لو رجع بيك الزمن هتغلط تاني وتختارها

[Eng_Mostafa_89]

والله عندي افضل

والله يا احمد بجد دراسة خرق الدم والضغط النفسي فيها كبير وطول الوقت مفيش راحة تخيل انا بمتحن من يوم 27/11 لغاية دلوقتى :((

مع فرق المكان اللي إنت ممكن تمارس فيه الطب..أنا فخور كوني دكتور ...دة الواحد نظرته بتتغير في إختياره لأكله وشربه ونظرته للتدخين ولأي حاجه ضاره ليه أو لصحته أو لصحه الناس اللي حوله وبيعالجهم .كفاية انك تقرب من جمال وإبداع الخالق لفهم خلقته ..واللي احنا لسة موصلناش لحاجه فيه ..أقولك حاجه روح اتفرج على عملية قلب مفتوح ..بلاش تساعد فيها أو تمسك مشرط . اتفرج على قلب انسان مفتوح و- بتغير له صمام والدم بتاع الجسم كله بيعدي في المكنه بتاعه ال- lung heart machine بص أنا عارف إن ممارسه الطب في مصر صعبه ومحبطه..كفاية قله وإنعدام إستخدام التكنولوجية من حيث الاشاعات والتطورات ديه بيخلي أعظم الدكاتره مايعرفش يشخص خالص ..بس لو بتكلم على الطب نفسه يا أمير ..أنا مش معاك

صعب جدا انا مبتسحملش المناظر دى ابدا
هتلاقينى نايم جنب المريض فى الحالة دى :)

لو رجع بيا الزمن كنت عملت المستحيل و حولت هندسة إتصالات بدل مدني

مدنى من اجمل واسهل الاقسام
خليك مع مدنى تكسب :)

[Mostafa.Ismail]

انا لو رجع بيا الزمن مكنتش كملت تعليم فى مدارسنا وكنت كملتو فى البلكونة بتاعتنا وسط معداتى الخاصة (اللى هيا عند ماما زبالة وانا مزبلها الشقة) والله انا زعلان على الوقت اللى عدى.

[organic_magic]

انا دخلت علوم وبعد مدخلت الكليه بشهر اكتشفت ان مجموعى يدخلنى المعهد العالي للتكنولوجيا ببنها وطبعا كان نفسي ادخله

بس الاهل بقا انت لازم تبقي كيميائي

(هندسه فرقت معايا علي نصف درجه)

بس نرجع ونقول الخيره فيما اختاره الله ادينى دخلت علوم وفي الاخر اشتغلت مهندس

[ahmed4000]

هههه يا دكتور قريت العنوان افتكرتك بتتكلم على المدام
ودخلت اجرى بسرعة علشان اكتب "ايوه يا فندم حختارها طبعا هو انا ليا غيرها" محدش يعرف يمكن الرقابة توصل للمنتدى كمان

[aly_hosny]

هو انا صحيح مش مرتاح في الكلية ولا القسم "الدكاترة مطلعين عينينا"
بس لو رجع بيا الزمن كنت هدخل هندسة و اتصالات برضو
هي يمكن الكان ممكن اغيره اروح هندسة تانية غير الجحيم ال انا فيه دا

[dr.amr]

انا فضلت فيها 3 سنين
والحمد لله كنت بنجح برضووو ..بتقدير مبلووول
هههههههههههه

وحولت منها ...إتأخرت شوية أه
بس لحقت نفسي
تعرف
هما الأهل بيفرحوا بكلمة ""كلية الطب"" بعد ثانوية عامة..من غير مايعرفوا إنها مصيبة

ولله الأمر

كله أكل عيش
يعني
الطبيب أو الصيدلي
الإتنين بيتقال لهم يادكتور
بس الطبيب لازم يفضل يذاكر طوووول عمره
الصيدلي لأ
الطبيب لو أخد أجازة..دخله بيقف
الصيدلي لأ
الطبيب عنده عامل الريسك كبيررر
الصيدلي لأ
الطبيب بيتعب لحد مايعمل سمعة كويسة علشان يقدر يكون له دخل كويس
الصيدلي لأ
بيفتح الصيدلية...ويكبرها ..وبتشتغل

انت جبت من الاخر يا فارما والله

هو ده قصدي

[ahmed_afifi]

السلام عليكم
فى البداية انا مش طبيب ولا عمرها كانت من طموحاتى قبل الثانوية العامة ولكن انا بعتبرها من اجمل الاعمال لان بفضل الله بتساعد فى تخفيف الام الناس واعتقد ان اى دكتور يكون فى قمة السعادة لما يشوف اثر ايجابى للعلاج على مريض وبنسى اي تعب شافه وكذلك اى عمل يرى اسره المباشر في اسعاد الناس وتخفيف اعبائهم

انا مجال دراستى وبحثى هو علوم الحاسب وقد اخترت مجال تحليل الصور الطبية لاواصل ابحاثى فيه وما اتمناه ان ارى التطبق الفعلى لهذه الابحاث

