إعـــــــلان

Collapse

.

,
See more
See less

هنصوت بنعم ام لا للتعديلات الدستورية ؟

Collapse
X
Collapse
 
  • Page of 13
  • Filter
  • الوقت
  • Show
Clear All
new posts
السابق 1 2 3 4 5 6 7 8 9 10 13 template التالي
  • #46
    ((إلي أنا أقصده ...... سحر الفلوس ..... فساد النفوس ..... إلي حتساعد فلول الحزب الواطي من رجال الأعمال على شراء الأصوات ))
    ماهي دي المشكلة الفعلية سواء الأن أو بعد عدة سنوات(فلوس بالكومة وجهل منتشر) يبقى الأفضل خير البر عاجله وعلشان كده في كذا مشاركة قلت نتفاءل أوكي بس الديمقراطية هاتاخد وقت علشان تتبلور بصورتها الكاملة مش في سنة ولا 2 وندعي أن ربنا يوفقنا ويهدي الأمور لما فيه الصالح
    وده جزء من مشاركتك السابقة والردعليها
    ((انيا اجراء انتخابات مجلس الشعب دلوقتى زى ماقلت قبل كده فى نفس الموضوع ..... كارثة حتجيب بس الأخوان و بقايا الحزب الوطنى للمجلس ..... من غير اعطاء اى فرصة لبقية القوى الوطنية
    القوي الوطنية الآن في ذروة قوتها بعدما تحقق لها مرادها في اسقاط النظام
    ثانيا القوي التي استطاعت حشد هذه الملايين لتحقيق الثورة هل نفسها التي لا تستطيع ابراز مرشحين بخلاف الاخوان و الحزب الوطني ؟؟؟



    و محدش يقولي مصر بعد 25 يناير غير قبل ..... بلاش تبص في القاهرة و الاسكندرية ...... شوف الصعيد و الارياف .... حيث الفقر المدقع و الجهل .... امال نسبة ال-40 % أميين دي فين))
    إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
    م/محمد

    Comment

    • #47
      المشاركة الأصلية كتبت بواسطة otefa;3873342258
      [b
      القوي الوطنية الآن في ذروة قوتها بعدما تحقق لها مرادها في اسقاط النظام [/b]
      ثانيا القوي التي استطاعت حشد هذه الملايين لتحقيق الثورة هل نفسها التي لا تستطيع ابراز مرشحين بخلاف الاخوان و الحزب الوطني ؟؟؟

      يا استاذى هذا الكلام غير صحيح و كما تعلم و يعلم الجميع ان هذه الثورة ليست خلفها حركات سياسية و لكنها جاءت من شباب معظمه غير مسيس و بالتالى فهو الان يعيد تنظيم نفسه بحيث يكون احزاب سياسية هذه الاحزاب تحتاج لادارات و برامج عمل و دعاية و لكننا سنظلمها و نقتلها فجأة باجراء الانتخابات بسرعة و لن تفرز هذه الانتخابات السريعة سوى اعضاء المال و رجال الاعمال (( الوطنى )) و اعضاء الاخوان المسلمين لان احزاب الشباب لم تقوى ويشتد عودها للوقوف اما هذه الجهات المنظمة
      [FONT=Arial Black][B]ان شجرة الحرية يجب ان تروى من حين لاخر بدماء الوطنيين و الطغاة[/B][/FONT]
      [FONT=Arial Black]فتحية لدماء الشهداء و احذروا ايها الطغاة[/FONT]

      Comment

      • #48
        المشاركة الأصلية كتبت بواسطة ahmedjumpo مشاهدة المشاركة
        يا استاذى هذا الكلام غير صحيح و كما تعلم و يعلم الجميع ان هذه الثورة ليست خلفها حركات سياسية و لكنها جاءت من شباب معظمه غير مسيس و بالتالى فهو الان يعيد تنظيم نفسه بحيث يكون احزاب سياسية هذه الاحزاب تحتاج لادارات و برامج عمل و دعاية و لكننا سنظلمها و نقتلها فجأة باجراء الانتخابات بسرعة و لن تفرز هذه الانتخابات السريعة سوى اعضاء المال و رجال الاعمال (( الوطنى )) و اعضاء الاخوان المسلمين لان احزاب الشباب لم تقوى ويشتد عودها للوقوف اما هذه الجهات المنظمة
        بالظبط كدة ..... هما الشباب دول مين ؟؟؟


        مش أنا و إنت و زينا كتير ......


