د.احمد خالد توفيق يكتب:عن شفيق والاسواني اتكلم

[otefa]

من خلال مراجعة الحلقة برضو تقدرو تشوفو الفرق بين طريقة الاسواني و طريقة حمدي قنديل او ساويرس مثلا
و عايز اقول حاجة برضو ليه الناس اتكلمو كتير و شكرو في الاسواني بالذات مع ان في ناس تانية في الحلقة نفسها عارضو شفيق بس بطريقة راقية
من غير ما حد يزعل مني انا شايف ان فيه بعض الناس من اللي مع الاسواني في اسلوبه
لانهم غاضبين على شفيق و مش عايزينه باي طريقة
و بالتالي كانو مع الاسواني و اتكلمو عنه اكتر لانه كان الاكثر عدائية في كلامه مع شفيق

بالظبط كده في رأي الأسواني كان أعلاهم صوتا وأضعفهم حجة وركز على الدستور وتغييره مع أنه لاشفيق قانوني ولا الأسوانني قانوني كان من الممكن ادارة الحوار في نقاط تهم المواطن على المستوى المعيشي وبنقاط أكثر عمقا ووضوحا (على سبيل المثال خطة تطوير التعليم والرواتب وتوقعات زيادة الحد الأدنى وأخذ وعود بذلك حتى لو التطبيق بعد 6 شهور على سبيل حل مشكلة أنية زي المطالب الفئوية ....ومالخطوات الفعلية الجارية حاليا في سبيل تطهير وتطوير جهاز الداخلية..... الموقف بوضوح عن الحالة الأقتصادية وميزانية الدولة بالتقريب وخطورتها على المستوى القريب(ميزانية الدولة)......أنما أمور دستورية وما الى ذلك فالحديث كان من المفترض توجيهه للجنة الدستورية(للأختصاص) وبوجود شفيق أو القوات المسلحة وفي وجود محاور قانوني مثل الدكتور حمزة..........البرنامج كان معد ومدار بأرتجالية فجة ماطلعناش منه غير بهجوم حاد أقرب للشخصنة على شفيق منه لأستجلاء الحقيقة
البرنامج ككل من أعداد ومحاورين وضيوف لم يكن على مستوى الحدث.

[otefa]

وده موضوع عن الحلقة مليء بوجهات النظر من يوم أذاعة الحلقة

http://www.nilemotors.net/Nile/204653-9.html

[ahmedjumpo]

كالعادة ماسكين فى موضوع فرعى جدا و سايبين الأساس ..........

كله بيتناقش فى اسلوب الحوار .........

ولا واحد من محبى شفيق دافع عن اجاباته ...... او قال انها كانت منطقية مثلا ..... او مقنعة ..... او تدل على دراية بحال البلد

لو شفيق كان يملك اجابات مقنعة كان قالها .....

كنا ساعتها قلنا ...... علاء الأسوانى ماشى قليل الأدب ...... بس شفيق فاهم و عارف

بس الحقيقة ان علاء الأسوانى (مع تحفظى على الرأى ده) قليل الأدب ...... بس شفيق مش عارف حاجة خالص

++++++++++++++++++++1
احييك بشدة , فعلا معظم الاخوة ناقشوا الاسلوب و تركوا المحتوى
ممكن اسأل خرجنا من هذه الحلقة مثلا بأى سياسات مستقبلية تفيد فى تخطى الاوضاع الحالية و ذلك بعمل خطوات مدروسة طبقا لجول زمنى
للاسف لا يوجد تخطيط و لا دراسة ولا حلول و كله كلام تاريخ و جغرافيا

[mmolazem]

لكن الأسوانى أخطأ بشكل فظيع ..............

كيف يقول له ( ياسيادة الشفيق ) ........... ازاى يقول كده ..؟؟

هو مايعرفش انه دكتوووور ولا ايه ......... بالذمه دا كلام ..؟؟

( شكر خاص للأخ ناقل المقال ).

