شفيق في مواجهة لجنة الحكماء على التلفزيون الليلة مباشر الساعة 9

[ahmed1981]

عزيزى احمد
انا اجد شفيق هو من كان يستفز علاء الاسوانى
دكتور علاء من الاول بيقول نقط محدده سياسيه السيد شفيق رد عليه يقوله انا كنت بحارب واول طلعه جويه و يقوله انت مش فاهم؟؟!!!
مين اللى مش فاهم
علاء رد بما يستحق قاله انا فاهم واحنا هنا بنفهمك طالما هو مش فاهم اصلا السؤال البسيط المباشر
ولو تاخد بالك سويرس قاله لشفيق بلاش تقوله كلام مستفز
مره يقوله انت مش عارف انا افهمك ومره يقوله بلوفر الوطنيه
علاء حتى لو محتد بيتكلم فى نقط واضحه الاجابات كانت بدرجه من الاستقزاز والبرود تجعل اى واحد دمه حامى يسخن
يعنى كان عمل زى ريم و هو بيسكتها ولا عمرو حمزاوى اللى افترسه
وده اللى اداله الجرئه انه يقعد مع اسود زى الاسوانى و قنديل
و ماينفعش يتقارن بقنديل عشان قنديل اصلا اعلامى محترف

إحنا مش مختلفين يا باشا

شفيق رحل خلاص

لكن كنت أتمنى من علاء الأسواني بصفته الوحيد بينهم من وجهة نظري الذي يمثل الثورة كما هي بدون فزلكة
كنت أتمنى منه أن يكون اكثر ذكاءاً في الحوار

وصدقني الأسلوب الذكي في الحوار بيربط اللي قدامك ميخلهوش يتعدى عليك وفي نفس الوقت بيطلع كل اللي عنده

لذلك كنت اتمنى من الأسواني وأنا أحب ثوريته أن يكون أفضل مما فعل فقط

والغريب أن البعض يأخذ هذا الكلام ثم يجنده على أساس أنه مدح في شفيق
يا للعجب على خلط الأوراق

[egyptionman]

اشكر لسيادتك ردك الكريم والهدف واضح من الكلام وهو كفاية تخوين وكفاية اتهامات فريق يوصف فريق بانه لجنة اليكترونية وفلول وذيول والفريق الاخر يوصفهم بالاجندات والعمالة
هو حرام الناس تتكلم مع بعض من خلال اراء من غير اتهامات

كل من لا يؤيد قكر البرادعي هو عميل لأمن الدولة وعضو مؤسس للجنة اللإلكترونية للحزب الوطني وعما قريب سينال جزاء خيانته للشعب

يا سيدي الفاضل انا لااقصدك انت بالمشاركة انا اقصد كل من يتهم الاخر بالخيانة والعمالة سواء رأي معارض او موافق لان الاتهامات اصبحت متبادلة بشكل سيء حتي من يدعو الي الهدوء بين الطرفين لم يسلم هو الاخر من الاتهامات بل تم اتهامه بالخنوع والانبطاح والخضوع والازلال
لماذا كل هذه الاتهامات بين الناس
حتي اختلاف الاشخاص علي تقبلهم لاسلوب حديث شخص مثل الاسواني اصبح سبب لتبادل الاتهامات
سبحان الله
الاسواني ماهو الا شخص عادي تخرج كلمات من فمه باسلوب معين وهناك من يتقبل اسلوبه وهناك هناك من يرفض اسلوبه
هل اصبح كلامه مقدس للدرجة التي تجعل اشخاص يتهمون الرافضين لاسلوب حواره بانهم غير شرفاء واخرين القابلين لهم بانهم من الشرفاء
هاهو شفيق وقد رحل وبتاكيد سوف تظهر مطالب اخري واختلافات اخري وهذه طبيعة الامور الاختلاف بين الناس فهل سيستمر اسلوب التخوين هو الذي يحكم الحوارات بين الناس

علاء الأسواني يجيد مثل هذا الأسلوب وهذه الطريقة من خلال رواياته التي لا تخلو من أسوأ ما في المجتمع المصري

