ماذا قالوا عن الثورة

[Ahmed_Ramadan]

أنا كل اللى عاوزه حد يرد على الأسئلة بطريقة منطقية من غير تخوين و لا كلام من احنا الثورة و بس( علشان أنا كنت من الناس اللى نزلت ميدان التحرير يوم 25 ومن ساعتها مش عارف أمشى على رجلى كويس زى الأول من ضرب الأمن المركزى) يعنى مش عميل أمن دولة و لا حزب وطنى

[otefa]

محدش ليه جاوب على الأسئلة الى العضو سألها و بوضوح ؟؟؟!!!

محدش ليه سأل نفسه احنا ليه بقينا أسوأمن الحزب الواطى وبقينا بنتكلم بنفس الطريقة من نوعية احنا عارفين مصلحة الشعب كلوا فين و اللى مش عاجبه يخبط دماغه فى الحيط؟؟!!

محدش ليه سأل نفسه ليه وزير الداخلية الجديد النهاردة كان بيلعن اليوم اللى قبل فيه المنصب (و متوقع هيسيبه)؟؟!!

محدش ليه سأل نفسه يعنى ايه محاكمة فورية(مفيش حاجة اسمها كده فى القانون) فى قضايا عاملة زى خيوط العنكبوت و لسه فى جلسات و شهود و استئناف ؟؟!!!

محدش ليه سأل نفسه ان فعلا القوات المسلحة دايرة تشحت علشان مفيش موارد لسداد مرتبات الموظفين للشهور اللى جاية ؟؟

محدش ليه سأل نفسه ليه شبكة زى رصد بتتعمد خلق الأخبار و تسخين الناس و دعوتهم للتجمهر و الهاء الجيش عن تأمين الشعب ؟؟؟!!!

محدش ليه سأل نفسه هنزل الشرطة تانى ازاى (و لازم نعمل حسابنا ان مش كلنا متعلمين و ممكن نقف و نفكر)
مع وجود تار بايت بين الناس ذوى مستوى التعليم الأقل اللى بيتلككوا لأى فرد شرطى نزل يقوم بشغله بعد الثورة؟؟؟!!

محدش ليه سأل نفسه مين من مصلحته ان البلد تبقى عاملة زى الأسفنجة اللى مليانة مياه و الشعب عمال يعصر فيها و الجيش ماسك غطا ازازة و بيحاول يلم الميه من تحتيه ؟؟؟!!!!

يا جماعة لازم نفكر بطريقة عقلانية و ميبقاش الموضوع هجوم و خلاص ...اللى بيحصل دلوقتى اقسم بالله هيقلب الأغلبية الصامتة على الناس اللى فى التحرير و البداية كانت النهاردة

أنا كل اللى عاوزه حد يرد على الأسئلة بطريقة منطقية من غير تخوين و لا كلام من احنا الثورة و بس( علشان أنا كنت من الناس اللى نزلت ميدان التحرير يوم 25 ومن ساعتها مش عارف أمشى على رجلى كويس زى الأول من ضرب الأمن المركزى) يعنى مش عميل أمن دولة و لا حزب وطنى

متفق مع رأيك تماما

[م.احمد زكريا]

محدش ليه جاوب على الأسئلة الى العضو سألها و بوضوح ؟؟؟!!!

محدش ليه سأل نفسه احنا ليه بقينا أسوأمن الحزب الواطى وبقينا بنتكلم بنفس الطريقة من نوعية احنا عارفين مصلحة الشعب كلوا فين و اللى مش عاجبه يخبط دماغه فى الحيط؟؟!!

محدش ليه سأل نفسه ليه وزير الداخلية الجديد النهاردة كان بيلعن اليوم اللى قبل فيه المنصب (و متوقع هيسيبه)؟؟!!

محدش ليه سأل نفسه يعنى ايه محاكمة فورية(مفيش حاجة اسمها كده فى القانون) فى قضايا عاملة زى خيوط العنكبوت و لسه فى جلسات و شهود و استئناف ؟؟!!!

