لو رجع بيك الزمن هتغلط تاني وتختارها

[Xander2010_Evo]

انا دخلت علوم وبعد مدخلت الكليه بشهر اكتشفت ان مجموعى يدخلنى المعهد العالي للتكنولوجيا ببنها وطبعا كان نفسي ادخله

بس الاهل بقا انت لازم تبقي كيميائي

(هندسه فرقت معايا علي نصف درجه)

بس نرجع ونقول الخيره فيما اختاره الله ادينى دخلت علوم وفي الاخر اشتغلت مهندس

حاااااااااااابيبي زميلي ف مجالي تشرفت بمعرفت حضرتك

هههه يا دكتور قريت العنوان افتكرتك بتتكلم على المدام
ودخلت اجرى بسرعة علشان اكتب "ايوه يا فندم حختارها طبعا هو انا ليا غيرها" محدش يعرف يمكن الرقابة توصل للمنتدى كمان

وأنا والله جه ف دماغي نفس إللي جه ف دماغ حضرتك

كنت دخلت حقوق علشان بجد تعرف تتعامل مع الى بالى بالكم

أيوووون هوا ده المطلووووووب

والله ياجماعة الإختيار ده مش بإيدينا
ده بإيد الحكومة وبإيد ربنا فالأول طبعآ
أنا جبت فثانوي 94.6% وكنت علمي علوم وكان نفسي أدخل صيدلة
بس حسيت فيه ظلم في درجاتي وعملت إعادة تصحيح فالعربي والعك ده
وطلع ليا 6 درجات وعيشوني فالوهم ومأخدتش حاجة ولا المجموع زاد
مجموعي يدخلني كان طب بيطري بس قرفت منها الصراحة
الكلية ريحتها وحشة
فدخلت علوم كيميا والحمد لله نزلت ف أول سنة لأني كنت أبيض
وآديني الحمد لله دلوقتي ف 4 علوم كيمياء
وإدعوللي ربنا يعدي الترم إللي فاضل ده علي خير

[Xander2010_Evo]

الحاجة الوحيدة إللي محيراني
أنا مش عارف الناس لما بتيجي تندهلي
يا دكتوور يا بشمهندس ماتثبتلكم علي حاجة
وأنا ولا محصل دي ولا دي :))

[medo_2060]

لو رجع بيا الزمن كنت عملت المستحيل و حولت هندسة إتصالات بدل مدني

ههههههههههههههههههههههههههههههههههههههه
والله موتنى من الضحك دا كل الاتصالاتجيه عايزين يحولوا مدنى..ياريت الزمن يرجع والله كنا بدلنا مع بعض

[icehearted girl]

لو دلوقتي ولو بعد مليون سنة كنت هندم..ولا تزيدني الايام سوي كرها في الطب ونفورا منه

وللاسف ورق الرغبات دي اساسا مشفتهوش تقريبا

الحمدلله عند رأيي ولو مر مليون سنة برده كنت هكتب إعلام

اعتقد بعد معاناة والدتي معايا هي اللي تتسأل السؤال دا..ومتهيألي انا كرهتها في الكلية بما فيه الكفاية انها كانت هتشجعني ادخل اعلام وقتها

اييييييييييييي دونيااااااااااااا...قلبتوا علواحد المواجع

[wael17]

انا معاك ان مذاكرة الطب صعبه وان احنا اتحملنا كتير اوي اثناء الكليه واثناء الماجستير وادينا مطحونين في تحضير الدكتوراه ولكن الناتج النهائي بانك تبقى دكتور شاطريساوي كتييير ..
وانا في رأيي ان اللي يدخل كلية الطب ميفكرش في الربح السريع ولكن هو زي اللي معاه حبوب قمح ممكن يطحنه وياكله في يوم ولكن لو صبر ممكن يزرعه ويطلعله محصول يكفيه سنين....
والارزاق بتاعة ربنا يعني مثلا لو مكتوبلي اخد 1000 جنيه في الشهر هاخدهم في الصيدله او في الطب وبالتالي لو انت بتحب مهنة الطب وتخفيف الام الناس يبقى توكل على الله وربنا هايكرمك ويديك اللي نفسك فيه.

