د.احمد خالد توفيق يكتب:عن شفيق والاسواني اتكلم

[MMamdouh]

ههههههههههههههههههههه و الله شكلك هاتتخنق مني انا كمان لو ما كنتش مخنوق مني من الأول يا ممدوح

لأ خالص برضة طالما الكلام و النقاش فى حدود الادب و الاحترام... و للعلم انا مختلف معاك فى حاجات كتير... لكن دة عمرة ما يبقى بوابة للدخول فى قلة الاحترام و انعدام الذوق و التخلى عن اداب الحوار بينا و بين بعض... صح ولا انا بتكلم غلط؟

MMamdouh

[human]

أسلوبة مستفز و لا يقدر أداب الحوار و مش كل الى بيقولة يعجب الناس و أنا بقول أسلوبة ما عجبنيش و ضد أسلوبة و حسسنى أنة واقف فى موقف ميكروبصات مش حوار تيلفزيونى
و مش مهم ان الناس الى قالو رأيهم محنكين سياسيا و لا تبع أفكار معينة لآ أتكلمو عن أسلوب أدارة الحوار و قالو أن أسلوبة أسلوب همجى و أنا ضد أن الناس تقول أمين علشان فكرة الى أمامهم لاقت قبول لديهم و ما تحمكش بالعدل أنا بتكلم عن أسلوب الحوار الى دار بينهم تحديدا مش مضمون الحوار الى دار

طبعا حقك انه مايعجبكش براحتك خالص

بس اللى عاجبهم مش عشان عشان فكر
لا عشان هو لم يتعد باى قول على شفيق و ده واضح شايف غير كده براحتك برضه

و انا فخور ان فبلدى واحد استطاع انه يتكلم بحريه مع رئيس وزراء مصر و اشعر بالعار ان فبلدى ئيس وزراء فرض على الشعب و اراد خداعه بطريقه او باخرى

شكرا علاء الاسوانى

واكبر منى سنا بكتير

اكبر منى سنا ديه مش موجوده فى السياسه ---- خاااااالص

ده اللى عمالين نقوله - هو لا يمثل شخصه هو يمثل سياسه استطيع مهاجمتها و استطيع ان اتفق معاها و استطيع ان احتد ضدها
هو وظيفته انه يسمع يناقش يعرض وجهه نظره يدى جدول تنفيذ يفند الهجوم يدافع و يشرح ليه عشان ايه
هيه ديه وظيفته اللى مش فاهمها

[hobiko]

+1111111111111111111111111111


لو واحد من الناس فرغ الحلقة دية و خلاها مكتوبة - عشان نشيل الصوت العالى و ارتفاع صوت شفيق و الاسوانى

هيلاقى

شفيق مجاوبش على اى سوال

لا من الاسوانى

ولا من الحمزاوى و كمال ابو المجد

ولا من قنديل و ساويرس

ولا من 2 مذيعين فى الحلقة

السوال يبقى هو طالع على الهواء يعمل ايييييييييييييييييييييييييييييييييييييييييييييية

و طبعا تفسيرة لتصريحة البونبونى كان منتهى التخلف - كانة بيكلم ناس جهلة

النقاش المحتدم مش قلة ادب خصوصا و ان الكلام كله له معني مش سخرية و لا تريقة

شكرا علي نقل المقال

[otefa]

عزيزي human12
((اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك))

أرجو مراجعة مدى صحة الحديث بتوقيعك لأنه على حد علمي ضعيف
ألا اذا كنت وضعه كمقولة مأثورة الله أعلم
عملا بحديث الرسول عليه أفضل الصلاة والسلام .
يقول صلى الله عليه وسلم "من كذب عليّ متعمداً فليتبوأ مقعده من النار" رواه البخاري و مسلم وغيرهما
الله ما أهدنا لما تحبه وترضاه
تحياتي

[human]

عزيزي human12
((اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك))

أرجو مراجعة مدى صحة الحديث بتوقيعك لأنه على حد علمي ضعيف
ألا اذا كنت وضعه كمقولة مأثورة الله أعلم
عملا بحديث الرسول عليه أفضل الصلاة والسلام
يقول صلى الله عليه وسلم "من كذب عليّ متعمداً فليتبوأ مقعده من النار" رواه البخاري و مسلم وغيرهما
تحياتي

عزيزى
ليس حديث ولكن دعاء جميل

[AmAhmed]

طيب اذا كان الاسواني تطاول علي شفيق و كان عديم الذوق في الحوار يبقي الناس تبقي ايه
احمد منصور الجزيرة
مفيد فوزي و عمرو اديب
لاري كينج سي ان ان
Chris Matthews/Keith Olbermann من msnbc
و Katie Couric لما حطمت Sarah Palin كمرشح لنائب الرئيس

دي ناس بتعصر اللي قصادها في اي نقاش بطريقة اقوي من الاسواني بكتير
يبقي بمنطق ان الاسواني غلطان يبقي دوول المفروض مايطلعوش في برامج تاني

[otefa]

