شفيق في مواجهة لجنة الحكماء على التلفزيون الليلة مباشر الساعة 9

[أبو عبدالله]

أهلا باللجنة الالكترونية , نفس الكلمتين اللي بيتقالوا على الفيس بوك بالحرف
:)))))))))))

شوفت
بجد لحظت فرق
اكيد لأ
عرفت احنا كنا ظالمين الناس دي ازاي
الناس منظمة وعارفها شغل وبتعمله كويس
وسبحان الله الشعب الفقري خلعهم
فقري من يومه

[تامر.محمد]

انا لو بحكم البلد كنت استقلت اللى بيحكم البلد هم اللجان الشعبية والمجلس انا تاريخ ون كنتم لما كنت بحارب

هههههههههههههههههههههههههههههههههههههههههههههههههه ههههه
و الله من بدري عمال اقول بيفكرني بالقذافي
نفس مضمون الكلام فعلا بس على عاقل مش مجنون زي التاني

انا بدأت بجد احس ان الراجل ده مضحوك عليه

[medo_2060]

شفيق بيفكرنى فعلا بالقذافى ... ورايا تاريخ !! انا انا انا !!
ومفيش ولا سؤال جاوب عليه بشكل مباشر .. لأ دا كلامه حتى مستفز
الاسوانى مع انه انفعل بس مضمون كلامه كان صح وانا شخصيا لو موجود مش هقول اكتر من الى قاله .. لاحظوا الراجل مات جنبه شهداء ظلم وامن الدوله قرف اهله...
------
نفسي اقول لبعض الناس ... بلاش حركه تغيير الموضوع دى ... مفقوسه اكتر من شغل الحزب الوطنى نفسه...
يعنى مره ننزل خبر .. يسيبوا الخبر ويمسكوا فى الموقع الى ناقل الخبر ..
مره ننقل كلام على لسان فلان وكلام حقيقى ... يسيبوا الخبر ويستلموا فلان كان الموضوع عليه ...
نتكلم عن رئيس الوزراء وكلامه المستفز ... يسيبوا الموضوع ويمسكوا فى ناس تانيه فى الحلقه ..
تيجى تكلمه يعمل الشويه الى ياما عملها الحزب الوطنى.. (من اجلك انت) وهمنا عالبلد والبلد هتضيع والكلام دا
بجد يعنى مش عايز اقول شكلكم بقى جميل اد ايه

[chato_eg]

يا إما كداب كبير يا إما مغفل كبير
واضح إن مكتبه لما كان وزير كان على متن طائرة لا تحط على أرض مصر قط...
لسه نجيب ساويرس قاعد يشرح له أمن الدولة يبقى إيه
فى كلا الحالتين لازم و أكيد إن شاء الله هيحصل نظيره التونسى

[atef_rashad]

الى اللجنه الالكترونيه
البنى ادم احساس مين يحس

[smartchoice]

الحلقة النهاردة كانت سخنة جدا و علاء الأسوانى أسلوبه فعلا غير لائق تماما و كل واحد عمال يقلك الشهداء و الواحد بقى حاسس أننا-مش عارف أعبر- زى ما نكون بنبيع أى كلام بموتهم الله يرحمهم

لو حد فكر بتمعن و هدوء كده هيلاقى أن أية مصلحة شفيق أنه يفضل مستحمل القرف ده كله و كل الهجوم ده
ما ممكن يرمى أستقالته و يريح دماغه و يقول يالا يا شعب تييت و يريح نفسه
و هى كده كده وزارته مؤقتة و فى ظروف عصيبة جدا و الراجل عليه ضغوط جامدة جدا من كل أتجاه

لازم قبل ما نحاسب الراجل نفكر كويس لو كنا مكانه دلوقتى اية كمية المشاكل و الضغوط اللى هتبقى محيطة بينا
الموضوع مش لعب عيال و شوية شعارات رنانة الرجل ده تلاقى طالع عينه أساسا

أحنا محتاجيين نهدى شوية و نخلى العملية تمشى بدل ما تحصل فعلا ثورة مضادة بس المرة دى مش ثورة الحزب الوطنى و لا ثورة شعبية دى هتبقى ثورة جياع و نقضيها تدبيح فى بعض زى الثورة الفرنسية

اللهم جنب بلادنا الفتن و الوباء و البلاء اللهم أرفع مقتك و غضبك عنا و قنا عذاب النار

[ahmed1981]

بعد سماعي للحلقة

إعترف شفيق أنه ليس في يده أي شيء وأن من يحكم هو مبارك الثاني أو بمعنى أصح هو طنطاوي

فلابد من رحيل شفيق
وبإذن الله مش هيكون في الوزارة يوم السبت

ثانياً:
علاء الأسواني رغم اني إرتحت انه ذكر مطالب الثورة على الهواء وفي وجه رئيس الوزراء

