ماذا قالوا عن الثورة

[mrwho1982]

والله العظيم هم دول اللي اخرو حال البلد

نفس الخلق اللي معايا في الشغل لدرجة ان احنا مسمينهم في الشغل السفهاء

ومبقوش يتكلمو في السياسة خالص ولا في البلد ولو جم يتكلمو بطلع سماعة التليفون واشغل اغاي واعلي

واسيبو يشتغل نفسو

دي تورة نظيفة مثالية واللي مش عاجبو يخبط راسو في الحيط

[aif]

انت متاكد انك قريت الموضوع
اهو انت كدة خدت لا تقربو الصلاة ووقفت على كدة
عموما لو قريتة كنت عرفت اني نقلت اللي بيقلوه على الثورة مش انا ومش اسلوبي
ولو متابع هنا كنت عرفت موقفي

طبعا قرأته كلمة كلمة .... وياما سمعت كلام من ناس كتير اكتر من كدة.... وباكون دمي محروق منهم .... لكن باكون متوقع اشياء من هذا القبيل .... لأن الله خلق الناس مختلفين ...... ده حتى الانبياء فيه ناس مؤمنه بهم وناس بيكذبوهم ......ده حتى الله عز وجل ..... فيه ناس مؤمنة به وناس كافرة والعياذ بالله
طبيعي لما تلاقي ناس مؤيدة للثورة وناس معارضين
......
انا باتكلم عن العنوان

...
يا استاذي ممكن اوي 1000 واحد يقرأ العنوان و 50 بس اللي يقرأوا الموضوع
هوانت ح تخسر ايه لما عنوان الموضوع يبقى معبر عما بداخل الموضوع
...
حتى لو انت بتنقل ما يقوله اعداء الثورة .....
...
انا نفسي اعرف انت استفدت ايه لما عملت العنوان يختلف 180 درجة عن الموضوع
.......
ينفع واحد يكتب موضوع يدافع فيه عن الدين وعنوانه بيلعن الدين ... وبعدين يقول ده انا بانقلكم اعداء الدين بيقولو ايه ؟؟؟؟
الموضوع بمنتهى البساطة حضرتك راسل الادارة بواسطة ايكونة المشاركة واطلب تعديل عنوانك .....اعتقد ان ده مش صعب
انا لما بأعمل حاجة وتطلع غلط او غير مناسبة باتراجع عنها واعدلها .... مش عيب
العيب هو الاصرار على الغلط
اقرب طريق بين نقطتين هو الخط المستقيم

[هيثم المنياوى]

حلو التعليق بتاع المصلحه العامه
على فكره أقسم بالله العظيم يعلم الله قدر مانحن فيه بسبب الثوره ومع ذلك كنا بنام على رصيف عمر مكرم
وأنا مش بقول كدا علشان نبان إننا أبطال لا فى أبطال حقيقين فى مصر وفى شباب وبنات زى الورد
أنا بس عايز أوضح إن فى ناس مش زعلانه على شغلها اللى راح فى داهيه وكان بملاييين وناس تانى زعلانه لأنها مش عارفه تتفسح
بالله عليكم ده كلام!!!!!!!!!!!!؟؟؟؟؟؟
وبالنسبه للأخ صاحب الموضوع الله يكون فى عونك أقسم بالله أنا بشعر بضيق شديد لما بقابل الناس
والمشكله إنى بقابلهم كل يوم
لكنى أذكرك بقول الإماما الشافعى "جادلت مائة عالم فأقنعتهم وجادلنى جاهل واحد فأقنعنى"...
فهم فعلاً على جهل لايعلمون قيمة الإصلا ولاقيمة الوقوق فى وجه الظالمين لأنهم تربوا فى بيوت خاويه من الدين والعلم والثقافة والتضحيه
على فكره الكلام ده كنا بنقول زمان وخلاص يعنى شعارات لكن محدش هيشعر بمعناه إلا راح التحرير
يارجل ده حتى نظرتنا لميادين زى أحمد عرابى ومصطفى كامل ومحمد فريد الواحد لمابيقرى الأسماء ده كأنه بيقراها لأول مره لإنه عرف معنى الوطنيه
كفايه كدا علشان أنا بجد مخنوق
سلام عليكم

[brown-eyes]

للاسف في ناس ماتستهالش تدوق طعم الحرية ودول الواحد زعلان عشان هياخدوها علي الجاهز
اقولكو علي حاجة في ناس عايشة بره مصر نفسها البلد تفضل زي ما هي كده فوضي عشان يحسو ان هما اختارو الطريق الصح لما سافرو ومضيعوش عمرهم علي الفاضي تخيلو !!!!