بعد مشاهدة الحلقة . علاء الاسوانى أسلوبة أسلوب واحد واقف فى الشارع بيتكلم لا يرقى لآى مستوى من اللباقة و اسلوبة مستفز . أحمد شفيق أستقال و أنا كنت اتمنى أنة يكمل المرحلة القادمة الى أنا مستغربة اسلوب أحمد شفيق دة رجل عسكرى بس هو بيتعامل بأسلوب راقى زيادة عن اللزوم . أنا مش فارق معايا شخصيا أن أحمد شفيق يكمل و لا يمشى بالرغم من أنى كان نفسى يكمل بس بعد كلام الاسوانى و أسلوبة الغير حضارى على الاطلاق بقول أن شفيق فعلا نأى بنفسة عن وجع الدماغ دة . الاسوانى ناطط فى بق كل واحد بيتكلم و حتى أسلوبة مع المذيعة ريم أسلوب رزل و سخيف و بيتكلم و يقولها أنا مخدتش فرصتى . لا يراعى أداب الحديث دة رأيى فية و بكل صراحة لا فارق معايا وطنى و لا غير وطنى بس أسلوبة غير مقبول و الله لو أنا شخصيا الى مكان شفيق كان ممكن اتعامل معة بأسلوب غير كدة و خصوصا أن شفيق كان رجل عسكرى بس للأسف طلع ذوق قوى معاة

اوافقك تماما

ههههههه
انا بستغرب والله اللي بيتكلموا في اسلوب حوار
وتركوا دماء ناس وتكتيم على فاسدين
انا مش فاهم هيا الناس الأولويات عندها ايه بس علشان ابقى عارف
الأوليات اسلوب الحوار واخرها دماء المصريين

وهل ستأتي دماء الناس بهذا الأسلوب ؟
أم أن هناك تحقيقات تجريها النيابة العامة مع الجميع ؟
الأسواني لديه أي دليل يقدمه للنيابة ويساهم في الحصول على حق الشهداء غير ذلك يحسن آداب الحديث مع الآخرين

انا مش عارف الناس شافت الحلقه ازاى
هو عشان الناس مش عايزه شفيق يحق لعلاء الاسوانى انه يتكلم بالاسلوب ده
زعيق شفيق رد على الانسان المتعجرف الاسوانىيعنى المذيع اما بيقولوه نكمل الحلق بره لو وقت حضرتك يسمح الاخ الاسوانى يقول بدون محد يوجه له الاكلام يقول واما وقتى انا كمان يسمح
ايه القرف ده الناس بعد مكانت مش قادره تتكلم ولقت الفرصه بقت بطيح بدون حساب للكلام ولاللشخص الى قدامه

كلمه اخيره ياله من ببغاء عقله فى اذنيه

أصبح هذا هو الأسلوب السائد في المجتمع المصري

[egyptionman]

نجيب ساويرس : تحدث حين يجب أن يتحدث وصمت حين يجب أن يصمت وحين تحدث كان واضحا مهذبا يعرف ماذا يريد أن يقول

عمرو حمزاوي سئل وناور وحاور بأسلوب جاد يدل على إنسان يعرف ماذا يريد وكيف يحققه

حمدي قنديل اعلامي متمكن

علاء الإسواني عليه ان يتعلم آداب الحديث وأخذ الحق ليس بطول اللسان

احمد شفيق الرجل المناسب في الوقت غير المناسب تحمل الكثير وتورط بقبوله للوزارة

السؤال الآن:
هل سيقضي الدكتور عصام شرف على الفوضي الأمنية وينهض الإقتصاد على يديه ويعدم ويسجن كل ظباط أمن الدولة المتورطين ويحل الجهاز في شهر كما كان مطلوبا من أحمد شفيق أم لا ؟
إن فعل تكون معجزة وأرشحه وقتها ليكون رئيسا لمصر فترتين متتاليتين
إن لم يحدث وهو المتوقع هل سيتم الهجوم عليه بنفس شراسة الهجوم على شفيق أم أن وقتها ستظهر المبررات له ؟؟؟؟؟؟؟؟؟

