نداء استغاثة

[SS]

سبحان الله بدون فهم كالعادة نخش نقول اي كلام وخلاص
ومين قال لسعادتك اني بحملها سفالة بعض الاطباء
ومين قال لسعادتك اني اقر مبدا التعدي على اي طبيب لاي سبب
لو قريت اول مشاركة ليا في الموضوع ده هتعرف انها مش متوجه ليها بالاساس
كانت متوجه لعضو بيستنكر ان فيه ناس عاديين مش بلطجية ولا جيبنا سيرة القصر العيني بيعاملو الاطباء بسفالة وقلة ادب وكان ردي عليه باللي ذكرتة على بعض الاطباء
وده خلا الدكتورة تدخل توجهلي كلام بدون ما اقر افعال البطجية معاهم في القصر
وكالعادة انت اول ما دخلت اول مشاركة خبطت فيها داخل توجهلي كلمتين وتقولني حاجات محصلتش وخلاص

للأسف قرأت الموضوع ...و من قابل ما سعادتك تشارك مشاركاتك القيمة فيه اللى ملهاش داعى من اساسه

ناس بتتكلم ع المشاكل او المصايب اللى بتحصل فى القصر العينى ....و سعادتك ببتكلم ع التار البايت مع الاطباء

و حتى لو كلامك صح .....فده مش وقته....يعنى هى بتقول ناس بتدخل ع الدكاترة بسلاح و ما فيش امن ....و الاستاذ هشام

علق ع ان الظاهرة ديه لم تعد مقتصرة ع فئة معينة او ع البلطجية.....الناس العادية بقيت بتعمل كده عادى...و اكيد مفهوم ضمنياً

انه لم ضرب لك مثل بقريبته ....ان قصده ان المواقف ديه بتحصل بدون داعى و مع دكاترة كويسة....بعد كل ده

حضرتك مصر ع التبرير بأنه سببه سفالة او بلاش سفالة خليها القصور لدى بعض الاطباء...و اعتقد جو الموضوع وسببه مش مناسب

لردك مع كامل الاحترام ليه

و نتيجة لردك حضرتك...كان طبيعى انها تستفز و ترد عليك و تدافع نفسها و الموقف اللى هى فيه ...و اللى حضرتك اعتبرته

انها دفاع منها عن المقصرين من ابناء مهنتها....و ده واضح من ردك.....عشان ما ابقاش قولت حاجة انت ما قولتهاش

السفالة لما اعرف حد راح يكشف في مستشفى حكومى والدكتور يقولة تعالالي العيادة بالليل وانا هعملك اللازم وافضيلك سرير عشان تعمل عملية
ومسلسل السفالة كبير جدا لو تحبي اكملك
وبعدين انا لا بدافع عن البلطجية اللي خلو سيادتك تشيلي الهلال من على العربية
ولا برضة حضرتك تاخدي لواء الدفاع عن الاطباء لمجرد انهم اطباء من غير ما تفرزي اللي عندهم ضمير من معدومي الضمير

انا معرفكش شخصياً و لا بينى و بينك حاجة ....و يجوز اكون احتديت و اتكلمت بشكل هجومى شوية

نظراً لأنى بقيت شايف الاتجاه لألتماس العذر....مش هاقول التبرير....لأفعال خطأ ....بالكبت اللى عند الناس من قبل كده

و ده شىء انا شايف انه مصيبة

و يجوز اكون خدت كلامك على محمل تانى ....او انى بدون فهم داخل اقول اى كلام و خلاص

بس ما اعتقدش انى انا الوحيد اللى فهمت غلط....علشان مش من المنطقى ان الدكتورة و الاستاذ هشام كمان فهموا غلط

الا لو كان كان كلامك يوحى فعلياً بكده

و بغض النظر عن ده كله ....ده ما يديكش الحق ان تغلط و تقول كلام من نوعية ( بدون فهم كالعادة نخش نقول اي كلام وخلاص ، اول ما دخلت اول مشاركة خبطت فيها ، داخل توجهلي كلمتين وتقولني حاجات محصلتش وخلاص)

اللى هو غير مقبول تماماً

و خاصة انى حتى لو احتديت فى كلامى ..فبرده لم يصدر منى اى تجاوز تجاهك ...