[Ahmed Anwer]

دوول كمان مش خطر ،،، يعني تلاقيهم بيكلموا بلغة بسيطة

البلد كانت خربانة بس كنا عايشين في أمان ،، عايزين نشوف حالنا ،،، الخ

ممكن تعذرهم و تتعاطف معاهم و تقابل كلامهم بابتسامة و توضيح

الزفت بقه ،،، المحللين الاستراتيجين و أصحاب الرؤية

اللي قادرين يخترعوا مية خطر محدق و مية مؤامرة أنتا مش واخد بالك منها و مليون نتيجة سلبية تخفي عن أعينكم المغمية

دووول خطرهم ،،، أسوأ بكتير ،،، لأنهم بيحطوا السم في العسل ،،

أمثلة ،،

بنا يتولانا برحمته ويعدي الايام الجايه علي خير ....مناوشات علي حدود في سيناء ....اطرابات علي الحدود في ليبيا .....البشير بيحاول ياخد حلايب وشلاتين في الجنوب....اتفاقية عنتيبي تدخل حيز التنفيذ نظرا لعدم وجود شخص مرعب لتلك الدول مثل عمر سليمان ....واحنا بنقول بس علاء الاسواني صح ولا غلط ...ووبنقسم نفسنا بان اللي متواجد في مولد سيدي التحرير طني بيحب مصر واللي في مصطفي محمود عاوز يدمر مصر ......يجب ان نفكر بره الصندوق اقصد بره ميدان التحرير

* نفسي الناس تفهم إن مصر على شفا جرف هار
يا ولاد الحلال مصر لو إستمر الوضع كده شهرين كمان ستبدأ ثورة جياع
وإن حدث هذا فلن يستطيع أحد تداركه
وقد يؤدي ذلك أو بالتأكيد سيؤدي إلى تقاتل داخلي
يا عالم فوقوا الثوره ممكن تعملنا حاجات حلوه مكناش نحلم بيها
لكن الغوغائية وعدم المسؤوليه هييطيح بكل البلد

*أربع مصادر رئيسية للدخل صفر
سياحة صفر.....ضرائب صفر .....إستثمارات خارجيه وحوالات عاملين في الخارج بالسالب.... جمارك صفر رسوم حكوميه صفر
حد يقولي بس ويتخيل اللي انا متخيله لو الشهر الجاي الأرامل واليتامى والعجزه والمسنين والمعاشات بس ملقوش فلوس للمعاشات إيه اللي ممكن يحصل
لو موظفين الدوله ملقوش الرواتب إيه اللي هيحصل
لو الأحياء الفقيره المعدمه لم تجد رغيف الخبز وزادت الأسعار بجنون نتيجة إنهيار العمله ممكن إيه اللي يحصل
يا جماعة هتبقى كارثه لن يستطيع أحد في العالم إيقافها إلا من يقف متربص يمسك بيده بالعظمه للكلاب اللي هتاكل في بعضها
يا شباب ستحتل بلادنا بأيدينا فوقووووووووووووووووووو

[SkyBird]

"جادلت مائة عالم فأقنعتهم وجادلنى جاهل واحد فأقنعنى"...

"جادلت مائة عالم فغلبتهم وجادلنى جاهل واحد فغلبني"...

