كنت إنهاردة في مؤتمر شعبي كبير للسلفيين و الجماعة الإسلامية

[jisso82]

برده النهاردة إمام المسجد اللى بيصلى فيه والدى قال أنا لنصرة الإسلام هقول نعم كان هيتضرب من الفئتين لأنهم اتفقوا إنه مش من حقوا و هو صاحب ميكروفون إنه يقول رأيه على العامة و يحثهم عليه

[dr-mohamed]

برده النهاردة إمام المسجد اللى بيصلى فيه والدى قال أنا لنصرة الإسلام هقول نعم كان هيتضرب من الفئتين لأنهم اتفقوا إنه مش من حقوا و هو صاحب ميكروفون إنه يقول رأيه على العامة و يحثهم عليه

يعني امام المسجد لما قال انه هيقول نعم لنصرة الاسلام
يعني بيقول رايه مش بيقول للناس روحوا قولوا نعم زيي كان هاينضرب

وليه لما رجال الدين المسيحيين بيقولوا في الدروس وفي القنوات المسيحية لازم الناس تنزل تقول لا محدش بيقول انهم غلط
ولما حد بيقول انهم غلط ليه بيتهاجم هجوم عنيف ومن المسيحيين والمسلمين في نفس الوقت ؟؟؟؟؟؟؟؟
امر عجيب

[deee]

انا مش هاخد مساعدة فى رأيى فى مسألة سياسية ومستقبلية من رجل دين.. خلصت .


وانا هاقول لا ان شاء الله

[رزق]

من يعترض على نتيحة الاستفتاء او ينزل للتظاهر لان النتيجة ايا كانت ليست على هواه هو من يخون الثورة ومن يسعي لتدمير الامة بمعني الكلمة

+1

تاني شئ ان المسلمين كتير منهم مبيحترموش شيوخهم يعني الشيخ قال كدة بدل مشتمة وتتريق علية روح قلة لية قولت واسمع منة وهو مش ربنا ولا كلامة مقدس اقنعك بلادلة اوك لا قلة والله مش مقطنع وشكرا
تالت شئ ان المسلمين كانوا جلادين جدا لشيوخهم ودة بسبب ان الحمد لله الاسلام مفهوش قدسية لبشر علي بشر بس بشئ سئ وبشكل فية اهانة وغير المسلمين طبعا عندة رجل الدين شئ شبة مقدس لان لية قدسية معينة

المشكلة في رأيي هو استخدام منابر الدين في التوجيه
لو كان الشيوخ طلعوا في التلفزيون مثلا وقالوا ده رأيي الشخصي ماحدش كان اتكلم
إنما منبر الجامع مع ناس كتير = سمعا وطاعة

[عمرو عمارة]

لم أكن أريد أن أكتب هذا الكلام....ولكنه واقع مرير نعيشه

لم أرى قبطي واحد يُنشىء موضوع جديد ينتقد فيه ويسخر من الكهنة أو القساوسة الذين يدعون النصارى بكل قوة لقول لا

ونحن المسلمون نسخر ونستهزء بعلماء ومشايخ الأمة وأصبحنا فقهاء في الدين لنمليَ عليهم ونحاسبهم

والله إن هذا لإثمٌ عظيمٌ إقترفتموه

أُشهدك ربي إني بريءٌ مما يقولون
واغفر لهم فإنهم لا يعلمون

وإنا لله وإنا إليه راجعون

[رزق]

وليه لما رجال الدين المسيحيين بيقولوا في الدروس وفي القنوات المسيحية لازم الناس تنزل تقول لا محدش بيقول انهم غلط
ولما حد بيقول انهم غلط ليه بيتهاجم هجوم عنيف ومن المسيحيين والمسلمين في نفس الوقت ؟؟؟؟؟؟؟؟
امر عجيب

لم أرى قبطي واحد يُنشىء موضوع جديد ينتقد فيه ويسخر من الكهنة أو القساوسة الذين يدعون النصارى بكل قوة لقول لا

مش لازم ندخل اخوننا النصارى في كل حاجة

مع احترامي ليهم الموضوع رياضي بحت
نزلوا قالوا لأ نزلوا قالوا آه منزلوش مش حتفرق كتير
فـحشد الاقباط في الكنيسة ميفرقش