انا مش هرد عليك بنفس اسلوبك ....مش عشان مش قادر بالعكس ...بس علشان انا ع يقين انى مفيش اى فايدة هتعود

عليه او ع اى حد ....لو فضلنا نغلط فى بعض.....و ان المكان الامثل لهذا النوع من الحورات يبقى وش لوش ...مش من ورا الكيبورد

و يا باشا حقك عليا و انا فعلاً ما بفهمش و داخل ارمى كلمتين و خلاص

تقبل تحياتى يا سيدى الفاضل واسفى اذا كنت تجاوزت معاك فى الحوار

[dr-mohamed]

هوا الطبيب يقدر يمتنع عن العمل يادكتورة؟؟
يعني تقدري مثلا حد يجيلك مصاب ..سواء في الثورة أو في غيرها ..والطبيب يمتنع عن علاجه؟؟؟
لأي سبب كان

اذا عرف السبب بطل العجبيا فارما وشوف رد ايس وانت تعرف ان عندهم حق تماما
وانت راجل لو دخل عليك عشر عيال بسنج ومطاوي هاتبقي مبسوط وتعرف تدي الناس اللي واقفة الدوا ؟؟؟؟؟؟؟؟؟

ولمزيد من الاستفاضة هفهم حضراتكم الوضع ايه..

يمكن نقلت لحضراتكم صورة من اللي كان بيحصل في استقبال القصر العيني ايام الثورة والخطر اللي كنا بنشوفه ونتعرضله لحين هجوم بلطجية علمكان وكنا بنستحمل ونشتغل..عشان فعلا الوضع غير محتمل..مكنش حد مننا بيكون مستأمن نفسه لا وهو جي ولا وهو مروح ولا وهو بيشتغل

المصيبة والطامة الكبري...غياب الامن تماما عن المكان..فاهمين يعني ايه؟؟؟

بقالنا حوالي 6 ايام بنتعرض لكافة انواع البلطجة في المستشفي بالليل

كل من هب ودب يتخانق ويشتم ويضرب وحنا لا حول لنا ولا قوة

هو احنا مش ولاد ناس..وحقنا نتعامل مش هقول باحترام..لكن هقول ب أمان؟؟؟

غياب الامن تممااما عن المكان حوله لمكان فوضوي...يوميا بنتعرض لبلجة بالسكاكين والمطاوي والضرب

من 3 ايام شفت بعيني حاجات لو بس اهلي سمعوا عنها مش هيترددوا لحظة انهم ينزلوني الشغل تاني...لو اي حد منكم عرف ان بنته فلطوارئ بيترفع عليها مطوة ولما تتصل بالامن يقولها هنعملك ايه مع نفسك..هتعرفوا انا قصدي ايه

لما تشوفوا بعنيكم عشر بلطجية دخلين يجروا ورانا بسيوف ومطاوي عشان قالوا اتنين بس يدخلوا مع المريض هتعرفوا يعني ايه

وكل مطالبنا هي تواجد امني عشان نشتغل

اتصلنا بالجيش قالنا كل اللي نقدر عليه نعدي عليكم كل ساعتين

كل مطالبنا امن ف القصر العيني وزمايلنا ف ابو الريش ومستشفي الباطنة

شايفين دا كتير...؟؟؟

للاسف العميدة سايبانا نخبط دماغنا ف اكبر حيط...ومتجاهلة طلبنا تماما فقررنا الاعتصام...وفعلا مضايقين جدا انا لجأنا للخطوة دي لكن ما باليد حيلة

وصلت ان مدير مستشفي الطوارئ قلنا هسمحلكم تحملوا اسلحة وتحموا نفسكم باديكم ونا هحميكم قانونيا

تفتكروا مكان مديره بيقولي كدا هآمن فيه علي نفسي؟؟؟

حتي النواب والمدرسين كتبوا استقالة جماعية وقدموها النهاردة

متستهونوش بالموضوع الله يكرمكم

للاسف انا عارف المشكلة من كام يوم بس خايف اتكلم يقولوا الحق عدو الثورة بيشوه صورة الثورة ماهي بقت تهمة جاهزة