محدش ليه سأل نفسه ان فعلا القوات المسلحة دايرة تشحت علشان مفيش موارد لسداد مرتبات الموظفين للشهور اللى جاية ؟؟

محدش ليه سأل نفسه ليه شبكة زى رصد بتتعمد خلق الأخبار و تسخين الناس و دعوتهم للتجمهر و الهاء الجيش عن تأمين الشعب ؟؟؟!!!

محدش ليه سأل نفسه هنزل الشرطة تانى ازاى (و لازم نعمل حسابنا ان مش كلنا متعلمين و ممكن نقف و نفكر)
مع وجود تار بايت بين الناس ذوى مستوى التعليم الأقل اللى بيتلككوا لأى فرد شرطى نزل يقوم بشغله بعد الثورة؟؟؟!!

محدش ليه سأل نفسه مين من مصلحته ان البلد تبقى عاملة زى الأسفنجة اللى مليانة مياه و الشعب عمال يعصر فيها و الجيش ماسك غطا ازازة و بيحاول يلم الميه من تحتيه ؟؟؟!!!!

يا جماعة لازم نفكر بطريقة عقلانية و ميبقاش الموضوع هجوم و خلاص ...اللى بيحصل دلوقتى اقسم بالله هيقلب الأغلبية الصامتة على الناس اللى فى التحرير و البداية كانت النهاردة

يا باش مهندس محدش هايرد على اسئلتك لأن ماحدش عايز يتحاور

إن لم تكن معنا فأنت ضدنا

لو رأيك مش زي رأينا 100% يبقى انت ضد الثورة انت مع مبارك انت حزب وطني

ليس هناك مجال للإختلاف ولا اسلوب حل المشكلات ولا اسلوب الوصول للحل

يا كده يا بلاش

[Ahmed_Ramadan]

يا باش مهندس محدش هايرد على اسئلتك لأن ماحدش عايز يتحاور

إن لم تكن معنا فأنت ضدنا

لو رأيك مش زي رأينا 100% يبقى انت ضد الثورة انت مع مبارك انت حزب وطني

ليس هناك مجال للإختلاف ولا اسلوب حل المشكلات ولا اسلوب الوصول للحل

يا كده يا بلاش

أنا كل اللى أطالب بيه ان حد عقلانى و يكون معارض رأيى برد عليا !!!

[م.احمد زكريا]

أنا كل اللى أطالب بيه ان حد عقلانى و يكون معارض رأيى برد عليا !!!

من ضمن الcomments إن احنا بنغني ونرد على بعض

بجد بدات اصدق كلام عمر سليمان لما قال ان مصر مش مستعده للديمقراطية

[otefa]

من ضمن الcomments إن احنا بنغني ونرد على بعض

بجد بدات اصدق كلام عمر سليمان لما قال ان مصر مش مستعده للديمقراطية:_alshmokh08[1]:

هو حضرتك كان عندك شك
معقولة 7000 سنة من الديكتاتورية هانخلص منها في كام شهر!
أقل تقدير لأحتمالات ديمقراطية بمعناها الحقيقي بعد حوالي 17 سنة ألي هانقول من أبتدائي لثانوية عامة أو مايعادلها.........بالتوافق مع أصلاحات في مناهج التعليم
هو المهم حاليا بس نحط رجلنا على السلمة الأولى وتكون سليمة مش مكسورة.........ونجتهد ونعمل بكل طاقتنا.

[fepsceasar]

محدش قال ان احنا عارفين مصلحة البلد الناس بتعبر عن رايها حضرتك عبر عن رايك واعمل شغلك وما تحكمش على حد وهيبقى فيه صندوق انتخابات فلاداعى للاصطدام
وزير الداخلية الجديد عليه مسؤولية كبيرة وما حدش ينكر كده ، لكن دى تراكمات فساد مش وليدة اللحظة
محاكمة فورية لا تعنى توقيع عقوبة فورية، ولكن البدء بمحاكمة كل من يثبت تورطه مش حركة تنقلات وهمية وتقولى كده تمام
عيب قوى تقول القوات المسلحة دايرة تشحت
بخصوص شبكة رصد انا مش هرد بالنيابة عنهم، لكن حضرتمك تقدر ما تتبعهاش
اللى بيعارض نزول الشرطة مش الناس البسيطة لكن البلطجية وفى فرق كبير بينهم ومواجهة البلطجية جزء من عمل الشرطة بدون اعتداء وتجبر وتعالى على الناس العادية
مش فاهم حكاية الاسفنجة دى، لكن المطالب الفئوية حلها مش امنى حلها ان كل مسؤول يقعد مع الناس ويشرحلهم الوضع وما حدش يقصر فى شغله واللى يقصر يجازى

