هل يوجد احد غير رأيه او اضاف معلومة جديدة في الدكتور البرادعي بعد المقابله ؟

[Dr Ahmed]

أنا عايز أعرف إيه فايدة الكاريزما؟
هل الاقناع يعتمد على القدرة التمثيلية للرئيس أم على المنطق؟
هل عدم وجود ما يسمى الكاريزما عتد البرادعى منعنا من الاقتناع بحديثه بالأمس؟
هل أى مفاوضات عايزه عبد الناصر علشان تنجح؟ وللا عايزه منطق وتفكير مرتب؟
الحديث عن الكاريزما غالبا مرتبط بقناعاتنا السابقة قبل 25 يناير ولا أراه أساسا مطلب فى أى شخصية غير فى الممثلين فى الأفلام

[otefa]

أنا مشفتش الحلقة للأن بس كده كده القرار سابق لأوانه لازم نشوف عدة منافسين على منصب الرئاسة وبرنامج كل منهم بوضوح وبعدين نحكم مين يستحق التكليف بالمنصب
-تاريخ الشخص وأنجازاته
-برنامجه الأنتخابي وجدوله الزمني للتنفيذ
-سماته الشخصية
وأعتقد ماسيحدث على أرض الواقع أن البرامج الأنتخابية ستكون متقاربة جدا في أهدافها النهائية
فأعتقد الفيصل بين المرشحين هايبقى تاريخ و أنجازات سابقة(سي في )+سمات شخصية

[hn_kamal]

أولا : ما هى انجازات البرادعى للعرب عموما ومصر خصوصا من خلال الفترة السابقة ؟
من وجهة نظري لا يوجد بدليل ما حدث فى العراق - وفى مصر فى عهد النظام السابق و أول ما نزل وتم استضافته فى كذا برنامج من برامج التوك شو لم يكون له موقف واضح وحاسم من الترشح للرياسة من عدمه.
وبعدين هوه كان فين فى بدايات الثورة أيام 25 و 26 يناير ؟!
ومن ناحية حديثه امبارح على on tv فده مجرد كلام ووعود قابل للتنفيذ أو لا ووممكن لو تم استضافة حد تانى يقول كلام احسن من ده كثير أهم حاجة من لديه القدرة على التنفيذ
وده اللى تفضل عدد من الاخوة السابقين شرحه انه محتاج صبر وتعقل وتحليل بتعمق فى الفترة القادمة لدارسته .
كفانا كلام حلو ومعسول وفى الاخر المحصلة لا شئ

[Sharky]

أنا عايز أعرف إيه فايدة الكاريزما؟

سبق و قلت يا دوك فائدتها فى مشاركتى السابقة

هل الاقناع يعتمد على القدرة التمثيلية للرئيس أم على المنطق؟

على المنطق و حضوره القوى و قدرته على الكلام بدون توتر او اهتزاز

هل عدم وجود ما يسمى الكاريزما عتد البرادعى منعنا من الاقتناع بحديثه بالأمس؟

بصراحة طريقة كلامه المهزوزة لم تجذبنى لسماع حديثه باهتمام بالغ

هل أى مفاوضات عايزه عبد الناصر علشان تنجح؟ وللا عايزه منطق وتفكير مرتب؟

عايز واحد زى السادات فى حضوره القوى + منطقه و تفكيره لإقناع الاخر كما حدث فى مفاوضات رجوع سيناء لينا مثلا

الحديث عن الكاريزما غالبا مرتبط بقناعاتنا السابقة قبل 25 يناير ولا أراه أساسا مطلب فى أى شخصية غير فى الممثلين فى الأفلام

دا رأيك يا دوك و احترمه
لكنة مازلت مصرا ان اللى يمثلنا مصر دوليا يجب ان يكون حضوره و طريقة كلامه قويا
مش مهزوز و مش عارف يتكلم و لا بستطيع جذب غيره لحديثه

أنا مشفتش الحلقة للأن بس كده كده القرار سابق لأوانه لازم نشوف عدة منافسين على منصب الرئاسة وبرنامج كل منهم بوضوح وبعدين نحكم مين يستحق التكليف بالمنصب
-تاريخ الشخص وأنجازاته
-برنامجه الأنتخابي وجدوله الزمني للتنفيذ
-سماته الشخصية

الله يفتح عليك
سماته الشخصيه دى مهمه جدا للتأكد من قدرته على تنفيذ برنامجه الانتخابى

[Dr Ahmed]