وللى مشعارفين علشان محدشيعمل بطل علي القاضي
اختنا ايس في وسط ايام المظاهرات والقتل والاصابات كانت واقفة في المستشفي وهي لسة بنت صغيرة بتعالج وتساعد وناس كتيرة من اللى بتتكلم دلوقت وبتهاجمها هي وزمايلها كانوا نايمين في بيتهم تحت اللحاف وبيتكلموا عن البطولة والشجاعة
البطولة والشجاعة انك تشتغل في ظروف غير ادمية وتحاول تنقذ حياة مريض او مصاب بدون ما تسئل هو من الشرطة ولا المتظاهرين ولا البلطجية ولا المعتدي عليهم من البلطجية
البطولة والشجاعة انك تروح شغلك وانت عارف انك ممكن مترجعش منه حي او سليم
البطولة والشجاعة انك تفضل تؤدي شغلك في وسط هذه الظروف من غير ما تشتكي غير لما الكيل يطفح
البطولة والشجاعة انك تقف تعالج مصابوشوية صيع وبلطجية رافعين عليك السيوف
البطولة والشجاعة انك تمارس عملك وسط كل الاجواء دي ومتقولش لا وانت شايف شوية مستغلين بيعملوا مظاهرات علشان مرتباتهم تزيد
محدش يزايد على حد والف شكر لاطباء القصر العيني وكل الاطباء اللى بيمارسوا مهنة الطب بما يرضي الله وسط هذه الظروف الكريهة

مرتبات ايه يفندم بس وكادر ايه حضرتك اقرأ مشاركتي الصفحة اللي فاتت
انا مليش دعوة بدستور او غيره
انا نقلت لحضراتكم صورة واقعية بنعاني منها حاليا انا وزمايلي
انا نازلة كمان ساعة الشيفت ومعايا شومة وسكينة عشان اعرف اقعد

نفسي الناس تقرا الموضوع والمشاركات اللى فيه قبل ما ترد

يا جماعة البلطجة بقت فى كل مكان بجد و الناس المنحرفة للاسف مستغلية الموضوع دة بمنتهى قلة الادب دة حتى موظفين البنوك الناس بتشتمهم طب لية هو عملك حاجة و لا دة تنفيث و كبت غضب و للاسف بيطلع غضبة على ناس مالهاش ذنب . أبسطها واحدة ست و شكلها محترم بتدفع فاتورة النت الولد الكمبيوتر شغال ببطىء الست مسحت بية البلاط و الولد بصراحة غلبان و مؤدب جدا و مش عارف يرد الناس مسكت الست و غسلتها و أنا قولتلها عيب يا مدام الولد شغال مش قاعد بيرقص و يلعب بس العملية بقت فوضى فى كل مكان بجد

خلاص يا هشام بيه الطبيعي دلوقت انك تعمل مظاهرة لاي سبب يعني بتوع البنوك يعملوا مظاهرات ويوقفوا البلد علشان واحد بياخد 8 الاف وزميله 38 الف وعايز يزيد زي زميله
والناس تقول التحقيقات متعطلة
ماهي متعطلة لان فيه حسابات في البنوك لازم جهات التحقيق تعرفها والبهوات قافلين البنوك
والست دي مين عارف ممكن تكون عايشة على الفلوس اللى بتاخدها من البنك والبهوات كانوا قافلين علشان مرتبتاهم تزيد بالطريقة المستفزة دي وهي مستنية تاخد الكام جنيه اللى بتاخدهم من البنك علشان تعيش بيهم

ربنا يكون في عونك يا آيس
لسه صديقتي في القصر العيني الفرنساوي بتقولي ان الحرس
بتاع المستشفى منسحب من يوم 28
عايزه حد يفهمني الحرس بتاع اي مستشفى ايه علاقته بالمظاهرات؟
ايه المقصود من الإنسحاب من اماكن حيويه زي دي؟
وليه مارجعش لغاية دلوقتي؟
ومين البلطجيه اللي بتهاجم المستشفى وهدفها ايه
العلاج بالأمر ولا سرقة الأجهزه ولا ده مجرد ترويع؟

