شفيق في مواجهة لجنة الحكماء على التلفزيون الليلة مباشر الساعة 9

[أشرف العدوي]

الحلقة النهاردة كانت سخنة جدا و علاء الأسوانى أسلوبه فعلا غير لائق تماما و كل واحد عمال يقلك الشهداء و الواحد بقى حاسس أننا-مش عارف أعبر- زى ما نكون بنبيع أى كلام بموتهم الله يرحمهم

لو حد فكر بتمعن و هدوء كده هيلاقى أن أية مصلحة شفيق أنه يفضل مستحمل القرف ده كله و كل الهجوم ده
ما ممكن يرمى أستقالته و يريح دماغه و يقول يالا يا شعب تييت و يريح نفسه
و هى كده كده وزارته مؤقتة و فى ظروف عصيبة جدا و الراجل عليه ضغوط جامدة جدا من كل أتجاه

لازم قبل ما نحاسب الراجل نفكر كويس لو كنا مكانه دلوقتى اية كمية المشاكل و الضغوط اللى هتبقى محيطة بينا
الموضوع مش لعب عيال و شوية شعارات رنانة الرجل ده تلاقى طالع عينه أساسا

أحنا محتاجيين نهدى شوية و نخلى العملية تمشى بدل ما تحصل فعلا ثورة مضادة بس المرة دى مش ثورة الحزب الوطنى و لا ثورة شعبية دى هتبقى ثورة جياع و نقضيها تدبيح فى بعض زى الثورة الفرنسية

اللهم جنب بلادنا الفتن و الوباء و البلاء اللهم أرفع مقتك و غضبك عنا و قنا عذاب النار

أؤيدك بشدة
و ده كان رد ليا في موضوع سابق

ممكن سؤال برئ
هو الأعضاء الي مش عايزين شفيق
مش عايزينة علشان خاطر البون بون و الهايد بارك بس و لا في اسباب تانية ؟
انا شايف السببين دول كافين يشيلوا رئيس جمهورية مش رئيس وزراء


ملحوظة :- يرجى أستيعاب الفقرة القادمة بالنية السليمة علشان مش بعرف الف و أدور

انا شايف و ده من وجهة نظري ان في نوع من المتاجرة بدم الشهداء
يعني كل المطالب حتى لو مش منطقة أيه السبب فيها هي اجابة واحدة دم الشهداء و الناس دي هي الي بترخص دم الشهداء و هما مش واخدين بالهم الشهداء خدوا اعلى مرتبة اي حد على وجه الارض يتمنى انه يكون فيها فهم باذن الله في الجنة حيث
مالا عين رات ولا اذن سمعت ولا خطر على قلب بشر و لن يزيدهم في نعيمهم أقالة رئيس وزراء او تغير العالم كله و لم يعوض امهاتهم و لا اقاربهم اموال العالم اجمع


المجلس العسكري عمل كل ما في وسعه و انا شايف ان اكتر من المطلوب في الوقت الراهن علشان أرواح الشهداء و علشان يحمي الثورة و ابتدى في محاكمات و تحقيقات و طبعاً ما ينفعش فيها استعجال لان ممكن مع الأستعجال ناس ممكن تتظلم و ده طبعاً مايرضيش حد لان الثورة في الاساس كانت ضد الظلم


ملحوظة قبل الأخيرة :-
أحمد شفيق عين رئيس وزراء بواسطة المجلس العسكري

ملحوظة أخيرة :
اي عضو من حقه الرد في اي موضوع منتسب لاي شخص و لكن في حدود الأدب و الأحترام

بالنسبة لعلاء الاسواني ففقد مصداقيته و وضح انه بردو كالعادة لاي حد عايز يكسب تعاطف الثوار يتكلم في دم الشهداء و كان واضح بالنسبالي انه بيقول اي كلام و خلاص يعني كأنه حافظ كلمتين و جاي يرميهم و يمشي و وضح جدأ انه اتهز لما اتقالوا ما تبلسش لبس الوطنية كأنها جت على الجرح
عايز اقولو لو هي الديموقراطية الي انت بتنادي بيها يبقى خدها معاك و انت ماشي للأسف ما تلزمنيش الديموقراطية بتاعتك بالمنظر ده الي تخلي اي حد يطلع يقعد يزعق و يتخانق و يتاجر بدم الشهداء و مبرره ان هي دي الحرية و الديموقراطية يبقى خليها لنفسك و ما تفرضهاش عليا
بصراحة يا خسارة ياريته ما كان جه الحلقة دي للاسف نزل من نظري كتيييييييييييييييير جداً جداً جداً