فى النهاية اسألكم الدعاء لان المناقشة النهائية لرسالة الدكتوراة الخاصة بي يوم الاثنين القادم

[KHALED AYMAN]

لو رجع الزمن
كنت هدخل جامعه خاصه من الى هى نص نص ..زى السلاب و الدلتا و النيل ...اسهل من الى انا فيه بكتيييييييير وكلو بينجح ...بلا اداب بلا زفت

[eldell]

كنت دخلت حقوق علشان بجد تعرف تتعامل مع الى بالى بالكم

[thedeveloper87]

أما أنا بقى لو رجع بيا الزمن

فكنت اخترت إن ما جبش مازدا:d:d:d:d

[dr.amr]

أما أنا بقى لو رجع بيا الزمن

فكنت اخترت إن ما جبش مازدا:d:d:d:d

بتتكلم عن ال rx

ولا عن ال 323

شكلك بتغيظني

[MASERATI]

السلام عليكم و رحمة الله و بركاته

أنا بأه كنت جايب مجموع يدخلنى كووووووووووووول الكليات اللى فى مصر و يمكن فى شمال أفريقيا و طبعا, غلطت الغلطة المعهودة اللى كتير من الناس بتقع فيها و دخلت طب و أنا دى مش ميولى خالص لأنى لعبى و مش بتاع مذاكرة و بالتالى كانت فعلا أسوأ أيام حياتى و أنا فى الكلية , كانت كابوس و كانت فعلا الحياة مالهاش طعم عندى خالص و كنت حاسس بالحسرة و الغم عالطول طوال ال6 سنين لأنى كان نفسى أخش هندسة مدنى لأنى بحبها أوى , بس والدى -الله يرحمه- اللى هو كان أستاذ فى هندسة, ماوافقش على أساس أن المتخرجين الجداد مابيلاقوش شغل و كده .

الحاجة التانية اللى بقولها لأى حد فى جامعة مصرية و اوعى تعتقد أن نهاية المطاف أنك تتخرج من الجامعة دى و لا حتى أنك تاخد ماجستير و لا دكتوراة منها , لأن بكووووووووووووول بساطة, الجامعات اللى عندنا دى , الشهادات بتاعتها ماتسواش حتى بوستر لأغنية جديدة لنانسى عجرم.

و أى حد معاه امكانيات مادية و مرتاح و الأمور مبشبشة معاه, ياريت يشوف جامعة أجنبية -مش جامعة خاصة و السلام زى السلاب و الدلتا و 6 أكتوبر و الكلام ده- من الجامعات اللى فى مصر يتعلم فيها, عندك الفرنسية و البريطانية و الكندية و الألمانية و الروسية, يعنى أنا فيه واحد صاحبى أخوه الصغير لسه مخلص ثانوية عامة السنة اللى فاتت و قدم فى كلية الصيدلة بتاع جامعة الأهرام الكندية , يا سلااااااااااااااااام , لما تبقى متخرج من كلية الصيدلة بتاع الجامعة الكندية و لا الألمانية و شهادتك معترف بيها فى جميع أنحاء العالم, أنتوا عارفين الصيدلى بيعمل كام فى كندا فى السنة , من 60-80 ألف دولار فى السنة و ده مابيعبرش أمله هناك و لا حاجة, باشا و الله العظيم .

[dramir1]

انا معاك ان مذاكرة الطب صعبه وان احنا اتحملنا كتير اوي اثناء الكليه واثناء الماجستير وادينا مطحونين في تحضير الدكتوراه ولكن الناتج النهائي بانك تبقى دكتور شاطريساوي كتييير ..
وانا في رأيي ان اللي يدخل كلية الطب ميفكرش في الربح السريع ولكن هو زي اللي معاه حبوب قمح ممكن يطحنه وياكله في يوم ولكن لو صبر ممكن يزرعه ويطلعله محصول يكفيه سنين....
والارزاق بتاعة ربنا يعني مثلا لو مكتوبلي اخد 1000 جنيه في الشهر هاخدهم في الصيدله او في الطب وبالتالي لو انت بتحب مهنة الطب وتخفيف الام الناس يبقى توكل على الله وربنا هايكرمك ويديك اللي نفسك فيه.

[thedeveloper87]

بتتكلم عن ال rx

ولا عن ال 323

شكلك بتغيظني

ال rx 8 معايا في need for speed ، ممكن أغيرها في أي وقت
طبعا أنا قصدي المازدا ال 323

[arch_msaid]

فنون جميلة قسم عمارة هى أحسن الطرق وأسهلها للوصول للقب مهندس الشغل فى كلية زى فنون جميلة حاجة ممتعة كانت اجمل أيام وطبعا العمارة انا اعتقد إنها العمود الفقرى لأى حضارة عظيمة وانا فخور ودايما بحمد ربنا على النعمة ديه