[smartchoice]

+1
من الحكمة أن تحصل على أكبر مكسب للثورة بأقل خسارة
ولست مع مبدأ لازم نضحي أكثر علشان الثورة تكمل لأخر مطلب .........كل ماكانت التضحية أقل والمكسب معقول هاتحقق مكسب أكبر في زمن أقل وأحتمالات النجاح الحقيقي للثورة تعلى
كل ماطال أمد الثورة كل ماكان الرهان على المجهول أعلى وأحتمالات المفاجأت أكبر
درء الضرر مقدم على جلب المنفعة

+111111111111111111111111111

[SkyBird]

* نفسي الناس تفهم إن مصر على شفا جرف هار
يا ولاد الحلال مصر لو إستمر الوضع كده شهرين كمان ستبدأ ثورة جياع

فكرتني بشفيق "احنا بناكل من لحمنا الحي يا علاء"
موجه تخويف واشاعات لما الواحد زهق وحاسس ان الكلام ده في بلد تانية
فضلوا يقولوا البلطجية ماليين الشوارع ويثبتوا الناس لغاية ما البلطجية الحقيقين صدقوا وقالوا الظاهر في مستجدين بيقطعوا علينا وتلاقيهم طلعوا بسبب الاشاعات دي

[ashrafakl]

مذكرات شاب سنه 1919
مالهم الانجليز يعني
مااحنا عايشين معاهم بقالنا فوق ال35 سنه
والسلطان فؤاد ابونا كلنا
وعيب قوي نقوله الكلام ده
......ومين سعد زغلول ده اللي انتو ماشيين وراه
..اهو ضيع البلد كلها
حرام عليكم خربتو البلد

ده كان تعليق اخي علي خوف الناس الأن

[frhateg]

للاسف في ناس ماتستهالش تدوق طعم الحرية ودول الواحد زعلان عشان هياخدوها علي الجاهز
اقولكو علي حاجة في ناس عايشة بره مصر نفسها البلد تفضل زي ما هي كده فوضي عشان يحسو ان هما اختارو الطريق الصح لما سافرو ومضيعوش عمرهم علي الفاضي تخيلو !!!!

اختلف مع حضرتك في موضوع المغتربين االي عايزين البلد فوضي بل بالعكس فيه مثل يقول الغربه كربه وده احساس من تغرب و بالذات المصريين عندهم عاطفه جارفه لمصر انا اتغربت عشرين سنه في السعودية و كانت كرامتي هناك مصانه اكتر من هنا و ده غير طبيعي و الحياه كانت هناك ميسره لأبعد ما تتصور . و لكن عندما اذكر مصر اشعر بحنين جارف . هناك بيت شعر يقول " بلدي و ان جارت عليه عزيزه و اهلي و ان ضنو عليه كرام " . اللي بقي عايز اقوله للناس اللي بتشتم علي الثوره عايزهم يتخيلوا ان الثوره لم تقم و البلد مشيت علي هذا المنوال و حكم مصر جمال مبارك بعد ابوه ما يموت و استشري الفساد اللي كنا مش حنعرف عنه حاجه و زادت البطاله و الأمراض و السرطانات اللي من كل نوع و المحسوبيه و زياده الأسعار و تعنت الحكومه ضد الشعب في التعليم و الصحه و سيطره امن الدوله علي افراد الشعب . تصوروا الوضع حيكون ازاي بعد عشرين سنه مثلا . مع انتشار المخدرات و العزوبيه و الزواج العرفي و فساد الأعلام . ومستقبل اولادهم و احفادهم ده لو اولادهم اتجوزوا اصلا . انا احمد الله كثيرا علي قيام الثوره و ان شاء الله ربنا حيعوضنا خيرا . و المصري عودته الحكومه انه دايما يبص تحت رجليه و لا ينظر الي الأمام . لذا فجميع مشاريع الحكومه تولد معوقه لأنها بعد مده بسيطه تكتشف ان التخطيط كان سيئ . معذره علي الإطاله . تحياتي "

[brown-eyes]