و بعدين انت بتقول ان ما فيش حد أتحاسب حتى الان من الظباط
طيب التحقيقات الي عند النائب العام دي بتعمل ايه و لا انت عايزهم ينزلوا يلموا الظباط كلهم في حتة فاضية و يموتوهم مش المفروض في تحقيقات و محاكمة مش ممكن حد فيهم يطلع برئ
مش انت كنت بتنطط علشان الاعتقال بدون محاكمات عايز تطبقه ليه دلوقتي !!!!!!!
عارف ليه
اقولك انا
علشان دم الشهداء !!!!!!!!!!!!

انت لو شغلت مخك و جاي تقول كلام يفيد البلد
كنت عرفت ان النائب العام عنده قضايا متلتله و طبيعي ان اي قضية فيهم حاتخد وقت اكتر من المعتاد
بس علشان انت زي ما قولت في الاول حافظ كلمتين تكسب بيهم تعاطف الناس و جاي ترميهم و تمشي ما اتدش فرصة لنفسك انك تفكر

و ياريت نصيحة لأي حد هيطلع يتاجر بدم الشهداء سواء معارضة او حكومة ياريت أفعال لا اقوال

بالنسبة لأحمد شفيق ياريت لما تكون سيادتك عارف انك رايح برنامج تبقى تلاقي حاجة مفيدة تتكلم فيها يا اما ما تقبلش انك تطلع في برامج تحرق دمنا و خلاص مش عارف بيجيبوا الناس دول منين


الي فات ده وجهة نظري

[abf-nassar]

انا مش هتكلم عن الحوار بين شفيق والاسواني لان الكلام اصبح بلا معني فكل شخص حر في رأية
انا هتكلم عن الحوار بين الاعضاء هنا في اسئلة ياريت الناس تجاوب عليهم
لما يكون في اعضاء هنا تاريخ عضويتهم يرجع الي 2007 و2008 اي منهم اللي بقاله عضو في المنتدي اربعة سنوات وثلاثة سنوات وغير ذلك
هل مجرد اختلافهم في وجهة النظر وطرح ارائهم - يكون سبب لاتهامهم بانهم اللجنه الاليكترونية للحزب الغابر وهل هذه اللجنة المزعومة كانت تكون خلايا نائمة داخل المنتديات ونشطت الان ؟؟؟!!!
هل مجرد اختلاف وجهات النظر والاراء سبب وجيه لاتهام الاخر بانة من ذيول الحزب الغابر وانه عميل وانه مندس وباقي الاوصاف ؟؟؟؟؟؟؟؟؟؟!!!!
هل يصح لعضو ان يصف الاسواني انه يتحدث بأسم الشرفاء ليصبح اي معارض لاسلوبه وكلامه انسان غير شريف ؟؟؟؟؟؟
وللعلم انا احد هؤلاء الناس اللذين اصبحوا غير شرفاء لانني ارفض اسلوب هذا الاسواني في الحوار و اعتبره لايعبر الا عن نفسه هو ومن يؤيد رايه 0000 ولكن هذا الاسواني لايعبر عني ولايشرفني ان يكون الاسواني متحدث باسمي

[thedeveloper87]

[Quote]


أهلا باللجنة الالكترونية , نفس الكلمتين اللي بيتقالوا على الفيس بوك بالحرف
:)))))))))))

[Quote]

المصيبة إن شغالين كوبي بيست .... وعجبي على الغباء

إلى أعضاء اللجنة الإلكترونية للحزب اللي ما يتسمى:
أسيادكم حاولوا يعملوا كده في الشعب ساعة خطاب مبارك التاني وكانوا هينجحوا لكن بفضل الله مفيش حاجة حصلت

