لماذا يجب حل/تفكيك جهاز مباحث أمن الدولة؟

[nevozaky]

طيب، يبقى الناس عندهم قلب برضة، واكيد فيهم ناس مش سودا قوى كده، ومش كل الضباط بيكونوا مسؤلين عن التعذيب، فى ناس مسئولة عن حاجات تانية غير التعذيب

انا مش بدافع عنهم، انا كل اللى عاوز اوصله انه زى مافى الوحش فى الحلو

بس النسبة هى اللى بتفرض التصور عن الشخص وعن الحاجة

دى مشكلة حضرتك فى مصر التعميم .مش معنى ان فى ناس فى الشرطة وحشة يبقى الشرطة كلها سيئة اكيد فى ناس كويسين .ونفس الحكاية بالنسبة لامن الدولة ما نقدرش نعمم اكيد فى ناس كويسة زى اى مكان فى الدنيا .مثلا يعنى على سبيل المثال مش معنى ان حد سرقنى فى دولة يبقى الناس اللى فى الدولة دى كلهم حرامية

[Most_H]

مع خالص احترامي لرآيك بس اكيد ان رآيك ده نتيجة انك محتكتش مع حد فيهم في اي واقعه رسميا بس لو كان حصل بجد كنت هتطالب بأعدامهم مش بأعادة هيكلتهم فقط

انا فى الحقيقة محتكتش بحد منهم، ويارب محتكش

دى مشكلة حضرتك فى مصر التعميم .مش معنى ان فى ناس فى الشرطة وحشة يبقى الشرطة كلها سيئة اكيد فى ناس كويسين .ونفس الحكاية بالنسبة لامن الدولة ما نقدرش نعمم اكيد فى ناس كويسة زى اى مكان فى الدنيا .مثلا يعنى على سبيل المثال مش معنى ان حد سرقنى فى دولة يبقى الناس اللى فى الدولة دى كلهم حرامية

S_thum1[1]:

بالظبط كدة زى مبيتقال برة، دول المصريين دول كذا وكذا وكذا

وزى ما احنا متصورين ان الغرب دة قمة فى الرقى والتحضر والديمقراطية، ومش متصورين انه فيهم برضة ناس وحشة

لكن عامة الناس بتحكم على الشئ بالحاجة اللى باينه منه ، واتشهر بيها

[م.احمد زكريا]

امن الدوله ليس شبيه ب fbi
fbi يختص بجرائم كبري ايا كانت نوعيتها (قتل سرقه نصب )وله صلاحيات علي كل الولايات المتحده ...ودة لان الولايات المتحده نظامها ان كل ولايه مستقله بذاتها باحكامها وقوانينها....فالجهاز الامني الموحد بينهم هو المباحث الفيدراليه
لكن امن الدوله عندنا...ده جهاز مخابرات داخلي مهمته حمايه البلد من محاولات التخريب والارهاب الداخلي
صحيح الحكومه استعملته ضد الشعب ...بس لانها حكومه فاسده وافسدت الجهاز وهدفه
لازم يفضل موجود ...بس يتعمل احلال لكل اعضاؤه ويتعلمو المفهوم الصح بتاعه....ولازم يكون فيه جهه رقابيه تشرف عليه
لكن الغاؤه لا طبعا ....

الأيام دي الكلام كتر عن حل جهاز مباحث أمن الدولة. المعارضين لحل هذا الجهاز بيقولوا انه جهاز أمن قومي وان كل الدول المتقدمة فيها جهاز استخباراتي داخلي. فعلا، بس جهاز امن الدولة صلاحياته أكبر بكتير من أجهزة الأمن الداخلي الموجودة في أي دولة متقدمة. باختصار، جهاز امن الدولة في مصر بيتحكم في الحياة السياسية في مصر و المجتمع المدني.

ده ردي لبعض الأخوة الأعضاء المعارضين لحل جهاز أمن الدولة.




