بدعى علية كل يوم علشان قرار منع البنا
عاوز اخطب مش عارف علشان الشقة عاوز ابدا استقل بحياتى مش عارف (اهم سبب الشقة قرارات الهدم الغريبة الى بينفزها دى حرام
هتقولى ما هو بيبنى مدن جديدة المدن دى بعيدة جدا يعنى انا شغلى فى وسط البلد علشان اروح برج العرب عاوز اصحى بدرى ساعتين او ساعتين ونص علشان الحق 3 او 4 موصلات علشان اروح شغلى انا بتكلم عن ناس زى معندهاش عربية ومن محدودى الدخل بخلاف طبعا القرار الحكيم بنقل نوادى الصفوة فى الاسكندرية زى سموحة واللجون وسبورتين لعمل فروع هناك خلى الاسعار هى هى الى موجودة عندى بعد ماكانت 30 و20 بت 180او 190واسف لو قلت المناطق هناك زباااااااااااااااااااااااالة عايع مع عرب والشرطة مش بتقدر تحميك منهم
فعلا منة الله

[Lion_Heart]

يااااااااااااااااه

حرام عليك .... و الله انت دماغ عالية :)

انا برضه باحط نعناع عالجوافة :)

انا لازم اقابلك لما انزل اسكندرية :)

انت برنس و الله :)

و هتشيشوا ازاى .... ؟؟

[mostafabakry]

يااااااااااه
الراجل ده ميتعوضش فعلا وله مواقف جميلة وطريفة عملها ف البلد
مش زى صاحبنا الجديد مش فالح غير فى الــ ... ولا بلاش اكيد انت عارف

فاهمك يا باشا بدليل الشغل بتاع مواسير الصرف اللي عند مستشفي الهلال بقاله سنة و لسه ما خلصش

فرق كبير بين عادل لبيب و بين الحالي

[Ahmed Anwer]

طب أنتم بعد كده ابقوا انزلوا البحيرة شيشوا و ارجعوا

زي ما في الامارات بينزلوا من الشارقة لدبي يشيشوا

،،، هوا قدامه حل من الاتنين يأما يسمح بيها في الأماكن المغلقة بس زي دبي

يأما يسمح بيها في الأماكن المفتوحة بس زي سوريا

[DreAmO]

افتكر من كام شهر .. محافظ القاهرة اصدر قرار بمنع الشيشه في المقاهي

ومفيش حاجة اتمنعت .. والشيش موجودة عادي في كل مكان في القاهرة سواء شعبي او راقي او سياحي

شيشه تفاح ميه ميه .. ولو عندك برد اشرب شيشه ليمون ههههههههههههههه