كنت إنهاردة في مؤتمر شعبي كبير للسلفيين و الجماعة الإسلامية

[hobiko]

طبعا الاتنين غلط
لكن لما يبقي لك الموضوعات مجرد هجوم على ان الاخوان او السلفيين بيدعوا لراي معين والتغافل عن قيام انصار الراي الاخر يقومون بافعال مشابهة تماما هنا المشكلة

الطرفين غلط والمفروض كل واحد يقول صوته ويرجع يشتغل
اللى هاينزل التحرير او اسكندرية للاعتراض على نتيجة التصويت ايا كانت هو فعلا اللى هايبقي خاين للثورة وخاين للامة ومستقبلها

أنا بكتب عن حاجة شفتها في موضوع واحد .......... و لو شفت أي تصرف خاطئ لمعارضي التعديلات كنت حكتبها بردو


موافق جداً على الجزء الأخير من مشاركتك

أنا لم أُكذبك.......لكني أقول لك إنك ساهمت وأحدثت تشويه لصورة السلفيين مثلما يفعل الإعلام الفاسد
سبحان الله !!.......هل هم معصمون من الخطأ

وأعلم أيضاً أنك ساهمت في كل الردود التي كُتبت وسوف تُكتب فيه تجريح وغيبة للسلفيين........هل علمت ماذا فعلت ؟؟؟

إلي ساهم في التشويه إلي قام بالفعل نفسو ...... أنا ذي قنوات الأخبار كدة ...... بنقل الي شفته


كان أولى بالقائمين على ذلك المؤتمر ألا يقولو ما قالوه

[human]

هما دول اللى عايزنهم يحكموا مصر؟؟

سؤال بسيط

لو اه
يبقى قولوا نعم عشان نشوف الشغل التمام فى مجلس الشعب ونتسلى فعلا زى ماقال مبارك

اللى عايز جد ووسطيه و حياه محترمه فى دوله اسلاميه ليست زاعقه يقول لا

-------------
هيقيموا الخلافه الاسلاميه ..............ممتاز

[al_manara]

عروستي !

[hobiko]

فيه حاجة حصلت أنا مكنتش عايز أذكرها ...... بس والله العظيم دة برضه إلي حصل


و الخطيب بيكلم ..... أذن أذان العشاء ...... قلعت الجزمة و دخلت وقفت على الحصير في إنتظار الصلاه


ولا واحد اتحرك .... الخطيب توقف عن الكلام حتى إنتهى الأذان و بعد كامل عادي


شوية و سمعت إقامة الصلاه .... ولا واحد اتحرك بردو توقف الخطيب عن الكلام حتى انتهت إقامة الصلاه و كمل كلام عادي


هنا مشيت و رحت أصلي

يمكن يكون صلو قبل كدة ..... أو بعد ما يخلصو حيصلو بس دة إلي حصل



تاني أقسم بالله العظيم هذا ما حدث بالظبط ......

[م. حاتم السباعي]

الاخوة الاعزاء
نحن نمر الان بأدق و اخطر مرحلة في تاريخ وطننا الحبيب
و صدقوني انتهي من اليوم وقت الكلام و الخلاف
دعونا نعمل دعونا نكون ايجابيين
و لكاتب الخبر اعلم اخي الحبيب انك نقلت ما سمعته
و لكنك لم تنقل ما يحمله الناس داخل صدورهم
و لكل اخ متعاطف مع ما نقله الاخ الكريم فلكم مطلق الحرية في تصديق ما ذكره اخونا الفاضل و لكن احذرو الفتنة هذه الايام العصيبة
هؤلاء اصحاب اللحي الطويلة الذين ذكرهم الاخ كان لهم طوال العمر مواقف مع النظام نشهد جميعا عليها
مش مجرد 30 يوم
هؤلاء الرجال تم التنكيل بهم سنوات عديدة لمجرد انهم يقولون ربي الله
اتقو الله فيما تظنون بهم
هؤلاء الرجال لا يفعلون المنكرات و المعاصي و ان فعلها احدهم كانت معصيته في الخفاء بينه و بين ربه
لا مثل بعض الشباب الذين كانو يجاهرون بالمعاصي و المشي مع البنات و شرب البانجو و غيرها من المفسدات و بعض مدعي الفن من اصحاب افلام العري و القذارة و تلويث عقول الشباب
و لمجرد نزوله للتحرير اصبحو ثوار و اصبحو شهداء و اصبحو ممنوعين من النقد بل اصبحو قدوة لبعض الشباب
ارجو من الكل التكاتف الان
ارجو من الكل الا ينقل لنا غدا اي شئ سلبي يراه بالله عليكم ان ننقل الاشياء الايجابية لكلا الطرفين بالله عليكم فنحن لا نريد فتنة بيننا و نفسي اي واحد فينا من اليوم يحرص علي ما يكتب
و ان شاء الله انا هوجه للادارة رجاء و طلب بحذف اي موضوع يتعلق بالعملية الانتخابية حتي لا يحدث بيننا اي انشقاق
و ليكن هدفنا من الان التوحد و العمل