[heshamzaky]

في تصويت معمول على موقف الاسوانى من شفيق مكتوب على موقع جريدة الدستور دة نتيجة التصويت
هل توافق على موقف علاء الأسواني من أحمد شفيق رئيس الوزراء السابق في برنامج بلدنا بالمصري؟

الجمعة, 4-03-2011 - 2:38الجمعة, 2011-03-04 14:38

• الرئيسية

نعم


41% (14593 votes)
لا


59% (20896 votes)
مجموع الأصوات: 35489




<LI class="widget color-black" id=widget15 jQuery1299521430296="176">

[otefa]

وزادو صوت كمان بلا مني ههههه

[MMamdouh]

سؤال ايه ده واحد تانى اللى سال عن راينا حضرتك جاوبت وانا جاوبت

انا مش مشكلتى انك بتعدل مداخلاتك بعد ما اكون رديت عليها... كلامك الاصلى موجود فى الاقتباس بتاعى

MMamdouh

[fepsceasar]

يا سيدي نورنى انا مش بتبرا من كلامى، فين السؤال بتاعك
انا عدلت مشاركتى لان كنت فاكر ان انت اللى سالت، طلع واحد تانى سال وحضرتك جاوبت وانا جاوبت فى حاجة معينة اقدر اقدمها لحضرتك

[MMamdouh]

وزادو صوت كمان بلا مني ههههه

+1

MMamdouh

[arakysolom]

في أوربا والدول المتقدمة يجب أن يكون رئيس الوزراء سياسيا وليس إداريا... الكلام الذي قاله أحمد شفيق في اللقاء لا يمت بصلة للسياسة... أنا تاريخي... أنا حسني مبارك أخذ انجازاتي... أنا ماليش فيه (كان يقصد أمن الدولة)... أنا اتكلمت عن البمبوني مع المشير (وهو اتكلم عنه في لقاء صحفي).....
التصرف الوحيد الذي كان مسموحا لشفيق أن يتخذه بعد سقوط مبارك هو الاستقالة..لكنه تصرف بمنطق موظف الميري... فتصور أنه يستطيع البقاء.
الأسواني عندما كان يتحدث كان ينطق بلسان مئات آلاف المصريين - وأنا منهم - ممن رأوا ميدان التحرير قبل التنحي وعايشوا المعتصمين ليلا عند الشعور بالخطر، ويعرفون معنى سقوط شهداء من أجل قضية وأن المسألة كانت ثأرا بين الثوار وبين الرجل ولذلك لم يكن لينفع معها أي علاج.

=11111111111111111111
لا فض فوك
وتر العاطفه اللي استغله حسني مبارك في خطابه قبل الاربعاء الدامي هو اللي كان شفيق بيلعب عليه و علاء الاسواني فاهمه كويس و بيتحاور معاه زيه زي اي واحد من الشعب موجهه اليه اصابع الاتهام و لكن للأسف معظم الشعب بياكل من الاونطة و لابد ان يبدأ الناس في الثقافة لأنها هي السلاح ضد التلاعبات بالآلفاظ اللي بيستعملها رموز الفساد

[otefa]

=11111111111111111111
لا فض فوك
وتر العاطفه اللي استغله حسني مبارك في خطابه قبل الاربعاء الدامي هو اللي كان شفيق بيلعب عليه و علاء الاسواني فاهمه كويس و بيتحاور معاه زيه زي اي واحد من الشعب موجهه اليه اصابع الاتهام و لكن للأسف معظم الشعب بياكل من الاونطة و لابد ان يبدأ الناس في الثقافة لأنها هي السلاح ضد التلاعبات بالآلفاظ اللي بيستعملها رموز الفساد

الأدب فضلوه عن العلم

[Osama_I]

كتب احمد خالد توفيق :

تذكرت كتاب (الجنزوري وأنا) الذي كتبه عادل حموده يحكي فيه عن مشاكله المزمنة مع رئيس وزراء مصر الذي يظهره الكتاب دكتاتورًا يهوى احتكار السلطات كلها (ونظيف اليد بالمناسبة)، ولا أنكر أن الكتاب فيه قدر لا بأس به من الشماته بعد ترك الجنزوري للوزارة. في لقاء مع الجنزوري حاول حموده أن يكون مهذبًا منصفًا ودقيقًا وقدم بعض الأرقام، فاستشاط الجنزوري غضبًا وصرخ:
ـ"كيف تجرؤ على الكلام معي بهذه الطريقة ؟.. أنا رئيس وزراء مصر !"

