ماذا قالوا عن الثورة

[mahmoudysf]

متستغربوش واستنو شوية
انا محبط ودمي محروق جدا
النهاردة اول يوم انزل الشغل ونتجمع مجموعة من الزملاء حوالي 15 من فترة طويلة
طبعا الكلام كان عن الوضع الحالي والثورة
اسمعو بقى التعليقات اللي بيكرروها بدون ما يكون حد فهمها ولا بيفكر فيها والله يا جماعة حافظين
راي واحد من الزملاء ثورة ايه وزفت ايه البلد حالها واقف والعيال دي زودتها
راي اخر انا مليش دعوة البلد كانت بتتسرق ولالا انا اهم حاجة كنا بناكل وبنشرب
راي اخر بتوع التحرير دول بيمسكو الناس يبيعو اعلام بالعافية دول بلطجية
راي اخر بتوع التحرير بيروحو يشربو حشيش ومخدارت امال كانو بيسهروا ويباتو في البرد ده ازاي
راي اخر وده بياكد انهم حافظين مش فاهمين سقف المطالب عمال يعلى واخرتها ايه يعنى
راي اخر خلي بتوع التحرير بقى ييجو يحرسونا من البلطجية بعد ما خربوها
وغيره وغيره تخيلو لما اكون انا واحد زميلي بس ضد 13 واحد بهذة الاراء والافكار السطحية
وطبعا اجي اناقش حد وارد علية رد منطقى ميعرفش يرد غير بالكلام العام اللي فات ده وطبعا بصوت عالي
تخيلو بعد كل اللي اتعرف ده ولسه رايهم ان الرئيس المخلوع مهما حص ما ينفعش نهينة ونجرح كرامتة ده رمز
وطبعا سخرية مني كل شوية ومن الثورة ومن التحرير
وطبعا كلهم متفقين على العنوان بتاع الموضوع
والغريب ان الناس دي مش مسيسة ولاكن جهل وتخلف فكري ونظرة الى المصالح الشخصية فقط
حقيقي برافو فلول الحزب الواطي وامن الدولة وبقايا النظام قدرو يعملو غسيل مخ للناس دي
تعملو ايه لو قعدتو قعدة زي دي وتلاقو كمية السفه الفكري ده

لقد قمتم باستخدام عنوان (غير مناسب ولا يدل على محتوى الموضوع) وذلك يعتبر مخالفة للقاعدة رقم (16) من قواعد المنتدى لذا سيتم تغيير عنوان الموضوع إلى (ماذا قالو عن الثورة) وسوف يتم تطبيق عليك عقوبة فى حالة التكرار

يرجى مراجعة قواعد المنتدى

مشرف 18ب

[A.Saad]

بص يا محمود
زمايلك وجهة نظرهم متطرفة شوية
بس برده الكلام ابتديت اسمعه من ناس كتير
امبارح سامع حاجات زى كدة من صنايعية كنت بعمل عندهم صيانة للعربية
ومتقلش صنايعى جاهل
لان دول نبض الشارع
وكدة هيكون الوضع ان يحصل انقلاب على الثورة
وتخسر شعبيتها

[mahmoudysf]

بص يا محمود
زمايلك وجهة نظرهم متطرفة شوية
بس برده الكلام ابتديت اسمعه من ناس كتير
امبارح سامع حاجات زى كدة من صنايعية كنت بعمل عندهم صيانة للعربية
ومتقلش صنايعى جاهل
لان دول نبض الشارع
وكدة هيكون الوضع ان يحصل انقلاب على الثورة
وتخسر شعبيتها

لما يكون صنايعي هنقول على اد تفكيرة وخايف عبى لقمة عيشة
لاكن اللي بكلمك عليهم دول كلهم تعليم جامعي واصغر واحد فيهم 37 سنة

[zkralla]