عزيزى
ليس حديث ولكن دعاء جميل

تمام عزيزي

[MMamdouh]

انت مش فاهم انا هفهمك انا اصلا مهندس و بشتغل بقالى 10 سنين و مارضيتش اسيب بلدى ووطنى زى اللى سابوها و اسمع منى و سيبك من اللى تعرفه انا تكنوقراطى و عند فدان ارض جبته بفلوسى

الاجابة: "كل اللى قولتة دة معلومات متهمنيش فى اى شىء... انا ليا سؤال واضح و محدد و عايز اجابة صريحة علية"

ايه رأيك؟؟؟
قلتلك انك مش فاهم حاجه و برد عليك فى حاجه تانيه
تخيل فى ظل وضع حرج زى اللى احنا فيه و يبقى ده اسلوبك

ايه رائيك انت؟؟؟ دخلت عليا بفلم هندى رحت انا انتجتة و اخرجتة و خليتك تمثل فيه ببلاش كمان... الموضوع لا كان محتاج زعيق ولا حزق ولا اى حاجة... هو بس كان محتاج شوية تروى و عقل فقط لاغير

انا اتعلمت حكمتين لحد النهاردة شايف انهم يسوا وزنهم دهب

الحكمة الاولى اتعلمتها من زميل فى الشغل من يجيى 10 سنوات و كانت بتقول "اللى يخش عليك بفيلم لبسهولة"... يعنى لو حب حد يصيع عليك و يعمل مفتح خللى صياعتة دى حى تبقى نفس السلاح اللى حيغرقة... دة اللى انا عملتة فى الاجابة الاولى لما اكدت فعلا انك ادتنى اجابة "فهمتنى" حاجات مكنتش فاهمها بس فى نفس الوقت قولتلك انها متهمنيش ولا ليها علاقة بالسؤال و انا مازلت عايز اجابة السؤال... يعنى بالبلدى انا ماكلتش من الكلام اللى قولتة و اذا كنت فاكر انك حتقدر تودينى البحر و ترجعنى عطشان فا انا اللى مليت البحر مية

الحكمة التانية هى "سيب اللى قدامك يغلط الاول" و دة اللى وقع فيه الاسوانى لما انفعل و هلل و زعق و حتى الان احنا بنتناقش فى الموضوع دة... لو كان لبس السؤال لشفيق بالهدوء (زى المثال اللى انا كاتبة) كان اما شفيق مش حيلاقى اجابة و هنا يبقى الاسوانى زنق شفيق بهدوء شديد اثبت ان شفيق فى مكان اكبر منة بكتير و هو غير قادر على ملء هذا المكان و اما كان شفيق حيحاول يحور تانى و هنا حتبقى حركة قرعة جدا قدام الناس فى التليفزيون و حتى الاسوانى مش حيحتاج يتكلم تانى لان الموضوع خلص خلاص و المراوغة بقت واضحة وضوح الشمس

المشكلة ان الاسوانى اللى وقع فى المطب دة و الناس مغلطاه... لو كان لبس شفيق كان زمان كل الناس بتقول ان شفيق مراوغ و معندوش اجابات و محدش جاب سيرة الاسوانى ولا قال انة قليل الذوق او عنيف الخ الخ

MMamdouh

[MMamdouh]

من منطلق الرأي و الرأي الاخر نقول و الله المستعان
صحيح ان الفريق احمد شفيق يعتبر :
1-من اتباع النظام السابق
2-كان في حاجات لازم تتعمل و اتأخر فيها
3-تحس شويه ان عليه بعض المآخذ
لكن و علي الرغم من اي شيء احترمني و احترمك من باب ادب الحوار
لكن مش عاوزين حريه رأي تنقلب للعكس بمعني
ان مثلا ضباط الشرطه يبطلوا افترا علي الناس و الشعب ياخد حقه و زياده لدرجه ان الشعب يبقي هو اللي بيفتري علي الشرطه و نبقي بنطالب بعد كده بحقوق الشرطه
الموضوع هو الوسطيه
الموازنه بين دي و دي
و علشان مبقاش خرجت من الموضوع انا قصدي حريه الرأي مش معناها اني اتطاول علي اي حد
احترمه اه
و اسأله علي كل اللي انا عاوزه
و اختلف معاه في الرأي و دون اتهام لمن يخالفني في الرأي

هو دة

MMamdouh

[MMamdouh]

طيب اذا كان الاسواني تطاول علي شفيق و كان عديم الذوق في الحوار يبقي الناس تبقي ايه
احمد منصور الجزيرة
مفيد فوزي و عمرو اديب
لاري كينج سي ان ان
Chris Matthews/Keith Olbermann من msnbc
و Katie Couric لما حطمت Sarah Palin كمرشح لنائب الرئيس

دي ناس بتعصر اللي قصادها في اي نقاش بطريقة اقوي من الاسواني بكتير
يبقي بمنطق ان الاسواني غلطان يبقي دوول المفروض مايطلعوش في برامج تاني

سؤال واحد حيفصل فى الموضوع دة... النس دى و هى بتتحاور بيزعقوا لبعض و بيقاطعوا بعض؟