والسؤال هو: كيف تكون طريقة الكلام مع رئيس وزراء مصر ؟.. أليس في النهاية موظفًا في الدولة يؤخذ من كلامه ويرد ؟. ما حدث مع حموده شبيه جدًا بما حدث مع الأسواني مؤخرًا ..
بعد الندوة التي دارت على قناة أو تي في، انهالت تعليقات غاضبة كثيرة على علاء الأسواني بحجة أنه كان طويل اللسان في كلامه مع أحمد شفيق، وأنه نسى أنه يكلم رئيس وزراء مصر. والحقيقة إن الأسواني لم يتجاوز على الإطلاق ... المشاكسة لا تعني الوقاحة بتاتًا، ومن ينتقدون أداءه إنما يعبرون عن تصورهم لطريقة التعامل مع رئيس الوزراء: "فيه ناس بيقولوا إن حكومة سعادتك اتأخرت في كذا وكذا .. أرجو أن سعادتك توضح لهم إن ده مش صحيح .. ".
ولربما استدعى التهذيب أن يجلس السائل على الأرض بين يدي رئيس الوزراء على طريقة فلاح كفر الهنادوة، وأن يطرق بوجهه في خفر وحياء.. يتلقى الإهانات فيبتلعها في صمت. هذه هي طريقة التعامل وكل من لا يتعامل بها هو إنسان وقح يفتقر للتهذيب.
أذكر أن مذيعًا مهمًا كان يجري حوارًا تلفزيونيًا مع السيدة جيهان السادات، وكان مهذبًا لكنه كان يؤدي عمله جيدًا ويسأل عن كل شيء .. سمعت سيدة أعرفها تقول: "لماذا تقبل جيهان السادات لواحد كهذا أن يمارس وقاحته معها ؟"
هذه هي المشكلة لدى رجل الشارع .. أي تعامل مع هذه الشخصيات يزيد على (يا ريت سعادتك تحكي لنا عن تطلعاتك العظمى)، هو وقاحة وقلة أدب. غلطة الأسواني أنه بحكم ثقافته ورؤيته العالم قد افترض أن رئيس الوزراء موظف يمكن أن نناقشه، بينما الحقيقة في مصر هي أن رئيس الوزراء إله صغنون لا يُسمح لنا سوى بإحراق البخور تحت قدميه.
الحقيقة أن اللقاء كان سيئًا بالنسبة لأحمد شفيق منذ اللحظة الأولى، وقد رأينا كيف أضاع ربع ساعة في الإجابة عن سؤال لم يطرحه أحد، وهو أن حسني مبارك لم يصنعه وأنه عظيم من قبل أن يعرف (مبارك) أصلاً ، وهي على كل حال نقطة فرعية تضعف حجته.. منذ اللحظة الأولى بدا واضحًا أنه لم يفهم كلام علاء الأسواني، وأنه شديد العصبية.. وبدأ يفقد الكثير من أسهمه وهالة الوقار المحيطة به.
منذ تولى أحمد شفيق الوزارة في فترة عصيبة جدًا، بدا لنا مختلفًا وواعدًا .. كان يتكلم بهدوء وتهذيب ويبدو مرتب الذهن يعرف ما يريد وكيف يفعله. مع الوقت بدأنا ندرك أن شيئًا لا يحدث على الإطلاق .. لا تحرك في اتجاه محاسبة مجرمي الماضي، ولا تحرك في اتجاه إلغاء قانون الطوارئ، ولا تحرك في الخلاص من الأسماء التي تثير ريبة الناس. وبالفعل لم يبذل الرجل أي جهد كي يزيل علامات الاستفهام المحيطة به التي تقول إنه يتلقى التعليمات من شرم الشيخ مباشرة. وبعد ما وعد بعدم مس المتظاهرين وقعت واقعة الجمل وأطلق الرصاص على المتظاهرين. أما الآن فقد جاءت علامة استفهام واضحة جديدة: بمجرد رحيله ومجيء عصام شرف، قامت أجهزة أمن الدولة في كل مكان بفرم وحرق أوراقها !... لقد عرفوا أن وقت الحساب قد جاء وأن القادم يختلف تمامًا عن الراحل !
أما عن إعجاب الناس المستمر بشفيق فعلى الأرجح لأنه ظريف أنيق ويتكلم بالانجليزية ويقول could be. وهو نفس المنطق الذي يجعل الناس يعتقدون أن عمرو موسى رائع لأنه وسيم وأنيق ويبدو منهمكًا، وقال ذات مرة إن ليبرمان مجنون.
قرب نهاية الحوار فقد شفيق أعصابه تمامًا ، واتهم علاء الأسواني بادعاء الوطنية، وهي الموضة الجديدة مع كل من يحاول أن يتكلم بصراحة .. ومنذ أيام اتهم أنس الفقي محمود سعد بأنه يبحث عن الجماهيرية ليزيد من قيمة تعاقده، وهي إهانة لم يبتلعها علاء بأي شكل وازداد الكلام حدة حتى اقترب من الصراخ. عندما انتهى الحوار لم يعد هناك شك لدى أحد فيمن هو الطرف الضعيف الذي يدافع عن نفسه.
عندما يدور الكلام عن علاء الأسواني، فعلينا ألا ننسى أن هناك جانبًا لا بأس به من الحسد لدى قطاع من المثقفين تجاهه. الرجل حقق مجدًا عظيمًا في وقت قصير .. ثم يضيف لهذا المجد أنه الروائي الذي أدى للإطاحة بوزارة كاملة !.. لهذا تكاثرت المقالات التي تتهمه بأنه كان غير مهذب مع رئيس وزراء مصر، وأنه كان عدوانيًا غير ديمقراطي، وأنه حول نفسه لبوق يردد ما يريده الشباب كي يكسبهم .. الخ .. بينما كان ما فعله هو الرد على الإهانة بمثلها تقريبًا. وإذا لم يكونوا قد أوصوه بأن يجلس في حياء بين يدي رئيس الوزارة يوافق على كل شيء، فهذه ليست غلطته بالتأكيد.

