سقوط علامة بروتون الجزء الرابع (سلسلة مواقف كوميدية)

[karim fathy]

واحمد اخويا !! اللي راح عن الدب القطبي اللي عملينلوا هوايات ومراوح ومياه مبردة !! واحمد عايز يرميلوا سندوتشات كفتة بيقولي اصله باين عليه هفتان !! يبني كفتة ايه هوا ده بياكل كفتة متعملوا شيش طاووق احسن بالمرة يالله بقى !! يا جدعان احنا مفيش حيوان والله في اليوم ده سلم من شرنا بجد فعلا !!! يكفي اني اقول اننا في بيتالزواحف !! لما احمد وطارق اخدوا الثعبان الصغير يتصوروا بيه !! احمد مسك الثعبان من ناحية وطارق من ناحية وبيشدوا قصاد بعض بيقولوا عشان نشوف ها يطول و لا !!!

يقوم اشرف يقولهم صح بابا قال انه الجزمة الجلد الطبيعي مش بتشقق اما نشوف ده ها يشقق ولا لا !!! ههههههههههههه يعني الثعبان يا عيني سبلنا ........ على اللي اتعمل فيه :d

ومش فاكر مين اللي جه عند قفص البومة ومصمم انه ها يحدفها بطوبة عشان يصحيها !!

هههههههههههههههههههههههههههههههههههههههههههههههههه ههههههههه مش قااااااادر
بجد الجزء دة مسخرررررررررررررررررررررررررررررة

[sherif_taher]

الحلقة دي فوق الفظيع.......:)
و الرحله بتاعت جنينه الحيوان دي اعتقد رحله كلاسيكيه للاسرة المصريه و دايما بيبقوا كتير زي ما انتوا عملتوا كده........
عملت جروب الفيس بوك و لا لسه ؟؟؟

[sayed911]

بسم الله الرحمن الرحيم

انا بأعتذدر بشدة يا جماعة والله عن التأخير اللي مش بإيدي والله والعظيم نهائيا .. ولكن نعدكم بالتعويض والله كل مرة بقول كده واطلع اعيل من المرة اللي قبلها :D

ولكن المرة دي انا احمل لكم تقرير حصري وكامل وها اعتذر عن الحلقة النهاردة

التقرير عبارة عن زيارة لـ فندق كنكورد السلام الكائن بمصر الجديدة بالقاهرة

الزيارة عملت تشيك ان في تمام الساعة 3 من يوم الخميس الموافق 21 يوليو الى يوم السبت 23 يوليو

واحد يسألني ويقولي انتا مش قولت مسافر الساحل

اقولوا حسبتها لقيتها هيا هيا وبالعكس ها اتبهدل اكتر هناك !! واحد يقولي طيب والتغيير فين بقى في قعدتك في القاهرة اقولوا التغيير مش بيبقى في المدينة التغيير بيبقى في المكان تغير جو يومين مع ناس جديدة ووجوه جديدة ده في حد ذاته تغير جذري ..

واحد يسألني ويقولي التكاليف اخبارها ايه ؟

اقوله انا عندي اصلا اشتراك في الفندق باخد خصم 50% على اي حاجة في الفندق والكرت ده سنوي ولكن رسمومه مش متذكرها بالضبط ولكن عشان اكون صريح انا مثلا في الثلاث ايام دي دافع 750 جنيه شامل كل حاجة في كل حتة لأي حاجة :D يعني All inclusive :D

واحد تاني يسألني ويقولي انتا من مبدأ ايه بتحكم على الفندق اقوله بحكم اني قضيت في الفنادق ايام اكتر ما قضيت بيتنا ههه :D

ها نبتدي بالوصول طبعا انا وصلت متأخرا كالعادة على اي معاد في حياتي ولأول مرة العربية تبطل مني مش فاهم ازاي !!

اللي حصل انه كان فيها شرطة بنزين لسة فاضلة !! وفجاة الطريق مشي بعد ما كان واقف فشلت رجلي من على الفرامل ودست بنزين العربية مشيت لحد ما خلص الأولاني وبتدي التاني والطريق وقف تاني لسة بشيل رجلي من على البنزين وبحطها على الفرامل الأربي ام وطي جامد جدا والعربية رعشت شوية وهب راحت مبطلة !!! دخلت بنزينة التعاون اللي على صلاح سالم وفولت وكبست بنزين جامد بعد التفويلة العربية رجعت كويسة !! انا متوقع انها كانت بنزين سئ !!! مع اني آخر مرة حاطط من التعاون !!

