كان نفسك في ولد و ربنا رزقك بنت ؟

[Mo.Kareem]

لله الحمد عندى اربع بنات
اول بنت كنت فرحان بيها شوية تانى بنت اضيقت تالت بنت كنت فرحان بيها اكتر من البنت الاولنيه البنت الرابعه بقى مش عارف اوصفلكم سعادتى وفرحتى بيها كانت اد ايه للدرجة انى فضلت شيلها فى حضنى من المستشفى لحد البيت وببوس فيها شعور لا يوصف ، وزى ما قالوا اخوانا هنا ، انابصراحة كان نفسى فى ولد علشان اهلى ، علشان حاسس ان نفسهم فى ولد يمكن اكتر منى ، او يمكن علشان هما عايزنى مبسوط ، وفعلاً البنات رزقهم واسع جداااااااااااا ومتعرفش ربنا بيبعتلك الرزق ازى
الحمد لله وربنا يبركلى فيهم واعرف اربيهم كويس والله يا جماعة دلؤت فعلاً مش فارقة معى حاجة خالص

[نور القمر]

انا هتكلم عن انا واخواتي الاول
احنا 5 بنات بابا الله يرحمه وماما ربنا يديها الصحة كان نفسهم في ولد وربنا مااردش
لما بابا اصابه المرض حسينا اننا كنا محتاجين اخ لينا وكان زوجي بمثابة ابن لبابا ووقف جنبه لاخر لحظة
لكن لما بابا توفى حسينا اد ايه الاخ الولد مهم ومفيش حد ممكن يعوض الاب إلا الاخ لكن دي ارادة ربنا

بالنسبة لي شخصيا ربنا رزقنا ب 3 ولاد صبيان وصغرهم سفندي كان نفسي يكون بنت بس لما الدكتورة قالت لي ولد باالسونار انا وجوزي فرحنا لكونه ولد
حاجة غريبة مش كدة !!!!!!!
ومكنتش ناوية اجيب تاني والناس كلها بتزن زن زن عليا لدرجة ان وانا حامل في اول شهر ولسه مش عارفة اني حامل اقسمت لزوجي من كتر زنه ماهخلف تاني بمزاجي ولو ربنا اراد هايخليني اخلف غصبا عني

وبقيت هتجنن عشان اعرف بنت ولا ولد
ولما الدكتورة قالت لي بنت كنت طايرة من السعادة لدرجة اني كل اسبوع والتاني اروح لدكتورة مختلفة عشان اتأكد انها بنت
وجات الانسة يارا بالسلامة وباباها طاير بيها غير اخواتها خالص لدرجة ني بيقولي احنا مش هنجوزها عشان محدش ياخدها مننا طبعا بيهزر بس كناية عن مدى تعلقه بيها
ربنا يحفظ ولادنا جميعا ويخليهم ويبارك فيهم

[MaZaGAngeE]

متأكد مليون المئة و شفت بعيني فيديو للشيخ الحويني بيقول كده

امال نعمل ايه أول ما مولود يتولد ؟
لو ماكانش ده سنة أو فرض فهوه خير برضه أن المولود أول ما يتولد يسمع الأذان و الاقامة

[ecybrarian]

الفكرة كما قال الشيخ الشعراوى كل واحد له 24 قيراط وتختلف النسبة من شخص لاخر ده مال وزوجة صالحة
وده ولاد بدون مال وده مال وبنات وصحة و زوجة صالحة
على فكرة بدون اولاد أو بنات هذا يعتبر رزق ونعمة من الله ايضا
وعلى الانسان أن يشكر النعمة سواء لدية او ليس لديه ابناء
ولا يفرق البنت والولد فى الخوف عليهم و فى تحمل المسئولية حينما يكبرون
فيه مثل قديم بيقول البنت للعفن والولد للكفن