        هو احنا لما نزلنا المظاهرات كان في دماغنا انها ممكن تقلب ثورة و تنجح ؟؟؟؟؟ لأ طبعاً


        مرة واحدة عايزني أعمل حزب و أنزل بيه الإنتخابات ...... كل دة في شهرين بس


        لعبت الإنتخابات دي لعبة كبيرة أوي ...... و احنا معندناش أي خبرة فيها بالمقارنة بالي بقاله سنين فاهم و دارس و مجرب بدل المرة 10


        إلي هما مين ؟؟؟؟ .......... الاخوان و الحزب الوطني


        .................................................. .................................................. ..


        شباب ....... أنا كمان عايز رايكو في باقي النقاط إلي متعلقة بالمواد ذي إلمادة 189

        Comment

        • #49
          سؤال بس: بالفرض

          لو النتيجة النهائية طلعت بــ ( لآ )

          هل هيتم التعديل تانى؟ واستفتاء تانى؟

          ولا هيتم الإبقاء على القديم؟

          ولا هيتم عمل دستور جديد؟

          ممكن بس حد يفهمنى؟؟؟
          [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
          [CENTER][SIZE=3][B]ورايــــــا[/B][/SIZE][/CENTER]

          Comment

          • #50
            المشاركة الأصلية كتبت بواسطة hobiko مشاهدة المشاركة
            أنا لست من المشككين المتشائمين ...... أنا أحد جوانب دراستي contract formation & administration

            إلي إتعلمناه لما تجي تعمل أي عقد في الدنيا ( الدستور ما هو إلا عقد ) انك لا تترك شييء للنوايا ....... و تكون واضح بما لا يسمح بإختلاف التفسير و التأويل

            1) نزاهة الإنتخابات إلي أنا أقصدها ....... مش صندوق الإقتراع و الإشراف القضائي عليه

            أنا فاهم إن دة موجود فعلاً

            إلي أنا أقصده ...... سحر الفلوس ..... فساد النفوس ..... إلي حتساعد فلول الحزب الواطي من رجال الأعمال على شراء الأصوات

            و محدش يقولي مصر بعد 25 يناير غير قبل ..... بلاش تبص في القاهرة و الاسكندرية ...... شوف الصعيد و الارياف .... حيث الفقر المدقع و الجهل .... امال نسبة ال-40 % أميين دي فين

            سمعتو الحزب الواطي بيعمل إيه في الصعيد و الارياف ...... شوادر ضخمة معلقين عليها صور شهداء 25 يناير + إسم جديد و وجه جديد ..... و الناس واقفة طوابير بتسجل اساميها

            عشان كدة لازم ندي فرصة للقوة الوطنية تنظم نفسها و تتحرك ..... خصوصاً في الصعيد و الارياف


            2) أنا مش حجادل أوي في المادة 88 ...... بس لي تعليق احنا لازم نسمع كويس أوي لفقهاء القانون الدستوري ...... مش كفاية نقيم الموضوع بدماغنا و احنا غير متخصصين

            و د.إبراهيم درويش ...... واحد من أفاضل الفقهاء الدستوريين في مصر و مواقفه من النظام معروفة جداً من قبل الثورة بكتير


            3) المادة المشكلة ....... 189

            مادة189 فقرة أخيرة مضافة
            ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب والشوري طلب إصدار دستور جديد, وتتولي جمعية تأسيسية من مائة عضو, ينتخبهم أغلبية أعضاء المجلسين من غير المعينين في اجتماع مشترك, إعداد مشروع الدستور في موعد غايته ستة أشهر من تاريخ تشكيلها, ويعرض رئيس الجمهورية المشروع, خلال خمس عشرة يوما من إعداده, علي الشعب لاستفتائه في شأنه, ويعمل بالدستور من تاريخ إعلان موافقة الشعب عليه في الاستفتاء.