المهم وصلت الفندق ودخلت وركنت العربية ونسيت كل المشاكل واهلا بالتغيير بقى :D

عملت تشيك ان بالبطاقة والكارت بتاع الخصم وبالمناسبة اللي عايز تفاصيل الكرت ده انا ممكن اديهالوا على الخاص الكرت ممتاز جدا بصراحة خصم حتى 70% في الفنادق من بعضها ولكن في السلام كان 50% + الخصم نفسه بيسري على الكثير من المطاعم الفاخرة في القاهرة وخارج القاهرة زي استديو مصر وغيرها + انه بيدني افضلية حجز في الفنادق الت 4 و الـ 5 نجوم في القاهرة انا جايب حجز للويك اند في فندق 5 نجوم قبلها بيوم في نص شهر 7 !! اعتقد الفكرة دي ممكن تبقى عاملة ازاي لأي حد نازل مصر يكون متخيل اللي انا عملتوا كان ايه :D

ببساطة التقييم كالآتي

اللوبي : موظفين الريسيبشن ناس فاهمة وبتنجز العميل

التأمين من الجهات الأمنية مرضي جدا فيه تفتيش على جميل المعدات والشنط والحقائب

الترفيه : فيه اسطبل لركوب الخيل ممتاز جدا ولكن الخيل اللي فيه طبعا مش بتاعت امكانيات هيا معمولة مثلا كنوع من الترفيه عن الملاك .. فيه سبا ممتاز وجاكوزي ومساج وحمام سباحة

ولكن الإنترنت سعره مش طبيعي الحقيقي وده اللي خلاني انزل اتكلم مع ادارة الفندق كنوع من انواع التفهاهم يعني اليوم من استخدام الإنترنت في الفندق = 150 جنيه !! وبلاش اقولكم الأسبوع بكام عشان انا نزلت قعدت بالساعتين اتناقش مع ادارة الفندق ( اصل ليا صاحب هناك فالحديث كان ودي)

لأنه فيه منطقة في اللوبي فيه اوايرلس فري ومفتوح !! طيب ايه الفكرة انه العميل ينزل من غرفته عشان مجرد يستعمل الإنترنت !! مع اني شفت نفس الفكرة دي كذى فندق خارج مصر وما زلت مصر اني افهم ايه الفكرة في العذاب ده !!!

ضايقني في الفندق التالي :

- الميني بار يحتوي على مشروبات كحولية وهو مما قد اثار حفيظتي لأنه انا شاب ولوحدي فلنفترض اني ممكن اكون مع اسرتي وفيها اطفال !! ازاي يبقى الغرفة فيها حاجات زي دي !! فكان رد الريسيبشن انه كان ممكن ببساطة من البداية اطلب انه الغرفة متحتويش على اي انواع من الكحول .