لو قلبنا الآية - أي دولة غربية - نقول فرنسا فيها جالية مسلمة كبيرة
رأيهم كاستفتاء عام مش مهم


أنا بأتكلم على الاعداد ومش حاجة تانية

[ahmedbatoos]

انا ضد ان الشيخ . . يقول رأي سياسي من علي منبر بتأصيل حرام وحلال منفردا يعني لو في مجلس فتوي زي زمان واتفاق كل علماء من كل التيارات اوك

لكن طبعا مع ان اي شيخ يتكلم في السياسة ويقول رئية ويدعوا الناس الية في التلفزيون او علي المنبر بشرط ( انه ميأصلش حرام وحلال الا بفتوي من مجمع فتوي مش فتوي فردية )

ويا جماعة علي فكرة الي قال لا للتعديلات زي الباردعي قال الي هيقول نعم خيانة !! والي يقلك الي هيقول نعم تبع الحزب الوطني والي يقلك الي عمل التعديلات دول تبع صفوت الشريف وكلام في التلفزيون والجرايد و الكنيسة علني بتقول في كل الكنايس قولوا لا و في ناس استخدمت فزاعة الاسلام !! وسبحان الله احنا في دولة مسلمة مش محتاجين الاخوان يجوا يخلونا دولة مسلمة

فا الجميع اخطأ فأرجوا عدم التركيز فقط علي شيوخنا وعلمائنا مهما اخطأوا في النهاية هما بشر واحنا بشر ودة ظاهرة جيدة انا ننتقد ونحلل لكن الخطأ اننا نتجاوز خصوصا ان الشيخ دة لا بيقول كدة عشان هياخد فلوس ولا بيقول كدة عشان قوة خارجية امريكا ولا اسرائيل ولا ايران هوا بيقول شئ بنية صافية ووطنية ودينية اصاب عادي وتمام اخطأ يبقي الرجوع للدليل و لو شئ عام يبقي فتوي تطلع من مجلس فتوي عام بدل الفتاوي الفردية الي بتعمل بلبلة

[mahamedaraby]

الموضوع خلص فيه الكلام كل واحد النهارده هينزل يقول رايه وراى الاغلبيه هو اللى هيمشى وانا وغيرى كتير وجه الاعتراض انك تملئ رايك على الناس وتقولهم واجب شرعى ودينى انك تقول نعم ده شئ احنا معترضين عليه معترضين على مبدأ اللى يخلفنا الرأى يبقى كافر او نكفره مختلفين على مبدأ اللى يعترض علينا فى السياسه يبقى بيعترض على الدين دى نقطه
النقطه التانيه
ده دستور يعنى مش قرأن من حقنا نختلف عليه ونقول لا
انا هنزل بكره واقول لا

[ahmedjumpo]

أنا لم أُكذبك.......لكني أقول لك إنك ساهمت وأحدثت تشويه لصورة السلفيين مثلما يفعل الإعلام الفاسد
سبحان الله !!.......هل هم معصمون من الخطأ

وأعلم أيضاً أنك ساهمت في كل الردود التي كُتبت وسوف تُكتب فيه تجريح وغيبة للسلفيين........هل علمت ماذا فعلت ؟؟؟

استاذى العزيز و لماذا لا تقل ان السلفيين هم الذين شوهه صورة انفسهم بأنفسهم
اليس هم من عمل المؤتمر و البسوا الدين فى التعديلات السياسية التى لم تمس الدين من قريب او بعيد فهى مجرد شروط ترشح و تعديل مواد تخص عمل مجلس الشعب
و لماذا استخدام اساليب الدعاية الانتخابية على مجرد تعديلات دستورية ما الهدف من ذلك

[AhMeD EzZ]

هؤلاء الرجال لا يفعلون المنكرات و المعاصي و ان فعلها احدهم كانت معصيته في الخفاء بينه و بين ربه
لا مثل بعض الشباب الذين كانو يجاهرون بالمعاصي و المشي مع البنات و شرب البانجو و غيرها من المفسدات و بعض مدعي الفن من اصحاب افلام العري و القذارة و تلويث عقول الشباب
و لمجرد نزوله للتحرير اصبحو ثوار و اصبحو شهداء و اصبحو ممنوعين من النقد بل اصبحو قدوة لبعض الشباب