لكنه لا يملك أي لياقة في الحديث
ولا يستطيع أن يستخرج الكلام ممن أمامه
بل على العكس هو يدفع من أمامه لعدم إحترامه حتى لو كان هو محترم
ويستفز من أمامه بشدة لدرجة أنه يشوش فكره فلا يكمل الرد على سؤاله


عموماً أشكره على عرض طلبات الثورة
لكني آخذ عليه عدم إحترام الطرف الآخر في الحوار
الجهل في أسلوب إستخراج الأجوبة من الغير

قمة الهمجية في التعامل مع أي مسئول المفروض أن يعطى كامل إحترامه حتى لو أنا مختلف معه تماماً


نجيب سويرس تعجبت جداً من طلبه تشغيل البورصة
فتشغيل البورصة سيتضرر منه بشدة صغار المضاربين
فلماذا يريد فتحها ؟؟؟؟؟؟؟؟؟؟

خلصت من هذه الحلقة أن رئيس المجلس الأعلى هو فرعون جديد يتعامل بنفس طريقة العناد

وشكوكي التي وضحتها في الموضوع التالي تأكدت منها تماماً

http://www.nilemotors.net/Nile/203811-a.html

والضغوط في ميدان التحرير لو توقفت فنحن امام مصادرة كاملة للثورة

لذلك النزول يوم الجمعة القادم مهم حتى يستجيب طنطاوي للمطالب

[رزق]

حلقة جيدة في رأي
في أمل بس المشكلة إن واضح إن شفيق مفيش في ايده كتير..وإن الوزرا اللي عليهم الكلام (خدت انطباع) إنهم مفروضين عليه من الجيش

الأسواني كان كويس بس مبيحبش حد يقاطعوا ومعجبنيش في كام حاجة قالها - منهم المشادة مع شفيق
بحب قنديل وكلامه كان موزون وإن ماكانش فيه نقط معينة مطلوبة
شفيق أنا محايد فيه بصراحة...إنما معظم ردوده مش عجباني..امثال رفضه الغاء أمن الدولة بالكامل

[mmolazem]

ولما قالولك من خمس سنين انك هتمسك الوزاره كنت حضر نفسك ليوم زى ده ........

دا المريسه طلعت صعبه قوى ..... يا ريتك ذاكرت ..... يا ريتك ذاكرت .... ماكارينا ماكارينا .

[atef_rashad]

ى[b]بعد سماعي للحلقة b] ]

[size=4][color=blue][b خلصت من هذه الحلقة أن رئيس المجلس الأعلى هو فرعون جديد يتعامل بنفس طريقة العناد

وشكوكي التي وضحتها في الموضوع التالي تأكدت منها تماماً

والضغوط في ميدان التحرير لو توقفت فنحن امام مصادرة كاملة للثورة
لذلك النزول يوم الجمعة القادم مهم حتى يستجيب طنطاوي للمطالب :b4_388:

مفيش احسن من رد مركز وقوى يدل على اشتراك الاخرين معك فى نفس اللى بتفكر بيه قبل مال1 يقفل وينام
والله ردك ده شال حاله الاحباط اللى ملتنى بعد ردود اللجنه الالكترونيه
شكر لك

[SkyBird]

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس


علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده

نجيب ساويرس
شجاع سياسي هادئ

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه


نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي

هو شفيق عايز ياخذ لقب"صاحب الضربة الجوية الحقيقي"

[elrasy]

الحوار عجبى جدا
وخصوصا علاء الاسوانى لانة كان واضح فى اهم مطلبين
1- ازاى واحد من الحزب الوطنى اللى الثورة اسقتطها هى اللى هتحقق مطالب الثورة
2- ازاى الناس اللى قتلوا الشهداء مفيش اى اجراء معاهم لغاية دلوقتى والموضوع طول اوى

[chato_eg]

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

أختلف معك....عمرو حمزاوى كان على نفس الخط زى علاء الأسوانى...بس علاء الأسوانى كان منفعل و ده أفقده قوته....بمعنى بالرغم من إنى موافق تماما و جملة و تفصيلا على كل كلامه إلا أنه لم يجب أن يسمح لمشاعره ( و التى أحترم و أبجل أسبابها تماما ) باقتياده كما حدث

[fepsceasar]

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس


علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده

نجيب ساويرس
شجاع سياسي هادئ

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه


نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي

هو شفيق عايز ياخذ لقب"صاحب الضربة الجوية الحقيقي"

متهيالى قال مبارك استفاد من انجازاتى

[factorialx]

يا جماعه هي الإنتخابات بالرقم القومي و لا بالبطاقه الإنتخابية