لو رجع بيك الزمن هتغلط تاني وتختارها

[dr.amr]

لو رجع بيك الزمان تانى هتكتب اول رغبة طب ؟
ولا هتغير رايك مثلا وتكتب اسنان او صيدلة او هندسة
قول رايك بصراحة

قول اللي في قلبك كله وماتكتمش حاجه

[mada_76]

كنت هاكتب هندسة واتحصص ميكانيكا سيارات
بس برضه مجموعي مكانش هيدخلني

[احمد ابراهيم]

للاسف مجموعى مكانش يجيب الكليه اللى كنت عايزها

[Col. Eng. Khaled]

صدقني دخلت الكلية الفنية العسكرية غصب و إقتدار (على رأي اللمبي)

فرقت معايا 0.1 % = 0.5 درجة على كلية الهندسة سنة 80 ، سبحان الله دفعة 79 و 81 دخلوا هندسة بأقل من مجموعي سنة 80

[A7MED_PHARMA]

انا فضلت فيها 3 سنين
والحمد لله كنت بنجح برضووو ..بتقدير مبلووول
هههههههههههه

وحولت منها ...إتأخرت شوية أه
بس لحقت نفسي
تعرف
هما الأهل بيفرحوا بكلمة ""كلية الطب"" بعد ثانوية عامة..من غير مايعرفوا إنها مصيبة

ولله الأمر

[memohamada]

اكيد كنت هختار طب و اسيب صيدلة رغم ان كان بإمكانى دخول طب وانا الى رفضت, الاسباب كتيرة عندك مثلا
نظرة المجتمع للصيدلى اصبحت لا تساوى تعب الثانوية العامة و بهدلة الكلية 5 سنوات ( عالاقل) ، عكس طب لان خريجى طب لهم نظرة خاصة من المجتمع حتى لو كانوا عاطلين عن العمل

طبيعة مهنة الصيدلة صعب جدا التميز فيها الا بالخصومات و الهدايا للعملاء , عكس طب التميز يحتاج مهارة و حرفية من الطبيب لا ان يتنازل عن جزء من دخلة

مهنة الصيدلة مليئة بالدخلاء من كل مكان و يتحكم فيها صاحب رأس المال اى كان مجال عملة الاصلى فممكن ان تجد صيدلية صاحبها جزار او ميكانيكى مثلا مما تسبب فى سؤ سمعة الصيادلة عموما

حتى مجال عمل الصيادلة فى شركات الادوية اصبحت المنافسة فية بين الصيادلة و جميع خريجى كليات و معاهد مصر مع تفضيل شركات الادوية لاى خريج من اى كلية ماعدا الصيادلة !

نقابة الصيادلة فى نوم عميق و اتحدى ان يعرف اى شخص ( خارج مجال الطب) من هو نقيب الصيادلة , اما نقيب الاطباء د حمدى السيد فهو اشهر من نار على العلم

[AMA]

أنا دخلت حاسب الى نظم معلومات
كان نفسى أدخل أقتصاد و علوم سياسية و أنا صغير بس للأسف لما كبرت عرفت إنها مالهاش لزمة بالنسبالى (طبعا معظمكم عارف السبب ليه) لأنى كدة كدة هبقى عوطلجى و لما كبرت شوية قولت ياض ممكن تدخل هندسه ميكانيكا بس لقيت إنها فكرة عجيبه عندنا فى البيت و حسسونى أننا هدخل صنايع و أحبطونى جدا منها بعد كدة دخلت فى الثانوى أدبى و قولت طلاما أنا أدبى يبقى هدخل حربيه طبعا سقطت فيها و فى النهايه كان مجموعى فى الثانوى يضحك أساسا لدرجة أنى مش فاكرة ولا عايز أفتكره المهم يعنى سبحان الله أنا الوحيد إلى عندى أحساسين غير بعض خالص

مش ندمان على دخولى حاسب الى نظم معلومات ولا فرحان بيها
محدش يعرف يحلل شخصيتى أنا ليه كدة ؟؟؟

[AhMeD EzZ]

مش انت لوحدك الي نفسك تكون في مكان غير الي انت فيه
دي طبيعة الانسان دايما باصص للش مش في ايدة
انا مثلا لو رجع بيا الزمن هختار كلية تانية كليتي " تجارة " هختار كلية اصعب
لان الي انا فيها مسببالي وقت فراااااااااااااااااااااغ رهيب
و وقت الفراغ دة مفيش اصعب و اوحش منه

[A7MED_PHARMA]