حضرتك عارف ايه اختصاصات جهاز مباحث أمن الدولة وايه اختصاصات الـ fbi؟

الـ fbi بتحقق في الجرائم الجنائية على المستوى الفيدرالي أو جريمة محلية كبيرة زي سرقة بنك ... مش أكتر. يعني لو عمليات قتل متكررة في أكتر من ولاية، الـ fbi هو اللي يحقق فيها مش البوليس المحلي.

أما أمن الدولة في مصر مهمتها حماية النظام وليست حماية الأمن القومي. يعني معظم شغل أمن الدولة سياسي ... لا هو جنائي ولا أمني.

أمن الدولة لها مكاتب متخصصة لمراقبة والتحكم في النقابات و الأحزاب و الجامعات ووسائل الاعلام وجمعيات المجتمع المدني.

يعني لو دكتور في الجامعة توجهاته معارضة عمره ما هيبقى وكيل الكلية. وبالطبع عمره ما هيكون عميد أو رئيس جامعة.
يعني لو قيادي عمالي له توجهات يسارية مايدخلش اللجنة النقابية للعاملين في مؤسسته. يعني اتحاد عمال مصر على سبيل المثال كله تحت سيطرة أمن الدولة.
يعني جمعيات حقوق الانسان والجمعيات الخيرية تحت مراقبة أمن الدولة.
يعني وسائل الاعلام متراقبة بأمن الدولة.
يعني أي واحد يتوظف في أي وظيفة حكومية لازم موافقة أمن الدولة. مع ان الصحيفة الجنائية كفاية انها تثبت انه ملوش سوابق.
تفتكر مين كان بيتصل باستاذ كريم منير يحذره لما الأعضاء يزودوا الكلام في السياسة هنا في المنتدى؟ ظابط في أمن الدولة.

حضرتك شوفت الفيديو بتاع خالد صلاح رئيس تحرير اليوم السابع؟ دي مكالمة سكايب متسجلة ما بينه وبين ابن ممدوح اسماعيل. مين اللي مسجل المكالمة دي؟ أمن الدولة.

مال ده كله بالأمن القومي؟
أمن الدولة مطلوب تقليص صلاحيتها للارهاب والمخدرات والجرائم الكبرى وبس.

مش مطلوب حل الجهاز بالكامل، المطلوب الغاء اختصاصاته السياسية وقصر اختصاصاته على الأمن القومي.

أكيد أنا ضد التدخلات دي وارفض الإختصاصات المعروفة لأمن الدولة والجملة الزرقاء الفوق هو قصدي بالتحديد.... وعلى فكرة مع إيقاف العمل بقانون الطوارئ الصلاحيات هاتقل بنسبة كبيرة لوحدها

اكيد الباشمهندس احمد فاهمها زى ما اغلبيتنا فهمنها .اللى انا وافقت عليه واعتقد باقى الزملاء بغض الظر عن الجرائم الذى يتتبعها ال fbiاو نوعها المقصود ان يجب وجود جهة او هيئة تهتم بتنظبم امن الدولة وليس امن النظام زى ما قلت حضرتك .اكيد انت متاْكد ان احنا ضد ده زيكم بالظبط بس انتم عايزين تلغوه واحنا بنقول مش هينفع يتلغى خالص .لانك فى قضايا وامور شائكة برضو بتحتاجه فيه .يقصد المهندش احمد وجود هيئة كبيرة مثل الfbiللتصرف فى القضايا الكبيرة مثلا وليس طبق الاصل من امريكا لان احنا ما عندناش ولايات علشان يتتبعوا جريمة قتل من ولاية الى اخرى .يعنى احنا فاهمين المقصود من كلام المهندس احمد ايه مجازا وليس بالكلمات الحرفية .حضرتك بس ما اخدتش بالك هوه قصده ايه .يعنى الفكرة واحدة والطلب واحد بس اسلوب التطبيق مختلف .تقبل تحياتى

الله يكرمك على الشرح والتوضيح

[ahmed-moga]