لو فى اى سؤال تانى ان تحت امر حضرتك

[Ahmed_Ramadan]

محدش قال ان احنا عارفين مصلحة البلد الناس بتعبر عن رايها حضرتك عبر عن رايك واعمل شغلك وما تحكمش على حد وهيبقى فيه صندوق انتخابات فلاداعى للاصطدام
حضرتك راجع المواضيع اللى فى المنتدى الاجتماعى و هتلاقى ناس كتير بتستخدم اسلوب التريقة و الاتهام بالعمالة و بتوصل للشتايم

وزير الداخلية الجديد عليه مسؤولية كبيرة وما حدش ينكر كده ، لكن دى تراكمات فساد مش وليدة اللحظة

تركمات الفساد مش هيه اللى عاملة الوضع الحالى من تسيب أمنى ...اللى عامل كده التربص من ناس كتير للشرطة و تعمد اذلالهم و ظهور احتجاجات كتير مالهاش دعوة بالمظاهرات اللى موجودة من 25 يناير (اعتصامات فئوية بالجملة - تظاهرات لأقباط "وحضرتك ابقى شوف اللافتات اللى مرفوعة بتدعو لايه") + احساس البلطجية و العصابات بأن كل حاجة مباحة ( نتيجة لأن الجيش مشغول بتأمين الاعتصامات و مكافحة التسيب الأمنى "مع ملاحظة عدم ملائمة الجيش للقيام بالمهمة ديه")

محاكمة فورية لا تعنى توقيع عقوبة فورية، ولكن البدء بمحاكمة كل من يثبت تورطه مش حركة تنقلات وهمية وتقولى كده تمام
على فكرة محدش قال كده تمام و لكن كل اللى بيطالبو بمزيد من الوقت و ديه المشكلة اللى مواجهانا ان الشعب كله عاوز كل حاجة فى ساعتها ...بدليل ان حكومة د/شرف اتكونت و ديه الثقة من المتظاهرين كبيرة فيها و مع ذلك استمرت التظاهرات بل الموضوع قلب من سلمية الى غوغائية

عيب قوى تقول القوات المسلحة دايرة تشحت
حضرتك مرديتش على النقطة ديه بغض النظر عن الاعتراض على اللفظ اللى استخدمته !!!

بخصوص شبكة رصد انا مش هرد بالنيابة عنهم، لكن حضرتمك تقدر ما تتبعهاش
أنا فعلا مش بتابعها بس بحكم ان معظم الناس بتعمل share للأخبر عندى فبشوف حاجات كتير محرضة و ليست اخبارية

اللى بيعارض نزول الشرطة مش الناس البسيطة لكن البلطجية وفى فرق كبير بينهم ومواجهة البلطجية جزء من عمل الشرطة بدون اعتداء وتجبر وتعالى على الناس العادية
تفتكر الشرطة لو نزلت هتعتدى على الناس العادية !!! و هل تحجيم البلطجية هيبقى أى من غير استخدام العنف معاهم (أنا شايف ان البلطجية دمهم مهدر و حلال)

مش فاهم حكاية الاسفنجة دى، لكن المطالب الفئوية حلها مش امنى حلها ان كل مسؤول يقعد مع الناس ويشرحلهم الوضع وما حدش يقصر فى شغله واللى يقصر يجازى
موضوع الاسفنجة أقصد بيه الأحداث المتلاحقة فى البلد و عدم قدرة الجيش ملاحقة تسارع الأحداث و بالتالى حدوث انفلات أمنى رهيب
المطالب الفئوية : الناس مش عاوزة تسمع لحد و كله عاوز يتعين حالا و مرتبات تزيد حالا و مفيش تفاهم بيحصل