اختلف مع حضرتك في موضوع المغتربين االي عايزين البلد فوضي بل بالعكس فيه مثل يقول الغربه كربه وده احساس من تغرب و بالذات المصريين عندهم عاطفه جارفه لمصر انا اتغربت عشرين سنه في السعودية و كانت كرامتي هناك مصانه اكتر من هنا و ده غير طبيعي و الحياه كانت هناك ميسره لأبعد ما تتصور . و لكن عندما اذكر مصر اشعر بحنين جارف . هناك بيت شعر يقول " بلدي و ان جارت عليه عزيزه و اهلي و ان ضنو عليه كرام " . اللي بقي عايز اقوله للناس اللي بتشتم علي الثوره عايزهم يتخيلوا ان الثوره لم تقم و البلد مشيت علي هذا المنوال و حكم مصر جمال مبارك بعد ابوه ما يموت و استشري الفساد اللي كنا مش حنعرف عنه حاجه و زادت البطاله و الأمراض و السرطانات اللي من كل نوع و المحسوبيه و زياده الأسعار و تعنت الحكومه ضد الشعب في التعليم و الصحه و سيطره امن الدوله علي افراد الشعب . تصوروا الوضع حيكون ازاي بعد عشرين سنه مثلا . مع انتشار المخدرات و العزوبيه و الزواج العرفي و فساد الأعلام . ومستقبل اولادهم و احفادهم ده لو اولادهم اتجوزوا اصلا . انا احمد الله كثيرا علي قيام الثوره و ان شاء الله ربنا حيعوضنا خيرا . و المصري عودته الحكومه انه دايما يبص تحت رجليه و لا ينظر الي الأمام . لذا فجميع مشاريع الحكومه تولد معوقه لأنها بعد مده بسيطه تكتشف ان التخطيط كان سيئ . معذره علي الإطاله . تحياتي "

بالظبط نفس اللي بحسه مع اني مسافر من حوالي سنة بس وبحمد ربنا علي اللي حصل ده وان الناس فاقت من اللي هي كانت فيه لان مصر عايزة تتبني من اول وجديد فعلا الناس دي وصلت البلد لمرحلة ميؤس منها بس ان شاء الله هنقدر نعدي المرحلة دي
بالنسبة للمغتربين بره فهما انواع في ناس عندها انتماء قوي جدا للبلد وناس مش فارقة معاها ماشيين بمبدا ايكش تولع و ناس نفسها البلد حالها مايتعدلش ودول الجهلة للاسف ودول نتاج النظام السابق

[Ahmed_Ramadan]

دوول كمان مش خطر ،،، يعني تلاقيهم بيكلموا بلغة بسيطة

البلد كانت خربانة بس كنا عايشين في أمان ،، عايزين نشوف حالنا ،،، الخ

ممكن تعذرهم و تتعاطف معاهم و تقابل كلامهم بابتسامة و توضيح

الزفت بقه ،،، المحللين الاستراتيجين و أصحاب الرؤية

اللي قادرين يخترعوا مية خطر محدق و مية مؤامرة أنتا مش واخد بالك منها و مليون نتيجة سلبية تخفي عن أعينكم المغمية

دووول خطرهم ،،، أسوأ بكتير ،،، لأنهم بيحطوا السم في العسل ،،

أمثلة ،،

بنا يتولانا برحمته ويعدي الايام الجايه علي خير ....مناوشات علي حدود في سيناء ....اطرابات علي الحدود في ليبيا .....البشير بيحاول ياخد حلايب وشلاتين في الجنوب....اتفاقية عنتيبي تدخل حيز التنفيذ نظرا لعدم وجود شخص مرعب لتلك الدول مثل عمر سليمان ....واحنا بنقول بس علاء الاسواني صح ولا غلط ...ووبنقسم نفسنا بان اللي متواجد في مولد سيدي التحرير طني بيحب مصر واللي في مصطفي محمود عاوز يدمر مصر ......يجب ان نفكر بره الصندوق اقصد بره ميدان التحرير

* نفسي الناس تفهم إن مصر على شفا جرف هار
يا ولاد الحلال مصر لو إستمر الوضع كده شهرين كمان ستبدأ ثورة جياع
وإن حدث هذا فلن يستطيع أحد تداركه
وقد يؤدي ذلك أو بالتأكيد سيؤدي إلى تقاتل داخلي
يا عالم فوقوا الثوره ممكن تعملنا حاجات حلوه مكناش نحلم بيها
لكن الغوغائية وعدم المسؤوليه هييطيح بكل البلد