طيب شوفوا الخبر ده

الشاهد الوحيد على مقتل سيد بلال .. مباحث أمن الدولة تفرج سرا عن سامح عبد السلام معروف وتسلمه إلى أهل بالاسكندرية بين الحياة والموت
المصريون ـ خاص 27-02-2011

أفرجت مباحث أمن الدولة نهاية الأسبوع الماضي عن المواطن السكندري سامح عبد السلام معروف ، والذي تم اختطافه بعد حادثة كنيسة القديسين وادعت الجهات الأمنية أنها لا تعرف شيئا عنه ولا عن مكانه ، وكان سامح قد تم ترحيله إلى المقر الرئيسي للجهاز بمدينة نصر حيث خضع لعملية تعذيب بشعة انتهت إلى أن أشرف على الموت ، فتم نقله نهاية الأسبوع الماضي للاسكندرية سرا وتسليمه إلى أهله وهو بين الموت والحياة .
سامح هو الشاهد الحي الوحيد على واقعة تعذيب وقتل سيد بلال الناشط الإسلامي على أيدي بعض ضباط الأمن ، ونشطاء على الانترنت دعوا إلى سرعة العمل على إنقاذ حياة سامح عبد السلام وفتح التحقيق لمعرفة ملابسات مقتل سيد بلال .

[nevozaky]

طيب شوفوا الخبر ده

الشاهد الوحيد على مقتل سيد بلال .. مباحث أمن الدولة تفرج سرا عن سامح عبد السلام معروف وتسلمه إلى أهل بالاسكندرية بين الحياة والموت
المصريون ـ خاص 27-02-2011

أفرجت مباحث أمن الدولة نهاية الأسبوع الماضي عن المواطن السكندري سامح عبد السلام معروف ، والذي تم اختطافه بعد حادثة كنيسة القديسين وادعت الجهات الأمنية أنها لا تعرف شيئا عنه ولا عن مكانه ، وكان سامح قد تم ترحيله إلى المقر الرئيسي للجهاز بمدينة نصر حيث خضع لعملية تعذيب بشعة انتهت إلى أن أشرف على الموت ، فتم نقله نهاية الأسبوع الماضي للاسكندرية سرا وتسليمه إلى أهله وهو بين الموت والحياة .
سامح هو الشاهد الحي الوحيد على واقعة تعذيب وقتل سيد بلال الناشط الإسلامي على أيدي بعض ضباط الأمن ، ونشطاء على الانترنت دعوا إلى سرعة العمل على إنقاذ حياة سامح عبد السلام وفتح التحقيق لمعرفة ملابسات مقتل سيد بلال .

ما اختلافناش يا استاذ احمد على اللى حضرتك بتقوله .احنا عارفين ان اسلوبهم بشع وطريقتهم صعبة فى التعامل مع الامور .ما احنا بنقول كده لازم الطريقة واسلوب التعامل يتغير خالص .ولازم يتعاملوا مع الناس على انهم بنى ادميين ومش حاجة تانية .ويتعاملوا بما يحفظ للناس كرامتهم وادميتهم .تقبل احترامى

[dr-mohamed]

كلامك تمام
الاسم بالنسبة لحضرتك وليا انا على الاقل مش هيفرق
لكن للمواطن البسيط، هيفرق كتييييييييييييييييييييير
وانا كنت قلت فى مشاركة هنا فى الموضوع
انه يتأسس بالأستعانة بالضباط اللى فى الجهاز القديم، المشهود لهم بالكفاءة وعدم أتباع النهج القديم، ولقدر الله لو مفيش يبقى نبعت ظباط شرطة، يخدوا دورات تدريبية برة فى هذا الاطار

من ضمن الحلول السريعة فعلا تغيير الاسم و ده مش محتاج وقت وبعده مباشرة تغيير نظام العمل واستبعاد العناصر الفاسدة وفعلا تغيير الاسم بالنسبة للناس العاديين يفرق معاهم
انا من فترة قلت الافضل تغيير زي الشرطة اه تغيير هايبقي في الشكل لكنه من الناحية النفسية هايقلل حدة الاحتكاك بين الافراد والشرطة ويبعد الصورة السلبية اللى ارتبطت بزي معين