العبوا غيرها

[fepsceasar]

فى كومنت على مصراوى متهيالى لخص الحوار
الاسوانى بيتكلم صح باسلوب غلط
شفيق بيتكلم غلط باسلوب صح

[hn_kamal]

طبعا حوار الاسوانى بالاسلوب ده مرفوض ومغاير تماما لما تنادى به الثورة من الديمقراطية وحرية الرأى

ولكن كلامه كله صح وانا مقتنع به تماما

ولكن واضح ان الفريق شفيق ليس لديه السلطات الكافية فى الوقت الحالى علشان يعرف يرد عليه بدون عصبية!!!!

[تامر.محمد]

أذا كان الأسواني أسلوبه مستفز......شفيق منطقه أكثر استفزازا والمنطق أهم
إذا كان الأسواني بيتعصب علشان الشهداء...... شفيق بيتعصب علشان منصبه بدليل إن محدش هاجم شخصه لكن هجموا سياسته
إذا كان الأسواني بيتكلم عن مستقبل مصر........شفيق بيتكلم عن ماضيه وتاريخه الشخصى
إذا كان الأسواني بيسأل كتير............. شفيق لم يعط أي إجابات

شفيق يا راجل | اين كنتم لما حاربت و قاتلت و انقتلت اين كنتم ..... من انتم انا بنيت مطارات انا بنيت شركه طيران من انتم من انتم الى المطار الى المطار ....

الحوار عجبى جدا
وخصوصا علاء الاسوانى لانة كان واضح

+1

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس
للأسف الراجل طلع تكنوقراط صرف, مالوش اي حاجة فيما يخص السياسة

علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه
انا اللي انا شايفه انه كان بيهاجمه بالأدب , و لما شفيق زعق هو كمان زعق

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد
ما شفتش حواره كله , بس جالي نفس الانطباع

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده
انا لاحظت محاولاته لدعم شفيق طول الوقت بغير حق

نجيب ساويرس
شجاع سياسي هادئ
تعلب و ناصح اوي

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه
اتفق

نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي
بيقول انه جنى ثمرة مهارته
هو شفيق عايز ياخذ لقب"صاحب الضربة الجوية الحقيقي"
اي حاجة بقى و خلاص , ما هم الظاهر علموه انه لازم يستند لشرعية معينة , فاللي حيلته مشاركته في حرب اكتوبر و تطوير المطار

ههههههههههههههههه لأ والمفبركاتي بتاع الأهرام ناشر الخبر وبيأكد علي وجود هذه اللجنه وحاطط خبر بيقول انه تم حل هذه اللجنه علشان يضحك علينا وندي الأمان علشان موقفهم ووجودهم بقي باين وواضح للجميع

باين زيادة عن اللزوم , لما عشرات في نفس الدقيقة يدخلوا يقولوا نفس المعنى بنفس الاسلوب بنفس طريقة الكلام السوقية , منظر كان اشبه بكتيبة هجوم شفته على الفيس بوك

طبعا حوار الاسوانى بالاسلوب ده مرفوض ومغاير تماما لما تنادى به الثورة من الديمقراطية وحرية الرأى
ولكن كلامه كله صح وانا مقتنع به تماما
ولكن واضح ان الفريق شفيق ليس لديه السلطات الكافية فى الوقت الحالى علشان يعرف يرد عليه بدون عصبية!!!!

عصر المسئول اللي الناس بتحاسب عليه و تتكسف تقول له انت عملت كذا , و لما يزعق يبصوا في الأرض انتهى , لازم نعرف كده

لما يكون في اعضاء هنا تاريخ عضويتهم يرجع الي 2007 و2008 اي منهم اللي بقاله عضو في المنتدي اربعة سنوات وثلاثة سنوات وغير ذلك
هل مجرد اختلافهم في وجهة النظر وطرح ارائهم - يكون سبب لاتهامهم بانهم اللجنه الاليكترونية للحزب الغابر وهل هذه اللجنة المزعومة كانت تكون خلايا نائمة داخل المنتديات ونشطت الان ؟؟؟!!!