اكيد كنت هختار طب و اسيب صيدلة رغم ان كان بإمكانى دخول طب وانا الى رفضت, الاسباب كتيرة عندك مثلا
نظرة المجتمع للصيدلى اصبحت لا تساوى تعب الثانوية العامة و بهدلة الكلية 5 سنوات ( عالاقل) ، عكس طب لان خريجى طب لهم نظرة خاصة من المجتمع حتى لو كانوا عاطلين عن العمل

طبيعة مهنة الصيدلة صعب جدا التميز فيها الا بالخصومات و الهدايا للعملاء , عكس طب التميز يحتاج مهارة و حرفية من الطبيب لا ان يتنازل عن جزء من دخلة

مهنة الصيدلة مليئة بالدخلاء من كل مكان و يتحكم فيها صاحب رأس المال اى كان مجال عملة الاصلى فممكن ان تجد صيدلية صاحبها جزار او ميكانيكى مثلا مما تسبب فى سؤ سمعة الصيادلة عموما

حتى مجال عمل الصيادلة فى شركات الادوية اصبحت المنافسة فية بين الصيادلة و جميع خريجى كليات و معاهد مصر مع تفضيل شركات الادوية لاى خريج من اى كلية ماعدا الصيادلة !

نقابة الصيادلة فى نوم عميق و اتحدى ان يعرف اى شخص ( خارج مجال الطب) من هو نقيب الصيادلة , اما نقيب الاطباء د حمدى السيد فهو اشهر من نار على العلم

كله أكل عيش
يعني
الطبيب أو الصيدلي
الإتنين بيتقال لهم يادكتور
بس الطبيب لازم يفضل يذاكر طوووول عمره
الصيدلي لأ
الطبيب لو أخد أجازة..دخله بيقف
الصيدلي لأ
الطبيب عنده عامل الريسك كبيررر
الصيدلي لأ
الطبيب بيتعب لحد مايعمل سمعة كويسة علشان يقدر يكون له دخل كويس
الصيدلي لأ
بيفتح الصيدلية...ويكبرها ..وبتشتغل

[Eng_Mostafa_89]

لو رجع بيا الزمن لاعدادى هندسة هختار اتخصص عمارة او مدنى
انما ميكانيكا لالالالالالالالالا
ولو رجع بيا الزمن لبعد الثانوية العامة كنت دخلت تجااااااااااااااااااااااااااااااااااااااارة كان زمانى متخرج وعايش حياتى بدل الفقر دة
جيت على الجرح يا دكترة
انا نازل كمان شوية عندى امتحان تحليل اجهادات :((((

[AhMeD EzZ]

لو رجع بيا الزمن لاعدادى هندسة هختار اتخصص عمارة او مدنى
انما ميكانيكا لالالالالالالالالا
ولو رجع بيا الزمن لبعد الثانوية العامة كنت دخلت تجااااااااااااااااااااااااااااااااااااااارة كان زمانى متخرج وعايش حياتى بدل الفقر دة
جيت على الجرح يا دكترة
انا نازل كمان شوية عندى امتحان تحليل اجهادات :((((

شوفلك حاجة غير تجارة
هتلاقي وقت فراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااغ رهيب
و مفيش حاجة اوحش من وقت الفراغ
اسال مجرب :(

[Eng_Mostafa_89]

مش احسن من هندسة اللى مبتلاقيش فيها وقت اساسا

[fadod]

مع فرق المكان اللي إنت ممكن تمارس فيه الطب..أنا فخور كوني دكتور ...دة الواحد نظرته بتتغير في إختياره لأكله وشربه ونظرته للتدخين ولأي حاجه ضاره ليه أو لصحته أو لصحه الناس اللي حوله وبيعالجهم .كفاية انك تقرب من جمال وإبداع الخالق لفهم خلقته ..واللي احنا لسة موصلناش لحاجه فيه ..أقولك حاجه روح اتفرج على عملية قلب مفتوح ..بلاش تساعد فيها أو تمسك مشرط . اتفرج على قلب انسان مفتوح و- بتغير له صمام والدم بتاع الجسم كله بيعدي في المكنه بتاعه ال- lung heart machine بص أنا عارف إن ممارسه الطب في مصر صعبه ومحبطه..كفاية قله وإنعدام إستخدام التكنولوجية من حيث الاشاعات والتطورات ديه بيخلي أعظم الدكاتره مايعرفش يشخص خالص ..بس لو بتكلم على الطب نفسه يا أمير ..أنا مش معاك

[AhMeD EzZ]

مش احسن من هندسة اللى مبتلاقيش فيها وقت اساسا

والله عندي افضل

[factorialx]

لو رجع بيا الزمن كنت عملت المستحيل و حولت هندسة إتصالات بدل مدني