استاذي .. اظن ان حضرتك لا علم لك بما في نفوسهم سواء هذا او ذاك
فارجوك بلاش الكلام ولا علي دة و لا دة .. منعاً لحدوث تطور في النقاش

[dr-mohamed]

مش لازم ندخل اخوننا النصارى في كل حاجة

مع احترامي ليهم الموضوع رياضي بحت
نزلوا قالوا لأ نزلوا قالوا آه منزلوش مش حتفرق كتير
فـحشد الاقباط في الكنيسة ميفرقش

لو قلبنا الآية - أي دولة غربية - نقول فرنسا فيها جالية مسلمة كبيرة
رأيهم كاستفتاء عام مش مهم


أنا بأتكلم على الاعداد ومش حاجة تانية

لو البعض ادخلهم فذلك لان هناك من يدخل ليدافع عن رجال الدين المسيحي سواء من المسلمين او المسيحيين وتكون حملة شعواء ضد من قال انهم يتدخلون في السياسة
لكن حين يكون الحديث عن رجل دين مسلم فما أكثر الشاجبين والرافضين والمستنكرين من المسلمين والمسيحيين هنا في المنتدي
يجب ان تكون هناك مساواة في التعامل مع الموقف الواحد

اما لو تكلمنا من ناحية الاعداد كما تقول ففرق كبير بين ان يكون هناك كتلة تصويتية كبيرة جدا منقسمة على نفسها وكتلة تصويتية اخري اقل بكثير من الاولي لكنها موحدة حيث تفوز الاخيرة دوما وسأضرب لك مثلا عمليا بنقابة المحامين بها اكثر من نصف مليون عضو منهم اقل من 40 الف عضو من الاخوان لكن لان النصف مليون منقسمين جدا على نفسهم بينما كتلة الاخوان متحدة تكون النتيجة ان يربح مجلس النقابة الاخوان

ضربت المثل بالاخوان حتي لا يقول احد اني متحيز ضد المسيحيين ولست كذلك لكني كما قلت اريد توحيد الراي تجاه الموقف الواحد لا ان نلوم المشايخ المسلمين حتي لو لم يلزموا المسلمين برايهم ونبارك او نصمت على القسس المسيحيين حتي حين يلزمون اتباعهم بما يريدون على انه واجب ديني

الموضوع خلص فيه الكلام كل واحد النهارده هينزل يقول رايه وراى الاغلبيه هو اللى هيمشى وانا وغيرى كتير وجه الاعتراض انك تملئ رايك على الناس وتقولهم واجب شرعى ودينى انك تقول نعم ده شئ احنا معترضين عليه معترضين على مبدأ اللى يخلفنا الرأى يبقى كافر او نكفره مختلفين على مبدأ اللى يعترض علينا فى السياسه يبقى بيعترض على الدين دى نقطه
النقطه التانيه
ده دستور يعنى مش قرأن من حقنا نختلف عليه ونقول لا
انا هنزل بكره واقول لا

متفق معك تماما لكن كلا الطرفين المشايخ المسلمين والقسس المسيحيين استخدم نفس الاسلوب لكن وجدت هنا في المنتدي استنكار لسلوك رجال الدين المسلمين وهجوم عنيف عليهم ووصف سلوكهم بالقذر في نفس الوقت حين تكلم احدهم عن موقف مماثل تماما من رجال الدين المسيحيين تم الهجوم عليه

ومتفق معك فيالنقطة الثانية الدستور عمل بشري ولابد ان نختلف عليه واذا كان هذا اختلافنا حول تعديل 9 مواد فربنا يستر حين يتم وضع دستور كامل ممن لن يرضي اهوائهم او لن يحقق مصالحهم
اذا كنا نقتتل الان من اجل مواد لا يوجد بها مشكلات كبيرة متعلقة بالدين فما بالنا حين تثار مشكلات متعلقة بالدين في الدستور الجديد
هذا احد اسباب رفضي لوضع الدستور حالا لاننا الان في اول خطوة في طريق الديمقراطية وحرية الراي وحين نتدرب بعض الشئ في الاستفتاء ثم انتخابات الرئاسة والبرلمان ربما نكون اكتسبنا بعض الحكمة حين نناقش الدستور القادم

لهذا ولاسباب كثيرة اخري سأقول غدا وعن ثقة تامة نعم

[AhMeD EzZ]

نعم بالفعل كما يفعل الإعلام.......يصطاد كل ما هو خاطىء لهم ليشوه صورتهم

استاذ عمرو الراجل شاف موقف و جع حكاه ليس بالضرورة يكون غرضة كدة ... افرض حسن النية لاخيك ...