            نقرا الكلام مع بعض كدة بالراحة ....... ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب

            إيه بتقول إيه ؟؟؟؟؟!!!!!!! لكل ....... مش ........ على

            فيه فرق لما أقول ...... و على كل من رئيس الجمهورية, وبعد موافقة مجلس الوزراء, ونصف أعضاء مجلسي الشعب

            أو أقول ..... ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب


            وضحت ....... المادة غير ملزمة يا جماعة ..... دي واضحة وضوح الشمس

            ليه استنى من رئيس الجمهورية إلي حييجي و معاه صلاحيات خرافية ...... إنو يتفضل و يتكرم و يغير الدستور


            4) نفس المادة المشكلة 189


            لم يحدد الدستور ممن سيختار البرلمان اللجنة، من القضاة، أم الحقوقيين، ام السياسيين، أم التكنوقراط. إلخ. هناك تخوف مشروع من أن يستأثر البرلمان بتشكيل اللجنة من أعضائه. ثالثا: لم توضح اللجنة كيف ستتخذ الجمعية قراراتها، هل بالأغلبية ام بالتوافق.


            راجعت نص المادة المعدلة 189 اكتر من مرة وبرضه مافيهاش حاجة بتقول .... مينين البرلمان حيختار اعضاء الجمعية التأسيسية ؟؟؟؟؟؟؟!!!!!!!!

            مادام محددش ...... يبقى حسب مزاج اعضاء البرلمان

            ولازم يقول التعديل ايه هى طريقة اتخاذ القرار داخل الجمعية التـأسيسية .......

            و بعدين هل من الصح فى شىء انى اجعل البرلمان يستأثر بتشكيل الجمعية التأسيسية ...... وفى نفس الوقت ابقى على نسبة 50 % عمال و فلاحين ؟؟؟؟؟؟؟

            يعنى اللى حيقوم باختيار اعضاء الجمعية التأسيسية للدستور الجديد (اللى المفترض انه يكون على مستوى طموحتنا) ..... ناس ممكن تكون ماتعرفش تقرا و تكتب او تعليمها متوسط مثلا ؟؟؟؟؟؟!!!!!!!!

            مع كل احترامي لكل أعمامنا و قرايبنا من الصعيد و الأرياف ...... ازاي أخلي واحد ذو تعليم محدود ..... إنو يختار واحد عالم أو فقيه


            5) في اشكالية غريبة جداً ......

            هو مش الدستور دة بيحدد صلاحيات رئيس الجمهورية و دور مجلس الشعب ...... طب أنا انتخبت الرئيس و المجلس طبقاً لصلاحيات و أدوار معينة ..... ازاي أرجع أغير فيها

            مثال للتوضيح

            دلوقتي إنتخابات مجلس الشعب تمت على أساس 50 % عمال و فلاحين ..... يبقى أكيد الدستور الجديد إلي حتعمله لجنة اختارها أعضاء مجلس الشعب ...... عمرها ما حتلغي نسبة 50 % عمال و فلاحين .... أصل law لغتها ماينفعش تأثيرها يكون بأثر رجعي ولا إيه ؟؟؟؟؟؟

            قيس على كدة بقى أي حاجة تمس رئيس الجمهورية و مجلس الشعب

            أنا مش ضد مبدأ التعديلات الدستورية ....... بس التعديلات دي كان ممكن تبقى أفضل بكتير ..... و تريح ناس كتير

            أنا مش متشكك بس مش عايز أرجع أحط ثقتي في أشخاص تاني ........ أنا عايز نظام متكامل الأركان




            المادة 189 ) مكررا

            يجتمع الأعضاء غير المعينين لأول مجلسى شعب وشورى تاليين لإعلان نتيجة الإستفتاء على تعديل الدستور لإختيار الجمعية التأسيسية المنوط بها إعداد مشروع الدستور الجديد خلال ستة أشهر من إنتخابهم ، وذلك كله وفقا لأحكام الفقرة الأخيرة من المادة 189 .