الشيخ الشعراوي على عيني وراسي..بس انا مش مقتنع..قال تعالى....(لا يُسْأَلُ عَمَّا يَفْعَلُ وَهُمْ يُسْأَلُونَ)[الأنبياء:23] صدق الله العظيم..
====
{لا يسئل عما يفعل وهم يسئلون} يقول تعالى ذكره: لا سائل يسأل رب العرش عن الذي يفعل بخلقه من تصريفهم فيما شاء من حياة وموت وإعزاز وإذلال وغير ذلك من حكمه فيهم؛ لأنهم خلقه وعبيده، وجميعهم في ملكه وسلطانه، والحكم حكمه، والقضاء قضاؤه، لا شيء فوقه يسأله عما يفعل فعقول له لم فعلت؟ ولم لم تفعل؟ {وهم يسئلون} يقول جل ثناؤه: وجميع من في السماوات والأرض من عباده مسئولون عن أفعالهم، ومحاسبون على أعمالهم، وهو الذي يسألهم عن ذلك ويحاسبهم عليه؛ لأنه فوقهم ومالكهم، وهم في سلطانه.وبنحو الذي قلنا في ذلك قال أهل التأويل. ذكر من قال ذلك:18514 - حدثنا بشر، قال: ثنا يزيد، قال: ثنا سعيد، عن قتادة، قوله: {لا يسئل عما يفعل وهم يسئلون} يقول: لا يسئل عما يفعل بعباده، وهم يسئلون عن أعمالهم.18515 - حدثنا القاسم، قال: ثنا الحسين، قال: ثني حجاج، عن ابن جريج، قال: قوله: {لا يسئل عما يفعل وهم يسئلون} قال: لا يسئل الخالق عن قضائه في خلقه، وهو يسأل الخلق عن عملهم.18516 - حدثت عن الحسين، قال: سمعت أبا معاذ يقول: أخبرنا عبيد، قال: سمعت الضحاك يقول في قوله: {لا يسئل عما يفعل وهم يسئلون} قال: لا يسئل الخالق عما يقضي في خلقه، والخلق مسئولون عن أعمالهم.


جامع البيان عن تأويل آي القرآن - الشهير بتفسير الطبري - للإمام أبو جعفر محمد بن جرير الطبري
===
ربنا قادر وكريم يعطي من يشاء المال والولد والصحة، وهذا لا يعني ابدا أنه سبحانه وتعالي ظلم (استغفر الله) من لم يعطى المال و/أو الولد و/أو الصحة..(لا يُسْأَلُ عَمَّا يَفْعَلُ)

[hany_mohamed]

هانى بك محمد

اول مره اسمع هذا المثل

و لم افهم معناه

هل من الممكن ان تشرحه لى

و شكراً ...

حاتم باشا ده مثل صعيدى قديم
معناه ان البنت للقضاء على مشكلة العفن لان الاب والام لما يكبروا مبيقدروش ينظفوا مكانهم ولما يكبروا اوى مبيقدوروش ينظفوا انفسهم حتى فتتولى البنت هذه المسئولية بدون تأفف
أما الولد فبيكون مشغول بشغلة ومراته وبيته وعياله ومبيظهرش باستمرار زى البنت
ثم تيجى المهمة الجليلة للولد انه لما قضاء الله ينفذ تلاقى الولد ظهر فى قصة تجهيز الكفن و أخذ العزاء و بس

[hany_mohamed]

الشيخ الشعراوي على عيني وراسي..بس انا مش مقتنع..قال تعالى....(لا يُسْأَلُ عَمَّا يَفْعَلُ وَهُمْ يُسْأَلُونَ)[الأنبياء:23] صدق الله العظيم..
====
{لا يسئل عما يفعل وهم يسئلون} يقول تعالى ذكره: لا سائل يسأل رب العرش عن الذي يفعل بخلقه من تصريفهم فيما شاء من حياة وموت وإعزاز وإذلال وغير ذلك من حكمه فيهم؛ لأنهم خلقه وعبيده، وجميعهم في ملكه وسلطانه، والحكم حكمه، والقضاء قضاؤه، لا شيء فوقه يسأله عما يفعل فعقول له لم فعلت؟ ولم لم تفعل؟ {وهم يسئلون} يقول جل ثناؤه: وجميع من في السماوات والأرض من عباده مسئولون عن أفعالهم، ومحاسبون على أعمالهم، وهو الذي يسألهم عن ذلك ويحاسبهم عليه؛ لأنه فوقهم ومالكهم، وهم في سلطانه.وبنحو الذي قلنا في ذلك قال أهل التأويل. ذكر من قال ذلك:18514 - حدثنا بشر، قال: ثنا يزيد، قال: ثنا سعيد، عن قتادة، قوله: {لا يسئل عما يفعل وهم يسئلون} يقول: لا يسئل عما يفعل بعباده، وهم يسئلون عن أعمالهم.18515 - حدثنا القاسم، قال: ثنا الحسين، قال: ثني حجاج، عن ابن جريج، قال: قوله: {لا يسئل عما يفعل وهم يسئلون} قال: لا يسئل الخالق عن قضائه في خلقه، وهو يسأل الخلق عن عملهم.18516 - حدثت عن الحسين، قال: سمعت أبا معاذ يقول: أخبرنا عبيد، قال: سمعت الضحاك يقول في قوله: {لا يسئل عما يفعل وهم يسئلون} قال: لا يسئل الخالق عما يقضي في خلقه، والخلق مسئولون عن أعمالهم.