- ضايقني مواعيد الفطار والغداء والعشاء مش مناسبة لأغلبية النزلاء وده اللي لاظته على الكثير من الناس ولكن مع الوقت ها تتأقلم مع المواعيد
- اعجبني انه التلفزيون خالي والبرامج اللي عليه من البرامج اللي كانت موجودة في التلفزيون في الماريوت !! وده شئ اعجبني انه ما يزال فيه اعتبار للنزلاء من الجنسية وما حولها !!
- اعجبني انه التلفزيون والتلفون على طول عليهم داش بار اهلا بالأستاذ خطاب !! مع انه اسمي سيد ولكن همة بيتعاملوا مع الإسم الأوسط :D
- خدمة الغرف لسيت سيئة وسريعة
- حصلت مشكلة اثناء تواجدي الا وهو اني بالصدفة بشوف دفتر الشيكات ( الطلبات) في الرووم لقيت انه الدفتر الموجود بتاع النزيل السابق وكان طالب وساحب من الميني بار زجاجة هينيكن ( مشروب كحولي ( فعملت مشكلة انه ازاي ميتمش تفريغ الغرفة وكان ممكن ببساطة الشيك يتحسب عليا مش الفكرة في الثمن الفكرة في شكلي وانا بعمل التشيك اوت اني شارب مشروبات كده نا ضدها اصلا !! وهوة اللي قعدت احكي فيه بتاع ساعة انه البار المكان لمثل هذه المشروبات ولكن انا امقدرش امشي سياسة فندق بالكامل على مزاجي .
- مستوى المأكولات الأروبية والشرقية ممتازة جدا الحقيقة من مشاوي واسماك ممتازة بالفعل !! والطبيخ ممتاز وعلى درجة جيدة فعلا !! انا اكلت من الماريوت وشيراتون والميريديان والفور سيزونز بصراحة هوة والفور سيزونر ما يزالوا الأفضل التانيين كنت بحس الأكل فيه حاجة مش طبيعية ايه هية مش عار فومع انه دي مسألة اذواق ولكن انا عارف انه الأكل نضيف جدا وممتاز جدا ومرضي جدا وعلى فكرة نسيت اني اقول الكرت اللي معايا بيديك ليلة مجانا في الفندق لفردين + 5 تذاكر لعشاء سنوي لفردين يعني فرديت ياكلوا 5 مرات في السنة من الفندق مجانا مش ضروري نفس الفردين طبعا .
- على فكرة الثمن اللي انا كاتبه فوق هوة لغرفة مزدوجة وليست فردية
- فيه بعض الأسعار مبالغ فيها عن الفنادق الأخرة بصراحة او حتى عن النزل لأخرى زي مثلا الدراي كلين ثمن غسيل البنطلون فقط 38 جنيه وكويه 30 جنيه يعني الموضوع بـ 70 جنيه للبنطلون !!اعتقد دي اسعار سياحية ولكن اوفر برضوا بصراحة انا مش ممكن افكر فيهم الا في حالات زي مثلا عايز اغسل فستان فرح او بدلة انيقة يعني ها يحافظوا على الشئ وعلى الفتلة كويس ويتم تنضيفه بشكل كويس يعني اقصد انه تستخدمه في الحاجات القيمة جدا فقط ..
- مأعجبنيش انه لضرورة النزول لتناول الطعام لازم اكون لابس رسمي !!! بنطلون !!!!!!!!!!!!!!!!
ما علينا مليش الحق في الإعتراض دي سياسة فندق ومليش حق التدخل فيها .
ميزة الفندق انك تحس انك اصلا خارج القاهرة مش محتاج تخرج من الفندق الا بيني وبينك بس انتا الصفة العامة اللي شايفها من الأغلبية انه الناس كلها بتجيب زجاجات المياه الخاصة بيها من برة والسبب في ده هو السعر المغالا فيه من قبل الفندق في زجاجات المياه المعدنية بطريقة غريبة حيث ان زجاجة المياه الصغيرة المعندية من الحجم الصغير = 10 جنيهات :D ففي ناس كانت جايبة زجاجات معندية معانا وبيبسي وعصير والحقيقة شفت اجانب عاملين نفس الفكرة دي برضوا لأنه ببساطة احنا في مصر الجديدة وقدام الفندق فيه سوبر ماركت بيبيع نفس زجاجة المياه بـ 2 جنيه في حين انه ممكن يجيبوا من الموزع الرسمي وتكون لهم هم الإستفادة والغريب انه الفندق عارف انه النزلاء كلهم بيعملوا كده ولكن بالنسبالهم شئ طبيعي !! اللي خايف من اسعار المأكولات فهيا هيا مثلا اسعار تشيلز او روبي ثيرزداي زي الريد اي مثلا بـ 95 يعني كله اسعار طبيعية ..
- فيه حاجة ضايقتني كمان وخليني اقول هيا الرعاية الصحية كانت ما بين جيد الى ضعيف لأني من الناس اللي بتصاب للأسف بالرعاف نتيجة لإرتفاع الضغط او الحرارة الزائدة ولكن المرة دي النزف استمر لأكثر من نصف ساعة وفقدت دم كثير وللأسف نزلت لطبيب الفندق كان رد فعله ببساطة هو ثلجة وميل دماغك للخلف مكنش فيه رد فعل طبي من تجاهه وهو ما قد اثار حفيظتي ولكن في المجمل مثلا !!
- الفندق من وجهة نظري ياخد 8 من 10 فهو فندق 5 جوم ولكن من وجهة نظري فيه فنادق في شرم الشيخ 4 نجوم افضل منه بكثير جدا كفاءة مع انه الكونكورد معروف جدا ولكن الملحوظات الخاصة بي كانت كثير وضايقتني فعلا !!
وفيما يلي مجموعة من الصور للفندق من الداخل ومن الخارج ..

والصور بكرة بعون الله للتقرير كامل بعون الله .