            اكيد حضرتك ما قريتش الفقرة دي

            Comment

            • #51
              رغم أننى كنت أفضل تغيير الدستور ككل ولكننى ان شاء الله سأصوت بنعم للتعديلات الدستورية لأننى ارغب فى سرعة استقرار البلد بأقصى سرعة ولأن الوضع الراهن لا يمكن احتماله اكثر من ذلك.
              [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

              Comment

              • #52
                انا متوقع المجلس العسكرى هيلغى او يأجل الاستفتاء دا ... وان استمر سأصوت ب لا .. لنفس الاسباب الى وضحها الاخوه hobiko و ميشيل...

                ودا الاستطلاع فى مركز المعلومات ودعم اتخاذ القرار بمجلس الوزراء .. والى الان نسبه الرفض اعلى..
                ارجو من الجميع التصويت برأيه
                The Egyptian Cabinet - Information & Decision Support Center [IDSC]

                هل سوف توافق على التعديلات الدستورية خلال الاستفتاء المقبل ؟
                [COLOR="Blue"]سبحان الله وبحمده ... سبحان الله العظيم[/COLOR]

                Comment

                • #53
                  مدخل
                  الاستفتاء بعد 8 ايام فيا ترى كم نسبة الشعب الذين لديهم معرفة بالتعديلات او سمعوا عنها او قرأوا عنها !!!!!! هذه هرطقة دستورية و سلق بيض وليس تاسيس لدولة حديثة                   ....... جريمة

                  ملخص
                  التعديلات الدستورية ستؤدي الى انتخاب رئيس بعد 6 اشهر
                  الاعلان الدستوري سيؤدي الى انتخاب رئيس الاسبوع القادم

                  سرد

                  بما اني رافض التعديل احب اتكلم على بعض النقاط
                  ....................................
                  1- للاسف ان المجلس العسكري مصمم على التعديلات الدستورية وانتخابات رئاسية في سبتمبر القادم رغم عدم رغبة شباب الثورة متمثلة في القوى السياسية المتحدثة باسمها وهذا يعني ان المجلس العسكري يعتبر نفسه امتداد لفترة حكم مبارك الرئاسية ولا ينفذ طلبات شباب الثورة في تعنت عجيب ليس له تفسير
                  2- لماذا تم تعطيل الدستور الحالي ومن عطله وبأي صفه؟
                  الاجابه عطله المجلس العسكري بدون اي صفة دستورية لانه لو ظل قائما فسيكون الرئيس هو رئيس المحكمة الدستورية العليا
                  3- اذن هل الدستور موجود ام غير موجود
                  لو موجود سيكون في هذه الحالة رئيس المحكمة الدستورية هو الرئيس
                  لو غير موجود فكيف نعدل شئ غير موجود
                  والله استغرب كيف لفقهاء دستوريون مثل البشري وغيره يقعوا في هذه الخطيئة القاتلة واتحداهم ان يقولوا ما صفة المجلس العسكري الان من الناحية الدستورية
                  يؤسفني ان اقول عنهم انهم ترزية مثلهم مثل من سبقوهم
                  ................................
                  -من يقول ان بعد التعديلات الدستورية سيكون الدستور مؤقت فلا داعي للقلق
                  اقول لا يوجد اي ماده فيه تقول انه مؤقت
                  -من يقول انه بعد انتخاب الرئيس سيكون عليه عمل دستور جديد
                  اقول لايوجد نص دستوري يلزمه بذلك ولكن الامر اختياري لرئيس يملك سلطات امبراطور
                  المادة 189
                  ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب والشوري طلب إصدار دستور جديد

                  من يقول الماده التالية تجبره
                  المادة 189 ) مكررا
                  يجتمع الأعضاء غير المعينين لأول مجلسى شعب وشورى تاليين لإعلان نتيجة الإستفتاء على تعديل الدستور لإختيار الجمعية التأسيسية المنوط بها إعداد مشروع الدستور الجديد خلال ستة أشهر من إنتخابهم ، وذلك كله وفقا لأحكام الفقرة الأخيرة من المادة 189 .
                  اقول
                  ان هذه المادة مقيده باحكام الفقرة الاخيرة 189 يعني ايضا غير ملزمة