ينصر دينك

[fepsceasar]

=11111111111111111111
لا فض فوك
وتر العاطفه اللي استغله حسني مبارك في خطابه قبل الاربعاء الدامي هو اللي كان شفيق بيلعب عليه و علاء الاسواني فاهمه كويس و بيتحاور معاه زيه زي اي واحد من الشعب موجهه اليه اصابع الاتهام و لكن للأسف معظم الشعب بياكل من الاونطة و لابد ان يبدأ الناس في الثقافة لأنها هي السلاح ضد التلاعبات بالآلفاظ اللي بيستعملها رموز الفساد

على فكرة وانت كمان لا فض فوك

[alaa99991111]

في رأي علاء الأسواني كان غير محترم في أسلوب حواره وببساطة لما لم تحدث المشادة وعلو الصوت ألا معه دون عن باقي المحاورين!!!!!
أحترام الصغير سنا واجب أخلاقي وديني في الأساس بغض النظر عن رئيس وزراء ولا مواطن عادي.
كان واضح جدا التجريح المقصود من الأسواني تجاه شفيق .
شفيق أخطأ أنه لم يكن جاهز للحوار بأجابات بنقاط واضحة وجوهرية للمرحلة .
---------------

((وبالفعل لم يبذل الرجل أي جهد كي يزيل علامات الاستفهام المحيطة به التي تقول إنه يتلقى التعليمات من شرم الشيخ مباشرة. وبعد ما وعد بعدم مس المتظاهرين وقعت واقعة الجمل وأطلق الرصاص على المتظاهرين. أما الآن فقد جاءت علامة استفهام واضحة جديدة: بمجرد رحيله ومجيء عصام شرف، قامت أجهزة أمن الدولة في كل مكان بفرم وحرق أوراقها !... لقد عرفوا أن وقت الحساب قد جاء وأن القادم يختلف تمامًا عن الراحل !))
تعليمات من شرم الشيخ أزاي يعني؟؟؟؟........في الأغلب كلام غير دقيققققققققق
وهل التعليمات كانت موجهة لشفيق ولا القوات المسلحة؟!
موقعة الجمل كانت غلطته أنه وعد رغم معرفته بأنه ليس مسيطر بصورة كافية على الأمن...........داخلية بالكامل تم سحب قواتها!!!! والقوات المسلحة كان من الصعب تدخلها في ذلك الوقت
ثم يضيف لهذا المجد أنه الروائي الذي أدى للإطاحة بوزارة كاملة !
أعتقد كلام مبالغ فيه جداااااااااااااا

+111111111

[hobiko]

بص يا باشا أنا مش من أنصار شخص معين و حا أدافع عنة سواء كان ظالم أو مظلوم لآ خالص
أنا بقول من حق الناس أن شفيق يتسأل و أعصرة أسئلة و لو هو فاشل يتغير مفيش مشكلة المهم مصلحة البلد مش مصلحة شخص و لا مصلحة تيار معين و لا حزب و لا أى كان .
بس الاسوانى بطريقتة خلا ناس كتير جدا تنتقدة و تقول الله لو أسلوب المعارضين بالشكل دة بكرة يتقلبو و يمارسو ديكتاتورية من نوع جديد
بالنسبة لشفيق أنا حاسس أنة جة فى توقيت خطأ و ظروف وحشة و الناس مسكت فى موضوع البون بونى و عاوزة تتشفى فية و تخلص تار و فرحت لما الاسوانى كلمة بهذا الاسلوب ودة الى ما عجبنيش
صدقنى كلة بيخلص حسابات من بعضة و لو الامور ما أتحسمتشى البلد بتنهار واحدة واحدة