أخيرا شكرا لطريقتك المتحضرة فى الرد
لو فى اى سؤال تانى ان تحت امر حضرتك

[fepsceasar]

انا مش عايز ادخل فى جدل لانى اعتقد ان اول نقطة قلتها كافية وافية لكل اللى مع الثورة واللى ضدها، لكن هوضح بعض النقاط
الموضوع بالفعل تراكمات فساد ادت للانفلات الامنى بنظام يا كده يا هسيبكوا تضربوا دماغكوا فى الحيطة، بدليل حكاية امن الدولة دى شوفها ظهرت امتى لما حسوا انهم هيتحاسبوا\
حكاية المظاهرات والمطالب الفئوية اللى انا شخصيا مش معاها دى زى اللى بيطهر جرح فى جسم واحد وهو بيصرخ من الالم، ودى برضه نتيجة لنظام فاسد وتراكمات حضرتك ما سمعتش عن مدير شركة بياخد مائة الف جني وموظفين بياخدوا 500 جنيه دى طبعا امثلة بسية لان فى مرتبات مليونية، وكمان فى ناس كانت بتتعين على سبيل قعدوا ساكتين واصبروا علينا شوية وهم لا كانوا بيشتغلوا عمل حقيقى ولا بيقبضوا مرتبات حقيقية يعنى معادلة فى قاع سلم الحقوق والواجبات ، ودول حسوا ان الحكومة هتبقى عليهم ليه، ده الموضوع كان دعنى اخدعك دعنى انخدع علشان كده قالك فرصة يبقى فى تعيينات وزيادة مرتبات يعنى اللى عمل كده كان بيصدر مشكلة للى بعده

مسالة الشحاتة دى لا شكلا ولا موضوعا مقبولة، يعنى احنا بنودى مساعدات لليبية دى اسمها شحاتة، وبعدين المعونات والشحاتة -طبقا لوصف حضرتك- مش وليدة اللحظة، ده فى مؤسسات كاملة كانت عايشة عليها
اللى يقاوم الشرطة تستخدم ضده العنف حتى تتمكن منه فقط وليس لازلاله وتصويره وهتك عرضه وادميته ودمه مش مباح، لكن ممكن يبقى فى احكام رادعة لاعمال البلطجة
اى واحد بيعبر عن رايه يبقى ما فيش مشكلة طالما ما بيخربش ولا بيعطل المرور وانا بعدى على التحرير يوميا واوكدلك ان حركة المرور فيه طبيعية وما تقوليش ان الناس اللى واقفة فى الدايرة اللى فى النص هم المسؤولين عن كل حاجة حصلت وما حصلتش فى البلد

انا مش هنهى كلامى بالعبارة الشهيرة "على العموم ده رايي وانت حر فى رايك"، ولكن هقولك لو فى اى حاجة تانية فى الموضوع ده تحب نتحاور فيها انا تحت امرك

[Ahmed_Ramadan]

انا مش عايز ادخل فى جدل لانى اعتقد ان اول نقطة قلتها كافية وافية لكل اللى مع الثورة واللى ضدها، لكن هوضح بعض النقاط
الموضوع بالفعل تراكمات فساد ادت للانفلات الامنى بنظام يا كده يا هسيبكوا تضربوا دماغكوا فى الحيطة، بدليل حكاية امن الدولة دى شوفها ظهرت امتى لما حسوا انهم هيتحاسبوا
مع اعترافى الكامل بانحراف الجهاز و أساليه القذرة
انما موضوع أمن الدولة ده بالذات باين أوى انه بفعل فاعل و مقصود للأسباب التالية
1-تفتكر أمن الدولة مكنش يقدر يفرم الورق ده و يولع فيه (ده ممكن ينقل المبنى نفسه) فى خلال فترة أحمد شفيق؟؟!!
2-كمية الورق المضروب اللى اتنشر على أساس انه حقيقى(زى الورق بتاع كنيسة القديسين)
3- اشمعنا الدنيا ولعت بعد أما كانت ابتدت تهدى بعد تولى عصام شرف الحكومة
4-أمن دولة فى مدينة نصر تم فتح الباب من الداخل و ليس اقتحامه...... تفتكر مين فتح الباب؟؟