                  -على فرض وقام الرئيس الامبراطوري بتعديل الدستور فما الذي يضمن ان يكون التعديل للاسوأ يعني من يفرح بان فترة الرئاسة 4 سنوات في الحقيقة هو فرح زائف لان ليس هذا هو الدستور الدائم وكذلك الرئيس لو غير الدستور فسوف تطير هذه الماده وربما يحل محلها ان مدة الرئاسة الف سنة تجدد لخمس مرات !!!! فلا تخدعكم هذه المادة فهي مثل خدعة السادات في المادة 2 للدستور لالغاء تحديد مدد الرئاسة والبشري فاكرنا اغبياء

                  - من يقول اذا الرئيس لم يستجب فعندنا ميدان التحرير اقول لا تخدعوا انفسكم باحلام فالفرصة في يدنا الان وان ضاعت فلن تعود ابداً
                  -                  على فرض وقام الرئيس الامبراطوري بتعديل الدستورفقد اتفقت القوى الوطنية في غالبها على اعتماد النظام البرلماني فهل سيصدق احد ان رئيس معه كل هذه الصلاحيات سيقبل بمنصب شرفي الا لو كان ملاك منزل من السماء ....فتصديق هذه الافكار خارج نطاق العمل السياسي الذي لا يعرف الرحمة
                  -كيف نضمن الغاء التمييز عمال وفلاحين اذا كان مجلس الشعب الذي سيلغي التمييز قائم على العمال والفلاحين واذا كنا نريد الغاء مجلس الشورى فكيف نطلب من مجلس الشورى ان يلغي نفسه ......... سذاجه
                  -لو اتبعنا خطة طريق البشري فالتعديلات الدستورية تدخلنا في متاهات وليست سريعة كما يعتقد البعض لانه بعد الاستفتاء على التعديل ولو تمت الموافقه سينتخب مجلس الشعب ثم مجلس الشورى ثم انتخابات رئاسية ثم دستور جديد وبعد ال                  دستور الجديد لابد من اعادة الانتخابات الرئاسية وانتخابات مجلس الشعب والشوري ليتوافق مع الدستور الجديد والا اصبحت كل مؤسسة في واد
                  ......................
                  وعليه فالافضل
                  ان يتراجع المجلس العسكري ويتواضع ويعرف انه وكيل لتنفيذ طلبات الثورة كما قال ويلغي الاستفتاء على التعديلات الدستورية فورا ثم يقوم بالتالي
                  -تجميع هذه التعديلات مع اضافة مادة تشرع عمل المجلس العسكري واذا كان لا يود ذلك تكون المادة بتشكيل مجلس رئاسي مدني مع عسكري لو ارادوا واضافة مادة اخرى بصلاحيات الرئيس وتصاغ في اعلان دستوري مؤقت يتم الاستفتاء عليه ثم تجرى انتخابات رئاسية بالدستور المؤقت حينها سيكون عندنا رئيس وحكومة انقاذ وطني وهي حكومة شرف او اي حكومة غيرها وكل هذا لن يستغرق عدة ايام يعني لو اتبعنا هذا السيناريو سيكون عندنا رئيس دولة وحكومة الشهر القادم عندها ... ناخد نفس او بريك
                  ثم نلتفت لوضع دستور جديد براحتنا ومع نفسنا بدون ضغوط ان شا الله يقعد سنة ولا اثنين طالما المؤسسات تعمل والدنيا رايقة
                  والرئيس ملزم بوضع دستور جديد لعدم وجود دستور دائم اصلا وتنتخب جمعية تأسيسة لوضع دستور جديد يتم مناقشته مع الشعب باستفاضه بدل التعليب وسلق البيض الحادث حاليا وفي هذه الفترة تكون الاحزاب الجديدة تبلورت وعرضت برامجها على الشعب ثم تبدأ الانتخابات التشريعية
                  اخيرا
                  تونس بدأت اجراء عمل دستور جديد وهي ثورية مثلنا وحتى اليمن والمغرب بدأوا بعمل دستور جديد وهم لم يقوموا بثورة فما بالك بمن قام بالثورة
                  [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

                  [CENTER] [img3]http://oi40.tinypic.com/i2mv7b.jpg[/img3][/CENTER]

                  Comment

                  • #54
                    المشاركة الأصلية كتبت بواسطة medo_2060 مشاهدة المشاركة
                    انا متوقع المجلس العسكرى هيلغى او يأجل الاستفتاء دا ... وان استمر سأصوت ب لا .. لنفس الاسباب الى وضحها الاخوه hobiko و ميشيل...

