يا مفتونين برفع الصليب.....إحذروا

[Col. Eng. Khaled]

انت لما بتلبس الشال المشهور بتاع فلسطين او ترفع علم لبنان او او ...
هل ده معناه انك بقيت لبناني او فلسطيني؟؟
انت مجرد بتعلن تعاطفك مع الطرف الاخر واحساسك بمصيبته
اللي هيه مصيبه للبلد كلها لان معنى ان تحصل فتنه طائفيه ف البلد معناه تدخل ايادي غريبه وهنلاقي الف مين يهلل من جمعيات حقوق الانسان واقباط المهجر وتدخل اجنبي ف الشئون الداخليه
وف الاخير البلد مش ناقصه
احنا فينا من امراض الدنيا اللي مكفينا مش باقي كمان غير الفتنه.

على كدا يبقى بالقياس .............. ممكن لإعلان التعاطف يلبس سلسلة فيها صليب

أصبت كبد الحقيقة

[أحمد علاء]

وهل من المعلوم ان الشال الفلسطينى او العلم اللبنانى به مايخالف عقيدتى علشان مارفعوش تضامنا مع غزه او لبنان؟ الاجابه لا طبعا لايوجد مايخالف عقيدتى فيهما

وهل معنى انى متمسك بدينى وبتعاليمه وبسنه رسولى انى انا صانع للفتنه؟ الاجابه لا طبعا فانا متمسك بدينى ومحب لرسولى وكاره للفتنه ولصناعها .

وليس من الضرورى انى علشان اعلن عن تعاطفى مع الطرف الاخر واحساسى بمصيبته اقوم اغضب الله واقع فى الحرام وارفع الصليب الذى لايرضاه الله ولا رسوله.

يعنى مش لازم اطبل مع اللى بيطبلوا ولا ازمر مع اللى بيزمروا. دا حتى شيخ الازهر لما حب يتضامن لقى مالا يسره ولا يسرنا من شتايم واهانات انت عارف يعنى ايه شيخ الازهر يتهان ؟؟؟؟؟؟؟؟

اخيرا احب اقولك انت وغيرك اننا كمسلمين لن نجد العزه فى معصيه الله ولن ننال الرضا فى سخط الله

بل العزه فى ايماننا وتمسكنا بسنه رسولنا صلى الله عليه وسلم

أحسنت و جزاكم الله خيرا

ويحضرني مقالة موجزة معبرة قالها أحد الفضلاء

"وتحت وطأة تداعي الأعداء.. خرج مدافعون عن الإسلام بمنطق الضعفاء العجزة.. يتمسكون بالقشة لينفوا عنهم التهمة.. فلا الإسلام نصروا..!! ولا لأعدائه كسروا..!! فضروا وما نفعوا..!! بل سوغوا وميعوا وخلطوا البعر بالدر الثمين..!! فلم يميز بين غث وسمين..!! فجاءوا بالكفن في ثياب العرس..!! وعرضوا النوائح في مواكب الفرح..!! فصارت الأمة في عمومها تمثالا.. لا يؤوي بل يغري.. وسراب يخدعوا ولا يروي..(وَمَا ظَلَمَهُمُ اللّهُ وَلَـكِنْ أَنفُسَهُمْ يَظْلِمُونَ)..(قُلْ هُوَ مِنْ عِندِ أَنْفُسِكُمْ).. إن أمة تتزحزح عن دينها مقدار شعرة.. تنأى عن مراق الفلاح والعزة سبعين ذراعا..!!

[goingonlovingu]

وليه سيادتكم بتفترضوا ان رفع الصليب مخالف للعقيده
ماهو ده رمز عن المسيحيه وان احنا كمسلمين نؤمن بالله وكتبه ورسله نعلن احترامنا للديانه المسيحيه وان احنا ضد الارهاب اللي بيتخذ الدين ذريعه في بث الفتن بين شعب الامه الواحد
ركزوا ف كلامي يا جماعه الموضوع جد خطير

وتذكروا ان سيدنا محمد اتجوز ماريه القبطيه يعني من الاخر ما فيش اكتر من كده والحاشى لله لما سيدنا محمد تزوج السيده ماريه القبطيه كان يخطب ود النصارى ولكن ليوصل للامه معنى معين..