جامع البيان عن تأويل آي القرآن - الشهير بتفسير الطبري - للإمام أبو جعفر محمد بن جرير الطبري
===
ربنا قادر وكريم يعطي من يشاء المال والولد والصحة، وهذا لا يعني ابدا أنه سبحانه وتعالي ظلم (استغفر الله) من لم يعطى المال و/أو الولد و/أو الصحة..(لا يُسْأَلُ عَمَّا يَفْعَلُ)

سيدى الفاضل ربما لم استطيع ان اشرح وجهه نظرى
من لديه المال أوالبنون أوالصحة او جميعم ليس بالضرورة خير له
ومن ليس لدية مال أو بنون او صحة او جميعهم ليس يالضرورة هو شرا له

[حاتم سليم]

حاتم باشا ده مثل صعيدى قديم
معناه ان البنت للقضاء على مشكلة العفن لان الاب والام لما يكبروا مبيقدروش ينظفوا مكانهم ولما يكبروا اوى مبيقدوروش ينظفوا انفسهم حتى فتتولى البنت هذه المسئولية بدون تأفف
أما الولد فبيكون مشغول بشغلة ومراته وبيته وعياله ومبيظهرش باستمرار زى البنت
ثم تيجى المهمة الجليلة للولد انه لما قضاء الله ينفذ تلاقى الولد ظهر فى قصة تجهيز الكفن و أخذ العزاء و بس

شكراً أخى الفاضل ...

[OlaOsman]

حلو الموضوع ده.

متابعة

[Ahmed Samy]

انا عندي بنتين الحمد لله ربنا يحميهم لي

مشكلة الناس اللي بتفكر في ولد انهم بيحلموا بالولد الراجل الجدع الي يسد و يشيل البيت و يحمي اخواته

لما اقعد افكر اني نفسي يبقى عندي ولد .....بافتكر عيل كده أبوه بيلعنه و بيلعن اليوم اللي شافه فيه .....ومات بسببه الله يرحمه

بادعي ربنا انه يرزقني ولد صالح ...أويرحمنى من ولد فاسد ويباركلي في بناتي

الراجل اللي مات ده عنده شركة سياحة كتبها بإسم بنته الكبيرة و مسميها على اسمها اساسا

ربنا توفاه و ابنه في الحبس ممسوك تعاطي

ووصى بنته تصرف على اخوها

[نور القمر]

انا عندي بنتين الحمد لله ربنا يحميهم لي

ماشاء الله
انت جبت البنوتة التانية امته واسمها ايه

[ghada_zaky]

انا عندي بنتين الحمد لله ربنا يحميهم لي

صحيح البنوتة التانية اخبارها ايه ؟
حبتها ولا ايه الظروف
نورى ليها الموضوع القديم بقى ...نننيههه

[MaZaGAngeE]

بعد اكتساح الجنس الناعم على كل الحب من الأب

انا كده بدأت احس يالغيره من اخواتي البنات ,,, كل الأبهات و الأمهات بيفضلوا البنت على الولد ...
طب ده الواد اللي شايل الهم و مقضي مصالح البيت و شايف طلبت الجميع على حشاب وقته و صحته و شغله و احيانا بيته ,...،

[MaZaGAngeE]

فاكرين الموضوع ده ؟

[ashouhdy]

موضوع جميل بجد وانا دلوقتى مش عارف الجنين اية ولد ولا بنت .... نفسى فى ولد عشان خاطر ابويا ومراتى عايزة بنت وانا مش عارف انا نفسى عايز اية .... يارب يجيبة بصحة و عافية ولد او بنت يااااااااااااارب

[MaZaGAngeE]

غالبا الرجالة بتكون نفسها في الولد عشان بيكون استمرار لأبوه و بيشيل اسمه و الستات بتكون نفسها في البنات ... يمكن بالعند فينا ............