فاكرين الايام دي؟

[gemy215]

وسينما الاطفال يوم الجمعة

وتاكسي السهرة

اياااااااااااااااااااااااااااااااااااااااااااااااا ااااااااااام

ههههههههه
سينيما الاطفال تقريبا كانت قبل صلاه الجمعه مش فاكر ولا بعدها
وكنا بنقعد نتفرج عليها
بجد وحشتينتني الايام دي
طيب حد فاكر ايام ما كان النينجا ترتلز و كان فيه كارتون تاني بردو كدا بيجي كانو 4 او 5 شخصيات بيلبسو اورنج وازرق ومعرفش ايه ويتحدو مع بعض في القوه ويبقو حاجه وحده مش فاكر اسمو ايه
الاتنين دول كانو بيجيو في رمضان قبل الفطار فاكر انا كنت اقعد انا واخويا فوق تربيزه السفره و امي بتحط الاكل جمبنا هههههههه واحنا عمالين نتفرج
و حد فاكر كمان ايام ماسنجر كان بيجي في الشتا وكانت ماما تتخانق معانا علشان ننام علشان المدرسه كنا نكون علي السرير متغطيين والكارتون شغال اول ما يخلص نطفي النور وننام علي طول
ههههههه
كانت ايام روعه والله
ااااااااااااااه افتكرت اسم الكارتون
اسمه باور رينجر حد فاكر الحاجات دي

[AkramArafa]

موضوع جميل جدا و فكرني بايام الطفولة كانت ايام جميلة فعلا
و اللعبة دي يا ما لعبت بيها هههههههههههههههههه

انا عندي منها بس موتوسيكل

[gemy215]

فيه حاجه كمان جت علي بالي دلوقتي
لما كنا بنتطلع من المدرسه كان بيكون فيه ناس في الشارع بيبيعو البتاع البلاستك الي كنا بنعد نعمل منه مديليات و اشكال كدا
ودود القز كمان كنت بجبها وافضل شايلها لحد ما تبقا فراشه وتطير
هههههه
ايام ياريت ترجع تاني

[nour_nrc]

بجد رجعتوني سنين كتيير

احلي ايام العمر

[shaddadfalcon1]

نفسي اعيش الايام دي تاني
كانت كل حاجه حلوه مع اني فاكر ان كل يوم كنت بتمني اكبر عشان اعمل اللي انا عايزه

ياسلام علي رمضان لما كان ييجي واتفرج قبل الفطار علي مسلسل كده في كائنات غربيه وساعة الفطار صوت الجوامع كله عالي والتواشيح شغاله وصوت المدفع
وعمو فؤاد وبوجي وطمطم ونينجا ترتلز - ماسك - اوشت جيرل - هيرقليز - زينا - بور رنجرز - الف ليله وليله وقال كنت اخاف اتفرج عليها

وسينما الأطفال والقناه الخامسه ياحلو صبح
وكارتون ماوكلي - كابتن ماجد- استاذنا ايمن - ماذنجر والسنافر

الصورة بتاعة كوتشي اميجو ده فكرتني برمضان والعيد قوي

[amr mokhtar]

فيه حاجه كمان جت علي بالي دلوقتي
لما كنا بنتطلع من المدرسه كان بيكون فيه ناس في الشارع بيبيعو البتاع البلاستك الي كنا بنعد نعمل منه مديليات و اشكال كدا
ودود القز كمان كنت بجبها وافضل شايلها لحد ما تبقا فراشه وتطير
هههههه
ايام ياريت ترجع تاني

و ضيف عليهم القصب
تقريبآ كل يوم كنت بجيب قصب و انا مروح من المدرسة

[MISS_MONA]

والمستيكه اللى معاها صورة بتطبع على الايد
ابله فضيله فى الراديو الصبح وماما بتصحينى وغمض عنيك وامشى بخفة ودلع الدنيا هى الشابه وانت الجدع تشوف ................
مين فاكر يكمل يالا وهديله مصاصايه من اللى بصفاره

[heshamzaky]

أية دة هههههههههههههههه الحاجات دى مش قديمة دى مستحدثة ألا أنتو شوفتو الموضوع الى كان زى دة على المنتدى كان فية حاجات عجيبة

[waelfarid]

ايه ده دا الواحد قرب يبقي جدو بقي
مين فاكر لما كان التليفزيون بيقفل الساعة11بالليل دي القناة الاولي اما القناة التانية بتقفل الساعة 10 ويوم الخميس يطولو شوية ساعة ولا اتنين كمان ومكنش فيه غيرهم ولا حتي فيه فيديو
وسينما الاطفال بتيجي 10 الصبح كل جمعة وعفاف الهلاوي تقعد تعلق عالفيلم االلي بيتعرض وكان فيه مهرج اسمه فرديناند له حواديت زي لاسي كدة وليس كرتون وسندباد وعلي بابا وعم علاء الدين وكان الواحد بيتنشق علي شوية كارتون ماسخين يعتبرو عبط دلوقت ودلوقت كرتون 24ساعة في اليوم علي اكتر من قناة
وكمان فاكر لما اشتريت بيبسي حجم صغير الواحدة ب5 قروش وكانت عملة ورقية كمان ايييه دنيا سبحان من له الملك والدوام

[MISS_MONA]

مستحدثة اية بس دا انا كنت بسمعها فى الراديو الصبح وانا رايحه المدرسة
انت عندك كام سنه يا استاذ هشام دى فى نصف الثمانيات

[MISS_MONA]

طيب مين فاكر النص افرنك دى عملة على فكرة = 2 ساغ

[MISS_MONA]

وتوم وجيرى

[MISS_MONA]

والفوازير بتاعة نيللى وشيريهان

[heshamzaky]

مستحدثة اية بس دا انا كنت بسمعها فى الراديو الصبح وانا رايحه المدرسة
انت عندك كام سنه يا استاذ هشام دى فى نصف الثمانيات

ههههههههههههههه حا اقربها لكى سنة 88 كنت بسوق عربة و معايا رخصة ههههههههههههههه

[gemy215]

والمستيكه اللى معاها صورة بتطبع على الايد
ابله فضيله فى الراديو الصبح وماما بتصحينى وغمض عنيك وامشى بخفة ودلع الدنيا هى الشابه وانت الجدع تشوف ................
مين فاكر يكمل يالا وهديله مصاصايه من اللى بصفاره

طيب جهزي المصاصه يلا
ههههههههه
انا فاكر كمان بمناسبه الراديو الساعه الي كانت بترن في الراديو بتاعه الساعه مش فاكر 6 ولا 7 و انا نازل الباص بتاع المدرسه
هههههههههه
دي عمرها ما تتنسي ابدا