معاك حق...مشوار الطب عايز نفس طوييييل و عايز واحد مستريح شوية ماديا مش مستعجل علي الفلوس و لازم يكون عنده استعداد يفضل يذاكر طول عمره و يدخل امتحانات حتي بعد ولاده ما يكبروا و يدخلوا المدرسة و يشوفوه و هو قاعد يذاكر زيه زيهم
انا متخرج من كلية الطب من 9 سنين و أثناء الدراسة في الكلية و بعدها كنت ساعات كتير العن اليوم اللي دخلتها فيه خصوصا في سنة ستة لما كنت لسه طالب باخد مصروف و زمايلي في تجارة و هندسة بيشتغلوا و يقبضوا مرتب
بس مع مرور الوقت و السنين و خصوصا الفترة الصعبة في الأول بتبدأ واحدة واحدة تجني ثمار التعب و ده في صورتين...اولا صورة مادية ثانيا صورة معنوية لما بتقدر تعالج عيان و تخفف ألمه و يدعيلك
و رغم كده لما أنظر لبنتي و ابني و افكر في مستقبلهم باشفق عليهم من المشوار الصعب ده و أقول يا ريت ياخدوا اي سكة تانية اسهل و اقصر شوية

[dr.hazem]

بص على توقيعي يادكتره

انا كنت بدرس صيدله في الاردن معزز مكرم وكنت بحبها جدا

ولو لا ان ربنا اختارلي الطب هنا مكنتش دخلته!!!

اهم حاجه ترضى بصلاة الاستخاره ونتايجها
واديني خلصت النهارده اخر امتحانات
ياااااااااااااااااااااااه

الله يرحم ايام الشقا....

الحمد لله على كل حال

تحياتي

[icehearted girl]

ايه دا يدكتور...قصر عيني؟؟؟

كان نفسي احضر حفلتكم النهاردة...بس زوغت ملشغل ومستخبية ف بيتنا

[AmrStYliSh]

والله انا شايف من طب لصيدلة يا قلبى لاتحزن كله مالوش لازمة فى مصر والدليل المرتبات اللى الحكومة بتديهالنا ومحدش يقول دى مرتبات حكومية لان فيه جهات كتير مرتباتها اعلى مننا بكتير ......لكن زى ما قال الزملاء للاسف ضغط الاهالى بقى هو كان المحرك الرئيسى ايام ثانوى.....انا عن نفسى كان نفسى فى الطيران المدنى بس للاسف نظرى ماكنش 6/6 و بعد الطيران كله كان عندى برتقال وبصراحة لانى ماليش خلق افضل اذاكر طول عمرى اخترت صيدلة بس اللى انا متاكد منه طب صيدلة اسنان كله برتقال فى مصر..

[icehearted girl]

ايه كمية التفاؤل دي

حد هنا ساكن ف دور عالي؟؟؟


استلف بلكونته...لحسن احنا دور تاني ومعتقدش هيحصل لي حاجة لو نطيت O_o

[A7MED_PHARMA]

لو رجع الزمن
كنت هدخل جامعه خاصه من الى هى نص نص ..زى السلاب و الدلتا و النيل ...اسهل من الى انا فيه بكتيييييييير وكلو بينجح ...بلا اداب بلا زفت

علشان تغش براحتك يالئيم

[dr.hazem]

ايه دا يدكتور...قصر عيني؟؟؟

كان نفسي احضر حفلتكم النهاردة...بس زوغت ملشغل ومستخبية ف بيتنا

اها يا دكتوره جصر عيني بعينه!!!

ههههههههههههههههههههه
الحفله النهارده كانت حفلة الوافدين ولحد دلوقتي الوافدين عاملين هيلمان في جراند كافيه
ههههههههههههههه
وبما اني وافد ومصري فنفس الوقت فكان لازم اشاركهم شويه واخلي شوية للحفله الكبيره يوم 26 بعد بكره ان شاء الله

اظن حضرتك سمعتي عن فكرة التيشيرتات
وفكرة اننا اول دفعه مش عايزين نكسر قلل والحركات دي
هههههههههههههههههههههههه

دفعه عجب
بالنسبالي...
انا محتفلتش بحاجه ومش حاسس بحاجه وتقريبا فقدت الاحساس من اساسه
وحسيت النهارده اني واقف وسط ناس معرفهاش
وعمالي اجيب واودي بفلاش باك
وازاي هودع ناس كتيره من اصحابي وياعالم هشوفهم تاني ولا لأ

الوداع صعب فعلا
ولذلك فضلت اني انسحب بهدوء ومشيت من غير محد ياخد باله وبجد مش مصدق اني خلصت ولازلت حاسس اني واخد البريك وقاعد على نايل واني لازم اقوم كمان شويه اشوف ورايا ايه
ههههههههههههههههههه
يلا الحمد لله اننا خلصنا المرحلة دي ونبتدي نجهز لمرحله اكبر واعنف وربنا يعيننا عالطب ومشواره وهمه

تحياتي

[dr.hazem]