كلام سليم
بس ايام عبدالناصر تختلف كليا عن الايام اللى احنا بنعصرها دلوقت
يكفى انه ايام عبدالناصر، محدش من الشعب كان يعرف اية اللى بيدور زى العصر اللى احنا فيه
+ وسائل الاعلام مبقتش زى زمان

فعلا ودي كارثة لوحدها وسائل الاعلام اصبحت تشكل فكر الناس وتقدر تمرر لهم اي معلومة حتي لو خائطة بما يهدف سياسات واهداف المسئولين عنها

برضة احب اوضح ان النظام هو اللى بيفرض نفسه على الناس، مش العكس
بمعنى، المصرى اللى بيروح أوروبا وامريكا، تلاقيه ماشى على الصراط بالملى ، يجى هنا يتحول (طبعا مش كل الناس)
والعكس صحيح، فى اجانب بيجوا هنا مخصوص علشان يغيروا جو الروتين اليومى، والنظام الصرام ويكسروه هنا

بردو عندك حق في دي ايام احمد رشدي كانت الناس كلها ملتزمة في الشارع ومفيش حد يعدي من وسط الطريق ومفيش حد يكسر اشارة مرور ايييييييييييييه ايام

اتمنى يتنقل ليا التفاؤل بتاع حضرتك ونظرتى تتغير يا ريت
يا ريت تيقى فى المدينة الفاضلة بتاعة ابن خلدون .بس ده مستحيل .واتمنى مثل حضرتك نظام سليم لنا جميعا

وانا كمان نفس الامنية

[tito_1980]

لما اليو اس تحل المكتب الفيدرالي يبقي احنا نحل امن الدوله
المشكله في طريقه عمل امن الدوله مش في وجود امن الدوله

[aaa_ssis_nm]

لما اليو اس تحل المكتب الفيدرالي يبقي احنا نحل امن الدوله
المشكله في طريقه عمل امن الدوله مش في وجود امن الدوله

اعذرني، بس مشاركة حضرتك ترجح انك لم تقرأ الموضوع.

مقارنة أمن الدولة في مصر بالـ fbi تدل على عدم فهم صلاحيات وطبيعة عمل كل منهما.

[aaa_ssis_nm]

دي بعض المقالات عن أمن الدولة النهاردة وامبارح بس

سقوط بعبع أمن الدولة في التحرير

حافط أبو سعدة: مصر كانت تحت وصاية أمن الدولة

آلاف الأئمة والخطباء يتظاهرون أمام «الأعلى للقوات المسلحة» احتجاجاً على سيطرة «أمن الدولة»


وده مقال للدكتور محمد أبو الغار النهاردة في المصري اليوم ... الجزء اللي الأزرق عن مباحث أمن الدولة

صاعقة حديث وزير الداخلية

بقلم د.محمد أبوالغار 27/ 2/ 2011

اتصل بى الكثيرون، وأبدوا مخاوف كثيرة من حديث وزير الداخلية مع خيرى رمضان فى تليفزيون الدولة. وقد استمعت إلى الحديث مسجلاً، ووجدت أن منهج وزير الداخلية بالرغم من محاولة تجميل الشرطة فإنه فى حقيقة الأمر يعكس الطريقة التقليدية فى حديث رجل الشرطة قبل حدوث الثورة مما أثار فى النفوس قلقاً شديداً. أول فكرة مزعجة فى الحوار أن الوزير قال بصراحة إن حجم المتظاهرين كان كبيراً، وكان يجب على الشرطة أن تتوقع ذلك للاستعداد لمواجهة المظاهرة.

