نداء استغاثة

[A7MED_PHARMA]

تمام
كده الصورة وضحت............

طيب
ممكن تشكلوا لجان حماية للمستشفى .. زي اللجان العشبية كده
أو الجيش يوقف دبابة قدام لمستشفى..بإعتبارها منطقة هامة زي أي مكان تاني قدامه دبابات..
بس الإقتراحات دي مين يوصلها
وصدقا
وفي الظروف الي إحنا فيها دي....المريض إلي يجيلك من نوعية البلطجية دي..سيبيه يمووووت

[mertahgedan]

أنا رأي ان الناس اللي ساكنين قريب من المستشفي يعملو لجان شعبية لحماية المستشفي من البلطجية مادام المشكلة في الأمن

[icehearted girl]

لايفندم مينفعش يجيلي بلطجي ومعالجوش..دي مش من اخلاقيات المهنة علي فكرة

وفوسط الثورة كان بييجي بلطجية كتير وكنا بنعالجهم طبعا

ولو بلطجي قتل حد من اهلي برا ورجعلي حقي اعالجه

انما حقي اتعامل معاه لوحده ميدخليش بخمسين بلطجي حواليه يتعاملوا معايا ويهددوني


والله والله دكتورة معانا اترفع عليها مطوة والله فعلا والامن متحركش

[A7MED_PHARMA]

أنا رأي ان الناس اللي ساكنين قريب من المستشفي يعملو لجان شعبية لحماية المستشفي من البلطجية مادام المشكلة في الأمن

كنت داخل حالا أقول الاقتراح ده
أو ممكن نعملها ع المنتدى هنا .. نجمع على الأقل 10 أعضاء ساكنين قريب من القصر العيني ..ويعملوا لجنة عند المستشفى
ويكون معاهم سلاح مناسب للدفاع عن النفس .. وعن الغير

[icehearted girl]

دي كانت متواجدة ايام المظاهرات

بس فعلا مش هينفع غير تواجد امني

بييجي عدد كبير جدا..بسيوف فعلا..معتقدش مقاومة شعبية هتكفي

يا اما هتبقي مجزرة

[waelfarid]

الله يكون في عونكم يادكتورة ضحي
بس نوعية مريض وبجح زي شحات وعايز حسنة بالدولار مثلا او بالفيزا
عموما اللي عند ربنا مبيروحش وبعدين هما من غباءهم لو اذوا الدكاترة وخلصو عليهم مين حيعالجهم فعلا اغبياء

[heshamzaky]

على فكرة موضوع الناس الى بتبلطج دة فى أماكن كثيرة جدا جدا جدا ليا قريبة دكتورة و شغالة فى مستشفى و بعيد نهائيا عن أحاث الشغب المرضى بيجو المستشفى و بيتكلمو بمنتهى قلة الادب و التجرمة و السفالة دة حقيقى مع العلم أن دول مرضى ب الكبد و أمراض جهاز هضمى يعنى مش متعورين و لا متشرحين . بس الفكرة الناس بقت بتبلطج فى كل مكان . دة أسمة أنفلات امنى فى كافة المجالات و القطاعات

[X_MM_X]

معلش يا دكتوره انتي تنزلي ليه اساسا دلوقتي , اصل دلوقتي هناك هيخشوا عليكم البلطجيه برده اقعدي في بيتك احسن

[icehearted girl]

مينفعش يفندم..مفيش أجازات ف الطوارئ... وبعدين مرواحي واثبات حضور دا اضراب عن العمل.قعدتي فلبيت دا غياب عن العمل

[mahmoudysf]

على فكرة موضوع الناس الى بتبلطج دة فى أماكن كثيرة جدا جدا جدا ليا قريبة دكتورة و شغالة فى مستشفى و بعيد نهائيا عن أحاث الشغب المرضى بيجو المستشفى و بيتكلمو بمنتهى قلة الادب و التجرمة و السفالة دة حقيقى مع العلم أن دول مرضى ب الكبد و أمراض جهاز هضمى يعنى مش متعورين و لا متشرحين . بس الفكرة الناس بقت بتبلطج فى كل مكان . دة أسمة أنفلات امنى فى كافة المجالات و القطاعات

وتفتكر ليه الناس بيتعاملو كدة مع المستشفبيات مع ان المفروض انهم بيعالجوهم
ارد انا عليك لو كانو زمان شافو في المشتشقيات دي اي معاملة ادمية واهتمام باوجاعهم
ماكانوش عملو كدة
لو حد من اهلك كان تعب فجاه ورحت اسقبال اى مستشفى حكومي وشفت منتهى الاهمال
مكنتش قولت عالناس دلوقتى بيتعاملو بسفالة وقلة ادب
السفالة وقلة الادب هي اللي كان بيتعامل بيها الدكاترة مع الناس مع استثناء بعض الاطباء اللي عندهم ضمير

[heshamzaky]