                    ودا الاستطلاع فى مركز المعلومات ودعم اتخاذ القرار بمجلس الوزراء .. والى الان نسبه الرفض اعلى..
                    ارجو من الجميع التصويت برأيه
                    the egyptian cabinet - information & decision support center [idsc]

                    هل سوف توافق على التعديلات الدستورية خلال الاستفتاء المقبل ؟


                    شكرا على الموقع. ولقد صوت بنعم للتعديلات. وزى ما حضرتك قولت 58% صوتت لا . ودى الديموقراطية وأنا رأيى ان الإستفتاء يتعمل ولو الشعب رفضه يبقى يتم عمل دستور جديد فورا ولو الشعب قبله يبقى علينا جميعا أن نحترم رأى الأغلبية.
                    [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

                    Comment

                    • #55
                      أنا صوت بلا في استفتاء مركز المعلومات لأني مقتنع أن كتابة دستور جديد للبلاد في الوقت الحالي أفضل من الانتظار إلى أن يأتي رئيس الله أعلم بيه ومجلسي شعب وشورى الله أعلم بهما ممكن أن يتفق الاثنان سويا ويطبخا دستورا على مقاسهما وتضيع دماء الشهداء هباءً

                      Comment

                      • #56
                        في حديث للمستشار حاتم بجاتو مع قناة المحور قال ان المادة 189 مكرر هي مادة ملزمة باعداد دستور جديد ده كلام فقيه الدستور واحد واضعي التعديلات مش كلامي خالص واظن ان هؤلاء الناس ادري بالبنود التي تم تعديلها الا اذا كانوا خونه هما كمان وانا اشك في ده

                        Comment

                        • #57
                          المشاركة الأصلية كتبت بواسطة m7amd_7amdy مشاهدة المشاركة
                          سؤال بس: بالفرض

                          لو النتيجة النهائية طلعت بــ ( لآ )

                          هل هيتم التعديل تانى؟ واستفتاء تانى؟

                          ولا هيتم الإبقاء على القديم؟

                          ولا هيتم عمل دستور جديد؟

                          ممكن بس حد يفهمنى؟؟؟
                          نفس السؤوال بيدور في ذهني

                          يعني لوطلعت النتيجة ( لا ) هايتم تعديل تاني

                          ولا يقلك انتوا ماوافقتوش وخليكوا على قديمه

                          والبس يا نعلم!!!!!!
                          [I][B][SIZE="5"]فرق كبير جدا بين انك تكون شعب متحضر
                          أو تكون شعب [COLOR="Navy"]"مدعي حضارة"[/COLOR][/SIZE][/B][/I]

                          Comment

                          • #58
                            المشاركة الأصلية كتبت بواسطة م.احمد زكريا مشاهدة المشاركة
                            نفس السؤوال بيدور في ذهني

                            يعني لوطلعت النتيجة ( لا ) هايتم تعديل تاني

                            ولا يقلك انتوا ماوافقتوش وخليكوا على قديمه

                            والبس يا نعلم!!!!!!
                            مفيش حاجة اسمها ...... البس يا معلم


                            الإستفتاء دة إسمه ...... هل توافق على التعديلات بشكلها الحالي ولا لأ


                            مش إسمه ...... هل توافق على مبدأ تعديل الدستور ولا لأ


                            البس يا معلم دي معناها حاجة وحدة ........... ميدان التحرير


                            Comment

                            • #59
                              المشاركة الأصلية كتبت بواسطة zalabany مشاهدة المشاركة
                              في حديث للمستشار حاتم بجاتو مع قناة المحور قال ان المادة 189 مكرر هي مادة ملزمة باعداد دستور جديد ده كلام فقيه الدستور واحد واضعي التعديلات مش كلامي خالص واظن ان هؤلاء الناس ادري بالبنود التي تم تعديلها الا اذا كانوا خونه هما كمان وانا اشك في ده
                              محدش قال انهم خونة ......