يجب أن يعرف وزير الداخلية أنه منذ 25 يناير وصاعداً واجب الشرطة هو حماية المتظاهرين، وليس مواجهتهم، وعندما يتظاهر الشعب كله فيعنى ذلك أن الحكام لا يصلحون، ويجب أن يتخلوا عن مناصبهم فوراً، وهو ما حدث بالفعل، ويجب أن يعرف الوزير أن جحافل الأمن المركزى يجب أن تسرَّح وتتبقى قوات محدودة العدد عندها خبرة فى مكافحة الشغب تتدخل فقط عند إتلاف الممتلكات العامة أو الخاصة.

ثانياً: الادعاء بأنه كانت هناك عناصر أجنبية مدسوسة هو قول لم ولن يصدقه أحد، فهذه الثورة صناعة مصرية مائة بالمائة، ونحن نعلم جميعاً أن الشرطة تلفق وتخترع القضايا، كما اعترف الوزير صراحة بذلك حين تحدث عن بدو سيناء. لا يجب أن يقول الوزير هذا الكلام دون حقائق موثقة، لأنه يسىء للثورة وللشعب المصرى العظيم، وحكاية القلة المندسة يجب أن تتوقف من الآن وإلى الأبد.

ثالثاً: حاول الوزير التنصل من اتهام الشرطة بتسهيل مهمة البلطجية داخل الميدان، وهو أمر معروف بدقة، ونحن نعلم أن بلطجية الشرطة أصبحوا جزءاً من النظام فى المظاهرات والانتخابات، وفى غير ذلك من المهام القذرة التى يقومون بها ولا تريد الشرطة أن يقوم بها الضباط مباشرة، وأن استخدام الرصاص الحى مساء موقعة الجمل كان بإشراف الشرطة.

رابعاً: تخلى الشرطة عن وظيفتها وترك مصر كلها دون شرطة لا يمكن أن يكون إلا بقرار مركزى. الأمر واضح، هناك احتمالان: الأول هو قرار من وزير الداخلية وكبار رجال أمن الدولة، احتجاجاً على قرار مبارك استدعاء الجيش، وتحسباً لفقدهم مراكزهم وسلطاتهم والأمر الآخر هو أن هناك خطة موضوعة من الأساس بأنه فى حالة وجود تظاهرات ضخمة تقوم الشرطة بإحداث الفوضى، حتى يساند الشعب عودة النظام.

كان على الوزير أن يعترف بذلك صراحة، ويقول إن التحقيق سوف يظهر من الذى أصدر هذه الأوامر، أما إذا كان الأمر قد حدث تلقائياً من الشرطة، فهذا يعنى أن قيادات هذا الجهاز بأكمله مسؤولة عن ذلك لأنها ربت أجيالاً لا يهمها الوطن فى شىء.

خامساً: الاتهام بتدمير أقسام الشرطة لا يمكن أن يوجه فقط إلى المتظاهرين والبلطجية، لا أريد أن أتهم الشرطة بتدمير مقارها، ولكن هناك شبهات فى ذلك، ويجب أن يتم إجراء تحقيق محايد لتقصى الحقائق، حتى يمكن للجهاز أن يتخلص من الفاسدين منه.

سادساً: قال الوزير إنه سوف ينفذ الأحكام الصادرة بعودة رجال الشرطة، لماذا لا يعلن الوزير أنه سوف ينفذ جميع الأحكام الصادرة ضد وزارة الداخلية؟

سابعاً: قال الوزير إن جهاز أمن الدولة باقٍ، وهو موجود فى كل بلاد العالم، وهذه مقولة حق يراد بها باطل. جهاز أمن الدولة لا يوجد له فى أى بلاد العالم ضباط مقيمون فى الجامعات والأحزاب والنقابات والأزهر والكنائس، ولا يوجد عنده ضباط يعطون أوامر لرؤساء الجامعات،

ويقرأون كل ورقة يوقع عليها، ويزوّرون انتخابات اتحاد الطلاب ونوادى أعضاء هيئة التدريس، ويرفضون تعيين أو سفر معيد أو أستاذ، أو يديرون الملف القبطى، فيدقون أسافين بين المسلمين والأقباط، ويحوّلون علاقة ودية بين أبناء الوطن الواحد إلى أزمة كبرى. «أمن الدولة» هو حماية الدولة من الجواسيس والإرهاب فقط، وتبليغ المعلومات التى يجمعونها إلى صاحب القرار السياسى، أما دورهم كجهة تنفيذية تُصْدر الأوامر، وتعيّن العمداء، وتجرى معهم مقابلات شخصية، فهو أمر يجب أن يُوقف فوراً بواسطة الوزير.