م.حاتم السباعي

[dr-mohamed]

فيه حاجة حصلت أنا مكنتش عايز أذكرها ...... بس والله العظيم دة برضه إلي حصل
و الخطيب بيكلم ..... أذن أذان العشاء ...... قلعت الجزمة و دخلت وقفت على الحصير في إنتظار الصلاه
ولا واحد اتحرك .... الخطيب توقف عن الكلام حتى إنتهى الأذان و بعد كامل عادي
شوية و سمعت إقامة الصلاه .... ولا واحد اتحرك بردو توقف الخطيب عن الكلام حتى انتهت إقامة الصلاه و كمل كلام عادي
هنا مشيت و رحت أصلي
يمكن يكون صلو قبل كدة ..... أو بعد ما يخلصو حيصلو بس دة إلي حصل
تاني أقسم بالله العظيم هذا ما حدث بالظبط ......

لا حول ولا قوة الا بالله
لن اكذبك فقد اقسمت مرتين وحسبك الله في الحساب عن اليمين وانت المسئول عنه
لكن في نفس الوقت اشهد الله اني لم اتعامل مع احد سواء من السلفيين او الاخوان وحان وقت الصلاة الا وقام بالصلاة في وقتها ولم يؤخرها مهما كانت اهمية الموضوع الذي كان يشغله قبل الصلاة

[cheetos_892005]

بتعمل نفس اللى عملته النهاردة في التحرير
ميدان التحرير سيطر عليه انصار لا وقفلوا الميدان وسمحوا بمرور سيارة واحدة فقط بعد اقناع من رجال الشرطة العسكرية
اظن ميدان التحرير محوري واكبر واهم من الشارع المذكور في اسكندرية
ونفس ما فعله انصار نعم في اسكندرية فعل اكثر منه انصار لا في التحرير اليوم

اللعب بورقة الدين والتكفير غير خااااااااااالص

واحد ملتحي يقول ان اللي هيقول لا كافر قادر يصد مليون في التحرير

[human]

ليس معنى انهم تحملوا الكثيران اسلوبهم يناسبنى و خطابهم يناسب العصر

انا بصراحه مرعوب

[dr.mahmoud]

انا عن نفسي هقول نعم بس مش علشان الاخوان او السلفيين اللي انا اعرف منهم اصدقاء كتيير جدا من الطرفين بس لاني مقتنع ان دي مرحلة انتقالية و هذة المواد تكفي للمرحلة الانتقالية و في نفس الوقت لما تيجي النتخابات البرلمانية اكيد كل واحد عارف في دايرته مين اخوان و مين وطني و مش هنتخب ده ولا ده المقصود
مش لازم اربط بين التعديل و الانتخابات البرلمانية

[human]

انا عن نفسي هقول نعم بس مش علشان الاخوان او السلفيين اللي انا اعرف منهم اصدقاء كتيير جدا من الطرفين بس لاني مقتنع ان دي مرحلة انتقالية و هذة المواد تكفي للمرحلة الانتقالية و في نفس الوقت لما تيجي النتخابات البرلمانية اكيد كل واحد عارف في دايرته مين اخوان و مين وطني و مش هنتخب ده ولا ده المقصود
مش لازم اربط بين التعديل و الانتخابات البرلمانية

لا طبعا

[dramir1]