بص حضرتك احنا مش بنتكلم فى امور فرعية وسايبن الاساس .الزميل الاستاذ كريم منيراللى عامل الموضوع اصلا بيتكلم فى النقطة دى على اسلوب علاء الاسوانى وانتقاد الناس ليه .يعنى احنا مش جايين فى الهايفة وبنتصدر .بس ده اصلا سبب الموضوع وسبب المقال انتقاد الناس لاسلوب علاء الاسوانى .تقبل احترامى لحضرتك

اول حاجة ده مش موضوع عامله ا. كريم دى مقالة لد.احمد خالد توفيق

و فىه جزء من المقالة بيتكلم عن شفيق نفسه بالتالى الموضوع عام مش مقتصر على اسلوب الحوار فقط

منذ تولى أحمد شفيق الوزارة في فترة عصيبة جدًا، بدا لنا مختلفًا وواعدًا .. كان يتكلم بهدوء وتهذيب ويبدو مرتب الذهن يعرف ما يريد وكيف يفعله. مع الوقت بدأنا ندرك أن شيئًا لا يحدث على الإطلاق .. لا تحرك في اتجاه محاسبة مجرمي الماضي، ولا تحرك في اتجاه إلغاء قانون الطوارئ، ولا تحرك في الخلاص من الأسماء التي تثير ريبة الناس. وبالفعل لم يبذل الرجل أي جهد كي يزيل علامات الاستفهام المحيطة به التي تقول إنه يتلقى التعليمات من شرم الشيخ مباشرة. وبعد ما وعد بعدم مس المتظاهرين وقعت واقعة الجمل وأطلق الرصاص على المتظاهرين. أما الآن فقد جاءت علامة استفهام واضحة جديدة: بمجرد رحيله ومجيء عصام شرف، قامت أجهزة أمن الدولة في كل مكان بفرم وحرق أوراقها !... لقد عرفوا أن وقت الحساب قد جاء وأن القادم يختلف تمامًا عن الراحل !

زى ما قلت قبل كده

احنا ممكن نتفق او نختلف على علاء الأسوانى ......

اسلوب كلام مش حلو ..... قلة ادب ........ كل ده مش مهم اصلا

المهم هو شفيق .... ده رئيس وزراء مصر ...... ازاى يبقى مش عارف حاجة بالمنظر ده .... ازاى يسهل استفزازه و جره عشان يقول كلام زى

مبارك معملنيش ...... انا اللى عملت مبارك ...... مبارك هو اللى جنا ثمار نجاحى ..... انا قاتلت و اتقتلت .... ماعرفش امن الدولة بيعمل ايه انا ماليش فيه .... ماتلبسش ثوب الوطنية ..... انت مش فاهم انا حافهمك .... يكدب و يقول موضوع البنبونى و الشيكولاته كان فى حوار مع المشير و كلنا سامعينه فى مؤتمر صحفى ..... حمدى قنديل و ساويرس بيتحاوروا على المعتقلين فى الوادى الجديد و ده قاعد ولا بينطق ..... ساويرس بيقوله انت مش عارف امن الدولة بيعمل ايه تعالى انا حقولك و بيسمعله ...... اول سؤال سأله الأسوانى اللى ولا كان فيه اى اسلوب كلام مش كويس و قعد ربع ساعة يرد على حاجة تانية خالص....

انا ميفرقش علاء الأسوانى خالص ..... قليل الأدب .... زبالة .... مش محترم ....... كل ده مش مهم

انا اللى يفرق معايا رئيس وزراء مصر .... اللى كان ممكن يخلينا نقول ..... اه علاء قليل الأدب بس شفيق فاهم و واعى وعارف بيقول ايه

بدل دلوقتى ما هو مخلينا نقول ..... علاء قليل الأدب ....... بس شفيق فى البلالة تماما

و ماينفعش رئيس وزراء مصر خصوصا فى الوقت الحرج ده ...... يبقى فى البلالة