ولا بد أن يعرف الوزير أن «أمن الدولة» هو الذى قاد معركة تدمير مصر خلال الثورة، وهو المتسبب الرئيسى فى الفوضى والفتنة الطائفية، ويجب أن يعرف أن اللجان الشعبية قامت بحراسة الممتلكات بكفاءة عالية، وأظهرت فساد الشرطة، وأنه خلال 3 أسابيع لم يكن هناك شرطى واحد يحرس أى كنيسة، ولم يحدث شىء.

ألا يجعلنا ذلك نفكر قليلاً بأن حوادث مصنوعة بأيدى الداخلية شىء وارد؟

وأخيراً: يجب أن يعتذر وزير الداخلية عما فعلته الشرطة بالشعب قبل الثورة وأثناءها ويعترف بالأخطاء الجسيمة، ويعلن أن أمن الدولة سوف يُعاد تنظيمه بحيث يتخلى تماماً عن جميع سلطاته، ويصبح جهة تقدم تقارير فقط لما قد يخل بأمن المواطن والوطن، وينتهى تواجده الظاهر فى كل الجهات المدنية، ويجب أن يتم تطهير وزارة الداخلية خلال فترة قصيرة من كبار الفاسدين، وحينئذ سوف ينصلح حال صغارهم.

رجال الشرطة هم إخواننا وأبناؤنا وجزء منا، ويجب أن يعودوا إلى حضن الشعب يرعون مصالحه، ويحافظون عليه بعد أن تتطهر وزارة الداخلية من العنف والفساد.

[tamatemo]

يجب الا يتبع جهاز امن الدولة وزارة الداخلية بتاتا
يجب ان يكون ويدعم من عناصر من الشرطة والجيش والفئات المدنية

"علشان اللي بيقولو بس fbi يدخلو يعرفوا تكوينه ايه"

ويتبع لهئية الامن القومي وتحت اشراف قضائي كامل
ويكون تحت مسمي وحدات مكافحة الارهاب

[medo_2060]

امن الدول هو من بدأ عصر الدوله البوليسيه نتيجة تدخله في كل شأن من شئون الدوله والشعب بل في كيفية سير الحياه اليوميه للمواطنين ومايجب ان يشاهدوه وما لايجب ان يشاهدوه بل تجاوز كل الموازين واصبح له تدخل في كل مايقال علي صفحات الأنترنت للمنتديات
امن الدوله هو من شجع ظباط الشرطه علي هذا الجبروت الذي اصبحوا فيه وعلي اعدم حترام آدمية وكرامة المواطن المصري
آمن الدوله عند تحقيقه في واقعه معينه قد لاتكون هامه ينتهج اسلوب الجيستابو في انتزاع الأعتراف حتي وان كان قصرا علي المعترف ولم يقم به
ظباط آمن الدوله اناس قلبها قد مات وتعفن واصبح لونه اشد من لون السواد لاتعرف شفقه او رحمه او خشية وخوف من الله وان مايفعلونه بهؤلاء المستضعفون سوف يعاقبون عليه اشد العقاب يوم القيامه فجرائمهم فاقت الوصف في الغلظة وارتكاب اعظم الكبائر التي يهتز لها عرش الرحمن
جهاز آمن الدوله يجب بأكمله ان يحل من القاعده الي الرآس لجميع موظفينه ويحل محله مسئولون لجهاز يتبع الأمن القومي يباشر الشئون الأمنيه الداخليه للدوله

+111111111