استهدوا بالله ياجماعه :مش عايزين نخسر بعض ...وبلاش نفرح اعداء المصريين فينا ...احنا كلنا اخوات ....
النهارده الشيخ محمد حسان في خطبة الجمعه على قناة الرحمه وضح انه يميل الى نعم ولكن علينا الا نسىء الظن فيمن سيقول لا ....انا بالنسبه لي هختار نعم عشان نفسي مصر تستقر وتعرف تاخد نفسها وتقوم من جديد....وفي النهايه كلنا اخوات وبلاش نخسر بعض.
وصناديق الانتخاب حره ونزيهه ...كل واحد يكتب اللي في نفسه والنتائج سواء بنعم او بلا انا هرضى بيها لان دي رغبة الشعب..... وفرحان بنعمة ربنا علينا ان الانتخابات هيبقى ليها لازمه ..

وياريت بلاش التفريق بينا بكلام يشعل الفتنه بينا ...

[ahmedbatoos]

انا كنت في مؤتمر للدعوة السلفية في العجمي :) والكلام كان مختلف تماما
طبعا قالوا عن لية المسلمين خايفين من الاسلام والاقباط ليهم حق لكن انت كا مسلم لية
وقالوا ان دلوقتي المسلمين اغلبهم مبيحترموش اراء الشيوخ بينما المسيحين بيحترموا اراء البابا جدا
وقالوا ان التصويت رأي وواجب شرعي وليس التصويت بنعم واجب شرعي . . او علي الاقل هذا ما سمعتة منذ سمعت
تكلموا بنحية سياسية قالوا الناس الي بتقول احنا خايفين من اي شريعة اسلامية وسمعت امثلة مضحكة
زي واحد بيقولي دلوقتي حد الزنا . . بيتنفذ لما يكون 4 شافوا الي زنوا رؤي العين بقلة تمام يقلي طيب واحد بيزني 4 شافوة !! ده تتوقع بيزني فين قلتلة في ميدان عام قالي يبقي يستحق الجلد ولا لا ضحكت

قالي طيب انا مستعجب واحد يقلي انتوا هتخلوا الي يسرق يطقطع ايدة !! وهو انت ناوي تسرق مثلا !!

وفي النهاية الاراء اجمعت ان تحكيم الشرع غير وارد في هذه المرحلة بسبب الظروف الداخلية والخارجية
وان الافضل الناس تعرف دينها صح فهما الي يجيوا للاسلام وشريعتة وميتغصبوش علية

وفي الاخر سمعت رأي تقريبا احد الي حطوا التعديلات !! واكتشفت انة سلفي وكان في لجنة وضع الدستور وقال ان الناس مش فاهمة نعم افضل بخلاف رأي دين او غير دين

وقالي ما التعديلات عطت الحق للمسيحي والمرأة الترشح ودة حرام قال طيب احنا لية بنوافق علي التعديلات !! يبقي السبب مش ديني بحت

الفكرة كلها اتقسمت كدة بسبب الكنيسة لان اول مؤسسة قالت رئيها هي وقالتة بلرفض طبعا !!

وقالي ان مثلا ناس تقلك المادة 190 المضادة مع التعديل بتاع مدة الرئيس 4 سنين
قالي اولا الموافقة علي التعديل الدستور ساقط ساقط وهو سقط فعلا فية 200 مادة احنا هنحتاج عدد قليل جدا نمشي البلد مع التعديلات الباقي كلة ولا كئنة موجود وقالي اساسا المادة دية خاصة بلسادات وقعد يشرحلي حاجات سياسية كتيرة فهمت انها اتلغت او معطلة بموت السادات

وأكدلي ان لو قلنا لا الجيش مش هيقدر يعمل مجلس رئاسي ومش موافق وقالي مفيش دستور جديد قريب ابدا ولا في اي انتخبات وهنفضل زي محنا
وقالي حاجة متنشرتش في الاعلام قالي لو الجيش قلنا لا وفكر يعمل مجلس تأسيسي لدستور جديد قالي في مشكلة كبيرة احنا كنا بنتخانق ومظاهرات علي وزارة 20 نفر الناس دية هتعمل اية علي تعين 100 نفر !! وقال اننا طلب مننا الجيش نفكر في طريقة نقدر ننتخب منهم المية !! وقال انها هتكون صعبة ومجحفة للغاية