وفي الاخير انهي كلامي بقول الله سبحاه وتعالى{لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ

[goingonlovingu]

أحسنت و جزاكم الله خيرا

ويحضرني مقالة موجزة معبرة قالها أحد الفضلاء

"وتحت وطأة تداعي الأعداء.. خرج مدافعون عن الإسلام بمنطق الضعفاء العجزة.. يتمسكون بالقشة لينفوا عنهم التهمة.. فلا الإسلام نصروا..!! ولا لأعدائه كسروا..!! فضروا وما نفعوا..!! بل سوغوا وميعوا وخلطوا البعر بالدر الثمين..!! فلم يميز بين غث وسمين..!! فجاءوا بالكفن في ثياب العرس..!! وعرضوا النوائح في مواكب الفرح..!! فصارت الأمة في عمومها تمثالا.. لا يؤوي بل يغري.. وسراب يخدعوا ولا يروي..(وَمَا ظَلَمَهُمُ اللّهُ وَلَـكِنْ أَنفُسَهُمْ يَظْلِمُونَ)..(قُلْ هُوَ مِنْ عِندِ أَنْفُسِكُمْ).. إن أمة تتزحزح عن دينها مقدار شعرة.. تنأى عن مراق الفلاح والعزة سبعين ذراعا..!!

مين احد الفضلاء ده؟؟
الله اعلم هوه مين؟؟

بس كلام الناس المتشددين سواء هنا او هنا هوه السبب في اللي احنا فيه

نسينا كلام الله والرسول واتجهنا لاقوال(((احد الفضلاء)))

الوحده لازم نبقى بنيان مرصوص علشان ما فيش اي قوه خارجيه تزعزع الامن ما بنا
انتبهوا يا ناس

[Islam_galal]

وليه سيادتكم بتفترضوا ان رفع الصليب مخالف للعقيده
[/b]

بس كده يبقي انت مقريتش الموضوع كله و داخل في النص

إقرأ الموضوع و حتلاقي إن ده مش فرض و ليس لنا اختيار فيما هو مفروض

[beetleMOSH]

جزاك الله خير يا عمرو على طرح الموضوع المهم

عايزين نبقى وسط وديننا هو دين الوسطية مابين:
من قتل معاهدا لم يرح رائحة الجنة وإن ريحها ليوجد من مسيرة أربعين عاما
وبين
أوثق عرى الإيمان الموالاة في الله والمعاداة في الله والحب في الله والبغض في الله عز وجل
وما بين
يَا أَيُّهَا الَّذِينَ آمَنُوا لا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ
وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ
وبين
لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ
أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ
يعني ولا نظلم نصراني ولا نأذيه وفي نفس الوقت مينفعش نروح نرفع معاه الصليب ونحضر معاهم القداس في الكنائس و نحط الصليب جنب الهلال (رغم إن الهلال فعلا ملوش علاقة بالإسلام) و نقول أخواننا والكلام ده
ديننا إننا نعاملهم بالحسنى ولا نسيئ ولا نؤذي ولا نفرط في عقيدتنا أبداااا

بجد احييك على اسلوبك النتحضر الراقى و السهل و البسيط فى توصيل المعلومه و النصيحه
احسنت قولا و كلاما

[Col. Eng. Khaled]

وليه سيادتكم بتفترضوا ان رفع الصليب مخالف للعقيده
ماهو ده رمز عن المسيحيه وان احنا كمسلمين نؤمن بالله وكتبه ورسله نعلن احترامنا للديانه المسيحيه وان احنا ضد الارهاب اللي بيتخذ الدين ذريعه في بث الفتن بين شعب الامه الواحد
ركزوا ف كلامي يا جماعه الموضوع جد خطير

وتذكروا ان سيدنا محمد اتجوز ماريه القبطيه يعني من الاخر ما فيش اكتر من كده والحاشى لله لما سيدنا محمد تزوج السيده ماريه القبطيه كان يخطب ود النصارى ولكن ليوصل للامه معنى معين..

