هل يوجد احد غير رأيه او اضاف معلومة جديدة في الدكتور البرادعي بعد المقابله ؟

[Dr Ahmed]

كده الأسلوب بدأ فى التحول الى العصبية كما هو الحال فى اغلب الحوارات الايام دى

بصراحة أنا بحاول أحتفظ بهدوئى رغم استفزازى بكلام مثل إن الرجل بيبان من مواقفه كأن البرادعى بيعمل غير اللى بيقوله ومتنساش إن حضرتك لسه قايل ان موقفه فى العراق كذا وكذا وهو غلط برضه

[amr mokhtar]

وبعد اللى قاله فى مجلس الامن تم غزو العراق برضه علشان اسلحة الدمار الشامل يعنى الكلام اللى قاله ماكنش ليه اى لزمه وبرضه كمل فى منصبه للنهاية

الراجل بيبان من مواقفه

دكتور البرادعى قال انه وقف فى وش أمريكا و بالفعل أمريكا دخلت العراق بس بدون شرعية دولية و أمريكا كانت عايزة الشرعية

ثانيآ البرادعى كفرد (عدد:واحد بنى آدم) كان هيعمل إيه أكتر من اللى عمله
لكن لازم نسأل كانت فين الدول العربية على الأقل المحيطة بالعراق وقتها
لو كانت الدول دى وقفت موقف رجالة و إستفادت من اللى البرادعى قدمه من إثباتات جايز و الله أعلم مكنش حصل اللى حصل

[Sharky]

قد أثبت الآتي انه اقرع يلبس نضارة مش شيك كثرة التهتهة .

اظن مالوش لازمة السخرية من الأراء اللى معارضه لرأيك

ياريت نبقى ديمقراطيين زى ما بنطالب و نحترم رأى غيرنا

.أليس الثبات علي الموقف كاريزما شخصية الحرفية في الكلام أثبت انه له بعد نظر في المسائل السياسية يريد ان يخرج مصر من تحت أي وصاية عليها .

دا معنى كلمة شخصية لها كاريزما
(لقول إن الشخصية الكاريزمية هي التي لها قدرات غير طبيعية في القيادة والإقناع واسر الآخرين، كما أنها تمتاز بالقدرة على الهام الآخرين عند الاتصال بهم، وجذب انتباههم بشكل أكثر من المعتاد.)

لماذا لا يريد ان يكون وزيرا لو أنت الرئيس ماذا سوف تعيين البرادعي وزيرا . برنامج البرادعي الذي وهب نفسه له هي الديموقراطية وهذا البرنامج اما ان تكون منفذا له أو مراقبا عليه

ما هو ممكن يكون منفذا له كوزير لو الرئيس الجديد بينادى بيه برده :)

[shasha1971]

بصراحه ياجماعه انا كنت مستنى اللقاء ده وكان ايجابى لصالح الدكتور البرادعى وانا مستنى المزيد من اللقاءات والمناظرات مع كل المرشحين والكل لازم يعرض البرنامج الرئاسى بتاعه عشان نقدر نحدد مين الاجدر والاولى لقياده هذا الشعب العريق اللى اتبهدل كتير قوى لكن حتى الاّن البرادعى يعتبر اقربهم ليا كرئيس حتى الاّن

[fepsceasar]

نقول تانى امريكا وبريطانيا دخلوا العراق مش لانهم ما اقتنعوش بكلام البرادعى
لكن لأنهم فشلوا فى الحصول على قرار من مجلس الأمن، لذا دخلوا العراق كقوة احتلال والبرادعى حرمهم من استخدام الامم المتحدة كغطاء

[Abo_Lina]

رأيي زي ما هو بل زاد إن هذا الرجل يحركه حب مصر و رغبته في رؤية مصر أفضل في المستقبل
كاريزمته نابعة من صدق كلامه و وضوح رؤيته .. رجل محدد الأولويات

[د.أبونضال]

اللقاء يعاد الآن على ontv

[Qmax]

من بعد ماكانت الحجه ان البرادعي البرادعي امريكي وبنته متجوزه يهودي وانه دمر العراق دخلنا على حاجات تافهه

[SkyBird]

دا معنى كلمة شخصية لها كاريزما
(لقول إن الشخصية الكاريزمية هي التي لها قدرات غير طبيعية في القيادة والإقناع واسر الآخرين، كما أنها تمتاز بالقدرة على الهام الآخرين عند الاتصال بهم، وجذب انتباههم بشكل أكثر من المعتاد.)

يبقى البرادعي عنده كاريزما قوية
شكرا
انا مستغرب من اللي يقول البرادعي لا يملك كاريزما !!!
لان في ناس الكاريزما يعني خطب حماسية حنجورية زي خطب عبد الناصر يمكن تكون مناسبة لوقتها لكن الان عفى عليها الزمن واصبح الحضور لمخاطبة العقل وليس الكذب على العواطف انتهى هذا الزمن
وها هو اخر المتمسكين بهذه الخطب الحنجورية القذافي اصبح مسخرة العالم "بيت بيت شارع شارع زنجه زنجه الى الامام ثورة ثورة ثورة"
حتى اصبحت اغنية زنجه زنجه او زنقه زنقه هي الاشهر عالميا الان والريمكسات على خطاب القذافي الحنجوري تملأ اليوتيوب