[heshamzaky]

ن
السؤال الآن:
هل سيقضي الدكتور عصام شرف على الفوضي الأمنية وينهض الإقتصاد على يديه ويعدم ويسجن كل ظباط أمن الدولة المتورطين ويحل الجهاز في شهر كما كان مطلوبا من أحمد شفيق أم لا ؟
إن فعل تكون معجزة وأرشحه وقتها ليكون رئيسا لمصر فترتين متتاليتين
إن لم يحدث وهو المتوقع هل سيتم الهجوم عليه بنفس شراسة الهجوم على شفيق أم أن وقتها ستظهر المبررات له ؟؟؟؟؟؟؟؟؟

أتمنى أنة يحل كافة المشاكل و أرجو أى ما ألاقيش هجوم علية هو كمان لان ساعتها حا يبقى كدة الناس هية الى عاوزة تحكم و الوزراء و رئيس الجمهورية يبقو صورة و منظر فقط. و لو دة ما حصلشى و ما مويش كلام المعارضة يبقى حا يتقال دة الحكومة فاسدة فاسدين

[heshamzaky]

الله ينور عليك يا استاذ هشام انا معاك في كلامك تماما
و الدليل على صحة كلامك هو ان نجيب ساويرس و حمدي قنديل عارضو الفريق احمد شفيق
و لكن بأسلوب اكثر تهذيبا
علاء الاسواني مكنش المفروض يتكلم بالطريقة دي ابدا مع الفريق احمد شفيق كشخص عادي
فما بالك كمان انه كان بيكلم احمد شفيق رئيس وزراء مصر !!!!!!!!!!!!!!!!!!

نجيب ساويرس بالرغم من أنة معارض بس أتكلم كويس جدا جدا و كان فى منتهى الذوق و الادب يا راجل دة كان بيرفع أيدة علشان ياخد فرصة أنة يتكلم و نبة كذا مرة على ضرورة منع المظاهرات و البدأ فى العمل بس محدش نهائى أفتكر الكلام دة و كلة مسك ان الاسوانى يا سلام دة مية مية . الله طيب فين الشغل و فين العمل كل دة مش مهم المهم يا أما الى فى دماغة يا أما الدنيا تولع مش مهم المهم أنا عاوز أية و أزاى أسخن و ابقى بطل

[itsonlyme]

نجيب ساويرس بالرغم من أنة معارض بس أتكلم كويس جدا جدا و كان فى منتهى الذوق و الادب يا راجل دة كان بيرفع أيدة علشان ياخد فرصة أنة يتكلم و نبة كذا مرة على ضرورة منع المظاهرات و البدأ فى العمل بس محدش نهائى أفتكر الكلام دة و كلة مسك ان الاسوانى يا سلام دة مية مية . الله طيب فين الشغل و فين العمل كل دة مش مهم المهم يا أما الى فى دماغة يا أما الدنيا تولع مش مهم المهم أنا عاوز أية و أزاى أسخن و ابقى بطل

لأ واخدين بالنا من موقف ساويرس كويس قوي. الراجل بيأيد المطالب السياسية كلها بس متضرر من الوضع الاقتصادي وعايز المظاهرات تنتهي في أقرب وقت.

والحكاية بقى أولويات.
احنا مش كل يوم هنعمل اصلاح سياسي شامل ... بمعنى أصح، مش كل يوم هنعمل ثورة.
واصلاح سياسي كده وكده ماينفعناش
احنا بنأسس للدولة مؤسسات وبنفصل ما بين السلطات و بنبي آليات ديمقراطية.
نصبر عشان المستقبل يكون أحسن.

[itsonlyme]

السؤال الآن:
هل سيقضي الدكتور عصام شرف على الفوضي الأمنية وينهض الإقتصاد على يديه ويعدم ويسجن كل ظباط أمن الدولة المتورطين ويحل الجهاز في شهر كما كان مطلوبا من أحمد شفيق أم لا ؟
إن فعل تكون معجزة وأرشحه وقتها ليكون رئيسا لمصر فترتين متتاليتين
إن لم يحدث وهو المتوقع هل سيتم الهجوم عليه بنفس شراسة الهجوم على شفيق أم أن وقتها ستظهر المبررات له ؟؟؟؟؟؟؟؟؟

الموضوع مش انجازات سريعة. الموضوع هل في ثقة ان الشخص ده بيحاول يحقق الانجازات دي ولا لأ.