[HOSSAM99]

تمام التقرير يا باشمهندس
في إنتظار الحلقه يا رب تكون أستجميت كده و روقت و كتبتلنا كام حلقه حلوين

[AHMED1718]

حابب اعلق على حوار الفندق الرخم ده لانه ارخم فندق نزلت فيه بصراحة

حاسه فندق العواجيز

راديسون بلو ف مساكن شيراتون حاسه برقبته بس السيط ولا الغنا زى مابيقولو
اسطبل خيل ونادى الصيد

وارخم حاجة ان عربيتك هتفضل منقوحة ف الشمس على طولل مفيش تاندة حتى مش جراج

حوار انك لازم فيزا علشان تشيك استفزتنى جداا واول مرة دخلته كان معايا وقلت ف الريسبشن انه مش معايا علشان اشوف الداعى الملح لطلب الفيزا وقلت انا هحاسب كاش على اللى هطلبه

بالنسبة للفنادق القريبة منه وافضل منه بمراحل
فييرمونت ، وراديسون بلو

[saadelden]

ابعتلي بيانات كرت الخصم و اديني شويه تفاصيل

احلي حاجه اما تروح مكان جديد و تغير جو بعيد عن الدوشه خالص
بالذات اما تبقى لواحدك و تعمل الي انت عايزه . تنزل وقت مانت عايز و تخرج زي مانت عايز :d

انا بغير جو ف السيده زينب :p
و باخد فتره نقاهه ف السعوديه :d

[sayed911]

تمام التقرير يا باشمهندس
في إنتظار الحلقه يا رب تكون أستجميت كده و روقت و كتبتلنا كام حلقه حلوين

ههههه يكفي ان اقول لحضرتك انه نهر الإبداع الفكري تفجر وتدفق الإبداع كله وبعون الله ها تلاقي حلقات بنكهة جديدة تماما يا فندم وتحت امر حضرتك يا استاذ حسام وتحت امر حضرتك تماما بجد والله حضرتك فعلا من اكثر الناس المتابعين لحلقاتي فعلا ..

حابب اعلق على حوار الفندق الرخم ده لانه ارخم فندق نزلت فيه بصراحة

حاسه فندق العواجيز

راديسون بلو ف مساكن شيراتون حاسه برقبته بس السيط ولا الغنا زى مابيقولو
اسطبل خيل ونادى الصيد

وارخم حاجة ان عربيتك هتفضل منقوحة ف الشمس على طولل مفيش تاندة حتى مش جراج

حوار انك لازم فيزا علشان تشيك استفزتنى جداا واول مرة دخلته كان معايا وقلت ف الريسبشن انه مش معايا علشان اشوف الداعى الملح لطلب الفيزا وقلت انا هحاسب كاش على اللى هطلبه

بالنسبة للفنادق القريبة منه وافضل منه بمراحل
فييرمونت ، وراديسون بلو

موضوع الفيزا مش عارف بصراحة ولكن انا متأكد انه كلام حضرتك صحيح 100% ولكن اصل انا لسة معملتش تشيك اوت بصراحة انا ما زلت مقيم في الفندق ولقلة خبراتي ف يالفنادق في القاهرة بصراحة والله اللي حضرتك قولتهم كلهم تماما من الفنادق فعلا محتاجين زيارة اتفرج عليهم وبالذات راديسون ساس وبصراحة معاك مية وسبعين الف مليوم حق في فنه فندق عواجيز فعلا الساعة 12 اهي والفندق كله هس هس هس هس هس مفيش غير صالة الروليت هيا اللي ليها صوت بصراحة والكافيهات اللي من برة خالص اللي هيا مش تبع الفندق اصلا !! انما الفندق فهو اتاقتل كله من 12 بالضبط انا بصراحة افتكرت الفنادق كلها كده على اعتبار اه الفنادق في القاهرة الأكتيفيتيز فيها ليميتد جدا .. وحوار العربية انا راكنها تحت الشجرة من ساعة ما وصلت مفكرتش اني احركها بصراحة عشان عارف انه زي ما حضرتك بتقول كده بالضبط .. هوة راديسون هنا في مصر كام نجمة يا فندم :d ?
حضرتك شايف انه الفنادق في القاهرة فعلا تصلح لقضاء مصيف قصير لأسرة ام انها متقضيش الغرض يا فندم ؟
تفتكر الفنادق بتفرق في طريقة تعاملها بين الجيست الأجنبي والجيست المصري زي ما انا حاسس ولا ده مجرد وهم في دماغي انا وبس ؟

ابعتلي بيانات كرت الخصم و اديني شويه تفاصيل

احلي حاجه اما تروح مكان جديد و تغير جو بعيد عن الدوشه خالص
بالذات اما تبقى لواحدك و تعمل الي انت عايزه . تنزل وقت مانت عايز و تخرج زي مانت عايز :d

انا بغير جو ف السيده زينب :p
و باخد فتره نقاهه ف السعوديه :

ههههههههههههههههه طيب تيجي نبدل اطلع انا السعودية وتيجي انتا مكاني ؟
هههه وحاضر كرت الخصم ها ابعت التفاصيل ها اعمل سكان للورق بتاعوا لما اروح البيت يا سعد ان شاء الله لأنه هنا مفيش اسكانر انا مروح يا بكرة يا بعد بكرة حسب الظروف معايا ان شاء الله .. وعنيا الإتنين التفاصيل ها تكون عندك بلكامل ..