MMamdouh

[hobiko]

اكبر منى سنا ديه مش موجوده فى السياسه ---- خاااااالص

ده اللى عمالين نقوله - هو لا يمثل شخصه هو يمثل سياسه استطيع مهاجمتها و استطيع ان اتفق معاها و استطيع ان احتد ضدها
هو وظيفته انه يسمع يناقش يعرض وجهه نظره يدى جدول تنفيذ يفند الهجوم يدافع و يشرح ليه عشان ايه
هيه ديه وظيفته اللى مش فاهمها

بالظبط كده ....... ده راجل فى واحد من ارفع المناصب السياسية ....... و مش عارف حاجة عن السياسة

و اول سؤال سأله الأسوانى عن كون منصب رئيس الوزراء منصب سياسى فبالتالى شفيق مسئول سياسيا زيه زى مبارك ....... لا كان فيه بقى ولا صوت عالى ولا اسلوب مش كويس ولا اى حاجة .......

شفيق معرفش يرد عليه ........ وقعد يقول مبارك معملنيش ..... انا عملت طيارات .... واى كلام فارغ

امتى بس نفهم ان الوزير و الرئيس ..... مجرد راعى لمصالح الشعب و ليس فوق الشعب

[تامر.محمد]

لأ خالص برضة طالما الكلام و النقاش فى حدود الادب و الاحترام... و للعلم انا مختلف معاك فى حاجات كتير... لكن دة عمرة ما يبقى بوابة للدخول فى قلة الاحترام و انعدام الذوق و التخلى عن اداب الحوار بينا و بين بعض... صح ولا انا بتكلم غلط؟

mmamdouh

تمام جدا يا باشا
اتمنى انك تشوف مشاركتي اللي في الصفحة اللي فاتت اللي فيها الفيديو بقى

[nevozaky]

انا شايف انه الاسلوب مفهوش مشكلة و من غير تحليل و لا قراءة مابين السطور

واحد بيقول لواحد انت مش فاهم سيبني افهمك
التاني رد قال له لا انا فاهم انت اللي مش فاهم سيبني افهمك
من الواضح ان في سوء تفاهم و ان السؤال بتكون اجابته في اتجاه بعيد عن السؤال نفسه و الفكرة المطروحة
و لان ده حوار علي مستقبل البلد و في برنامج محدود الوقت شئ طبيعي ان يكون فيه قوة و حدة
و في ناس بتدير الحوار لا طلعت فاصل و لا قاطعت الاسواني و لا طلبت منه التهدئة لان اللي بيعمله غلط

ده كده الناس مش حيعجبها لو طلبنا ان مرشحين الرئاسة يطلعوا مناظرات و يناقشوا بعض و يعرضوا خططهم لقيادة البلد و ينتقدوا خطط المرشحين المنافسين و حيعتبروا ده نوع من التطاول و قلة الادب

لاْ حضرتك.ريم ماجد ويسرى فودة طلبوا من علاء الاسوانى اكتر من مرة تهدئة الامور واسلوب الحديث .وكان هو مستمر فى الكلام بنفس الاْسلوب والطريقة .

[human]

لاْ حضرتك.ريم ماجد ويسرى فودة طلبوا من علاء الاسوانى اكتر من مرة تهدئة الامور واسلوب الحديث .وكان هو مستمر فى الكلام بنفس الاْسلوب والطريقة .

ده فعليا ماشفتوش

اللى شفته ساويرس بيقول لشفيق صراحه بلاش تقوله الكلام اللى يستفز ده

و ديه كانت واضحه جدا من نص الحلقه

[nevozaky]

طيب اذا كان الاسواني تطاول علي شفيق و كان عديم الذوق في الحوار يبقي الناس تبقي ايه
احمد منصور الجزيرة
مفيد فوزي و عمرو اديب
لاري كينج سي ان ان
chris matthews/keith olbermann من msnbc
و katie couric لما حطمت sarah palin كمرشح لنائب الرئيس

دي ناس بتعصر اللي قصادها في اي نقاش بطريقة اقوي من الاسواني بكتير
يبقي بمنطق ان الاسواني غلطان يبقي دوول المفروض مايطلعوش في برامج تاني

يا فندم مش علشان حد غلط نبقى نعمم الغلط ونقول ما فى ناس تانية بتعمله .واشمعنا احنا .ومش معنى ان الناس دى محاورين لهم اسلوبهم المهاجم للوصول للكلام اتللى عايزينه او الاجابات اللى عايزنها .لكن علاء الاسوانى مجرد كاتب مهما كان مشهور عالميا ليست وظيفته الحوارالهجومى .ولكن من حقه الوصول للحقيقة واجابات على اسئلته باسلوب مهذب باعتباره مواطن مصرى .وعلى فكرة اغلبية الناس بتضايق من اسلوب احمد منصور بتاع الجزيرة .اما مفيد فوزى بيهاجم ويساْل من غير قلة ذوق .يعنى بالبلدى بيضرب ويلاقى .