فاكرين الايام دي؟

[heshamzaky]

ايه ده دا الواحد قرب يبقي جدو بقي
مين فاكر لما كان التليفزيون بيقفل الساعة11بالليل دي القناة الاولي اما القناة التانية بتقفل الساعة 10 ويوم الخميس يطولو شوية ساعة ولا اتنين كمان ومكنش فيه غيرهم ولا حتي فيه فيديو
وسينما الاطفال بتيجي 10 الصبح كل جمعة وعفاف الهلاوي تقعد تعلق عالفيلم االلي بيتعرض وكان فيه مهرج اسمه فرديناند له حواديت زي لاسي كدة وليس كرتون وسندباد وعلي بابا وعم علاء الدين وكان الواحد بيتنشق علي شوية كارتون ماسخين يعتبرو عبط دلوقت ودلوقت كرتون 24ساعة في اليوم علي اكتر من قناة
وكمان فاكر لما اشتريت بيبسي حجم صغير الواحدة ب5 قروش وكانت عملة ورقية كمان ايييه دنيا سبحان من له الملك والدوام

هههههههههه طب أية رأيك بقى أنا أول ما أشتريت الكوكا كولا الصغيرة كانت ب 3 قروش و بعدين بقت ب 5 قروش فعلا

[wassim_nasser]

طب بلاش كل ده .. فاكرين سلام عشانه ساااافو حافظ كيانه ساااافو .. فاكرين اجري بسرعه ياواد ياحسين تقب وتغطس ف دقيقتين شوفلنا ريري بيتباع فين هاتلنا منه كيس واتنين الصلاه ع الزين الصلاه ع الزين

[nevozaky]

مستحدثة اية بس دا انا كنت بسمعها فى الراديو الصبح وانا رايحه المدرسة
انت عندك كام سنه يا استاذ هشام دى فى نصف الثمانيات

انا كمان كنت باسمعها وانا صغيرة ورايحة المدرسة .وكمان اغنية بالسلامة يا حبيبى يا حبيبى بالسلامة .فى اذاعة الشرق الاوسط .فعلا كانت ايام جميلة اوى

[nevozaky]

هههههههههه طب أية رأيك بقى أنا أول ما أشتريت الكوكا كولا الصغيرة كانت ب 3 قروش و بعدين بقت ب 5 قروش فعلا

انا بقى اول ما اشتريت الكوكا كولا كانت ب 25 قرش .ده انت قديم اوى هههههههههههه

[gemy215]

حد فاكر الاعلانات دي YouTube - ‫ط§ط¹ظ„ط§ظ† ظ‚ط¯ظٹظ… ظ…طظ…ظˆط¯ ط¥ظٹظ‡ ط¯ظ‡ ظٹط§ ظ…طظ…ظˆط¯‬‎
محمود ايه دا يا محمود!!! لول
ودا كمان YouTube - ‫ط´ظˆظƒظ„ط§طھظ‡ ط¬ظٹط±ط³ظٹ‬‎
بستك ناو ههههههه
دا كمان YouTube - ‫ط§ط¹ظ„ط§ظ†ط§طھ ظ‚ط¯ظٹظ…ظ‡ ط³ظ†ط© 1988‬‎
كانت ايام روعه

[wassim_nasser]

فاكرين بسكوت شمعدان لما كان يبقا جواه كوبونات و نشتريلها البوم و نقعد نلزق نلزق وف الاخر الالبوم يقف علي كوبون هههههه

[MISS_MONA]

سلام عشان خضر العطار اسعاره ارخص اسعار خضر خضر خضر العطار

[A7MED_PHARMA]

.....

.....
والبوتاجاز ده...كان لا يخلو منه بيت مصري
بس طبعا نظيف عن ده شويتين


.....
وده القنفذ بتاع الواد الكوري الغبي ده...إلي كان بييجي في سينما الأطفال يوم الجمعة قبل الصلاة
كانوا بيزيعوه أسبوع وأسبوع

.....

[nevozaky]

فاكرين واحنا صغيرين كان فى لبان بم بم .وكنا بنشتريه وكان عامل البوم صور لاعبى كرة القدم الاوربيين.

[waelfarid]

يا هشام باشا اكيد حضرتك اكيد عديت ال45 سنةعالاقل ربنا يديك الصحة ياباشا انا يادوب 39 سنة واحلي تحية والله يرحم ايام الزمن الجميل الجرنال كان ب3قروش ومجلة ميكي ب7قروش تقريبا ورغيف العيش ب1قرش ساغ والغاز المغامرون الخمسة والشياطين ال13 ايييه دنيا

[MISS_MONA]

تسلم ايدك يا gemy

[MISS_MONA]

كوفرتينا على العريس يبقى هيتجوز ويهيص
ههههههههههههههههههههاااااااااااا

[nevozaky]

يا هشام باشا اكيد حضرتك اكيد عديت ال45 سنةعالاقل ربنا يديك الصحة ياباشا انا يادوب 39 سنة واحلي تحية والله يرحم ايام الزمن الجميل الجرنال كان ب3قروش ومجلة ميكي ب7قروش تقريبا ورغيف العيش ب1قرش ساغ والغاز المغامرون الخمسة والشياطين ال13 ايييه دنيا

وكان فبه مجلة ماجد اللى بتنزل يوم الاربعاء ورجل المستحيل ادهم صبرى.وميكى جيب طبعا

[MISS_MONA]

وصرخه الرعب كمان

[heshamzaky]

يا هشام باشا اكيد حضرتك اكيد عديت ال45 سنةعالاقل ربنا يديك الصحة ياباشا انا يادوب 39 سنة واحلي تحية والله يرحم ايام الزمن الجميل الجرنال كان ب3قروش ومجلة ميكي ب7قروش تقريبا ورغيف العيش ب1قرش ساغ والغاز المغامرون الخمسة والشياطين ال13 ايييه دنيا

لآ لآ لآ مش كدة أقل يا باشا بس مش لازم فضايح يعنى ههههههههههههههههههههههههههههه و طبعا فاكر الشياطين ال 13 و مجلات لاكى لوك و تان تان