الأخ شفيق ولا يعرف يعني ايه أمن الدولة أساسا ومش عايز يحله.
ووزير الداخلية بتاعه احنا اساسا معندناش ثقة انه عايز يرجع الأمن للبلد. احنا شاكين انه عايز يسبها فوضة شوية عشان نبوس ايد الشرطة ويحافظ على امتيازات الشرطة زي ما كانت من غير مراقبة ولا محاسبة.

الموضوع كان ازمة ثقة.

ده غير اني شخصيا كنت مقتنع تماما ان شفيق ناوي يرشح نفسه لانتخابات الرئاسة وخايف من شفيق انه يبقى مبارك جديد.

[heshamzaky]

لأ واخدين بالنا من موقف ساويرس كويس قوي. الراجل بيأيد المطالب السياسية كلها بس متضرر من الوضع الاقتصادي وعايز المظاهرات تنتهي في أقرب وقت.

والحكاية بقى أولويات.
احنا مش كل يوم هنعمل اصلاح سياسي شامل ... بمعنى أصح، مش كل يوم هنعمل ثورة.
واصلاح سياسي كده وكده ماينفعناش
احنا بنأسس للدولة مؤسسات وبنفصل ما بين السلطات و بنبي آليات ديمقراطية.
نصبر عشان المستقبل يكون أحسن.

لو دلوقتى أحمد شفيق أستقال حلو و الحكومة حا تتغير . المظاهرات حا تستمر لية يعنى قولى لسة ناقص كذا و كذا و كذا و لو ما اتنفذش كل المطالب تقدر تقولى أمتى الناس حا تشتغل و أمتى حا تتوقف المظاهرات

[JUVENTUS]

لو دلوقتى أحمد شفيق أستقال حلو و الحكومة حا تتغير . المظاهرات حا تستمر لية يعنى قولى لسة ناقص كذا و كذا و كذا و لو ما اتنفذش كل المطالب تقدر تقولى أمتى الناس حا تشتغل و أمتى حا تتوقف المظاهرات

سؤال ليس له اجابة
المطالب عمالة تزيد
اول ما بدأت الثورة و كان لسة مبارك موجود كان دايما رد فعله متاخر و بالتالي المطالبات كانت بتزيد كرد فعل على سوء تصرف مبارك
لكن دلوقتي الاصلاح بدأ بالفعل و لكن هيحتاج وقت فما هو مبرر المطالب اللي مش بتخلص

[heshamzaky]

سؤال ليس له اجابة
المطالب عمالة تزيد
اول ما بدأت الثورة و كان لسة مبارك موجود كان دايما رد فعله متاخر و بالتالي المطالبات كانت بتزيد كرد فعل على سوء تصرف مبارك
لكن دلوقتي الاصلاح بدأ بالفعل و لكن هيحتاج وقت فما هو مبرر المطالب اللي مش بتخلص

المطالب لن تنتهى و سيظل الاختلاف موجود . شوف الخبر دة ... منقول ........
نظم قرابة 100 شخص مسيرة حول ميدان التحرير، طالبوا فيها المتظاهرين المرابطين بالإخلاء الفورى للميدان، وعدم العودة له مجددا، لإعادة حركة الإنتاج لمسارها الطبيعى.

وقابل المتظاهرون فى ميدان التحرير هذه الدعوة بالتجاهل، وقالوا: "نحن نعبر عن آرائنا واتركوهم يعبرون عن رأيهم".

يأتى ذلك فيما يشهد ميدان التحرير تزايدا من المتظاهرين والحث على الاستمرار فى البقاء والدعوة إلى التمسك بباقى المطالب، وعلى رأسها الإفراج عن جميع المعتقلين السياسيين، وحل جهاز أمن الدولة.