وفي الاخير انهي كلامي بقول الله سبحاه وتعالى{لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ

حضرتك فعلا مش عارف و لا دا سؤال إستنكاري ؟


الوضع في الحالتين كارثي ......... سواء السؤال للمعرفة أو للإستنكار

[goingonlovingu]

انا كمان شويه وهتحلوا دمي
ههههههههههه
انا حاسس كده

عموما واخيرا الدين لله والوطن للجميع وياريت ياريت يتقفل الكلام في الموضوع ده

[human]

وليه سيادتكم بتفترضوا ان رفع الصليب مخالف للعقيده
ماهو ده رمز عن المسيحيه وان احنا كمسلمين نؤمن بالله وكتبه ورسله نعلن احترامنا للديانه المسيحيه وان احنا ضد الارهاب اللي بيتخذ الدين ذريعه في بث الفتن بين شعب الامه الواحد
ركزوا ف كلامي يا جماعه الموضوع جد خطير

وتذكروا ان سيدنا محمد اتجوز ماريه القبطيه يعني من الاخر ما فيش اكتر من كده والحاشى لله لما سيدنا محمد تزوج السيده ماريه القبطيه كان يخطب ود النصارى ولكن ليوصل للامه معنى معين..

[/b]

طالما استشهدت بالرسول يبقى كمل
هل الرسول عليه الصلاة و السلام لبس الصليب حاشا الله؟ او ايده ؟؟ او حتى جاء على اى ذكر ؟

شوف السيناريو ده
انا و انت و الف نزلوا رافعين هلال مع صليب و بروفايل هلال و صليب و نزل سلالسل تعبر عن الهلال و الصليب
رويدا رويدا هتلاقى ناس معلقه يفط فى بيوتها فيها هلال و صليب
فيه ناس هيعجبها شكل الصليب و تعلقوا سلسله ميداليه او اى حاجه
مع الوقت الناس مش هتبقى فاهمه هيه معلقه الشعار ده ليه

فى الاخر هيبقى عندك ناس بدون علم ترفع شعار دينى مخالف لعقيدتهم و لكن لا يعلمون بسبب النيه الحسنه التى تنادى بها

فى الوقت اللى فيه الاخر عمره مارفع مصحف ولا اى هلال ولا اى حاجه تضامنا مع اى وضع و اللى بيقول حاربنا سوا ده وضع مختلف الحرب بسبب تهديد على الوطن مع طرف اخر غير اللى احنا فيه دلوقتى و الحرب دفاع عن وجوده و البلد اللى عايش فيها و ده مفهوم و ماينفعش تشكرهم عليه بس ينفع نشكر كل من رأى ان واجبه ان يزود عن الوطن

واضح؟

[أحمد علاء]

مين احد الفضلاء ده؟؟
الله اعلم هوه مين؟؟

بس كلام الناس المتشددين سواء هنا او هنا هوه السبب في اللي احنا فيه

نسينا كلام الله والرسول واتجهنا لاقوال(((احد الفضلاء)))

الوحده لازم نبقى بنيان مرصوص علشان ما فيش اي قوه خارجيه تزعزع الامن ما بنا
انتبهوا يا ناس

أحد الفضلاء الي قال الكلام ده هو الشيخ علي بن عبد الخالق القرني تعرفه؟ عموما هو احد الدعاة المشهورين في الحجاز ونحسبه على خير ولا نزكيه على الله ومثله من أهل السنة الكثير والكثير بفضل الله.

الشيخ مش بيتكلم كلام من عقله ولا على قياسه ولا هو من الساسة ولا هو يريد حظا من الحياة الدنيا وبيتكلم بقال الله وقال رسوله صلى الله عليه وسلم.
والمقطع المنقول هو جزء من محاضرة طويلة.. يبين في هذا الجزء وما يليه خطر تمييع الدين ومحاولة التنازل عن الثوابت وعوامل العزة إلى الإنبطاح والخنوع .
كلام الشيخ بيوضح ان النجاة والفلاح وحل المشاكل في التمسك بأوامر الله . محدش قال اننا نهاجم بعض ولا نعادي بعض لكن لا يجوز المساس بعقيدة المؤمن وده دور حرس الحدود الي لازم كل واحد فينا يكون له دور في حماية العقيدة وتصحيح المفاهيم لبني جلدته في ضوء ما تعلمه من الكتاب والسنة وليس من وجهة نظرة وتفكيرة وما يعقله.