دي النقطة اللي تخصني في حديث حضرتك , و رجاء انا ما قلتش خالص ان كل اصحاب رأي معين هم من اللجنة الالكترونية , و ان كان بعضهم منها فعلا و بينشروا الرأي ده, انا ما كتبتش اسامي و ما قلتش اللي بيقولوا كذا كلهم لجنة الكترونية , نقطة خلايا نائمة دي الله اعلم , بس لا استبعدها على الحكومة

- نتيجه الخناقه الحاصلة في البرنامج بعد 4 -5 ساعات صداع أن شفيق شفيق ليس في يده أي شيء وأن من يحكم هو المجلس العسكري
يعني لو شالو شفيق جابو x or y نفس الوضع سيظل كما هو حتى لو واحد مجتمع عليه الشعب
الحلقة اثبتت فعلا انه عروسة ماريونيت, لكن ده مش معناه ان الحكم كله في ايد المجلس العسكري , و كده كده مطالب الناس في رأيي ما اتغيرتش , سواء من شفيق او المجلس العسكري
و لو نزل واحد فعلا محترم , مفترض ان لو الوضع كده كنا هانلاقيه استقال عشان كذا , او تمت اقالته و قال انا تمت اقالتي عشان كذا


شيلو المجلس العسكري
شيل المجلس العسكري دي بإيد العسكريين , لو تقصد شيلوه من حكم البلد , فكده كده الناس بتطالب بحكومة وطنية مش بحكومة سكرتارية زي زمان , فالمطلب موجود , يعني في رأيي لو الحكومة الوطنية اتحطت , و المجلس العسكري فعلا بيفرض قرارات عليها , لازم هايحصل صدام بينها و بين المجلس , و في الحالة دي يا يمشي رأي الحكومة - اللي مفروض هاتتحاسب- يا هاتستقيل و الوضع هايبقى فعلا وارد فيه الصدام مع المجلس العسكري



- قلتها وهافضل أقولها :
حسني مبارك حرق 2 ( شفيق و عمر سليمان )
شفيق ثبت انه تكنوقراط صرف و مالوش في السياسة خالص , برده مازال المنصب ده ما ينفعوش , ده مالوش علاقة لو عليه ملفات فساد من قبل كده ولا لأ , اما سليمان فده الحمد لله انه مشي , سواء له في السياسة او مالوش


أتمكنى من الدكتور شفيق أن يستقيل ويسيبها لأنها به أو بدونه سيااااااااااان
يبقى يسيب قلة القيمة وعدم القدرة على الحوار لاخرين
أتفق

[Osama_I]

بدليل أنا أنا أنا ... أنجازاتى...أنجازاتى... عمتا دا يعتمد على تحليل كل واحد...

انا هسألك سؤال
لو واحد قالك متلبسشي ثوب الوطنية امام الملايين على الهواء هرتد تقوله ايه ؟؟؟؟
يا أخي الكريم حاول تبقى محايد بالله عليك

الحاجة الوحيدة الشيقة بالنسبالى أن شفيق أقل ما يقال أنه أتهزأ

لقاء النهارده عبارة عن :
- فزاعة
- تفاخرعسكر
- تخلف بسبب عدم اداراك الوضع ن حواليه كسابقينه
-احنا بنفهم وانتم مبتفهموش
- الحكمة زي بتاعت الرئيس السابق
- مفيش اجابة واحده توحد ربنا محددة لأي سؤال اتسأل له
- قصص علشان تتوه وتنام وتنسى انت عاوز ايه

