هل يوجد احد غير رأيه او اضاف معلومة جديدة في الدكتور البرادعي بعد المقابله ؟

[Qmax]

معلش انا ليا راى فى الموضوع
الواحد مننا (يعنى مش الكل بس دى الغالبيه العظمى) لما بيروح علشان يتجوز بيخطب و يدخل البيوت
و طبعا بيسمع كلام كتير و بيشوف الطريقه اللى اهل البيت بيتعاملوا بيها و لو عجبه الموضوع بيكمل الجوازه
و ان كان بعض كلام اللراجل ده مقنع, فانا مش عاجبنى الراجل ده واللى حاصل فى بيته
و لن ااتمنه على بيتى ابدا

انت شوفت الحلقه بتاع برنامج أخر كلام ؟

[د.أبونضال]

رأيي فيه قبل الحلقة هو هو رأيي فيه بعد الحلقة أنه رجل ثابت على مبادئه لا يخاف في الحق لومة لائم وأنه يحب البلد بصدق ويرغب بحق في خدمة البلاد ، وعبارته التي أعلن بها الترشح تكفيني
"أريد أن أترشح خادما للشعب المصري ووكيلا عنه لا وصيا عليه"

[hobiko]

لقاء متميز جدا ......

على المستوى الشخصى

الراجل كلامه بيتصدق بسهولة ...... دليل على صدق النوايا

على المستوى العقلانى

الراجل عنده رؤية لمستقبل مصر ..... بالتحديد لنظام الحكم اللى يضمن عدم ظهور دكتاتور جديد

اسجل اعجابى بالرجل فى انتظار باقى المرشحين

[Sharky]

قبل ما اشوف حلقته لا كنت مؤيد له او معارض له

لكن بعد ما شوفت حديث البرادعى امبارح على On TV ليه ملاحظتين :

1- مش حاسس انه عنده كاريزما + حسيت انه متوتر و مش عارف يتكام كويس و مش شايف ان اللى يمثل مصر يكون كده :(

2- الراجل بيقول انه اذا لم يوفق فى الانتخابات الرئاسية عنده استعداد يخدم مصر بطريقة اخرى
فلما سئل هل تقبل ان تكون وزيرا اذا فشلت فى الانتخابات الرئاسية
الأجابة كانت لأ !!!!!!!!!!!!!!!!!!!!!!!!!!!!!!!!!!!!!!


بصراحة حتى الان لم يقنعنى بنفسه
فى انتظار برنامجه الانتخابى لعله يقنعنى و اديله صوتى

[Dr Ahmed]

1- مش حاسس انه عنده كاريزما + حسيت انه متوتر و مش عارف يتكام كويس و مش شايف ان اللى يمثل مصر يكون كده :(

2- الراجل بيقول انه اذا لم يوفق فى الانتخابات الرئاسية عنده استعداد يخدم مصر بطريقة اخرى
فلما سئل هل تقبل ان تكون وزيرا اذا فشلت فى الانتخابات الرئاسية
الأجابة كانت لأ !!!!!!!!!!!!!!!!!!!!!!!!!!!!!!!!!!!!!!

1- بصراحة موضوع الكاريزما دا جربناه كتير ومأثر علينا فى الاختيار وهو عديم الأهمية وكلنا عارفين كده
2- الراجل عايز يخدم بالطريقة اللى هو عايزها مش لازم باللى احنا عايزينها يعنى يقبل يرفض هو حر

[د.أبونضال]

قبل ما اشوف حلقته لا كنت مؤيد له او معارض له

لكن بعد ما شوفت حديث البرادعى امبارح على on tv ليه ملاحظتين :

1- مش حاسس انه عنده كاريزما + حسيت انه متوتر و مش عارف يتكام كويس و مش شايف ان اللى يمثل مصر يكون كده :(

2- الراجل بيقول انه اذا لم يوفق فى الانتخابات الرئاسية عنده استعداد يخدم مصر بطريقة اخرى
فلما سئل هل تقبل ان تكون وزيرا اذا فشلت فى الانتخابات الرئاسية
الأجابة كانت لأ !!!!!!!!!!!!!!!!!!!!!!!!!!!!!!!!!!!!!!