                              إلي احنا بنقوله إن التعديلات دي غير كافية و ولا تضمن إقامة حياه ديمقراطية و سياسية سليمة


                              أنا بدعو كل الناس انها تقرا التعديلات قبل ما تقول رأيها ....... متسمعش لكلام أي حد يقولك المادة 189 ملزمة أو مش ملزمة


                              ولا حتى كلامي أنا .........


                              اقرا إنت التعديلات و شوف أنهي رأي إلي صح .........


                              إلي حيمشي بعد كدة نص التعديل ...... لو نص التعديل بيقول إن المادة 189 مش ملزمة


                              مش حينفع نرجع نقول المستشار فلاني قال و المستشار العلاني عاد

                              Comment

                              • #60
                                أنا كل ما أفكر في الموضوع بحس اني دماغي حتضرب ............


                                دلوقتي تم الموافقة على التعديلات ..... و تم إنتخاب مجلس الشعب و رئيس الجمهورية ...... بناءً على الدستور المعدل


                                المفروض بعد كدة مجلس الشعب يشكل لجنة تغيير الدستور إلي حتعرض نتائج شغلها بعد 6 شهور


                                صح كدة ؟؟؟؟ صح ......


                                طيب خلال فترة ال-6 شهور لحد ما تخلص اللجنة شغلها ....... رئيس الجمهورية المنتخب و مجلس الشعب المنتخب ...... حيشتغلو و يمارسو صلاحيتهم على أساس إيه ؟؟؟؟!!!!!


                                الدستور المرقع ..... ذو الصلاحيات الخرافية لرئيس الجمهورية ؟؟؟؟؟


                                ولا حيستنو ميعملوش حاجة لمدة 6 شهور ........... لغاية مايشوفو الدستور الجديد بيحدد صلاحياتهم ازاي ؟؟؟؟؟


                                ولا حيشتغلو عادي بناءً على الدستور المرقع ...... على أساس إن الدستور الجديد مش حيجي جمب صلاحياتهم ؟؟؟؟؟ و يبقى معملناش حاجة


                                طب لو إتخذ رئيس الجمهورية قرارات بناءً على صلاحياته خلال فترة 6 شهور دول بناءً على الدستور المرقع ........ و بعد كدة الدستور الجديد قلص صلاحيات رئيس الجمهورية ...... طب وضع القرارات دي إيه ؟؟؟؟


                                طب لو الدستور الجديد لغى 50 % عمال و فلاحين أو لغى مجلس الشورى و الإكتفاء بمجلس واحد ...... يعني من الأخر كدة لو غير الدستور الجديد أي حاجة تمس أساسيات مجلسي الشعب و الشورى ....... حنعمل إيه ؟؟؟؟ حنعيد انتخابهم تاني ؟؟؟؟ ولا حيستنو و نطبق الدستور الجديد بعد إنتهاء فترتهم ؟؟؟؟؟ ................ ولا الدستور الجديد مش حييجي جمبهم في حاجة (و يبقى معملناش حاجة بردو) ؟؟؟؟؟؟؟


                                يا جماعة أنا ولا قصدي أشكك ولا أتشائم ........ أنا بفكر بصوت عالي ..... عايز أفهم ..... عايز أعرف إجابات لتساؤلاتي .......


                                يا جماعة إلي حيهدي الدنيا مش اننا نوافق على التعديلات ذي ماتكون و خلاص ..... إلي حيهدي الدنيا اننا نعمل الصح


                                الصح مش لازم دستور جديد ..... عشان أنا شايف فيه ناس كتير مش عجبها الفكرة دي


                                خلاص نعدل ماشي ...... بس مش التعديلات المنقوصة دي .... أضعف الإيمان قلص صلاحيات الرئيس ..... متسبهوش ييجي على نظام دكتاتوري



                                تخيل معايا إن السيناريو السيئ حصل و حصل إلتفاف على الثورة ..... عشان التعديلات دي ماتضمنش حياه ديمقراطية و سياسية سليمة


                                إيه إلي حيحصل ...... الدنيا حتولع تاني .... و ناس كتير ترجع التحرير تاني ...... و نبدأ تاني من أول و جديد

                                Comment

                                السابق 1 2 3 4 5 6 7 8 9 10 13 template التالي
                                Working...
                                X