[AHMED1718]

موضوع الفيزا مش عارف بصراحة ولكن انا متأكد انه كلام حضرتك صحيح 100% ولكن اصل انا لسة معملتش تشيك اوت بصراحة انا ما زلت مقيم في الفندق ولقلة خبراتي ف يالفنادق في القاهرة بصراحة والله اللي حضرتك قولتهم كلهم تماما من الفنادق فعلا محتاجين زيارة اتفرج عليهم وبالذات راديسون ساس وبصراحة معاك مية وسبعين الف مليوم حق في فنه فندق عواجيز فعلا الساعة 12 اهي والفندق كله هس هس هس هس هس مفيش غير صالة الروليت هيا اللي ليها صوت بصراحة والكافيهات اللي من برة خالص اللي هيا مش تبع الفندق اصلا !! انما الفندق فهو اتاقتل كله من 12 بالضبط انا بصراحة افتكرت الفنادق كلها كده على اعتبار اه الفنادق في القاهرة الأكتيفيتيز فيها ليميتد جدا .. وحوار العربية انا راكنها تحت الشجرة من ساعة ما وصلت مفكرتش اني احركها بصراحة عشان عارف انه زي ما حضرتك بتقول كده بالضبط .. هوة راديسون هنا في مصر كام نجمة يا فندم :d ?
حضرتك شايف انه الفنادق في القاهرة فعلا تصلح لقضاء مصيف قصير لأسرة ام انها متقضيش الغرض يا فندم ؟
تفتكر الفنادق بتفرق في طريقة تعاملها بين الجيست الأجنبي والجيست المصري زي ما انا حاسس ولا ده مجرد وهم في دماغي انا وبس ؟
والله لو حسيت ان المعاملة كده ييقا فيه الشوز اللزيز علشان احنا دافعين فلوس خمس اضعاف الاجنبي اللى بيجي
وبالنسبة لحوار الفيزا ده ف الشيك ان
وحوار الواير ليس ده سياسة بصراحة مستفزة جدا بس سياسة ليست بالعامة بس معظم الفنادق كده بس راديسون بلو مش منهم

ولو على تقضية يوم ف القاهرة انا شايف ان الاكل ف دار الدفاع من انضف الفنادق اللى كلت فيها وفيه حرية ومجال كبير للتمشية ولحجات تانيا كتير واسعاره اسعار منافسه جدا ونضيف جدا

ولو على يوم اجازة ف كايرو من الاصل يبقا ربنا يبعدنى عنها بتخنق بمجرد وصولى لاحد مداخلها وبفضل مش طايق نفسي لحد ما افول بنزين استعدادا لخروجى منها

ولو عايز تقارن مش هتقارن فندق زاته وتعممه على باقى فروعه فعلا ادارة كل فندق بتغير منه 180 درجة هيلتون شارك شرم الشبخ وماريوت الغردقة وكورايا مرسي علم من احسن الفنادق اللى نزلت فيها اكيد فيه احسن محصليش شرف دخوله زى فور سيزون شرم بس انا بتكلم من وجهة نظرى المحدودة كمستهلك وليس كمحلل سياحى

فين الحلقة اللى جاية بقا "؟؟

[HOSSAM99]

ههههه يكفي ان اقول لحضرتك انه نهر الإبداع الفكري تفجر وتدفق الإبداع كله وبعون الله ها تلاقي حلقات بنكهة جديدة تماما يا فندم وتحت امر حضرتك يا استاذ حسام وتحت امر حضرتك تماما بجد والله حضرتك فعلا من اكثر الناس المتابعين لحلقاتي فعلا ..

..