اللي غايظني
اخويا الصغير
اللي الله يسامحه قعدت اتحايل عليه ميدخلش للجحيم برجليه
ويقولي انا بحب الطب
يبني سيبك من الاوهام حرام عليك متبص عليا وشوف
يقولي برضو عاجبني
اهو بيلطم دلوقتي
طب منا قلتلك من الاول كان مالك ومال الكليه دي
عجب

واهو فسنه تالته وربنا يخرجه منها على خير

[AMA]

مقولة دايما بحب أفتكرها رغم أنى فى كلامى مبحبش أقول المقولات دى
لو علمتم الغيب لأخترتم الواقع
ممكن لو عايز تدخل هندسه و جاتلك تجارة بعد ماتخلص هندسه مثلا و ماسك فى أيدك البكارليوس تلاقى البوابه بتاعة الكليه وقعت فوق دماغك عادى دا مثال بسيط يعنى فالحمد لله على كل شئ و زى ماقولت أنا مش فرحان بالمجال بتاعى (نظم معلومات) ولا زعلان برضه منه مش عارف دا أحباط من الدنيا ولا تنفيض دماغ لأن أحنا فى بلد عمتا إلى بيتعب فيها تقديره أقل بكتير من إلى مش بيتعب بس كان له معارف سواء بقى طلع عمل كليب ولا طلع رقص و لو حد قالى دول ناس مش محترمة هقولة ماهو المحترم إلى معاه معارف بيشتغل مدير إدارة مره واحدة فالعمليه كلها وااااااااااااااااااااااااحد و صباح الفل و منجيلكمش فى تعاسه أبدا

[icehearted girl]

ربنا يخرجه منها بخير

فكرة التيشرتات دي كنا اول دفعة نعملها بس طلعت فكسانة جدا

ومحدش جاب قلل ساعتها كلنا جبنا ازيارررررررررر...دي اقل حاجة

ساعتها برده انا كنت حسة بازبهلال متفتح الجوانب مشرئب في الأنا العليا....

وحسيت اني تيهة ومش مدركة اني خلاص ربنا كتبلي الافراج.. وكان علي وشي ضباب وغيوم..بس الفرحة اللي كانت بجد ساعة النتيجة عملت ساعتها الحفلة اللي بجد

0------------وبالنسبة لدفعتكم انا كنت متخيلاهم هيعملوا صوان ويجيبوا عمر خيرت معرفش ليه..

[dr.hazem]

ربنا يخرجه منها بخير

فكرة التيشرتات دي كنا اول دفعة نعملها بس طلعت فكسانة جدا

ومحدش جاب قلل ساعتها كلنا جبنا ازيارررررررررر...دي اقل حاجة

ساعتها برده انا كنت حسة بازبهلال متفتح الجوانب مشرئب في الأنا العليا....

وحسيت اني تيهة ومش مدركة اني خلاص ربنا كتبلي الافراج.. وكان علي وشي ضباب وغيوم..بس الفرحة اللي كانت بجد ساعة النتيجة عملت ساعتها الحفلة اللي بجد

0------------وبالنسبة لدفعتكم انا كنت متخيلاهم هيعملوا صوان ويجيبوا عمر خيرت معرفش ليه..

هههههههههههههههههههههههههههههههههههههه
عمر خيرت !!!

انا مش عارف هيا دفعتنا فعلا مميزة ولا ده كلام بيتقال لكل الدفعات
لكن كل الدكاتره بتجمع اننا عانينا كتير بسبب اللائحة اللعينه الجديده اللي اتطبقت علينا بحذافيرها

انا عن نفسي مبحبش احتفل الا بالكلام الجد
ايه الفايده الواحد خلص الامتحانات وبعدين يعني؟؟!!

انا عايز النتيييييييييييييييييييييييجه
دنا رحت سألت عليها اول اما خلصت امتحان النهارده
هههههههههههههههه
قالولي الاسبوع الجاي
معرفش ده مظبوط ولا لأ ورحت اسأل على الامتياز في شئون الاطباء واشوف ازاي طلع عليا تربية زفت عسكريه وانا معرفش ورحت رايح على ادارة التربية العسكريه اشوف ايه الموضوع
يعني ولا الهوا الناس فرحانه وانا بقول منتو مش واخدين بالكم من اللي بيحصل
وبقيت واقف الناس بتسلم وتبارك لبعض
فرحانين بايه مش عارف
انا مش هفرح الا اما اشوف الشهاده ولا النتيجه ولا كشف العلامات اللي هيدهولنا ده

ربنا يتتمها للجميع على خير ان شاء الله

اديني دلوقتي قاعد مش لاقي حاجه اعملها