بصراحة حتى الان لم يقنعنى بنفسه
فى انتظار برنامجه الانتخابى لعله يقنعنى و اديله صوتى

عزيزي
لا يوجد أحد خالي من العيوب، فإذا كانت عيوب البرادعي فقط أنه لا يمتلك كاريزما وأنه يبدو متوترا ومش عارف يتكلم كويس، فهناك الكثير من المزايا الأخرى التي تعوض هذه العيوب.
عن نفسي وعن رأيي الشخصي لا يهمني كيف يتكلم الرجل المهم هو كيف يعمل الرجل
أما موضوع أنه لا يقبل أن يكون وزيرا إذا فشل في الانتخابات فقد رد عليه قائلا "أن رغبته في منصب الرئاسة تنبع من كونه سيمكنه من تطبيق سياساته وتوجهاته في إصلاح مصر...أما منصب الوزير فلن يسمح له بذلك لأن إصلاح مصر - وهذا تفسيري- لا يمكن أن يتم في جانب واحد دون باقي الجوانب ..ولا في وزارة واحدة دون باقي الوزارات... كما قال أيضا أنه ينوي الترشح ليس حبا في المناصب فلديه منها الكثير لكن رغبه منه في خدمة بلاده وفي رؤيتها في مصاف الأمم المتقدمه قبل أن يموت.

[تامر.محمد]

هممم , انا ما سمعتش الجزئية دي
بس ما قيل لي انه قال انه مش هايترشح في ظل دستور يصنع دكتاتور , و في الحالة دي مش هايقبل انه يبقى وزير

انا مش متأكد من الكلام ده , اللي شاف بتركيز يصلح لي لو اللي باقوله غلط

[fepsceasar]

حكاية الكاريزما دى مخاطرها اكبر من نفعها الكاريزما دى يعنى ممكن يتكلم بحماس ويقونا ارموا نفسكوا فى البحر نقوم نرمى نفسنا، لو قالنا مش مهم ديمقراطية وخليكوا ورايا يبقى طز فى الديمقراطية.
اللى فهمته من حكاية مش عايز ابقى وزير يعنى مش بدور على اى منصب والسلام، مع احترامى احنا الوزرا عندنا لفترة طويلة ما كانوش بيعملوا حاجة الا بناء على التوجيهات، يبقى ممكن موقعه كوزير لا يؤهله انه ينفذ مشروع التغيير والديمقراطية، وبالتالى لم يتمكن من تنفيذ هدفه كناشط وهو مش محتاج مناصب وخلاص.

[tamer_a7]

البردعي علي العموم مش هيرشح نفسه لانه رجع وقال انا مش هارشح نفسي بتعديل دستور
طيب افرض بقي انه الاستفتاء الجاي طلعت نتيجته بنعم
وكلنا انشاء الله متاكدين من انه هيكون فيه درجه كبيره من النزاهه انشاء الله وهيكون هو دا راي الشعب
والاغلبيه العظمي موافقه وبتقول نعم من دلواقتي وهو دا الاطار الديموقراطي
هو في نظري وعلي الرغم من احترامي الشديد ليه واقتنلعي الكبير بيه امبارح رجع حط العقده في المنشار
بس حابب اسال سؤال صغير اذا كانت التعديلات تعطيك الحق في انك تغير الدستور يا رئيس مصر ليه ما تخوضش الانتخابات وبعدين تعدل زي ما تحب

[Sharky]

1- بصراحة موضوع الكاريزما دا جربناه كتير ومأثر علينا فى الاختيار وهو عديم الأهمية وكلنا عارفين كده

ازاى بس عديم الاهمية !!
هل يعقل ان اللى يحكم بلدك يكون ماعندوش كاريزما و مش عارف يتكلم !!!
ازاى حيقدر يقنع غيره بأرائه او يمثل مصر تمثيلا قويا بدون ذلك !!
و خاصة اننا عيزين نرجع لمرحلة الدور الرائد فى الشرق الاوسط !

اظن واضح ان واحد زى السادات او عبد الناصر كان ليهم كاريزما قويه جعلت لمصر وجود قوى فى العالم و الشرق الأوسط ويحسب لها الف حساب

بدونها صعب قوى تأخد المكانه دى

دا رئيس جمهورية مصر
مش دولة صغيرة

2- الراجل عايز يخدم بالطريقة اللى هو عايزها مش لازم باللى احنا عايزينها يعنى يقبل يرفض هو حر

يبقى مايقولش فى اول حديثه انه على استعداد لخدمة الوطن بأى طرق لو فشل
و يقول يخدم فى حاجة معينة فقط و هى رئيس الجمهورية :)

[Dr Ahmed]