والله مصدقك متحلفشِ

سبحان الله بلا أدنى علم مستمر في تشويه صورتهم
ألا تعرف إستحباب تأخير صلاه العشاء وخاصة لو فيه درس أو محاضرة
وحضرتك بتسخر وتقول " ولا واحد إتحرك " وأصبحت فقيهاً وأعلم منهم في الدين لتسخر منهم

إستمر....إستمر....العداااااااااااااد بيعد

استاذ عمرو الاولى تفهمه و تشرح نقطة استحباب تاخير صلاة العشاء ... انا واحد من الناس مكنتش اعرفها ...

[mahamedaraby]

استاذ عمرو واخد الكلام من الناس كلها على مبدأ المؤامره والنيه مش حسنه ولكن لما تيجى تكلم على واقع مثبوته بيتدى العداد يشتغل وبيعد ويقولك دول بشر مكنش قصدهم ويلتمس 1000 عذر مش 100

العداد شغال برضوا مش كده ولا ايه

مش عارف انا الناس اللى بتكفر واللى بتدخل الجنه مين اللى ادهم الحق بكده

[AhMeD EzZ]

لم أكن أريد أن أكتب هذا الكلام....ولكنه واقع مرير نعيشه

لم أرى قبطي واحد يُنشىء موضوع جديد ينتقد فيه ويسخر من الكهنة أو القساوسة الذين يدعون النصارى بكل قوة لقول لا

ونحن المسلمون نسخر ونستهزء بعلماء ومشايخ الأمة وأصبحنا فقهاء في الدين لنمليَ عليهم ونحاسبهم

والله إن هذا لإثمٌ عظيمٌ إقترفتموه

أُشهدك ربي إني بريءٌ مما يقولون
واغفر لهم فإنهم لا يعلمون

وإنا لله وإنا إليه راجعون

الفرق يا اخي ان في الاسلام لا قداسة لبني آدم علي اخر ...

[ahmedjumpo]

يعني امام المسجد لما قال انه هيقول نعم لنصرة الاسلام
يعني بيقول رايه مش بيقول للناس روحوا قولوا نعم زيي كان هاينضرب

وليه لما رجال الدين المسيحيين بيقولوا في الدروس وفي القنوات المسيحية لازم الناس تنزل تقول لا محدش بيقول انهم غلط
ولما حد بيقول انهم غلط ليه بيتهاجم هجوم عنيف ومن المسيحيين والمسلمين في نفس الوقت ؟؟؟؟؟؟؟؟
امر عجيب

يا دكتور الكلام واضح , امام المسجد هيقول نعم لنصرة الاسلام يبقى لا معناها عدم نصرة الاسلام
هل ده كلام يعقل
سؤال يا دكتور بما ان الحق اختلط بالباطل
هذه التعديلات خاصة بشروط رئيس الجمهورية و اليات تعديل الدستور فى البرلمان
السؤال اين المواد التى قد تمس الدين و لو بذرة صغيرة حتى تحول الموضوع للدفاع عن الاسلام و الكثير من الاخوة انبروا بحماسة منقطعة النظير فى الدفاع عنها و اللى كان نفسى هذه الحماسة تكون فينا كلنا بس فى سبيل اعلاء الوطن و تقدمه علميا و اقتصاديا
اما موضوع المسيحيين فانا اعرف بعض المسيحيين هيقولوا نعم و سألتهم عن موضوع الكنيسة و موقفها و و لا واحد قال ان فيه توجيه من الكنيسة
كما لم اسمع عن ان الكنيسة قالت لا لنصرة المسيحية