[heshamzaky]

........ منقول ....... من اليوم السابع

3 يوماً، هى المدة التى قضاها الفريق أحمد شفيق رئيساً لوزراء مصر فى حكومة تسيير الأعمال، وطوال هذه الفترة قابل الرجل كل شىء، واتهم بالخيانة أحيانا وأوقات أخرى بالوطنية.

رحلة شفيق، فى الوزارة تخللها العديد من الأحداث حيث صوره رجال النظام فى البداية بالمنقذ لبقايا النظام، ثم سرعان ما تحول إلى متهم فى موقعة الجمل ضد ثوار 25 يناير، مما دفع الثوار إلى وضع قائمة ضده تخص كل تجاوزاته، لينتقل إلى مرحلة فقدان الحنكة السياسية وبعد النخبة عنه، والتفاف فئات الشارع العادية حوله.

أوصاف كثيرة أطلقت على الفريق أحمد شفيق، فالبعض وصفه بالرجل القوى والمحبوب الذى يحظى بسمعة طيبة، وتكليفه برئاسة الوزراء فى اليوم التالى من جمعة الغضب كان فى حد ذاته تحديا كبيرا له فى وقت سئم فيه الشعب من النظام بكافة رموزه.

ووفقاً للكثير من الرؤى السياسية، كان الجميع ينظر إلى أحمد شفيق وقتها باعتباره منقذ النظام، خاصة وأنه أحد أبناء المؤسسة العسكرية المعروفة بشعبيتها لدى الجميع، بالإضافة إلى أنه من المعروفين برفضهم للتواجد الزائد لرجال الأعمال فى الحكومة.

لم يكن يتوقع شفيق وقتها ولا النظام أيضا أن الثوار لن يكتفوا بتلك التغييرات، وأن دم الشهداء الذى راح ينبض فى كل واحد منهم ويصرخ برفض أى بقاء للنظام القديم، ومجرد إجراء ترقيع دون تغيير كامل فى الوزارة، خاصة أن وزارة أحمد شفيق كان فيها عدد من الوزراء المرفوضين على كل مستويات النخبة والشعب، على رأسهم عائشة عبد الهادى وزيرة القوى العاملة والهجرة ووزير البترول سامح فهمى.

وبالرغم من أن شفيق نفسه كان يبحث فى تلك الفترة عن كسب الثقة من الناس، وكثيرا ما كان يخرج لطمأنتهم، لكن لم يمر سوى ثلاثة أيام ليخرج الرئيس السابق مبارك بحكمة الدفاع عن الكرسى لآخر رمق ليستخدم كل الأساليب الممكنة لكسب تعاطف الشعب المصرى، ويؤكد أنه لم يكن ينوى الترشح لفترة رئاسية جديدة، وسينظر فى تعديل المادتين 76 و77 من الدستور.

ولم يمر يوم واحد حتى خرج عدد من المؤيدين للنظام السابق، والذى حركهم عدد من أعضاء الحزب الوطنى والوزراء لضرب المتظاهرين وفض الاعتصام بالقوة.

لم تستطع صورة أحمد شفيق الوسيمة الهادئة أن تبقى كثيرا، حيث وجهت أصبع الاتهام له بقوة باعتباره أحد المسئولين عن موقعة الجمل، وإن كان لم يتم التأكد من أنه أحد الدافعين لها أم لا، ولكن يكفى أنه تغاضى فى الدفاع عن الثوار وتركهم لمدة 12 ساعة متتالية تحت أيدى البلطجية.

وفى الثالث من فبراير، خرج يقول مستخدماً لباقته المعهودة فى الحوار، أنه لم يكن يعلم شيئاً عما حدث ويتوعد بمحاسبة المسئولين، كلمات شفيق، وقتها لم تكن مجدية حيث زاد احتقان الثوار وأصروا على رحيله، خاصة أنه دعا المتظاهرين إلى العودة لمنازلهم فى أسرع وقت وتحكيم العقل لأن كل ساعة تمر تضاعف الخسائر بمليارات الجنيهات.