باقى الرجالة بيقولوا الى عايز أرد بيه يا أخى الفاضل

[mahmoud_magdy]

ده لينك قناة اون تي في على اليوتيوب
وهتلاقو فيه الحلقه كامله
YouTube - ONtveg's Channel

وفي برامج اخرى مرفوعه
للي مشافش الحلقه علشان المناقشه تكون بناء على واقعه وليس معلومه

[mahmoud_magdy]

ده لينك قناة اون تي في على اليوتيوب
وهتلاقو فيه الحلقه كامله
YouTube - ONtveg's Channel


للي مشافش الحلقه علشان المناقشه تكون بناء على واقعه وليس معلومه

وفي برامج اخرى مرفوعه

[Sharky]

عزيزي
لا يوجد أحد خالي من العيوب، فإذا كانت عيوب البرادعي فقط أنه لا يمتلك كاريزما وأنه يبدو متوترا ومش عارف يتكلم كويس، فهناك الكثير من المزايا الأخرى التي تعوض هذه العيوب.

الموضوع دا مهم جدا كما قلت فى مشاركة سابقة لرئيس جمهورية فى حجم دولة زى مصر
و ما هى مميزاته التى ممكن تضغى على عدم وجود شئ مهم زى دا ؟

أما موضوع أنه لا يقبل أن يكون وزيرا إذا فشل في الانتخابات فقد رد عليه قائلا "أن رغبته في منصب الرئاسة تنبع من كونه سيمكنه من تطبيق سياساته وتوجهاته في إصلاح مصر...أما منصب الوزير فلن يسمح له بذلك لأن إصلاح مصر - وهذا تفسيري- لا يمكن أن يتم في جانب واحد دون باقي الجوانب ..ولا في وزارة واحدة دون باقي الوزارات... كما قال أيضا أنه ينوي الترشح ليس حبا في المناصب فلديه منها الكثير لكن رغبه منه في خدمة بلاده وفي رؤيتها في مصاف الأمم المتقدمه قبل أن يموت.

لو هى دى وجهة نظره
يبقى مايبقاش دا رده
رده يبقى سانتظر لما اعرف سياسة رئيس الجمهورية الجديد هل تتماشا مع سياسته و لا لأ
لكن مش يرفض قبل معرفة سياسة من سيمسك :)

ثم يا باشا اى حد حيرشح نفسه دلوقتى رئيس جمهوية لازم حيقول انه خادم للشعب

حكاية الكاريزما دى مخاطرها اكبر من نفعها الكاريزما دى يعنى ممكن يتكلم بحماس ويقونا ارموا نفسكوا فى البحر نقوم نرمى نفسنا، لو قالنا مش مهم ديمقراطية وخليكوا ورايا يبقى طز فى الديمقراطية.

الكلام دا قبل 25 يناير يا باشا
مافيش حد يقدر يغصبنا على حاجة مش مقتنعين بيها

البردعي علي العموم مش هيرشح نفسه لانه رجع وقال انا مش هارشح نفسي بتعديل دستور
طيب افرض بقي انه الاستفتاء الجاي طلعت نتيجته بنعم
وكلنا ان شاء الله متاكدين من انه هيكون فيه درجه كبيره من النزاهه ان شاء الله وهيكون هو دا راي الشعب
والاغلبيه العظمي موافقه وبتقول نعم من دلواقتي وهو دا الاطار الديموقراطي
هو في نظري وعلي الرغم من احترامي الشديد ليه واقتنلعي الكبير بيه امبارح رجع حط العقده في المنشار
بس حابب اسال سؤال صغير اذا كانت التعديلات تعطيك الحق في انك تغير الدستور يا رئيس مصر ليه ما تخوضش الانتخابات وبعدين تعدل زي ما تحب

وجهة نظر فعلا

[zaza2002]

أظن الوقت مازال مبكرا جدا لتكوين رأي علي احد المرشحين للرئاسة و ايضا لابد من سماع كل المرشحين حتي تعرف من هو الافضل من حيث الوعود الانتخابية و اختبار مدي المصداقية لكل شخص من المرشحين و اصدار بيانات الترشيح و الاهداف التي ينتوي كل مرشح تنفيذها و لكي تتم محاسبة الذي يفوز بالرئاسة عن اهدافه المعلن عنها بهذه البيانات المكتوبة
لأن الوعود الشفهيه لا تؤخذ في الاعتبار

احيك على رائيك لان فعلا هو ده خلاصة الكلام الصبر ثم الصبر ثم الصبر