*أربع مصادر رئيسية للدخل صفر
سياحة صفر.....ضرائب صفر .....إستثمارات خارجيه وحوالات عاملين في الخارج بالسالب.... جمارك صفر رسوم حكوميه صفر
حد يقولي بس ويتخيل اللي انا متخيله لو الشهر الجاي الأرامل واليتامى والعجزه والمسنين والمعاشات بس ملقوش فلوس للمعاشات إيه اللي ممكن يحصل
لو موظفين الدوله ملقوش الرواتب إيه اللي هيحصل
لو الأحياء الفقيره المعدمه لم تجد رغيف الخبز وزادت الأسعار بجنون نتيجة إنهيار العمله ممكن إيه اللي يحصل
يا جماعة هتبقى كارثه لن يستطيع أحد في العالم إيقافها إلا من يقف متربص يمسك بيده بالعظمه للكلاب اللي هتاكل في بعضها
يا شباب ستحتل بلادنا بأيدينا فوقووووووووووووووووووو

محدش ليه جاوب على الأسئلة الى العضو سألها و بوضوح ؟؟؟!!!

محدش ليه سأل نفسه احنا ليه بقينا أسوأمن الحزب الواطى وبقينا بنتكلم بنفس الطريقة من نوعية احنا عارفين مصلحة الشعب كلوا فين و اللى مش عاجبه يخبط دماغه فى الحيط؟؟!!

محدش ليه سأل نفسه ليه وزير الداخلية الجديد النهاردة كان بيلعن اليوم اللى قبل فيه المنصب (و متوقع هيسيبه)؟؟!!

محدش ليه سأل نفسه يعنى ايه محاكمة فورية(مفيش حاجة اسمها كده فى القانون) فى قضايا عاملة زى خيوط العنكبوت و لسه فى جلسات و شهود و استئناف ؟؟!!!

محدش ليه سأل نفسه ان فعلا القوات المسلحة دايرة تشحت علشان مفيش موارد لسداد مرتبات الموظفين للشهور اللى جاية ؟؟

محدش ليه سأل نفسه ليه شبكة زى رصد بتتعمد خلق الأخبار و تسخين الناس و دعوتهم للتجمهر و الهاء الجيش عن تأمين الشعب ؟؟؟!!!

محدش ليه سأل نفسه هنزل الشرطة تانى ازاى (و لازم نعمل حسابنا ان مش كلنا متعلمين و ممكن نقف و نفكر)
مع وجود تار بايت بين الناس ذوى مستوى التعليم الأقل اللى بيتلككوا لأى فرد شرطى نزل يقوم بشغله بعد الثورة؟؟؟!!

محدش ليه سأل نفسه مين من مصلحته ان البلد تبقى عاملة زى الأسفنجة اللى مليانة مياه و الشعب عمال يعصر فيها و الجيش ماسك غطا ازازة و بيحاول يلم الميه من تحتيه ؟؟؟!!!!

يا جماعة لازم نفكر بطريقة عقلانية و ميبقاش الموضوع هجوم و خلاص ...اللى بيحصل دلوقتى اقسم بالله هيقلب الأغلبية الصامتة على الناس اللى فى التحرير و البداية كانت النهاردة

[Ahmed_Ramadan]

هوا ليه محدش بيرد على الأسئلة ؟؟؟

[jisso82]

و الله أنا حاسس بيك و مش بس الكلام اللى انت بتقوله ده و كمان ناس بتكمل و تتنبأ بالوضع اللى هنبقى ل100 سنة قدام و إننا هنبقى يا عراق تانية يا لبنان تانية و الأدهى كمان بيقولولك ليبيا تانية مع إن ليبيا أصلا لسه موضوعها ما خلصش بيحكموا عليها مسبقا و لما ترد عليهم بالمنطق يقولولك إن الفساد أصله الشعب و إن عدم الالتزام أساسه الشعب و إنك لازم تغير الناس كلها قبل ما تغير الرئيس عشان الحال ينصلح. شفت بقى انت عندك أهون كتير إزاى من اللى بواجهه كل يوم تقريبا

[الريس]

ببساطة شديدة

اعتبروا نفسيكم في حرب ضد عدو

الفرق ان العدو الخارجي - اسرائيل مثلا - محدش كان هيتكلم عن حاجة غير استعادة الحق و الكرامة

انما العدو الداخلي بيلعب عليكم الف لعبة و لعبة