لم يفت شفيق فرصة للتعبير بها عن نفسه فى كافة الفضائيات وعلى صفحات الجرائد ليتحدث دائما باسم الناس فى الشارع، وأنه يبحث عن تحقيق مطالبهم، وحرص طوال الوقت أن يعقد كافة اجتماعاته الوزارية داخل مقر مجلس الوزراء فى شارع القصر العينى وليس القرية الذكية، كما كان يفعل الدكتور أحمد نظيف.

وبعد أن قرر مبارك الرحيل فى يوم الحادى عشر من فبراير تجلت شعبية الفريق أحمد شفيق لدى الناس، خاصة أنه أعلن أكثر من مرة تحذيره للرئيس السابق ونجله من التجاوزات التى تحدث، بل إن البعض من السياسيين أنفسهم اعتبروه أحد المرشحين بقوة لرئاسة مصر.

لكن الثوار على الجانب الآخر، جمعوا كل تجاوزاته ليتحول إلى أحد أعداء الثورة، وتلك المرحلة الثالثة فى عمر حكومة أحمد شفيق التى لم تتعدِ عمرها 33 يوما.

وزادت حدة المعارضين لحكومة أحمد شفيق، حيث لم تشفع التغييرات التى أجراها فى الوزارة، وتعيين وزراء من كافة الأحزاب السياسية مثل منير فخرى عبد النور وزير السياحة السابق من حزب الوفد أو جودة عبد الخالق وزير التضامن، خاصة بعد التصريحات التى أدلى بها وزير الداخلية عن وجود مندسين فى التظاهرات وعناصر أجنبية، مما رفضه الثوار واعتبروه أحد بقايا تصريحات النظام القديم، حتى انتهت الحكومة بعد مشادة على الفضائيات بين الفريق أحمد شفيق والدكتور علاء الأسوانى أنهت رحلة الأول فى رئاسة مجلس الوزراء.

[chato_eg]

لأ واخدين بالنا من موقف ساويرس كويس قوي. الراجل بيأيد المطالب السياسية كلها بس متضرر من الوضع الاقتصادي وعايز المظاهرات تنتهي في أقرب وقت.

والحكاية بقى أولويات.
احنا مش كل يوم هنعمل اصلاح سياسي شامل ... بمعنى أصح، مش كل يوم هنعمل ثورة.
واصلاح سياسي كده وكده ماينفعناش
احنا بنأسس للدولة مؤسسات وبنفصل ما بين السلطات و بنبي آليات ديمقراطية.
نصبر عشان المستقبل يكون أحسن.

أخدت بالك كمان لما بعديها قال " أنا قلت فى لقاء مع قناة أجنبية إن ده ثمن بسيط جدا للحرية و إللى هتؤدى إلى الأفضل فيما بعد "....
عجبنى فيه احترافه....عارف هو عايز إيه..و مش لازم يهد الدنيا و يطوعها علشان يوصل...افضل 100 مرة إنك توصل بسلاسة و هدوء...كان هو المدير الحقيقى للقعدة

[SkyBird]

للاسف في ناس مش عايزة تقتنع ان زمن جعل المسئولين آله قد ولى الى غير رجعه
علاء الاسواني مثل زمن جديد يستطيع فيه الانسان المصري ان لا يقبل اي اهانه لا من رئيس الحكومة ولا حتى من رئيس الدوله لقد قالها بصراحة غير مقبول اهانة اي مصري بعد الان
علاء الاسواني اطلق التطبيق الفعلي لسيادة الشعب وان المواطن هو صاحب الفضل على الرئيس وليس العكس
علاء الاسواني حطم الاصنام وكفر بعبادة الفرعون
اتمنى من اخوتي الاحباء الغاضبين على الدكتور علاء الاسواني ان يستوعبوا هذا المفهوم ولا يفسروا صرخته في وجه تعالي وغرور المسئولين بانها قلة ادب لان البداية كان لابد وان تجئ مدوية عالية حتى يسمعها الجميع
لقد كان من المفترض ان يكون الجزء الثاني من البرنامج بدون شفيق وان يعلق الاسواني وقنديل مع يسري فوده على كلام شفيق في الجزء الاول الا ان شفيق حين علم ذلك اصر على البقاء للحوار معهم مباشرة فما كان من نجيب ساويرس الا ان قال لشفيق "بلاش تحاور الاسواني" قالها له 3 مرات الا ان شفيق بكل غرور قال انه قادرعلى ادارة اي حوار معتقدا ان اسلوب الالتفاف على السؤال بدون الرد المباشر وافتتاح الرد بجملة "لا اتفق مع اي كلمة قلتها ولو بنسبة 1%" كان يعتقد ان هذا الاسلوب الحواري يمكن ان ينجح مع داهيتين سياستين مثل الاسواني وقنديل .... فاسقطه غروره الى غير رجعه
تحياتي للجميع