وتفتكر ليه الناس بيتعاملو كدة مع المستشفبيات مع ان المفروض انهم بيعالجوهم
ارد انا عليك لو كانو زمان شافو في المشتشقيات دي اي معاملة ادمية واهتمام باوجاعهم
ماكانوش عملو كدة
لو حد من اهلك كان تعب فجاه ورحت اسقبال اى مستشفى حكومي وشفت منتهى الاهمال
مكنتش قولت عالناس دلوقتى بيتعاملو بسفالة وقلة ادب
السفالة وقلة الادب هي اللي كان بيتعامل بيها الدكاترة مع الناس مع استثناء بعض الاطباء اللي عندهم ضمير

لآ يا باشا لان المستشفى الى بتكلم عنها مش مستشفى حكومية و الكشف فيها بفلوس يعنى العيب من تصرفات الناس للاسف مش من الدكاترة الى بيعالجوهم لان المستشفى مش بتصرف دواء بالمجان ف حا اقول كان فية تار بايت للأسف لا مش كدة خالص . بعض الناس بقت متصورة أنهم فى ظل الظروف الراهنة أن الحرية هية البلطجة و الصوت العالى و دة مفهوم بعض القلة عن الحرية . للاسف اختلط الحابل ب النابل و العملية بقت فوضى عارمة فى جميع القطاعات و الاماكن بصورة كبيرة . دة الفرن بتاع العيش ساعت الازمة فى بدايتها أتخانق مع الناس الى بتشترى العيش و قال مش شغال و رفض يعمل عيش و أتخانق مع سيدة كبيرة فى السن و شتمها و زقها الست ما سكتتش و راحت ماسكة فية و الجيش جة و أجبرة على العمل و اعتذر للسيدة المسنة الى الراجل الى صحتة تهد جبال زقها و الاهالى كانو حا يموتوة من الضرب . هنا دى يبقى اسمها فوضى و ما ينفعش نبرر تصرفات الناس الى بتعمل أعمال همجية بانها حرية و تخليص حق و تار بايت .

[m_car]

كلمى رقم 140 وبلغى وهو هيوصلك بالجيش واعملى اكتر من بلاغ علشان الجيش يجى يحمى المستشفى

140 / 142 من الرقم الارضى

[icehearted girl]

فين الاستاذ المحترم اللي بيقول السبب في دا هي سفالة بعض الاطباء فلتعامل مع المرضي؟؟

تحب اقوللحضرتك ايه هي السفالة؟؟؟

السفالة ان زمايلي يكلموني يقولولي انهم مش عارفين يدخلوا عشان البلطجية قفلوا الكوبري المواجه للقصر الفرنساوي ومنعوهم ملدخلول

السفالة..اني ادخل الاقي عامل الاسانسير الغلبانمضروب ملناس دي

السفالة اني الاقي الناس جوا ولا كأني دخلت غزة وقعدين يجمعوا البنات الطبيبات والتمريض عشان يهربوهم برا

السفالة ان ييجي اليوم اللي اتهرب فيه من شغلي

اتهرب فعلا....وييطفوا الانوار ويفتحولنا باب خلفي نخرج منه بالعربيات والنور مطفي


السفالة اني ارمي البالطو اللي كنت بفتخر بيه واشيل الهلال من ع الازاز عشان ونا خارجة قدام البلطجية ميعرفوش اني طبيبة

فعلا..انا مش فاهمة اي السفالة اللي الاطباء فيها دي

رحمتك يارب

ffffffffffffffffffffffffffffffff

[ZALABANY]

أعانك الله يا دكتورة وربنا يقدرك على كل الخير ويبعد عنك الشر كله
على فكرة الأخ ما يقصدشش حضرتك خالص هو اكيد يقصد نوعية الأطباء اللي كلنا شفناها في استقبال الطوارئ اللي ممكن يكون عندهم لا مبالاه في استقبال الحالات او امتصاص قلق وغضب الأهل وهذا بعض وليس كل الأطباء بالطبع وهذا لا يمكن ان ينكره احد لكن طبعا هناك العديد من اللأطباء المحترمين وربنا يحفظهم جميعا ويجزيهم خيرا ونحسبك منهم

[heshamzaky]

يا جماعة البلطجة بقت فى كل مكان بجد و الناس المنحرفة للاسف مستغلية الموضوع دة بمنتهى قلة الادب دة حتى موظفين البنوك الناس بتشتمهم طب لية هو عملك حاجة و لا دة تنفيث و كبت غضب و للاسف بيطلع غضبة على ناس مالهاش ذنب . أبسطها واحدة ست و شكلها محترم بتدفع فاتورة النت الولد الكمبيوتر شغال ببطىء الست مسحت بية البلاط و الولد بصراحة غلبان و مؤدب جدا و مش عارف يرد الناس مسكت الست و غسلتها و أنا قولتلها عيب يا مدام الولد شغال مش قاعد بيرقص و يلعب بس العملية بقت فوضى فى كل مكان بجد