لا حول ولا قوة إلا بالله
أنا مش عايز أتولى الدفاع عن الرجل بس لا يرضينى تكرار الأقوال المضادة ليه واللى ثبت ضلالها وكدبها زى موقفه فى العراق واللى معروف جدا وثابت أنه نفى وجود أسلحة دمار شامل هناك يبقى اللى معترض عايز إيه أكتر من كده وعايز إنجاز ليه فى مصر إزاى؟؟؟؟؟
وواضح برضه عدم الإستماع للحلقة لإنه قال هو كان فين قبل الثورة وأيامها.
ومافيش أى عضو اختلف إن لسه بدرى الإختيار النهائى

-----------------------------
أخى شاركى: شكرا ليك ورأيك طبعا أحترمه رغم اختلافى معه لكن اسمح لى أعرف مين اللى أقرب للمنصب فى تصورك؟

[fepsceasar]

ثم يا باشا اى حد حيرشح نفسه دلوقتى رئيس جمهوية لازم حيقول انه خادم للشعب


الكلام دا قبل 25 يناير يا باشا
مافيش حد يقدر يغصبنا على حاجة مش مقتنعين بيها

الكاريزما ملهاش عللاقة بالاجبار الكاريزما تخليك تمشى وراه وتحس انه الزعيم الملهم وفجاة يتحول ديكتاتور وتلاقى نفسك خبط فى حيطة
عبد الناصر كان كاريزما وكان بيقول للناس هنرمى اسرائيل فى البحر ونعمل قومية عربية والناس فضلت وراه لغاية ما حصلت الكارثة، ولما جه يتنحى طلعت المظاهرات ماتتنحاش احنا منستغناش عنك

[ahmed4000]

انا كان عندى شك قبل كده فى مصداقيته وإخلاصه
لكن الشك دا تقريبا زال بعد متابعتى اللقاء لإنى حسيت بصدقه والراجل مش ممثل .. الراجل بيحب البلد فعلا
وجود مناظرات وحوارات مستقبلية مع المرشحين هيخلينا نختار صح إن شاء الله

الحوار زود شعبيته بشكل كبير لدى الكثير منا وانا منهم
لكن علشان نبقى موضوعين لازم نشوف حوار فى نفس البرنامج بنفس الاسلوب مع مرشحين اخرين

[Sharky]

أخى شاركى: شكرا ليك ورأيك طبعا أحترمه رغم اختلافى معه لكن اسمح لى أعرف مين اللى أقرب للمنصب فى تصورك؟

انا ماسمعتش حد حيرشح نفسه رسميا غيره فقط
فمقدرش اقول مين افضل او اقرب فى تصورى

الكاريزما ملهاش عللاقة بالاجبار الكاريزما تخليك تمشى وراه وتحس انه الزعيم الملهم وفجاة يتحول ديكتاتور وتلاقى نفسك خبط فى حيطة
عبد الناصر كان كاريزما وكان بيقول للناس هنرمى اسرائيل فى البحر ونعمل قومية عربية والناس فضلت وراه لغاية ما حصلت الكارثة، ولما جه يتنحى طلعت المظاهرات ماتتنحاش احنا منستغناش عنك

يا باشا ما قلت لك دا قبل 25 يناير

المصريين ايام عبد الناصر ماكنش ليهم فى السياسة و ماكنوش شايفين غيره

الوضع حاليا مختلف تماما و كل المصريين بقوا بيفهموا فى السياسة :)

[fepsceasar]

أولا : ما هى انجازات البرادعى للعرب عموما ومصر خصوصا من خلال الفترة السابقة ؟
من وجهة نظري لا يوجد بدليل ما حدث فى العراق - وفى مصر فى عهد النظام السابق و أول ما نزل وتم استضافته فى كذا برنامج من برامج التوك شو لم يكون له موقف واضح وحاسم من الترشح للرياسة من عدمه.
وبعدين هوه كان فين فى بدايات الثورة أيام 25 و 26 يناير ؟!
ومن ناحية حديثه امبارح على on tv فده مجرد كلام ووعود قابل للتنفيذ أو لا ووممكن لو تم استضافة حد تانى يقول كلام احسن من ده كثير أهم حاجة من لديه القدرة على التنفيذ
وده اللى تفضل عدد من الاخوة السابقين شرحه انه محتاج صبر وتعقل وتحليل بتعمق فى الفترة القادمة لدارسته .
كفانا كلام حلو ومعسول وفى الاخر المحصلة لا شئ