[misoalex]

للاسف في ناس مش عايزة تقتنع ان زمن جعل المسئولين آله قد ولى الى غير رجعه
علاء الاسواني مثل زمن جديد يستطيع فيه الانسان المصري ان لا يقبل اي اهانه لا من رئيس الحكومة ولا حتى من رئيس الدوله لقد قالها بصراحة غير مقبول اهانة اي مصري بعد الان
علاء الاسواني اطلق التطبيق الفعلي لسيادة الشعب وان المواطن هو صاحب الفضل على الرئيس وليس العكس
علاء الاسواني حطم الاصنام وكفر بعبادة الفرعون
اتمنى من اخوتي الاحباء الغاضبين على الدكتور علاء الاسواني ان يستوعبوا هذا المفهوم ولا يفسروا صرخته في وجه تعالي وغرور المسئولين بانها قلة ادب لان البداية كان لابد وان تجئ مدوية عالية حتى يسمعها الجميع
لقد كان من المفترض ان يكون الجزء الثاني من البرنامج بدون شفيق وان يعلق الاسواني وقنديل مع يسري فوده على كلام شفيق في الجزء الاول الا ان شفيق حين علم ذلك اصر على البقاء للحوار معهم مباشرة فما كان من نجيب ساويرس الا ان قال لشفيق "بلاش تحاور الاسواني" قالها له 3 مرات الا ان شفيق بكل غرور قال انه قادرعلى ادارة اي حوار معتقدا ان اسلوب الالتفاف على السؤال بدون الرد المباشر وافتتاح الرد بجملة "لا اتفق مع اي كلمة قلتها ولو بنسبة 1%" كان يعتقد ان هذا الاسلوب الحواري يمكن ان ينجح مع داهيتين سياستين مثل الاسواني وقنديل .... فاسقطه غروره الى غير رجعه
تحياتي للجميع

الله على كلامك بجد

انا مش عارف الناس فاكره ان رئيس الجمهوريه او رئيس الوزراء ده اله محدش يعارضه او يكلمه مش موظف عند الشعب

[heshamzaky]

مفيش أله ألا الله وحدة . فية حاجة اسمها أداب حوار يعنى لما تكلم من هو يقودك تكلمة بأحترام و للأسف الترويج للفكرة أنة اسغفر الله مش أله هو دة الى مبوظ الحال كل موظف بقى بيبلطج على مديرة و يتعمل بقلة ذوق و كلة فى الهيصة . و رئيس الوزارة أو الجمهورية بغض النظر عن شخص معين أنا بتكلم عن درجة وظيفية يبقى لازم لة احترامة لان لو مشينا بمبدا هو شغال عند الشعب الفكرة حا تتناقل و كلة حا يفهمها بطريقتة و بكرة البواب يطجن معاك و السمكرى و الموظف و الدكتور و المهندس و كل الاشغال و الناس تقولهم مش بتخدمونا يبقى بتشتغلو عندنا . و ممكن اعرف الناس كانت بتتعامل أزاى مع مديرها قبل كدة و اية الى اتغير فى الوقت الحالى . هناك فرق بين الاحترام و محاولة فرض الرأى و محاولة تفريغ كبت معين كان لدى بعض الناس و دلوقتى بتفضية و بصورة مبالغ فيها