امن المستشفي يا سارة لو وقف في الظروف دي امام بلطجية بسيوف يبقي هيدخل هو كمان المستشفي مصاب او قتيل وعلشان كدة مش عايزين يشتغلوا
والجيش لا يمكن يحط ادام كل مستشفي دبابة
والبلطجية دول اهل البلطجية اللى بيتخانقوا كل يوم على حاجة او بيقطعوا الطريق ويصابوا وبيتظاهروا علشان المفروض كل دكاترة المستشفي تسيب المرضي اللى في اديها وتيجي تشوف اسم النبي حارسه البلطجي بتاعهم

[icehearted girl]

Login | Facebook

[sara2001]

وللى مشعارفين علشان محدشيعمل بطل علي القاضي
اختنا ايس في وسط ايام المظاهرات والقتل والاصابات كانت واقفة في المستشفي وهي لسة بنت صغيرة بتعالج وتساعد وناس كتيرة من اللى بتتكلم دلوقت وبتهاجمها هي وزمايلها كانوا نايمين في بيتهم تحت اللحاف وبيتكلموا عن البطولة والشجاعة
البطولة والشجاعة انك تشتغل في ظروف غير ادمية وتحاول تنقذ حياة مريض او مصاب بدون ما تسئل هو من الشرطة ولا المتظاهرين ولا البلطجية ولا المعتدي عليهم من البلطجية
البطولة والشجاعة انك تروح شغلك وانت عارف انك ممكن مترجعش منه حي او سليم
البطولة والشجاعة انك تفضل تؤدي شغلك في وسط هذه الظروف من غير ما تشتكي غير لما الكيل يطفح
البطولة والشجاعة انك تقف تعالج مصابوشوية صيع وبلطجية رافعين عليك السيوف
البطولة والشجاعة انك تمارس عملك وسط كل الاجواء دي ومتقولش لا وانت شايف شوية مستغلين بيعملوا مظاهرات علشان مرتباتهم تزيد
محدش يزايد على حد والف شكر لاطباء القصر العيني وكل الاطباء اللى بيمارسوا مهنة الطب بما يرضي الله وسط هذه الظروف الكريهة

+1111111111111111

امن المستشفي يا سارة لو وقف في الظروف دي امام بلطجية بسيوف يبقي هيدخل هو كمان المستشفي مصاب او قتيل وعلشان كدة مش عايزين يشتغلوا
والجيش لا يمكن يحط ادام كل مستشفي دبابة
والبلطجية دول اهل البلطجية اللى بيتخانقوا كل يوم على حاجة او بيقطعوا الطريق ويصابوا وبيتظاهروا علشان المفروض كل دكاترة المستشفي تسيب المرضي اللى في اديها وتيجي تشوف اسم النبي حارسه البلطجي بتاعهم

الحرس بتاع القصر الفرنساوي لسه مارجعش لغاية دلوقتي من بعد الإنسحاب
وده شيء مش مفهوم
وفجأه نص المجتمع بقى بلطجيه وماشيين بأسلحه
دول اكيد اللي هربوا من السجون
او المأجورين بتوع الحزب ورجال الأعمال
ما قبل الثوره ولا كان بيبقى في شرطه بصفه دوريه في الشارع ولا حاجه
وعمرنا ما سمعنا عن انتشار للبلطجيه بالمنظر ده

[dr-mohamed]

الحرس بتاع القصر الفرنساوي لسه مارجعش لغاية دلوقتي من بعد الإنسحاب
وده شيء مش مفهوم
وفجأه نص المجتمع بقى بلطجيه وماشيين بأسلحه
دول اكيد اللي هربوا من السجون
او المأجورين بتوع الحزب ورجال الأعمال
ما قبل الثوره ولا كان بيبقى في شرطه بصفه دوريه في الشارع ولا حاجه
وعمرنا ما سمعنا عن انتشار للبلطجيه بالمنظر ده

امن المستشفي هما كمان خايفين على حياتهم سواء التابعين للجامعة او للشرطة وتاكدي لو الشرطة وقفت للبلطجية هاتتقتل فورا
يمكن البلطجية مش بيقتلوا الدكاترة علشان عارفين انهم محتاجينهم انما تعاملهم مع الشرطة هايبقي بالقتل وبس
ودول مش بتوع حزب وطني ولا رجال اعمال مفيش من ده دلوقت
الموجودين دلوقت البلطجية والحرامية اللى خرجوا من الاقسام واللى بيسرقوا ويقطعوا الطرق مستغلين الانفلات الامني وعدم الخوف من الامن بل العكس خوف الامن من التصدي لهم
وقبل الثورة كانت الناس بتخاف وعارفين ان اللى هايعمل جريمة الشرطة هاتجيبه من قفاه دلوقت الناس هي اللى بتجيب الشرطة من قفاها