ده الملخص اللي هو = النظام القديم بغباءه

شفيق بيفكرنى فعلا بالقذافى ... ورايا تاريخ !! انا انا انا !!
ومفيش ولا سؤال جاوب عليه بشكل مباشر .. لأ دا كلامه حتى مستفز
الاسوانى مع انه انفعل بس مضمون كلامه كان صح وانا شخصيا لو موجود مش هقول اكتر من الى قاله .. لاحظوا الراجل مات جنبه شهداء ظلم وامن الدوله قرف اهله...
------
نفسي اقول لبعض الناس ... بلاش حركه تغيير الموضوع دى ... مفقوسه اكتر من شغل الحزب الوطنى نفسه...
يعنى مره ننزل خبر .. يسيبوا الخبر ويمسكوا فى الموقع الى ناقل الخبر ..
مره ننقل كلام على لسان فلان وكلام حقيقى ... يسيبوا الخبر ويستلموا فلان كان الموضوع عليه ...
نتكلم عن رئيس الوزراء وكلامه المستفز ... يسيبوا الموضوع ويمسكوا فى ناس تانيه فى الحلقه ..
تيجى تكلمه يعمل الشويه الى ياما عملها الحزب الوطنى.. (من اجلك انت) وهمنا عالبلد والبلد هتضيع والكلام دا
بجد يعنى مش عايز اقول شكلكم بقى جميل اد ايه

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس


علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده

نجيب ساويرس
شجاع سياسي هادئ

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه


نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي

هو شفيق عايز ياخذ لقب"صاحب الضربة الجوية الحقيقي"

أذا كان الأسواني أسلوبه مستفز......شفيق منطقه أكثر استفزازا والمنطق أهم
إذا كان الأسواني بيتعصب علشان الشهداء...... شفيق بيتعصب علشان منصبه بدليل إن محدش هاجم شخصه لكن هجموا سياسته
إذا كان الأسواني بيتكلم عن مستقبل مصر........شفيق بيتكلم عن ماضيه وتاريخه الشخصى
إذا كان الأسواني بيسأل كتير............. شفيق لم يعط أي إجابات

[nevozaky]

انا مش هتكلم عن الحوار بين شفيق والاسواني لان الكلام اصبح بلا معني فكل شخص حر في رأية
انا هتكلم عن الحوار بين الاعضاء هنا في اسئلة ياريت الناس تجاوب عليهم
لما يكون في اعضاء هنا تاريخ عضويتهم يرجع الي 2007 و2008 اي منهم اللي بقاله عضو في المنتدي اربعة سنوات وثلاثة سنوات وغير ذلك
هل مجرد اختلافهم في وجهة النظر وطرح ارائهم - يكون سبب لاتهامهم بانهم اللجنه الاليكترونية للحزب الغابر وهل هذه اللجنة المزعومة كانت تكون خلايا نائمة داخل المنتديات ونشطت الان ؟؟؟!!!
هل مجرد اختلاف وجهات النظر والاراء سبب وجيه لاتهام الاخر بانة من ذيول الحزب الغابر وانه عميل وانه مندس وباقي الاوصاف ؟؟؟؟؟؟؟؟؟؟!!!!
هل يصح لعضو ان يصف الاسواني انه يتحدث بأسم الشرفاء ليصبح اي معارض لاسلوبه وكلامه انسان غير شريف ؟؟؟؟؟؟
وللعلم انا احد هؤلاء الناس اللذين اصبحوا غير شرفاء لانني ارفض اسلوب هذا الاسواني في الحوار و اعتبره لايعبر الا عن نفسه هو ومن يؤيد رايه 0000 ولكن هذا الاسواني لايعبر عني ولايشرفني ان يكون الاسواني متحدث باسمي :t_thum1[1]:

اولا السلام عليكم .اوافق حضرتك الراْى تماما .يا جماعة مش علشان حد مخالف فى الراْى يبقى تطلعوا تقولوا انه اللجنة الالكترونية للحزب الوطنى .انا عارفة ان الناس كلها عانت من الحزب الوطنى بس مش لازم يبقى عملنا عقدة بالشكل ده .واى حد مخالف فى الراْى يبقى حزب وطنى او يبقى من اعداء الثورة .يعنى انا مخالفة لارائكم يبقى انا من اللجنة الالكترونية .كلنا غرضنا فى الاول والاخر مصلحة مص ومصلحتنا كلنا بس مختلفين فى الاراء .سواء اتفقنا او اختلفنا لا نخون بعضنا البعض .ولازم يتغير اسلوب تفكيرنا وطريقة حوارنا وثقافة الحوار بيننا .انا شاهدت البرنامج وعلى الرغم انى كنت باقدر الدكتور علاء الاسوانى بس انا هوه مش عجبنى النهاردة خالص وحتى ارائه مش عجبانى .انا مش بدافع عن الفريق احمد شفيق بس هوه ارقى منه فى اسلوب الحديث .مش معنى انه مش عايزه او مخالف له فى الراى يبقى يتكلم بالاسلوب ده .وفعلا الفريق احمد شفيق ممكن يشترى دماغه فعلا ويسيب الوزارة ويقول انا مالى ووجع الدماغ ده .وانا فعلا اتمنى انه يسيبها علشان يريح نفسه ويريح الناس .ولو انى كنت اتمنى استمراره مؤقتا فى هذه المرحلة .لكن واضح ان الناس مش عايزاه بمجرد انه كان موجود فى عصر الرئيس السابق حسنى مبارك.انا كنت زمان معجبة بالفريق احمد شفيق وبنجاحه فى عمله او فى تخصصه .وعارفة انه راجل بتاع شغل ونشيط جدا .بس لو الناس كلها مش عايزاه يبقى خلاص .بس يا ريت بعد كده ما نندمش ونقول والله كان هوه احسن .انا شايفة انه ما اخدش فرصته .والله لو راى اغلبية الناس انه يمشى دلوقتى يبقى خلاص .احنا عايزين الاصلح ايا كان وعايزين فعلا مصلحة مصر واستقرارها .واوعى حد يقول انى علشان باقول الكلمتين دول ابقى اللجنة الالكترونية للحزب الوطنى .على العموم اختلاف وجهات النظر لا يفسد للود قضية .وتقبلوا خالص احترامى .

[تامر.محمد]

اولا السلام عليكم .اوافق حضرتك الراْى تماما .يا جماعة مش علشان حد مخالف فى الراْى يبقى تطلعوا تقولوا انه اللجنة الالكترونية للحزب الوطنى .انا عارفة ان الناس كلها عانت من الحزب الوطنى بس مش لازم يبقى عملنا عقدة بالشكل ده .واى حد مخالف فى الراْى يبقى حزب وطنى او يبقى من اعداء الثورة .يعنى انا مخالفة لارائكم يبقى انا من اللجنة الالكترونية .كلنا غرضنا فى الاول والاخر مصلحة مص ومصلحتنا كلنا بس مختلفين فى الاراء .سواء اتفقنا او اختلفنا لا نخون بعضنا البعض .ولازم يتغير اسلوب تفكيرنا وطريقة حوارنا وثقافة الحوار بيننا .انا شاهدت البرنامج وعلى الرغم انى كنت باقدر الدكتور علاء الاسوانى بس انا هوه مش عجبنى النهاردة خالص وحتى ارائه مش عجبانى .انا مش بدافع عن الفريق احمد شفيق بس هوه ارقى منه فى اسلوب الحديث .مش معنى انه مش عايزه او مخالف له فى الراى يبقى يتكلم بالاسلوب ده .وفعلا الفريق احمد شفيق ممكن يشترى دماغه فعلا ويسيب الوزارة ويقول انا مالى ووجع الدماغ ده .وانا فعلا اتمنى انه يسيبها علشان يريح نفسه ويريح الناس .ولو انى كنت اتمنى استمراره مؤقتا فى هذه المرحلة .لكن واضح ان الناس مش عايزاه بمجرد انه كان موجود فى عصر الرئيس السابق حسنى مبارك.انا كنت زمان معجبة بالفريق احمد شفيق وبنجاحه فى عمله او فى تخصصه .وعارفة انه راجل بتاع شغل ونشيط جدا .بس لو الناس كلها مش عايزاه يبقى خلاص .بس يا ريت بعد كده ما نندمش ونقول والله كان هوه احسن .انا شايفة انه ما اخدش فرصته .والله لو راى اغلبية الناس انه يمشى دلوقتى يبقى خلاص .احنا عايزين الاصلح ايا كان وعايزين فعلا مصلحة مصر واستقرارها .واوعى حد يقول انى علشان باقول الكلمتين دول ابقى اللجنة الالكترونية للحزب الوطنى .على العموم اختلاف وجهات النظر لا يفسد للود قضية .وتقبلوا خالص احترامى .

