فاكرين الايام دي؟

[wassim_nasser]

وكان فبه مجلة ماجد اللى بتنزل يوم الاربعاء ورجل المستحيل ادهم صبرى.وميكى جيب طبعا

مجله ماجد دي كنت باجيبها عشان مسابقه الكاريكاتير بتاعت الرسام الجميل حجازي واقعد امقق عنيا وانا بادور علي فضولي وفيه كمان مجله بلبل كنت صحفي فيها وقصص تان تان ولاكي لوك واستريكس كنت باجيبها من دار المعارف

[A7MED_PHARMA]

ونحن البربري
..............
إنسف حمامك الكديم
..............
سلام عشانو سافووو..حافظ كيانو سافووو
..............
كاراتيه كاراتيه...طعمك حلو كده ليه
..............
بسكويت نواعم الشمعدان
..............
بنك الحظ...ومسابقة العجلة والبدال الشهيرة ..ومسابقة إلي بتلاقي صور المصارعين ع اللبان..وتلزقهم في الألبوم

أنا حضرت أخر أيام البريزة الورق

............
وأيام الساعات الرقمية الجلد...وكان بينزل لها جراب...وله غلطا ..بيتفتح تشوف الساعة كام وتقفله تاني بلازقة

............
وطبعااااااااااااا
كعبووول كعبوووول
الكلب الكسول
والمخترع العبقري...عبقرينوووووو...ومشاكل
كنت بحب مشاكس أوي
هههههههههههههههههههه

..........

[heshamzaky]

أحمد باشا فارما أنت حطيت صور ممتازة بص يا باشا البوتاجاز دة بتاع المصانع الحربية 3 شعلة دة كان ب 25 جنية بس مش ايامى طبعا هههههههههههههه و الماكينة بتاعت الخياطة دى المكن الاصلى الى هو سنجر أنا على فكرة من محبين الاشياء القديمة جدا و بجمع حاجات زى كدة و غاويها شوية لان الديكور الى فى الشقة عندى حاجات كدة يعنى عندى جرامافون و مكوة حديد و مكوة بالفحم كمان و شوية حاجات كدة ههههههههههههههههه

[MISS_MONA]

طيب فاكرين جدو عبده زارع ارضه بتاعه عبد المنعم مدبولى

[MISS_MONA]

وفاكرين طعم الفاكهة والخضار كان حلو ازاى

[nevozaky]

مجله ماجد دي كنت باجيبها عشان مسابقه الكاريكاتير بتاعت الرسام الجميل حجازي واقعد امقق عنيا وانا بادور علي فضولي وفيه كمان مجله بلبل كنت صحفي فيها وقصص تان تان ولاكي لوك واستريكس كنت باجيبها من دار المعارف

والله فكرتنى بحاجات جميلة .انا كنت بحب ادور على فضولى ومفتاحه هههههههههههههه

[nevozaky]

طيب فاكرين جدو عبده زارع ارضه بتاعه عبد المنعم مدبولى

وفاكرة قبلها عمو فؤاد

[MISS_MONA]

طبعا يا نيفو ايام جميله

[nevozaky]

وكان فى زمان كارتون اسمه روبى بتاع دبدوب وعائلته فاكرينه كان بييجى الساعة 9 قبل النوم هههههههههههه.كان بييجى فى التليفزيون

[heshamzaky]

طب و دول أكيد عارفينهم طبعا

[MISS_MONA]

طبعا يا استاذ هشام دى الشكولاته المفضله ليا وانا صغيرة
بس بقى طعمها مش حلو دلوقتى
وبسكوت بيمبو

[wassim_nasser]

كان فيه كمان مسلسل عائلة شلش ومسلسل ساكن قصادي و مش هانتكلم عن كابتن ماجد وااااهااادااااف و الكوره اللي تتحول للشكل البيضاوى واحيانا تقلب الوان وتاخد ف وشها الحكم وحارس المرمي اللي غالبا كان بيبقا بسام ومش هانسا اذكر الأتاري ابو دراعات ومن بعده الاتاري السوبر ماريو

[heshamzaky]

كان فيه كمان مسلسل عائلة شلش ومسلسل ساكن قصادي و مش هانتكلم عن كابتن ماجد وااااهااادااااف و الكوره اللي تتحول للشكل البيضاوى واحيانا تقلب الوان وتاخد ف وشها الحكم وحارس المرمي اللي غالبا كان بيبقا بسام ومش هانسا اذكر الأتاري ابو دراعات ومن بعده الاتاري السوبر ماريو

دة الاتارى القديم بس كان فية أتارى أقدم من دة كمان و أنا لسة حتى اليوم عندى واحد و شغال و سليم بس من غير شرايط

[heshamzaky]

طبعا يا استاذ هشام دى الشكولاته المفضله ليا وانا صغيرة
بس بقى طعمها مش حلو دلوقتى
وبسكوت بيمبو

و الله دى حلوة طبعا لو تقارنيها ب جالاكسى و كادبوى هناك فرق و الشيكولاتة الروكيت كمان دى قديمة برضو

[M.Nasr]

انا كنت بستنا اخترنا لك كل يوم اربع على القناه التانية وكنت بفرح اوى لما يجيبو مسلسل x files ماكنتش بفهم منه حاجة بس كنت بتبسط منه :)