الديمقراطيه بتقول نقبل رأيهم
واعذرهم دول اتربوا على اعلام حسنى مبارك وثقافه حسنى مبارك وجرائد حسنى مبارك عشان كده الى بقى عنده وعى ونظره تحليليه فى البلد بقى قليلين
اكيد فى اراء معارضه قائمه على اسس وتحليل
لكن كتير قوى بيكون المعارض للثوره معارضته قائمه على نظره سطحيه للامور وقله وعى وفقر ثقافى وعلى فكره المستوى التعليمى مش مقياس للامور ديه

[otefa]

بص يا محمود
زمايلك وجهة نظرهم متطرفة شوية
بس برده الكلام ابتديت اسمعه من ناس كتير
امبارح سامع حاجات زى كدة من صنايعية كنت بعمل عندهم صيانة للعربية
ومتقلش صنايعى جاهل
لان دول نبض الشارع
وكدة هيكون الوضع ان يحصل انقلاب على الثورة
وتخسر شعبيتها

+1
من الحكمة أن تحصل على أكبر مكسب للثورة بأقل خسارة
ولست مع مبدأ لازم نضحي أكثر علشان الثورة تكمل لأخر مطلب .........كل ماكانت التضحية أقل والمكسب معقول هاتحقق مكسب أكبر في زمن أقل وأحتمالات النجاح الحقيقي للثورة تعلى
كل ماطال أمد الثورة كل ماكان الرهان على المجهول أعلى وأحتمالات المفاجأت أكبر
درء الضرر مقدم على جلب المنفعة

[Everlasting]

عنوان الموضوع مستفز.

[zaza_lanos]

سلبية اخر 18 حاجة
هما هما نفس الناس بتاعة نشتغل على اد فلوسهم
وماليش دعوة

[mahmoudselim]

كل المفكرين والمثقفين حتي افراد الشعب كانوا متخيلين ان الثورة لو حصلت حتيجي من الفئة الفقيرة وال تحت خط الفقر لانها كانت أكتر فئة مطحونة فعلا في البلد وكانت الثورة هتحصل علشان الجوع ( ثورة الجياع) ولاكن ال حصل غير كدا تمام ان الطبقة الوسطي والغنية هيا ال قامت ومش علشان الفقر ولا الجوع لا دا كان علشان الحرية والعدالة والمساواة.. المهم بقي في ال حصل ان اغلبية الطبقة الفقيرة ال كان منتظر منها انها تقوم بالثورة هي ال رفضت الثورة وعادتها بحجة الكلام المرسل ال حضرتك ذكرتة.

كدا الرؤيا ممكن تكون اوضح أكتر

[fepsceasar]

كان فى ناس مفكرة الثورة دى حاجة كده هتعدى على فاشوش ، ولما نجحت حسه ان هم اتهزموا فكريا، لذلك مصرين على رايهم، وحاسين ان ده مش موضوعهم وواخد هم العناد ومش عايزين يشوفوا حاجة تانية
على فكرة هم كمان حاسين ان دى مش معركتهم ولا كانهم هيستفيدوا من الديمقراطية والحرية وبيقولك العيال زهقت وعايزين نوديها النادى، طب ما تروح ولا هى تلاكييك، فمعندهمش استعداد يعملوا اى تضحية
حاجة عجيبة جدا ثورة ابهرت الكوكب، وبعض المصريين بيهاجموها، ده حتى الناس دى المفروض ضميرها يصحى بعد ما شافت اللى كان بيحصل فى امن الدولة عيني عينك، ولا ايه؟

على العموم دى محصلة السلبية اللى تم زرعها الثورة دى نجحت بفضل الله، لان النظام كان معقدج اوى وصعب حد يقومله قومة

[Amgad64]