كلام الناس المتشددين هو كلام من يتبعوا كل ناعق وبيتبعوا أهوائهم والعقيدة عندهم تباع وتشترى متشدد يعني بيألف وبيمشى بدون دليل زيه زي المتسيب ال 2 ربنا يهديهم.

[evram]

طيب ايه العيب ان مسلم يخش و يحضر مع مسيحي قداس ممكن اعرف و براحه

[Islam_galal]

انا كمان شويه وهتحلوا دمي
ههههههههههه
انا حاسس كده

عموما واخيرا الدين لله والوطن للجميع وياريت ياريت يتقفل الكلام في الموضوع ده

لو قريت الموضوع كله كنت حتلاقي إن كل المشاركين متفقين و إن أغلب النقاش كان مع الإخوة المسيحيين علي الرغم من أن الموضوع ده بيناقش شئ في الشريعه الإسلامية

مداخلاتك هي التي تعارض المجموعه و لا لسبب إلا لتصور شخصي ، يعني كل الفقه و العلم علي مدي العصور نرميه ورا ضهرنا و يبدأ كل واحد يشغل منطقه

لو تبحرت في علوم الفقه قليلا و ما أعمقها سيتغير منطقك لأن منطق كل منا مرهون بما يعلم و ما أوتينا من العلم إلا القليل

الحمد لله ، هدانا الله و إياكم

طيب ايه العيب ان مسلم يخش و يحضر مع مسيحي قداس ممكن اعرف و براحه

صديقي إفرام ده خروج عن الموضوع و ما أكثر من خرجوا عن الموضوع ، ممكن التساؤل ده في موضوع منفصل للحفاظ علي الغرض من الموضوع الأصلي

[goingonlovingu]

استاذ humanكلامك مليان بالعنصريه على سبيل المثال -الاخر -البلد اللي عايش فيها- تشكرهم ليه مصنفهم على اساس انهم ناس تانيه غيرك

يا جماعه افهمونييييييييييييييييييييي

التفرقه بين عناصر الامه على اساس حزبي او ديني او عقائدي ديه السوسه_عذرا_اللي بتنخر في بنيان اي شعب ف الدنيا زي ما السني بيكفر الشيعي والعكس كانت النتيجه ايه غزو العراق لتحقيق المساواه

المصيبه كبيره ولو ما اتوحدناش كشعب واحد اما الامم اخرتنا هتبقى زي البلاد التنانيه الي انهزمت بسبب خلافات طائفيه او مذهبيه او حتى حزبيه

ولاخر مره باقولها مش معنى اني بارفع شعار المسيحيه يبقى انا كده بغير ديني ده تعبير عن التضامن مش اكتر

[human]

طيب ايه العيب ان مسلم يخش و يحضر مع مسيحي قداس ممكن اعرف و براحه

ازيك يا افرام

بص ايه العيب انك تيجى تصلى معايا العيد و تركع , تسجد كما نفعل؟

انت عقيدتك انا ادافع عنك انك تأديها و تعبد الله كما تحب
بس مش شرط عشان ابقى بحبك و ابقى خايف عليك انى لازم احضر صلاتك

[evram]

ازيك يا افرام

بص ايه العيب انك تيجى تصلى معايا العيد و تركع كما نفعل؟

انت عقيدتك انا ادافع عنك انك تأديها و تعبد الله كما تحب
بس مش شرط عشان ابقى بحبك و ابقى خايف عليك انى لازم احضر صلاتك

لالالالالالالالالالالالالالالالالالالالالالالالالا لالالالا انت فهمتني غلط مش قصدي انك تيجي و تصلي زاي او اروح معاك و اركع في الجامع لا قصدي يعني لو جيت مثلا حضرت معيا عادي مش شرط تصلي معيا لا حضرت بس يبقي كده انت كفرت