[sara2001]

Login | Facebook

عملت له share ربنا معاكم

امن المستشفي هما كمان خايفين على حياتهم سواء التابعين للجامعة او للشرطة وتاكدي لو الشرطة وقفت للبلطجية هاتتقتل فورا
يمكن البلطجية مش بيقتلوا الدكاترة علشان عارفين انهم محتاجينهم انما تعاملهم مع الشرطة هايبقي بالقتل وبس
ودول مش بتوع حزب وطني ولا رجال اعمال مفيش من ده دلوقت
الموجودين دلوقت البلطجية والحرامية اللى خرجوا من الاقسام واللى بيسرقوا ويقطعوا الطرق مستغلين الانفلات الامني وعدم الخوف من الامن بل العكس خوف الامن من التصدي لهم
وقبل الثورة كانت الناس بتخاف وعارفين ان اللى هايعمل جريمة الشرطة هاتجيبه من قفاه دلوقت الناس هي اللى بتجيب الشرطة من قفاها

مش عارفه ايه آخرة الإنفلات الأمني ده
طب المساجين الهاربين دول مفيش اي سجلات محفوظه لهم على الكمبيوتر
علشان يقدروا يقبضوا عليهم من تاني؟

[mertahgedan]

هو دا الوقت اللي تثبت فيه الشرطة انها فعلا في خدمة الشعب لازم حد يوصل صوت الدكاترة إلي وزير الداخلية في أسرع وقت

[megamoudy]

فين الاستاذ المحترم اللي بيقول السبب في دا هي سفالة بعض الاطباء فلتعامل مع المرضي؟؟

تحب اقوللحضرتك ايه هي السفالة؟؟؟

السفالة ان زمايلي يكلموني يقولولي انهم مش عارفين يدخلوا عشان البلطجية قفلوا الكوبري المواجه للقصر الفرنساوي ومنعوهم ملدخلول

السفالة..اني ادخل الاقي عامل الاسانسير الغلبانمضروب ملناس دي

السفالة اني الاقي الناس جوا ولا كأني دخلت غزة وقعدين يجمعوا البنات الطبيبات والتمريض عشان يهربوهم برا

السفالة ان ييجي اليوم اللي اتهرب فيه من شغلي

اتهرب فعلا....وييطفوا الانوار ويفتحولنا باب خلفي نخرج منه بالعربيات والنور مطفي


السفالة اني ارمي البالطو اللي كنت بفتخر بيه واشيل الهلال من ع الازاز عشان ونا خارجة قدام البلطجية ميعرفوش اني طبيبة

فعلا..انا مش فاهمة اي السفالة اللي الاطباء فيها دي

رحمتك يارب

ffffffffffffffffffffffffffffffff

عادي يا دكتورة ضحى احنا عمرنا محد قدر تعبنا الناس دلوقتي هتقدرنا يعني ههههههههههههههه

[megamoudy]

انا نفسي افهم بس
بلطجيه يتخانقوا مع بعض
يروحوا المستشفي عشان يتعالجوا
بيرفعوا مطاوي علي الدكاتره ليه
مش فاهم


ايه المطلوب ان الدكتور يعمله يعني ؟؟؟؟
والمفروض اني اشتغل ازاي وانا تحت تهديد السلاح
ويضربوا الناس ليه

كل ده عشان عاوزين يدخلوا مع اللي بيتعالج ؟؟؟
ولا ايه الموضوع بالظبط

قبل الثورة يا ميكي

بالتحديد ف استقبال الجامعه ف الزقازيق

عيلتين من الجزارين اتخانقو مع بعض وبقت مدبحة
جملنا الاستقبال

كل دكتور كان عليه جزار بساطور ياتخيط قريبي يا دبحك

يعني حتى اللي مالوش ف الخياطة والجراحة وشغال ف حاجات تاني زي الباطنه اضطر يخيط عشان ميموتش

ده اللي بيحصل على طول ف المستشفى

عشان كده من الضغط الدكاترة عملو اضراب