للتوضيح
و رجاء انا ما قلتش خالص ان كل اصحاب رأي معين هم من اللجنة الالكترونية , و ان كان بعضهم منها فعلا و بينشروا الرأي ده, انا ما كتبتش اسامي و ما قلتش اللي بيقولوا كذا كلهم لجنة الكترونية , نقطة خلايا نائمة دي الله اعلم , بس لا استبعدها على الحكومة

[ahmad5997]

اللقاء اللي حصل امبارح بين رئيس الوزراء الفريق احمد شفيق وبين دكتور احمد كمال ابو المجد ودكتور عمرو حمزاوي ورجل الاعمال نجيب سويرس والكاتب علاء الاسواني والاعلامي حمدي قنديل مع كلا من المذيعين ريم ويسري فودة

احب انقد كل من كان في اللقاء والنقد قابل للحوار
اولا :- الفريق احمد شفيق
حضرتك بتطلب من المتحدث اليك ان يكون كلامه منظم في نقاط محددة للرد عليه والا يكون كلامه مرسلا في حين ان ردود حضرتك غير مرتب وغير منظم في خطوات نعرف نقهم منها ايه اللي هيتم وعليه فان الحوار في رأي الشخصي بلا اي فائدة

ثانيا "- دكتور احمد كمال ابو المجد يزداد حبي لحضرتك كلما فتحت فمك للتحدث من رزانة في التفكير وحكمة في التبليغ

ثالثا :- دكتور عمرو حمزاوي اطلقت عدد خرافي من الاتهامات لسيادة الفريق ولم تحدد الليات للعمل من رأيك الشخصي وكان نفسي اقولك ساعتها انت رأيك ايه

رابعا:- الاعلامي حمدي قنديل الذي لم يتحدث كثيرا ولما تحدث تهكم علي كلمة الفريق شفيق ان الجوار كان في الفورسيزون مما عمل علي استثارة الفريف شفيق واحب ان الذكر الاعلامي قنديل انه شخصيا لو اراد ان يتحدث لن يكون اللقاء علي قهوة في الشارع ولا في جنينة التحرير بل يتم اختيار مكان يتناسب مع حجم قنديل

رابعاُ : الروائي علاء الاسواني كنت احبك كثيرا واحب ان اسمع حواراتك المنتقضة للنظام البنائة ولكن في هذة الحلقة لم تكن سوي ثائر بلا عقل واكثرت من ارتفاع صوتك ولم تتذكر انك تتحدث مع رئيس وزراء (والرسول علي الصلاة والسلام قال ننزل الناس منازلهم ) وقبل ان يتفوة الفريق شفيق بكلمه لباس الوطنية انتابني ومن بجواري نفس الاحساس هل تتعمد ذكر الشهداء لتظهر نفسك من الابطال وانك اكثر وطنية مننا كلنا . للأسف بسببك انت وحدك تحول الحوار من حوار الي خناقة انخفضت بمستوي مصر كلها مش بمستواك انت بس واسف علي اني كنت بحبك
خامسا :- المذيع يسري فوده في رأي تاخد خمس نجوم امبارح علي مقدرتك علي ادارة الحوار حتي وان كانت النتيجة من الحوار صفر بس نت ك مذيع خمس نجوم

سادساً : ريم اسمحيلي ومن غير زعل اقولك اتلهي علي عينك واقعدي اقري شوية وثقفي روحك وحددي انتي عايزة ايه واسمعي من اللي قدامك كويس عشان تعرفي تحاوريه

سابعاً : رجل العمال الملياردير نجيب سويرس نفسي اسألك سؤالين اولاهما مين الموظفين اللي عندك عملوا مظاهرة وبياخدو 10000 جنية عشان اروح بنفسي اضربهم بالجزمه وثانيا ممكن اجي انا اشتغل معاك وتديني ال 10000 جنية دول واوعدك اني امش هعمل مظاهرات
ثانيا أنت ايه اللي حشرك اصلا في الحوار ده وعشان كده انا رحلت تعليقي عليك للأخر