وبما ان حضرتك ما قلت انك لم تسمع حديثه باهتمام بالغ
فكيف تكون كل هذه الافكار وانت لم تهتم ان تسمعه
فهذا الموضوع لا بنطيق عليك او على الاقل عرفنا ان رأيك لم يتغير في البرادعي

لكن استوقفني نقطتين
الاول

بصراحة طريقة كلامه المهزوزة لم تجذبنى لسماع حديثه باهتمام بالغ

وفي نفس الوقت تقول

عايز واحد زى السادات

اولا السادات بيتهته اكثر من البرادعي ونص خطبته أ..أأ....أ....أ....أأ...أ
الديمقراطية ليست بث افكار مغلوطة تحميها باسم الديمقراطية البريئة من ذلك
وانما الديمقراطية صدق وموضوعية واحترام عقلية الاخرين

[SkyBird]

ما هو ممكن يكون منفذا له كوزير لو الرئيس الجديد بينادى بيه برده :)

الوزير مقامه اعلى من رئيس الوزراء
فمن غير المنطقي وابخاسا لحقه انه يكون وزير

[Sharky]

من بعد ماكانت الحجه ان البرادعي البرادعي امريكي وبنته متجوزه يهودي وانه دمر العراق دخلنا على حاجات تافهه

للمرة التانية ارجو احترام اراء الغير لإن دى الديمقراطية حتى لو مختلفة عن ارائك
ثم انا كلامى واضح لم اكن معارضا او مؤيدا للبرادعى قبل كده
و اظن لما الواحد يطلب ان رئيس جمهوريته يبقى له حضور قوى ز شخصيته قويه وواثق من كلامه يبقى مش حاجة تافهة

يبقى البرادعي عنده كاريزما قوية
شكرا
انا مستغرب من اللي يقول البرادعي لا يملك كاريزما !!!

فين صفات البرادعى فى تعريف الكاريزما ؟؟؟؟؟

لان في ناس الكاريزما يعني خطب حماسية حنجورية زي خطب عبد الناصر يمكن تكون مناسبة لوقتها لكن الان عفى عليها الزمن واصبح الحضور لمخاطبة العقل وليس الكذب على العواطف انتهى هذا الزمن

مين قال ان الكاريزما خطب حنجورية !!!!!!

وبما ان حضرتك ما قلت انك لم تسمع حديثه باهتمام بالغ
فكيف تكون كل هذه الافكار وانت لم تهتم ان تسمعه

افكار ايه ؟؟
انا معترضتش على افكاره اصلا !!!
كلامى واضح شايف انه معندوش حضور قوى يجبرك على سماعه للاخر

اولا السادات بيتهته اكثر من البرادعي ونص خطبته أ..أأ....أ....أ....أأ...أ

لكنه لم يكن مهزوزا و كان لديه حضور قويا و يجبرك ان تستمع لكلامه للنهاية و تحترمه حتى و ان اختلفت معاه و دا بشهادة اعدائه قبل حلفائه

الديمقراطية ليست بث افكار مغلوطة تحميها باسم الديمقراطية البريئة من ذلك
وانما الديمقراطية صدق وموضوعية واحترام عقلية الاخرين

أفكار مغلوطة !!!
واضح ان حضرتك مش فاهمنى خالص
او واخد الموضوع على محمل شخصى

يا سيدى الفاضل الأراء فى سمات الشخصية ليست ثابته و تختلف من شخص للأخر
دى مش معلومات مؤكده و الواحد بيقولها غلط !!

ثم حضرتك لو كنت قرات مشاركتى جيدا حتلاقى انى مش معترض عليه نهائيا و قلت مستنى اشوف برنامجه الانتخابى لتحديد رأى النهائى

[Sharky]

لوزير مقامه اعلى من رئيس الوزراء
فمن غير المنطقي وابخاسا لحقه انه يكون وزير

مافيش مشكلة
يبقى يكون واضح و يقول انه لن يستطيع خدمة مصر فى اى منصب غير رئيس جمهورية

[SkyBird]

اي جملة زياده مننا هيبقى جدل عقيم ومراء ليس منه طائل والامور اعتقد اصبحت واضحة للمتابعين ومن على صواب ومن على خطأ .

نرجع للموضوع الاصلي
والخاص بمن شاهدوا الحلقة باهتمام

[د.أبونضال]

أعزائي
المناقشات حول سمات خلقها الله في الرجل ولن تتغير لا فائدة منها ... الرجل يتهته وهو يتكلم إلى الإعلام نعم ... لكن عندما يكتب أو يقرأ يكون واضحا تماما، رئيس الدولة عندما يتخذ قرارات يكون ذلك بناء على أوراق يقرأها ويكتبها وليس بناء على أحاديث للإعلام، ولا تنسوا أن الرجل معه أستاذية في القانون بما يعني أن عقليته العلمية لا جدال عليها.... هناك مئات من قادة الدول كانوا يخجلون من الإعلام ولا يستطيعون قول جمله واحدة كاملة على الملأ... ونهاية كل مواطن مصري حر في الوجهة التي سيوجه إليها صوته في الانتخابات، البرادعي نفسه قال هذا في اللقاء "إذا اختارني الشعب سأكون سعيدا بخدمته وإذا اختار غيري فسأكون سعيدا ايضا..."

[SkyBird]

الوزير مقامه اعلى من رئيس الوزراء
فمن غير المنطقي وابخاسا لحقه انه يكون وزير

كنت اقصد ان البرادعي مقامه اعلى من رئيس الوزراء
فمن غير المنطقي وابخاسا لحقه انه يكون وزير