المتابع لاحداث الثوره حيلاقى ان هناك ناس بتردد كلام بيتقال فى التلفزيون زى البغبانات و كل ما الثوره تعمل أنجاز يزدادوا فى كلامهم اللى مالويوش معنى , بس أعتقد ان جزء من ده كان ليه علاقه بالحكومه السابقه اللى قعدت طول النهار تشيع ان بكره مش حنلاقى نأكل و تبعت البلطجيه يهاجموا تلاميذ المدارس , انا أعتقد بأذن الله ان حكومه د. عصام شرف , حتقدر تظبط الامن فى القريب العاجل و تبدى الطمائنينه ترجع وعجله الاقتصاد تدور , والتلفزيون مش حيقدر يردد نفس الكلام السابق ويعادى الحكومه والناس دى لما تلاقى كده على الاقل حيسكتوا أو ينقلبوا 180 درجه علشان هما دايما مع الحكومه

[EgyptianTune]

الكلام ده إتكرر كتير نتيجة الكلام اللى الإخوه قالوه عن أسباب الجهل والسلبية والإنبطاح السياسى مش خلال 30 سنة ده خلال 7000 سنة

أحب أنقلكم ما يلى :

حرام عليكو خربتو البلد...
.
.
.
.
...مالهم الانجليز يعني
مااحنا عايشين معاهم بقالنا فوق ال35 سنه
والسلطان فؤاد ابونا كلنا
وعيب قوي نقوله الكلام ده
...ومين سعد زغلول ده اللي انتو ماشيين وراه
..اهو ضيع البلد كلها
.
.
.
.
.
.
.
.
.

من مذكرات شاب سنه 1919

[Qmax]

عنوان الموضوع مستفز.

+1111111

خدهم يوم وانزلوا التحرير لو هما عايزين الحقيقه انما الجدال معاهم ملوش قيمه

[aif]

متستغربوش واستنو شوية
انا محبط ودمي محروق جدا

انا استنيت شويتين
استنى انت بقى
انا من الثوار ولا فخر
وعنوان موضوعك بيلعنني وبيلعن الثورة اللي انتظرتها 46 سنة هي سنوات عمري
...
..
حتى لو انت بتتكلم صح
عنوان موضوعك سيء ومستفز
لو هو ده اسلوبك .... أهنئك .... ستكسب مليار عدو وستخسر صديق مليون

[fepsceasar]

المتابع لاحداث الثوره حيلاقى ان هناك ناس بتردد كلام بيتقال فى التلفزيون زى البغبانات و كل ما الثوره تعمل أنجاز يزدادوا فى كلامهم اللى مالويوش معنى , بس أعتقد ان جزء من ده كان ليه علاقه بالحكومه السابقه اللى قعدت طول النهار تشيع ان بكره مش حنلاقى نأكل و تبعت البلطجيه يهاجموا تلاميذ المدارس , انا أعتقد بأذن الله ان حكومه د. عصام شرف , حتقدر تظبط الامن فى القريب العاجل و تبدى الطمائنينه ترجع وعجله الاقتصاد تدور , والتلفزيون مش حيقدر يردد نفس الكلام السابق ويعادى الحكومه والناس دى لما تلاقى كده على الاقل حيسكتوا أو ينقلبوا 180 درجه علشان هما دايما مع الحكومه

الله ينور عليك

[تامر.محمد]

كل المفكرين والمثقفين حتي افراد الشعب كانوا متخيلين ان الثورة لو حصلت حتيجي من الفئة الفقيرة وال تحت خط الفقر لانها كانت أكتر فئة مطحونة فعلا في البلد وكانت الثورة هتحصل علشان الجوع ( ثورة الجياع) ولاكن ال حصل غير كدا تمام ان الطبقة الوسطي والغنية هيا ال قامت ومش علشان الفقر ولا الجوع لا دا كان علشان الحرية والعدالة والمساواة.. المهم بقي في ال حصل ان اغلبية الطبقة الفقيرة ال كان منتظر منها انها تقوم بالثورة هي ال رفضت الثورة وعادتها بحجة الكلام المرسل ال حضرتك ذكرتة.

كدا الرؤيا ممكن تكون اوضح أكتر

ابحث عن اعلام امن الدولة
تخيل انك كنت بتواجه جهاز من اكبر اجهزة اثارة الفتنة و غسيل العقول في العالم