في إنتظار الحلقه القادمه ( و بلاش أفندم و أستاذ دي خلي البساط أحمدي )

[saadelden]

ههههههههههههههههه طيب تيجي نبدل اطلع انا السعودية وتيجي انتا مكاني ؟
هههه وحاضر كرت الخصم ها ابعت التفاصيل ها اعمل سكان للورق بتاعوا لما اروح البيت يا سعد ان شاء الله لأنه هنا مفيش اسكانر انا مروح يا بكرة يا بعد بكرة حسب الظروف معايا ان شاء الله .. وعنيا الإتنين التفاصيل ها تكون عندك بلكامل ..

والله السعوديه مش زي ما انت متخيل
انا حاليا قاعد مع والدي بس . اخويا و والدتي نزلو مصر ف عايش ف الشقه لوحدي تقريبا نص اليوم
حصل امبارح موقف رجعني لايام مصر و امجاد مصر :d
كنا رايحين نجيب شويه حاجات م السوبر ماركت و للاسف ماخدناش بالنا انه لسه مفتتحينه من يومين
المهم دخلنا لقينا ناس طالعه تجري و بيشدو من بعض السكر و الرز و خناقه عند البصل :d
صاحبك طبعا جاي من مصر طازه و حافظ الحوارات دي روحت واخد غطس و طالع بكيس سكر و هربت :d
الحصيله الي طلعنا بيها ف الاخر م المعركه دي كلها كيس السكر و علبتين مناديل و ازازه ميه :p

بس كان يوم مسخره الصراحه
واحد سعودي بيستنصح ف واقف عند الكاشير يقوله دي عليها عرض يقوله لا يروح مرجعها
لغايه ما طلع بكيس بامبرز و زبادي م العربيه الي كان ماشي بيها كلها !!! حرق دمي و شل الكاشير

بس عموما تغيير جو بردو و ادينا بنشوف عجائب خلق ربنا

ادعيلي بقى عشان رايح اطلع رخصه سعودي
الامتحانات هنا مش سهله و مفيهاش كوسه خالص !!

[Eng.Geo]

انا قريت أخر كام حلقة
بس عندي أقتراح
ممكن تكمل في موضوع جديد !
الردود هتزيد و أبقي حط الرابط بتاع الموضوع ده في أول الموضوع الجديد
مجرد أقتراح .. انا شايف بس الردود قليلة

[sayed911]

والله انا كنت بفكر سيادتك انقل الموضوع كله لجروب علىالفيس بو بتنظيم اكثر بقى عشا يبقى فيه حصر للميبرز والأعداد :d ومع اني عارف انه هنا الحلقة بيقرأها ملا يقل عن 20 عضو وناس كتير بتراسلني ولكن الرودود هيا اللي قليلة ما عدى من ناس معينين زي حضرتك والأستاذ حسام والأستاذ سعد والأستاذ حورس والأستاذ احمد والأستاذ محمد والأستاذ محمد سعيد وفيه ناس فعلا مش عايز اغفل حد كتير من خارج المنتدى بيتابعوه :d فالحقيقة لسة مش عارف آخد قرار ايهم افضل انقل الوضوع كله على جروب ولا اوقف كتابة ولا اكمل في موضوع :d والله الموضوع صعب جدا :d

[Eng.Geo]

طاب انا ممكن أساعدك
أبدأ في عمل الجروب وهظبط الموضوع ده وهحاول أنظمه في ملف وورد وأخليك تخش تحط الحلقات
ولا أيه رأيك ؟
لو في مثلا ترتيب حلقات أو تنظيم معين
شوف كدة وانا في الخدمة :)

[sayed911]

ربنا يخليك يا فندم والله ده كتير عليا فعلا :d :d :d هههههههههه ( باين عليا ابن ناس )
ههه بص هوة عامة انا عارف اني بقعد في البيت زي البط في رمضان ان شاء الله فأنا ناوي اعمل الجروب في رمضان ان شاء الله وانزلها على هيئة نوتس بسرعة وده ها يضمن السرعة في الإنتشار ولكن مش عارف هل اعمله على انه جروب ولا على انه بيج وانا عارف انه الموضوع مش مستحيل لأني والحمد لله مخلي عندي النسخ الأصلية من كل الحلقات موجودة عندي على اللاب فالموضوع ها يبقى مجرد كوبي وبيست ليس اكثر :d ولكن مش عارف بقى جروب ولا بيج وهيا ان شاء الرحمن عز وجل ها تكون في رمضان خلصت هيا كبيرها معايا يومين افرتكها على الفيس :d

[HOSSAM99]

كل سنة و أنت طيب يا حج سيد
و إنزل بالحلقه أوام أوام
و ركز شويه مع المنتدي و قلنا ايه اللي واخد عقلك