وقرار النهائي نعم ان شاء الله . . مش عشان حرام وحلال ومش عشان الاخوان والكنيسة

انا هقول نعم لأنها الافضل لمصر لأني رايح بكرة استفتاء علي مستقبل مصر مش استفتاء علي متش كورة مين يفوز ومين تبع مين


وشكرا ليكم ويارب الاختيار السليم هو الي يكون اغلبية

نسيت اقول ان الشيخ حاتم هوا الي صلي بينا العشاء :) وفرحت جدا اول لما سمعت صوتة وافتكرت رمضان

[dr-mohamed]

استهدوا بالله ياجماعه :مش عايزين نخسر بعض ...وبلاش نفرح اعداء المصريين فينا ...احنا كلنا اخوات ....
النهارده الشيخ محمد حسان في خطبة الجمعه على قناة الرحمه وضح انه يميل الى نعم ولكن علينا الا نسىء الظن فيمن سيقول لا ....انا بالنسبه لي هختار نعم عشان نفسي مصر تستقر وتعرف تاخد نفسها وتقوم من جديد....وفي النهايه كلنا اخوات وبلاش نخسر بعض.
وصناديق الانتخاب حره ونزيهه ...كل واحد يكتب اللي في نفسه والنتائج سواء بنعم او بلا انا هرضى بيها لان دي رغبة الشعب..... وفرحان بنعمة ربنا علينا ان الانتخابات هيبقى ليها لازمه ..

وياريت بلاش التفريق بينا بكلام يشعل الفتنه بينا ...

موافقك على كل كلمة وقلت في مشاركة لي منذ قليل كل من يصوت بما يمليه عليه ضميره وبعد التصويت يعود كل منا الي عمله لنهضة بلده بمعني الكلمة ان كان يريد لها ذلك فعلا وليس قولا
ومن يعترض على نتيحة الاستفتاء او ينزل للتظاهر لان النتيجة ايا كانت ليست على هواه هو من يخون الثورة ومن يسعي لتدمير الامة بمعني الكلمة

[ahmedbatoos]

الشئ الوحيد الي احزني فعلا . . ان في شيوخ تسرعت في قول نعم خيار شرعي ولا خيار حرام
تاني شئ ان المسلمين كتير منهم مبيحترموش شيوخهم يعني الشيخ قال كدة بدل مشتمة وتتريق علية روح قلة لية قولت واسمع منة وهو مش ربنا ولا كلامة مقدس اقنعك بلادلة اوك لا قلة والله مش مقطنع وشكرا
تالت شئ ان المسلمين كانوا جلادين جدا لشيوخهم ودة بسبب ان الحمد للة الاسلام مفهوش قدسية لبشر علي بشر بس بشئ سئ وبشكل فية اهانة وغير المسلمين طبعا عندة رجل الدين شئ شبة مقدس لان لية قدسية معينة

[عمرو عمارة]

أنا ذي قنوات الأخبار كدة ...... بنقل الي شفته

نعم بالفعل كما يفعل الإعلام.......يصطاد كل ما هو خاطىء لهم ليشوه صورتهم

فيه حاجة حصلت أنا مكنتش عايز أذكرها ...... بس والله العظيم دة برضه إلي حصل


و الخطيب بيكلم ..... أذن أذان العشاء ...... قلعت الجزمة و دخلت وقفت على الحصير في إنتظار الصلاه


ولا واحد اتحرك .... الخطيب توقف عن الكلام حتى إنتهى الأذان و بعد كامل عادي


شوية و سمعت إقامة الصلاه .... ولا واحد اتحرك بردو توقف الخطيب عن الكلام حتى انتهت إقامة الصلاه و كمل كلام عادي


هنا مشيت و رحت أصلي

يمكن يكون صلو قبل كدة ..... أو بعد ما يخلصو حيصلو بس دة إلي حصل



تاني أقسم بالله العظيم هذا ما حدث بالظبط ......

والله مصدقك متحلفشِ

سبحان الله بلا أدنى علم مستمر في تشويه صورتهم
ألا تعرف إستحباب تأخير صلاه العشاء وخاصة لو فيه درس أو محاضرة
وحضرتك بتسخر وتقول " ولا واحد إتحرك " وأصبحت فقيهاً وأعلم منهم في الدين لتسخر منهم

إستمر....إستمر....العداااااااااااااد بيعد