وشكرا للكل اخيرا

[nevozaky]

للتوضيح
و رجاء انا ما قلتش خالص ان كل اصحاب رأي معين هم من اللجنة الالكترونية , و ان كان بعضهم منها فعلا و بينشروا الرأي ده, انا ما كتبتش اسامي و ما قلتش اللي بيقولوا كذا كلهم لجنة الكترونية , نقطة خلايا نائمة دي الله اعلم , بس لا استبعدها على الحكومة

انا فاهمة حضرتك .وده رايك .بس مش لازم نعمم الناس والكلام .وحتى لو فى ناس حزب وطنى هما احرار حتى لو ليهم مصلحة هما احرار .وفعلا ده لازم يبقى تفكيرنا بعد كده الحرية .حتى لو فى اختلاف فى الاراء .هيه دى الحرية اللى احنا عاوزنها .انا عارفة ان حضرتك ما كتبتش اسامى .انا اقصد ملهوش لازمة التلميح لاى حد ايا كان .انا مش باتكلم على نفسى انا باقول بصفة عامة .صدقنى الناس فعلا اتعقدت بسبب النظام السابق وكله مخون بعضه .بقت حاجة صعبة اوى .ميرسى لرد حضرتك .
ولو ان انا مختلفة معاك فى الراْى .بس هيه دى الحرية وجود الراْى واحترام الراْى الاخر .
تقبل احترامى

[otefa]

انا فاهمة حضرتك .وده رايك .بس مش لازم نعمم الناس والكلام .وحتى لو فى ناس حزب وطنى هما احرار حتى لو ليهم مصلحة هما احرار .وفعلا ده لازم يبقى تفكيرنا بعد كده الحرية .حتى لو فى اختلاف فى الاراء .هيه دى الحرية اللى احنا عاوزنها .انا عارفة ان حضرتك ما كتبتش اسامى .انا اقصد ملهوش لازمة التلميح لاى حد ايا كان .انا مش باتكلم على نفسى انا باقول بصفة عامة .صدقنى الناس فعلا اتعقدت بسبب النظام السابق وكله مخون بعضه .بقت حاجة صعبة اوى .ميرسى لرد حضرتك .
ولو ان انا مختلفة معاك فى الراْى .بس هيه دى الحرية وجود الراْى واحترام الراْى الاخر .
تقبل احترامى

حضرتك جيبتي المفيد هو الأستاذ كان عرف منين وأتأكد أزاي أن فيه لجان .....! وليه مايكونش هو نفسه عضو فيها ! ولو زي ماتفضلتي لو فيه أعضاء تبع الوطني أهلا وسهلا بهم وعادي جدا ماحدش بيجبر حد على الأقتناع براي الأخرين ........رمي الناس بالباطل ليس من الدين في شيء
تقبلي تحياتي

[أشرف العدوي]

خلاص أحمد شفيق مشي و جه مكانه عصام شرف

[otefa]

مين عصام شرف؟..........أيه السي في بتاعه وأنجازاتهه على أرض الواقع؟
مش وزير نقل سابق في حكومة الحزب الوطني؟
ربنا يوفقه لما فيه الخير

[nevozaky]

حضرتك جيبتي المفيد هو الأستاذ كان عرف منين وأتأكد أزاي أن فيه لجان .....! وليه مايكونش هو نفسه عضو فيها ! ولو زي ماتفضلتي لو فيه أعضاء تبع الوطني أهلا وسهلا بهم وعادي جدا ماحدش بيجبر حد على الأقتناع براي الأخرين ........رمي الناس بالباطل ليس من الدين في شيء
تقبلي تحياتي

ميرسى لحضرتك .بس فعلا ده رايى ويا ريت يبقى ده النظام من هنا ورايح .اللى عايز يقول اى راْى يقوله حتى لو الراْى ده مخالف لكل الناس .وانا لسه شايفة ان الفريق احمد شفيق استقال .يا رب الناس تبقى كده ارتاحت ونبتدى نركز فى شغلنا .علشان نعدى الفترة دى بسرعة وعلى خير .تقبل احترامى وتحياتى لحضرتك