حكاية المظاهرات والمطالب الفئوية اللى انا شخصيا مش معاها دى زى اللى بيطهر جرح فى جسم واحد وهو بيصرخ من الالم، ودى برضه نتيجة لنظام فاسد وتراكمات حضرتك ما سمعتش عن مدير شركة بياخد مائة الف جني وموظفين بياخدوا 500 جنيه دى طبعا امثلة بسية لان فى مرتبات مليونية، وكمان فى ناس كانت بتتعين على سبيل قعدوا ساكتين واصبروا علينا شوية وهم لا كانوا بيشتغلوا عمل حقيقى ولا بيقبضوا مرتبات حقيقية يعنى معادلة فى قاع سلم الحقوق والواجبات ، ودول حسوا ان الحكومة هتبقى عليهم ليه، ده الموضوع كان دعنى اخدعك دعنى انخدع علشان كده قالك فرصة يبقى فى تعيينات وزيادة مرتبات يعنى اللى عمل كده كان بيصدر مشكلة للى بعده
و ديه أنا معاك ان الناس ليها طلبات و مظلم و ليهم كل الحق فيها بس مش دلوقتى زى ما هما بيطلبوا و الوقت فى صالحنا و الشركات مش هتطير و الناس باقية يعنى مسألة وقت و مالهاش مبرر الزيادة الفورية....يعنى بالعقل كده بلد بايظة بقالها 30 سنة هتتظبط ازاى بين يوم و ليلة(مع وجود الغياب الأمنى الكامل و اللى الجيش مطالب انه يحققه و يحل كل حاجة)

مسالة الشحاتة دى لا شكلا ولا موضوعا مقبولة، يعنى احنا بنودى مساعدات لليبية دى اسمها شحاتة، وبعدين المعونات والشحاتة -طبقا لوصف حضرتك- مش وليدة اللحظة، ده فى مؤسسات كاملة كانت عايشة عليها

تكون بتطلب مساعدات خارجية تسد بيها جزء من عجز فى ميزانية (و البلد شغالة) و لا تطلب مساعدات علشان تدى الناس مرتباتها(والبلد واقفة)
أه المساعدات اللى حضرتك بتقول عليها ديه تبرعات من رجال أعمال مش من المخزون بتاع البلد

اللى يقاوم الشرطة تستخدم ضده العنف حتى تتمكن منه فقط وليس لازلاله وتصويره وهتك عرضه وادميته ودمه مش مباح، لكن ممكن يبقى فى احكام رادعة لاعمال البلطجة

اللى يستغل الوضع اللى البلد فيه علشان يسرق و ينهب و يغتصي و يخطف يقتل فى الحال (فى اجماع فى مناطق كتير على تسليم المجرمين جثث لجعلهم عبرة)

أى واحد بيعبر عن رايه يبقى ما فيش مشكلة طالما ما بيخربش ولا بيعطل المرور وانا بعدى على التحرير يوميا واوكدلك ان حركة المرور فيه طبيعية وما تقوليش ان الناس اللى واقفة فى الدايرة اللى فى النص هم المسؤولين عن كل حاجة حصلت وما حصلتش فى البلد
أنا مشكلتى مش مع بتوع التحرير (اللى بعتبر نفسى واحد منهم) و (أحمد أهاب اللى مات واحد صديق ليا من أيام الجامعة) أنا مشكلتى مع كل واحد واخد الموضوع خناقة و خلاص و فى ناس بعينهم من الاخوان قاصدين انهم دلوقتى بعد أما الثورة بتخلص يحشدوا الناس تانى لأى سبب

انا مش هنهى كلامى بالعبارة الشهيرة "على العموم ده رايي وانت حر فى رايك"، ولكن هقولك لو فى اى حاجة تانية فى الموضوع ده تحب نتحاور فيها انا تحت امرك

أنت راجل محترم:b4_388: