للاسف انا اتخدعت في الكثير من التيارات اللي ظهرت علي الساحة حاليا

[م. حاتم السباعي]

فى الحقبقة أنا أرى أن الموضوع له خلفيات أعمق من الناحية الاجتماعية ومما يتعلق بالشخصية المصرية بالذات
فلا يجب أن نغفل يا سادة أننا ومنذ أمد بعيد شعب يحترم المقدسات لدرجة التطرف فى هذا الاحترام ولا نقصد هنا كلمة المقدسات بدلالتها الدينية ولكن بمعنى ( التابوهات ) كما يحلو لبعض المثقفين تسميتها . وكل المجتمع بمؤسساته سار ومازال يسير على هذا النهج فى كافة النواحى وليس فى الديانة فقط فمن الفرعون للملك والخليفة والوالى والرئيس كل هذه المراحل كنا نسير على نهج تقديس الحكام . وتقديس رجال الدين بدءاً من كهنة آمون وصولاً لشيخ الزاوية اللى تحت بيتنا والبطرك والقسيس وحتى الشماس فى الكنيسة .
وقم للمعلم وفه التبجيل كاد المعلم أن يكون رسولاً فالمعلم مقدس وأبوك وأمك وخالتك وعمتك وعم سيد .
والجندى فى جيش الفرعون أيام رمسيس مقدس وأيام المماليك الجندى المملوك الأجنبى مقدس وفى عهدنا أمين الشرطة مقدس وناظر المدرسة ومدير الشركة أخوك الكبير والراجل أبو شعر أبيض اللى معدى فى الشارع وما اعرفش اسمه والست لازم تبقى تحت رجلين جوزها ........................إلخ التابوهات التى تربى عليها الشعب المصرى والتى لا علاقة لها بالاحترام ولا حتى بالأدب الزائد فالاحترام والأدب والحياء هى صفات جميلة والتدين فى أى شعب هو شىء حميد لأنه يوجه الانسان نحو الكمال فى كل سلوكياته . لكن التعامل مع الحياه بمنطق أن الرأى المستقل حرام عند المتدينين أو هو قلة أدب فى رأى المجتمع العام أو جهل فى رأى المثقفين
( المثقفين بتوعنا ) . ونجم عن كل التاريخ السابق ذكره أننى :- أتعلم بالعصا من أولى ابتدائى وأرجع البيت لو غلطت بابا وماما كمان هايضربونى فاعرف انى غلطت وابقى بالضرب فهمت غلطى مش بالاقناع ومافيش مانع لو جارنا الاستاذ عبد الجبار اشتكى لبابا انى رنيت على جرس باب شقته وجريت ان بابا يقوله امسكه واضربه دا زى ابنك ياعبد الجبار بك ويمكن يروح يجبنى ويمسكنى عشان الاستاذ عبد الجبار يضربنى وبابا راجل لانه عارف الأصول .
وما حدث فى 25 يناير يا سادة كان صادما لكل المجتمع فقد ركب الشباب اللى اتعلم بالعصا وعاش كل ما سبق من ضغوط نفسية عليه وعلى أبوه ركب الشباب آلة الزمن التى كتب عنها الروائى المشهور إليوت وعملوها أفلام وقام الشباب ومن انضموا لهم بضبط عداد آلة الزمن على سنة 2011 ففوجئوا وفوجىء معهم المجتمع بأن الآلة تعمل وأنها ليست من خيال الكتاب وأننا أصبحنا فجأه فى 2011 !!!!!!! ومن ثم حدثت صدمة عامة لكافة قطاعات المجتمع لأننا جميعا كنا نعيش أجواء عبارة عن ريميكس من العصر الفرعونى على العصر القبطى مع العصر الفاطمى الاسلامى ومكعبات من العصر المملوكى على قليل من الشيوعية ومدهونة بمزيج من اقطاعية القرون الوسطى مع الرأسمالية !
فلو تصورنا لو وضعنا أنفسنا مكان كل صنم من الأصنام التى أوجدها السلوك الأزلى سالف الذكر فما حدث من وجهة نظر الصنم لن يكون إلا كفر عند فرقة وهرطقة عند فرقة ثانية وهرتلة !!عند فرقة ثالثة وقلة أدب عند فرقة رابعة وجهل عند فرقة خامسة .
فكان من الطبيعى والمنطقى جداً أن يحاول أعضاء كل الفرق المجتمعية السابقة لم الموضوع عشان باقى الموجودين فى الفرقة من الجمهور لا يعلموا أننا فى 2011 ولذا يجب أن تسابق الأصنام الوقت لكى لا يعرف الأتباع ما وصل له الصغار من أن أصنامهم فى الحقيقة هى حجارة لا تنفع بل قد تضر .
وفى النهاية أتصور أن الشباب يريد توصيل رسالة أنهم ارتكبوا خيانة ولعبوا فى آلة الزمن من ورا أهاليهم وعرفوا ان فى الحقيقة أولياء أمورهم كنوا بيضحكوا عليهم ويقولولهم أننا فى القرن التاسع عشر لكن لما لعبوا فى آلة الزمن وصلوا القرن الواحد والعشرين وزعلوا من أهاليهم لان تبين فى الحقيقة ان من خان هم أولياء الأمور الكبار ( فى السن) وليس الصغار ( فى السن ) لان الكبار كانوا واخدين مفاتيح آلة الزمن ومخبيينها .
ورغم كدة فضلوا الشباب متدينين مؤدبين وبيحترموا الكبير وبسبب كدة بعدوا عن الأصنام الل
عرفتوا بقى ليه كل واحد أو كل صنم عايز يلم عياله ويقولهم شاطرين انكم عرفتوا تسوقوا آلة الزمن لوحدكم بس هاتوا المفاتيح واحنا هانجيبلكم بونبونى .
بس أوعوا يا أصحابى تدوهم المفاتيح حتى لو جابولكم كيس شيتوس وعلبة كانز برتقال أنا عن نفسى خبيت المفتاح . :b4_388:

لا استطيع ان اقول شئ امام هذه الثقافة المفرطة
و مع اني لا اتفق في المعني الا انني اقف لحضرتك تقديرا علي اسلوب الصياغة و طريقة الحوار
اما ما اعترض عليه مع حضرتك فيما دللت حضرتك به في مداخلتك
لو سمحت لي بأن اتجرأ و احاورك بس بأسلوب بسيط اقل قدرا من اسلوب حضرتك المميز و ليس بنفس عمق التفكير الذي عبرت عنه
اسمح لي سيدي ان اقول لك ان الشباب الذي ثار في التحرير و في محافظات مصر هو في مجمله ثائر علي اولياء الامور فعلا
و هذه حقيقة تعاقب الاجيال و لا يستطيع احد ان ينكرها
حينما هب شباب 2011 في ثورتهم سبقهم اليها من 60 سنة شباب ايضا كانو يحكمون من ملك سئ فاسد مثل و قتنا الحالي
ثار في و جهه الشباب و قتها و كانو اكبر سننا قليلا من شباب اليوم
فلو ان شباب اليوم معرفتهم نضجت في سن ال 20 و حتي ال 25 كان شباب الامس ما بين ال 28 و ال 35
و هم ما عرفو ( بجماعة الاخوان المسلمين )
و اصبحت لهم شعبية في انحاء الجمهورية بل حتي كان منهم المجاهدون و الذين قاومو الملك بالمحتل الانجليزي في مدن القناة بعد جلائهم من مصر و لما ثار الضباط الاحرار علي الملكية لم يستطيع هؤلاء الشباب ان يقنعو الشعب بهم و لم يعطيهم احد الفرصة لا هم و لا اي تيار ديني ان يترك لهم الحرية في الدعوة لافكارهم
و حبسوهم من كانو معهم و هم الاحرار
و ظل هؤلاء و هؤلاء ينتجو جيلا بعد جيل محكوم عليهم بالكبت و الحبس و التنكيل ظلو سنوات و سنوات يقاومو الفساد و يقاومو النظام الذي خرج الشعب كله لكي يقصيه و يبعده بكل تياراته و بكل عفوية
و لكن الاهداف من طلب التغيير مختلفة
فالكثير من شباب الفيس بوك الذين الهبو حماس الثورة دعو لها من خلف شاشات لا يعلمهم احد حتي ان مؤسس صفحة كلنا خالد سعيد عرف بعد الثورة و كان الامن يبذل الكثير من الجهد للوصول للمدونين و غيرهم من رافضي النظام الفاسد
و ايضا كان هدف الكثير من هؤلاء الشباب هو انهم نفسهم في بلد تكون زي الخارج مثل ما يشاهدوه علي النت او اللي سافر منهم او اللي نفسه انه يعبر عن و جهة نظره بدون ان يحجر علي رأيه احد زي ما بيحصل عندنا نفسهم يشوفو امين شرطة في الشارع نظيف الملبس عفيف اليد و كذلك الضابط نفسهم يروحو يخلصو اي مصلحة يجدو معاملة ادمية في الاقسام نفسهم من كتر ما شاهدو جامعات الخارج عاملة ازاي نفسهم ان يتم تطوير جامعاتهم و مدارسهم ايضا
و غيرها و غيرها من الرغبات المعبرة عن طلب المزيد من الحرية
سواء الحرية الشخصية او الحرية للمجتمع الكبير و هي الدولة ككل
علي الجانب الاخر هناك تيار يري ان لتحقيق كل هذه الاحلام الدنيوية
يجب ان يرتبط هذا الفكر بوازع ديني و ان يبني علي اساس ديني
يعني ايه الكلام ده:- يعني مثلا انا ناوي اجتهد في عملي علشان اتفوق و اصل لاعلي المناصب بعلمي هذا منطق الشاب الثائر مثلا يوافقه عليه صاحب الدعوة السلفية و لكن يختلف معه فقط في النية
فلو سألته ليه انتا عاوز تجتهد و هكذا ستجده يرد علشان اعمر الارض كما امرني الله تعالي و بعدين اعيش كويس و هكذا من سبل السعي
و لو سألت الشاب الثوري بتاع 2011 مثلا طيب انتا ثورت علي النظام و لم يهدئ لك بال الا بعد ان نجحت في ذلك هل انت بدأت ان تغير من سلبياتك المعيشية ستجد منهم من فعل فعلا و منهم من يخرج من التظاهر الي القهوة ضارب الشيشة علي فمه و احيانا يفعل سلوك مشين مع فتاه صديقة له مثلا و احيانا ثائر منهم مثلا يتفرج بالليل علي حاجة مش كويسة علي النت او الدش الاوروبي
تيجي بقي لاحد السلفيين الشباب مثلا و تقول له فيه دلوقتي خروجة و كده و هيا نصيحة هنعملها بسرعة يقولك طيب معلش اذهب انته و انا ان شاء الله هصلي و احصلك و لو ذهب و رأي اختلاط مثلا يهم بالانصراف مباشرة بدون ان يكون عليه رقيب غير احساسه ان الله يراه
و هوه ده في رأيي المبدأ و الفكر ان من يريد من الشعب صبغة دينية هو اصلا يريد انسان نقي بيطبق علي نفسة الاحكام و الاسباب ثم بيطلبها او بيأمر بها غيره
فمن غير المعقول ان نجد في العمارة مثلا شيخ او شاب بيدعو الناس للذهاب للمسجد و هو في الشارع بيلعب كره او علي النت مقضيها شات و العجيب ان الناس عارفه كويس انه مقضيها هل بالله عليك سيجد اي انتباه او تركيز معه بل علي العكس سيفقد احترام الجميع
اسف جدااااااا للاطالة و لكن احقاقا للحق نحن من ازمنه بعيده لم تترك الفرصة لمثل هؤلاء لقيادة الوطن و لو علي سبيل التجربة مجرد 4 سنوات ايه المانع ان يترك المجال لاصحاب التميز العلمي من الملتزمين دينيا حتي لو هم مش تحت اي مسمي سواء اخوان او سلف او غيره
بمعني لو ان النظام السابق كانو ناس متدينين هل كان سيسرق منهم من سرق هل كان سيقتل منهم من قتل هل و هل و هل
دحنا بلد احتلت مرة من الانجليز 70 سنة
و احتلينا من ( الوطنيين ) 60 سنة
هل لا نستطيع تخيل اننا احتمال يغلب علينا الطابع الديني 4 سنوات قادمة و يحتاج منا كل هذه الدعوات للهجوم علي شرعية الاغلبية
طبعا لك كل التحية و القدير
تقبل تحياتي

م.حاتم السباعي

[tamatemo]

هما مش الناس الحلوة دي كانت بتتبطط علينا في التلفزيون ويقوولنا التدوال السلمي للسلطة؟؟؟


ولا هايبقي في مصر حزب الله جديد وسياسة الاحتكام للشارع واستعراض القوة والعضلات


ثما ايه المشكلة في ان المتديين بيتكلموا

ما العلمانيين علي الطرف الاخر بيتكلموا وعاوزين يلغوا حاجت كتير من الدين وبنص صريح من ربنا

مثلا في نقاش علي البي بي سي العربية في اول شهر مارس

كان فيه واحد ناشطة سياسية بتدعو الي الاتي

1- الغاء المادة التانية "مش مشكلتنا سمعناها كتير منهم"
2- الغاء احكام المواريث الاسلامية لانها لا تتناسب مع العصر
3-الغاء معاملات الطلاق الاسلامية واستبدالها بالمعاملات الامريكية في الطلاق والنفقة وحق الزوجة في 50% من ممتلكات الزوج


هيا كانت بتتكلم علي مزاجها محدش جه وقالها لا انتي كافرة انتي ملحدة


دول ناس في اخر اليمين ودول ناس في اخر اليسار لازم هتلاقي بينهم صدامات فكرية

اومال بقي لو كان وسطنا الاحزاب الشيوعية كان حصلنا ايه دلوقتي؟؟؟؟

العلمانين فصيل واحزاب كتير ووراهم اللبيراليين


والجماعات الاسلامية 3 بالكتير اووي واساميهم معروفة فاكيد لازم يبقي فيه هجوم منظم عليهم علشان مايبقاش فيهم نفس للمشاركة السيباسية

[ahmedjumpo]

يا جماعة انا ساكن في منطقة ريفية وشوفت بعيني ما حدش قالي الناس اللي ركبو علي الثورة اللي هما اخواننا دخلوا في دماغ البسطاء ان التصويت بنعم جهاد في سبيل الله وان الدين في خطر وفي احد المناقشات بيني وبين مجموعة من البسطاء محاولة مني توضيح ان هذا الكلام ليس صحيحا فاتهموني والعياذ بالله باني ملحد ليست صريحة ولكن الرسالة وصلت فحسبي الله ونعم الوكيل في من ارتكب هذه الجريمة في حق الوطن وليكن الحزب الحاكم الجديد هو الحزب الوطني الاخواني اللي شعاره الغاية تبرر الوسيلة

للاسف ناس كتير تتحدث عن الديموقراطية و تعتبر انها حرية
و لكن الديموقراطية هى حرية مشروطة بالمسؤلية و الفهم و عدم الكذب و الخداع
فهذه الاساليب فى الخارج مجرمة و اعتقد حادثة بيل كلينتون ليست ببعيدة
اما ما تم اتباعه من بعض منتسبى التيار الاسلامى فهذا و لا ديموقراطى و لا اسلامى
و انهم لاساؤا الى الاسلام بتصرفاتهم المشينة

[wael17]

متفق معكم تماما



اقسم بالله ان الناس دي عايزة تخربها وما يهمها غير مصلحتها ولو الجيش خايف على البلد فعلا المفروض اي حد من الناس دي ينزل يتظاهر يعتقل
يعني لما 77 % قالوا رايهم والبهوات بينادوا بالديمقراطية ما يحترموا الديمقراطية اللى واجعين دماغنا بيها بقة

+1111
لو حد نزل يوم الجمعة يتظاهر ضد نتيجة التعديلات يبقي في ناس كتير فاهمة المظاهرات غلط زي ما قلنا كتير قبل كده...المرة دي هيبقي واضح جدا محاولة الاقلية فرض رأيها علي الأغلبية بالتظاهر و ده انا باعتبره (بلطجة جماعية)...و الجيش لازم يطبق قوانين رادعة ضدهم...حتي لو رسيت علي اعتقال الالاف

[jisso82]

فعلا انا من الناس اللي استفدت من الثورة
فأنا زمان كنت مسالم و حينما كان يتحدث معي احد بهجوم مستفز و غير مبني علي خطأ صادر مني و انما علي سوء ظن منه
و من يوم الثورة و من النقاش مع ناس كتير زيك كده عرفت ان افضل شئ ان الواحد يعمله انه يرد علي كل واحد بما يليق به
اولا _ انا لا اسطح من تفكير احد
ثانيا _ حينما يخرج قبل الاستفتاء و يعلن المرشد العام بأنهم لم يكفرو احد من الذين سيختارو لا و حينما يعرف الناس كلها الشيخ محمد حسان و غيره من العلماء السلفيين او التيارات الاسلامية علي وسائل الاعلام و ينفي اي كذب و ادعاء بهذا و حينما يخطب الشيخ القرضاوي يوم الجمعة من قطر في خطبة الجمعة قبل الاستفتاء و يقول انه سمع كلام من الشيخ المحلاوي بيحمل ان الواجب شرعا هو اختيار نعم و يرفض ذلك و يؤكد بأن الواجب شرعا هو الذهاب للتصويت اما الافضل من وجهة نظرهم كعلماء دين فهو التصويت بنعم اري ان كل القيادات انكرت مثل هذه الادعاءات

أولا شكرا على الألفاظ المستخدمة زى كلمة زيك كده و ترد على كل واحد بما يليق بيه. أنا أولا ما هاجمتكش شخصيا و حتى كلمتى ما تسطحش من فكر حد كانت دفاع عن الناس اللى انت بتهاجمها مش مهاجمة ليك فتانى متشكر لحضرتك استخدام النوعية دى من الألفاظ

ثانيا كلمة الواجب شرعا هو اختيار نعم و من وجهة نظرهم كعلماء دين هو التصويت بنعم معناه إيه من غير أى اجتهاد شخصى أو افتراءات (يا ريت حضرتك اللى تجاوبنى على السؤال ده)
و لما إخوان أون لاين (الموقع الرسمى للإخوان) يتهم مؤتمر صحفى عاملاه جريدة معارضة مستضيفة فيه مجموعة من أنصار لا تتهمهم بإنهم مروجين للفتنة و مدعومين من أمريكا و بعد كده بعد تعليقات القراء يطلع المرشد يعتذر و يشيل الخبر ده تسميه إيه. أنا برده هسيب الإجابة لحضرتك.
ده طبعا غير إن الإخوان من الأول منخرطين فى السياسة و ده معروف لكن الجماعة السلفية عمرها ما كان هدفها السياسة حسب كلامها و حتى عمرو خالد على الرغم إنه من الناس اللى قالت لأ على فكرة برده فجأة بقى سياسى و عايز يرشح نفسه رئيس جمهورية عشان ما تفتكرش إنى بنتقد بس اللى مخالف ليا فى الرأى


ثالثا _ لو انته حاسس انك عايش و سط ناس اغلبهم بيتنصب عليهم بسهولة كده و بيتخدعو في الناس بسرعة كده و ان معظم شيوخ البلد خداعين كده لخدمة اغراضهم السياسية من كلامك ما الذي يدعوك للاستمرار في هذه البلد و ما الذي يدعوك للخوف علي بلد اغلبيتها تراهم كما عبرت عنهم انت الان
و الحمد لله الاغلبية ليست بمثل ما تراه

أنا مش حاسس حضرتك أنا متأكد لأننا شعب متدين أصلا طول عمرنا على مدى العصور و نقبل أى شىء عدى المساس بديننا و ده على كل الأطياف و الأديان سواء مسلمين أو مسيحيين و بعدين حضرتك عارف إن نسبة الأميين فقط فى مصر و الأميين هنا معناها اللى ما بيعرفوش يقروا و بكتبوا حوالى 20% طبعا ده غير التعليم الصناعى و المتوسط و اللى ما كملش و حتى خريجى الجامعة اللى طلعوا زى ما دخلوا و أعتقد إنك عارف نظام التعليم فى مصر أما إنى أخاف على البلد و أفضل قاعد فيها رغم كل ده فأعتقد دى حاجة تخصنى لوحدى ما حدش له إنه يحاسبنى لمجرد إنى بنتقد أوضاع سيئة فى بلدى أنا قاعد فيها ليه أو مستحملها ليه و رغم كده هجاوبك لأنى عندى أمل الأوضاع دى تتغير و الأمل ده كبر جدا بعد الثورة اللى اتحقق فيها حاجة كنا فاكرينها مستحيلة فأنا مؤمن دلوقتى إن وعى الناس و إدراكهم هيزيد يوم بعد يوم و إذا كنا خسرنا أول جولة فى الديموقراطية لأن مش كل الناس اتكلمت من دماغها فهييجى اليوم إن شاء الله اللى الأغلبية هيبقى لها رأيها و تتكلم بفكرها فقط بدون تأثير من حد أيا كان نوعه أما كلمة الأغلبية ليست بما آراه فكل واحد حر فى رأيه أنا ما بحجرش على رأيك و لا من حقك تحجر على رأيى

منتظر الرد بموضوعية لان من هنا ورايح الناس هتعرف مين اللي بيجادل و مين اللي همه الوصول لنقاش بناء يهدف اولا و اخيرا للارتقاء بمستوي تفكيرنا و ان نستفيد من النقاش و كل منا يفيد الاخر
منتظر الرد بموضوعية

م.حاتم السباعي

أعتقد إنى رديت بموضوعية و ضبط نفس على قد ما قدرت قصاد الموضوعية اللى حضرتك اتكلمت بيها سواء فى الأسلوب أو الألفاظ

[human]

هوه لازم نتخانق و حد يزعل التانى
انا خلاص بيجيلى احباط

هو احنا مش كلنا اخوات و همنا مصر و كل باختلاف طريقته؟؟

ليه فى الاخر بنزعل و بنقول كلام يزعل اللى قدامنا

[ahmed_oth]

بالرغم من انى من من قالو لا الا انى لااحترم التشكيك والأتهامات مع انى من طبيعتى الشك فى الأمور المعقده ومؤمن بنظريه المؤامره وذلك لأنى ارى ان اللجان كانت فى منتهى الشفافيه وانها نتيجه عادله واذا كان كما يقول البعض ان الأخوان نجحو فى توظيف شعارهم الدائم بالصبغه الدينيه فهؤلاء نجحو فماذا فعلت انت خلال العقود الماضيه للمحاوله للظهور على الساحه فاعلينا احترام رأى الأغلبيه مهما كانت النتيجه علما بأننا قد نتضرر اذا كان ما اختاروه هو الخطاء بعينه ولكن هذه هى الديمقراطيه التى نناشدها
اعلن انى من اعطو صوتهم بلا ولكنى متقبل النتيجه بصدر رحب لأنى لم ارى اى من مما يقوله البعض فكما كان يوزع الأخوان منشورات بالحس على نعم فكان هناك منشورات توزع بالحس على لا وكلا منا حكم عقله وكان له وجهه نظر وذهب وادلى بصوته بناء على قناعه فأذا كنت لا تملك مكونات القدره على اقناع الغير فهذا عيب فيك انت وليس فى الناس فهم لهم من يقدر على اقناعهم وغزو عقولهم وهذه هى السياسه فأذا لم تكن لديك القدره على الأقناع فلا تلوم الا نفسك
خالص احترامى للجميع
كلامى على المستوى العام ولا اوجه كلامى لأى شخص او عضو

عين العقل

[ahmed_oth]

+1111
لو حد نزل يوم الجمعة يتظاهر ضد نتيجة التعديلات يبقي في ناس كتير فاهمة المظاهرات غلط زي ما قلنا كتير قبل كده...المرة دي هيبقي واضح جدا محاولة الاقلية فرض رأيها علي الأغلبية بالتظاهر و ده انا باعتبره (بلطجة جماعية)...و الجيش لازم يطبق قوانين رادعة ضدهم...حتي لو رسيت علي اعتقال الالاف

الى الامام الى الامام
ثوره ثوره
اعتقال اعتقال

[A.Saad]

اللى انا شايفه ان مينفعش حاجة اسمها ديمقراطية لكن على اساس ان المشاركين فيها بينتموا لتيارات دينية او تتخذ الديانة الواحدة اساس لتجمعها
يعنى ما ينفعش يبقى فيه حزب دينى
لان الاختلاف هنا قبل ما يكون اختلاف فى الراى السياس هيكون اختلاف فى العقيدة
واللى بيحصل فى مصر ان المنتمين لتيارات دينية بيحاولوا يستغلوا الدين فى مصلحتهم
واللى شايف ان يكون فيه مظاهرات لرفض الاستفتاء يبقى ديكتاتورى
وموضوع نستنى علشان الاخوان والحزب الوطنى هيكسبوا
يبقى كنا انتظرنا وماتعملش مظاهرات وطالبناش بحاجة مستنيين الحزاب اللى لسه هيفكروا يعملوها

[otefa]

دول آخر ناس يتكلموا على الديمقراطية

سبحان من بيظهر الحق في يومها

اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه

نصيحة لمن سيخرج إلى الميادين العامة للتظاهر.
اعلم أنك بمظاهرتك لن تكون ضد الحكومة أو الجيش.. وإنما ضد غالبية الشعب الموافقة على الدستور.. أنت بذلك تفقد شرعيتك داخل الدولة وستندرج أفعالك تحت مسمى أعمال الشغب المناهضة لرغبات الشعب.. وحينها لن يرحمك الجيش ولن يتعاطف معك أحد.
اللهم إني قد بلغت اللهم فاشهد..

+1
المذيعة أمبارح على ال otv كانت شوية وهاتعيط من النتيجة........منتهى الديكتاتورية والتوجيه لمصالح خاصة واضحة للعيان

[human]

للتوضيح
الموضوع بتاع التظاهر ده المقصود به قبل الاستفتاء وليس بعد الاستفتاء
يا ريت نتحرى الدقه قبل الهجوم و توزيع الاتهامات
و شكرا

[otefa]

دعت الجمعية الوطنية للتغيير والبرلمان الشعبي وجبهة دعم الثورة الاحد جموع الشعب المصري بكل أطيافه إلى التظاهر يوم الجمعة القادم في الميادين العامة وفي مقدمتها ميدان التحرير لإعلان رفض تعديلات بعض مواد الدستور القديم ( دستور 1971 )، مشيرين إلى أن هذه التعديلات التي أجرتها اللجنة القانونية تحمل في طياتها كثيرا مما يفسد بعض ايجابياتها.وذكر بيان مشترك أن أهم تلك العيوب إنها تعديلات تعيد الاعتراف بالدستور القديم الذي سقط مع رحيل الرئيس السابق حسن مبارك ،وإن الدستور القديم به 39 مادة تسهل عودة الاستبداد إذا أراد الرئيس الجديد فور انتخابه الانقضاض على مكاسب الثورة واستعادة النظام الدكتاتوري الذي يجعله حاكما بسلطات إلهية.
واضاف البيان أن التعديلات تعطي الرئيس صلاحية تعيين نائب له لايأتي بالانتخاب، وقد يؤدي ذلك لتعيين أحد أبناء الرؤساء أو أحد أقاربه نائبا له ، كما أن تلك التعديلات تمنح أعضاء هيئة قضايا الدولة التي تدافع عن الحكومة والنيابة الإدارية الخاضعين لوزير العدل الذي يمثل السلطة التنفيذية سلطة الإشراف على الانتخابات وفرز الأصوات، وما يترتب عليه من انعدام الاستقلالية والخضوع للسلطة وزير العدل.
وأشار البيان إلى أن التعديلات أبقت على مجلس الشورى رغم عدم أهميته وترك للرئيس القادم تعيين ثلث أعضائه مما يجعله تابعا له ، كما إن البرلمان الذي سينتخب في شهر يونيو المقبل ويقوم على أساس التعديلات الحالية لن يعبر عن قوي الثورة الجديدة وأشواقها في الحرية والعدالة والكفاية، بل يعبر عن الـ 50% المزيفة باسم العمال والفلاحين ولا يمثلهم وسيقتصر على الأحزاب والجماعات القديمة وحدها بما في ذلك الحزب اللاوطني الذي أفسد الحياة السياسية.
وكان المستشار محمد عطية رئيس اللجنة القضائية العليا المشرفة على الاستفتاء بمصر قد اعلن مساء اليوم الاحد أن أغلبية بلغت نسبتها 2ر77 % من المصريين وافقت على التعديلات الدستورية.
للاسف نفس فكر الحزن الوطني وفكرة الوصايه علي الغير
الكل بقي عبده مشتاق

رابط المشاركة
للتوضيح
الموضوع بتاع التظاهر ده المقصود به قبل الاستفتاء وليس بعد الاستفتاء
يا ريت نتحرى الدقه قبل الهجوم و توزيع الاتهامات
و شكرا

[otefa]

http://www.nilemotors.net/Nile/208286-a.html

[derinyym]

انا مش عارف ياجماعة احنا بنتكلم فى ايه
اولا انا قلت لا للتعديلات الدستورية علشان عايز دستور جديد يحد من صلاحيات رئيس الجمهورية بس طالما الناس اجمعت على التعديلات الدستورية يبقى لازم ياجماعة احترم راى الاغلبية
ثانيا عايز اقول ان مفيش حد وصى على حد يعنى ماتقولش ان الناس مش عارفة مصلحتها والاخوان ضحكوا عليهم لان ده كلام مش مقبول وخد بالك ده نفس كلام نظام مبارك ونظيف لو حدفاكر
ثالثا ليه اللى معترض على راى الشعب فاكر ان هو الوحيد اللى فاهم مش فيه احتمال تكون مخطئ وبعدين سيب الشعب يحدد مصيره بنفسه وما تفرضش عليه رايك بالعافيه
ده مجرد راى والله الموفق

[otefa]

انا مش عارف ياجماعة احنا بنتكلم فى ايه
اولا انا قلت لا للتعديلات الدستورية علشان عايز دستور جديد يحد من صلاحيات رئيس الجمهورية بس طالما الناس اجمعت على التعديلات الدستورية يبقى لازم ياجماعة احترم راى الاغلبية
ثانيا عايز اقول ان مفيش حد وصى على حد يعنى ماتقولش ان الناس مش عارفة مصلحتها والاخوان ضحكوا عليهم لان ده كلام مش مقبول وخد بالك ده نفس كلام نظام مبارك ونظيف لو حدفاكر
ثالثا ليه اللى معترض على راى الشعب فاكر ان هو الوحيد اللى فاهم مش فيه احتمال تكون مخطئ وبعدين سيب الشعب يحدد مصيره بنفسه وما تفرضش عليه رايك بالعافيه
ده مجرد راى والله الموفق