يا لهوى عراق ايه يا جماعة لسة تاثير الجرايد دي شغال ارجوكوا شوفوا الحلقة كاملة وتم عرض اللى الراجل قاله فى مجلس الامن
وحكاية انه كلام وخلاص مردود عليها بان الراجل ثابت على موقفه، واول ما نزل مصر كان موقفه واضح التغيير، ما اكتفاش بعضوية اى مجلس قومى على مجلس شورى على كام منصب مالهومش لازمة وبعدين فى الاخر قرر يركب الثورة. والراجل وضح هو كان بيسافر ليه.
الراجل قال قبل الثورة انه مش هيرشح نفسه فى ظل الظروف الحالية (ايامها يعنى) علشان ما يديش شرعية للانتخابات ويقولوله ابقى تعالى المرة الجاية

[د.أبونضال]

أتمنى أن يحصل البرادعي على 50% فقط من الأصوات + صوت واحد...ز وأن يظل باقي الناخبين رقباء عليه ومنتقدين له . سيجعله هذا يخرج أفضل ما عنده.
وللذين يتحدثون عن الكاريزما.... رجل اقنع 150 دولة عضوا في الوكالة الدولية للطاقة الذرية و182 دولة عضوا في الجمعية العامة للأمم المتحدة بالتصويت له ليكون مديرا للوكالة الدولية للطاقة الذرية. ولم تعترض عليه سوى ثلاث دول "أمريكا وإسرائيل ومصر" ، ورجل صوتت له لجنة نوبل للسلام ، ماذا يحتاج أكثر من ذلك كبرهان على كفائته المهنية؟

[hn_kamal]

يا لهوى عراق ايه يا جماعة لسة تاثير الجرايد دي شغال ارجوكوا شوفوا الحلقة كاملة وتم عرض اللى الراجل قاله فى مجلس الامن
وحكاية انه كلام وخلاص مردود عليها بان الراجل ثابت على موقفه، واول ما نزل مصر كان موقفه واضح التغيير، ما اكتفاش بعضوية اى مجلس قومى على مجلس شورى على كام منصب مالهومش لازمة وبعدين فى الاخر قرر يركب الثورة. والراجل وضح هو كان بيسافر ليه.
الراجل قال قبل الثورة انه مش هيرشح نفسه فى ظل الظروف الحالية (ايامها يعنى) علشان ما يديش شرعية للانتخابات ويقولوله ابقى تعالى المرة الجاية

وبعد اللى قاله فى مجلس الامن تم غزو العراق برضه علشان اسلحة الدمار الشامل يعنى الكلام اللى قاله ماكنش ليه اى لزمه وبرضه كمل فى منصبه للنهاية

الراجل بيبان من مواقفه

[Dr Ahmed]

تصدقوا فعلا الراجل ده ماينفعش علشان محررش القدس ... إزاى فاتت عليا دى؟

[hn_kamal]

تصدقوا فعلا الراجل ده ماينفعش علشان محررش القدس ... إزاى فاتت عليا دى؟

كده الأسلوب بدأ فى التحول الى العصبية كما هو الحال فى اغلب الحوارات الايام دى

[Sharky]

وللذين يتحدثون عن الكاريزما.... رجل اقنع 150 دولة عضوا في الوكالة الدولية للطاقة الذرية و182 دولة عضوا في الجمعية العامة للأمم المتحدة بالتصويت له ليكون مديرا للوكالة الدولية للطاقة الذرية. ولم تعترض عليه سوى ثلاث دول "أمريكا وإسرائيل ومصر" ، ورجل صوتت له لجنة نوبل للسلام ، ماذا يحتاج أكثر من ذلك كبرهان على كفائته المهنية؟

اللى اعرفوا ان التصويت كان من 34 صوت فقط مش 150
العمل فى الوكلة الذرية ليس كالعمل كرئيس دولة
الوكالة الذرية ليست دولة

و رغم ذلك لم يستطيع اقناعهم بعدم امتلاك العراق اسلحة نووية


و جائزة السلام كانت لجهوده فى محاولة منع انتشار الاسلحة النووية
لكن هل استطاع ان يمنعها ؟؟

[mertahgedan]

لقد أثبت الآتي انه اقرع يلبس نضارة مش شيك كثرة التهتهة . عندما اسمع شخص يذكر هذه الأسباب اؤمن تماما ان المخلوع ان كان قد خلع لكن لازال مؤثرا علي التفكير .أليس الثبات علي الموقف كاريزما شخصية الحرفية في الكلام أثبت انه له بعد نظر في المسائل السياسية يريد ان يخرج مصر من تحت أي وصاية عليها . لماذا لا يريد ان يكون وزيرا لو أنت الرئيس ماذا سوف تعيين البرادعي وزيرا . برنامج البرادعي الذي وهب نفسه له هي الديموقراطية وهذا البرنامج اما ان تكون منفذا له أو مراقبا عليه